2 Timóteo 4

Mbeɗe sáka kuni fie (XUO) vs NVT

NVT Nova Versão Transformadora

¹ Mì koɗ mù ŋgɔ-ŋgɔŋ ká pol Ŋgɛrɛwṵru ɓáy Zezu Krisi, ɓe káʼa kúŋ sal ɓay zuɔ tul nzoɓ káw ɓáy kumnunri ɓáy nzoɓ huɗeri. Rɔɓay, mì koɗ mù, ɓay ḭi lɛ, ɓe na kaʼa yḭ́i a ví re mbay.

¹ Eu lhe digo solenemente, na presença de Deus e de Cristo Jesus, que um dia julgará os vivos e os mortos quando vier para estabelecer seu reino:

² Mu ka-káa Ɓay Kere na a mú ŋgṵ sḭw ká ɗi ɓáy ɓil nam ka ɓa kere nda̰w, ɓáy ɓil nam ká ŋgɔ-ŋgɔŋ nda̰w pi. Mu yḭw ri ká tul fe ɗáa ka̰aya ɓari nda̰w, mú tuŋ ri ká ɗi ŋgereŋ nda̰w, mú ɓo ri nda̰w, a mú fére ri fe na ɓáy íki law ɓaŋguɔ,

² pregue a palavra. Esteja preparado, quer a ocasião seja favorável, quer não. Corrija, repreenda e encoraje com paciência e bom ensino.

³ ɓay ḭi lɛ, nam káʼa vika vuku na, nzoɓri ti híi ɓay láa fe fére taa tusuɛke na mbǎa. I ɗáa kɔn fe ká law-ri kḭ hɔy ze hii. Ɓe mini ze, i ɗúu fal ruɔ nzoɓ fe féreri ha ri fere ri fe ká kɔnke ɗaa ri ɓay haŋa ri laa ɓayke.

³ Pois virá o tempo em que as pessoas já não escutarão o ensino verdadeiro. Seguirão os próprios desejos e buscarão mestres que lhes digam apenas aquilo que agrada seus ouvidos.

⁴ I mbii suku-ri diɓ ká tul tusuɛ ɓay na, a í mbi sùo-ri ɓay láa soro fe taa gɔɓ gɔɓkeri.

⁴ Rejeitarão a verdade e correrão atrás de mitos.

⁵ A roo lɛ, ɓo na, mu nzɛ ɓáy sùo-ɔ ká tul feri riw bele, mú sṵu law-a ká ɓil kɔ́kɔ sɛkɛ feri, mú ɗáake peɗ ɓo ká ɓa káa Ɓay Kere na, mu ɗaa ha̰ ni ka ɔ ɓáy zaɗɛ nzɛɗɛm.

⁵ Você, porém, deve manter a sobriedade em todas as situações. Não tenha medo de sofrer. Trabalhe para anunciar as boas-novas e realize todo o ministério que lhe foi confiado.

⁶ A ɓi lɛ, sa̰w síe haŋa mì mbi sùo-i ɓa *fe poy na tɔ̀ŋ deɓ hɔy ro. Nam huɗ ɓi na vi ro.

⁶ Quanto a mim, minha vida já foi derramada como oferta para Deus. O tempo de minha morte se aproxima.

⁷ Mì ru-ruy taa tusuɛke na ɓáy kere, mí ɗuu kpṵru tḭi gbṵke; tusuɛ ɓay ká se tul mbika law na, mì kɔrɔ ɓaŋguɔ.

⁷ Lutei o bom combate, terminei a corrida e permaneci fiel.

⁸ A timbɛɗɛ key na, fe tunduo ruy na ɗo giyaŋ mì: ɓa taguɓa ká ɗo ɓay tul nzoɓri ká ɓay naa ká tul-ri, ká Ŋgɛrɛmbay Nzoɓ Kúŋ Sal Ɓay ɓáy zaɗɛ a haŋa mì ká síeke na ku. Káʼa haŋa mì ɓi huo-i hɔy ya, roo lɛ, a haŋa nzoɓri riw bele ká i giyaŋ kurum ká síe yḭ́i ɓe na.

⁸ Agora o prêmio me espera, a coroa de justiça que o Senhor, o justo Juiz, me dará no dia de sua volta. E o prêmio não será só para mim, mas para todos que, com grande expectativa, aguardam a sua vinda.

⁹ Mu ɗaa hṵrusuo-ɔ tuŋ kḭ mú ví ziŋ mì ɓa vaa,

⁹ Por favor, venha assim que puder.

¹⁰ ɓay ḭi lɛ, Demas pɔŋ mì ɓay tul kɔn feri ká tusiri, a zɔl ɓa Tesalonik. Kresa̰n zɔl ɓa kuɗu zaɗ ká Galasi, a Tite laa lɛ, zɔl ɓa Dalmasi,

¹⁰ Demas me abandonou, pois ama as coisas desta vida e foi para Tessalônica. Crescente foi embora para a Galácia, e Tito, para a Dalmácia.

¹¹ ɓa Luku huo-ɛ hɔy ze ɗo ziŋ mì key. Ze ví ɓo lɛ, mu sùu Marki ha̰ ni ka vi ziŋ mù, ɓay ḭi lɛ, a sɔ́kɔ mì ká ɓil peɗ ɓi ɓáy.

¹¹ Apenas Lucas está comigo. Traga Marcos com você, pois ele me será útil no ministério.

¹² A Tisik laa lɛ, mì pie ni ɓa Efɛz.

¹² Enviei Tíquico a Éfeso.

¹³ Zaɗka mù ɗo vika lɛ, maagari teɗ ɓi ká mì pɔŋ ɓo Toras ká luo Karpus na, mu mbi kɛk ɗo nduo-ɔ mú víke ha̰ mì. Mu fa̰a mbeɗe ɓiri hɔy kara nda̰w, kakalke lɛ, ha̰yri ká ɓa huɔ ká i vbie fe ɗo ɗi na.

¹³ Quando vier, não se esqueça de trazer a capa que deixei com Carpo, em Trôade. Traga também meus livros e especialmente meus pergaminhos.

¹⁴ Alezandere ká ɓa nzoɓ tuo fe na, ka ɗaa ka̰aya ziŋ mì ŋgḭi ɓamba, roo lɛ, Ŋgɛrɛmbay a púo ni fe tunduo ɓe ɓáy.

¹⁴ Alexandre, o artífice que trabalha com cobre, me prejudicou muito, mas o Senhor o julgará pelo que ele fez.

¹⁵ Ɓo kara, mu nzɛ ɓáy sùo-ɔ ɓay tul-e, ɓay ḭi lɛ, ka tuŋ fe fére ɓuru na ŋgereŋ ɓa fal.

¹⁵ Tome cuidado com ele, porque se opôs fortemente a tudo que dissemos.

¹⁶ Ɓáy titire ká mì kaw pol nzoɓ kúŋ sal ɓay, ɓay fɔ́ŋ ɓay ɓi na, nzoɓri riw bele pɔŋ mì. Nzoɓ mbḭw mini kara ɗo fal gaŋ ɓi ya. Ndaɗ ɓay haŋa Ŋgɛrɛwṵru ka naa ɓayke ká tul-ri.

¹⁶ Na primeira vez que fui levado perante o juiz, ninguém me acompanhou. Todos me abandonaram. Que isso não seja cobrado deles.

¹⁷ Ze nzoɓri pɔŋ mì hɔy kara, Ŋgɛrɛmbay ɗo ziŋ mì, a ha̰ mì hṵrusuo ha̰ mì káake káa Ɓay ɓe na ha̰ nzoɓri riw bele ká i ɓa sa̰w Ziɓ ya na i laa. Ɓe na ze ka tina mì saa nzaa mbaki.

¹⁷ Mas o Senhor permaneceu ao meu lado e me deu forças para que eu pudesse anunciar as boas-novas plenamente, a fim de que todos os gentios as ouvissem. E ele me livrou da boca do leão.

¹⁸ Ɓa ɓe na kḭ ze, a tína mì ká ɓil fe sɛkɛri ká ɓáy riŋ-ɛ ɓoɗ ɓoɗ riw bele, a ha̰ mì tḭi ká ɗi yororoŋ, a ɗáa mì kaw puoruo ɓe ká nulue. Riŋ ɗika ɓa taa ɓe mbiimbam ɓáy mbiimbam ɓaŋguɔ! Amɛm! Ndaɗ ɓay haŋa ni ka ɗo munu na kḭ!

¹⁸ Sim, o Senhor me livrará de todo ataque maligno e me levará em segurança para seu reino celestial. A Deus seja a glória para todo o sempre! Amém.

¹⁹ Hii soko ha̰ Prisil ɓáy Akilas, rɔɔ nzoɓ ɓil hul Onesifɔri nda̰w pi.

¹⁹ Envie minhas saudações a Priscila e a Áquila e à família de Onesíforo.

²⁰ Erasi kaw Kɔrɛ̰te, a mí pɔŋ Torofim ká sùo-ɛ sɛ ni sɛ na ɗo Mile.

²⁰ Erasto ficou em Corinto, e deixei Trófimo doente em Mileto.

²¹ Mu ɗaa hṵrusuo-ɔ tuŋ kḭ mú vi ɓa vaa pola nda̰w rɔɔ, lew teɗ ka vi ɓáy. Ebulus nda̰w, Pudan nda̰w, Linusi nda̰w, Kolodiya nda̰w, rɔɔ ɓáy yṵ naari riw bele ká i ɗo key na, i hii soko ha̰ mù.

²¹ Faça todo o possível para estar aqui antes do inverno. Êubulo lhe manda lembranças, e também Prudente, Lino, Cláudia e todos os irmãos.

²² Ndaɗ ɓay haŋa Ŋgɛrɛmbay ka sáɗ ziŋ mù. Ndaɗ ɓay haŋa law huoke Ŋgɛrɛwṵru ka sáɗ ziŋ rì riw bele.

²² Que o Senhor esteja com seu espírito. E que a graça esteja com todos vocês.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar 2 Timóteo 4, comparar traduções ou montar um estudo — tudo direto pelo WhatsApp.

💬 Explicar 2 Timóteo 4 no WhatsApp Sobre a Bíblia com IA →