Atos 22
urim (URIM) vs NVI
1 Tu wrong kin a kipman pa anel elng tatar itna pa, Pol lanaken la, “Kipm yantin, a wusok wusok, a wail wail alkupm pa, kipm awiyopm paipm la kolen kupm antokg paipm. Pake kipm itning kupm la laron nikepm ngko wunong, eng kipm itning kupm ake antokg paipm ur pa, kalpis.”
1 "Irmãos e pais, ouçam agora a minha defesa".
2 Tu atning a Pol kil ak ok Ipru, ok anongen alntu pa lanaken kolpa atom tu anel tatar elng nungkulkg a tu pa wrak itna eng atning oklala a Pol lanaken pa.
2 Quando ouviram que lhes falava em aramaico, ficaram em absoluto silêncio. Então Paulo disse:
3 ”Kupm ti pa, kupm melnum a Suta, man pikekg rakuwopm rpma anong Tarsus a anong kanokg Silisia. Pake kupm am wrekg wail itna anong wail Serusalem tike. Kupm am pikekg Kamaliel pa aro wonelopm kaling plantopm pake. Kil kaling plantopm yangkipm titnongket a tu mamikg mamin mansan amentepmen pa la kupm kutnun kitila riworwor kimek kimek. Kupm am pikekg kol kipm pake. Kupm pikekg nikgwalpm arkekgen itna kalnten alok tu eng la kutnun yangkipm a Maur Wailen pa riworwor, kol a kipm ti ak ak ak wang tike.
3 "Sou judeu, nascido em Tarso da Cilícia, mas criado nesta cidade. Fui instruído rigorosamente por Gamaliel na lei de nossos antepassados, sendo tão zeloso por Deus quanto qualquer de vocês hoje.
4 Wa kupm melnum pikekg awi wrongmanto lan tu melnum a katnun ya a Sisas kol kupm katnun kil, atom kupm almpen amo. Wa kupm yapowen awiyen kimeket kin kipmanen ayewen kawor rpma wan tipmining pa.
4 Persegui os seguidores deste Caminho até a morte, prendendo tanto homens como mulheres e lançando-os na prisão,
5 Ti mpa melnum tukgunakg ipma krakgen a itna ep a tu ipma krakgen, wa tu mring man wailen wailen a ikgalen mentepm wrong kin kipman pa, mpa wa tu pa lanikepm yat. Tu pa pikekg nira wrkapm wompel alkopm la kupm iye kaino Tamaskus pa uk tu wail wail, a muikgmayen, a mantin yantin amentepmen a rka kaino pa. Wrkapm wompel pa la la kupm rkul ngkuten wampel tu melnum a ukipma katnun ya wa Sisas ti, atom iyewen kulnar Serusalem ti, eng mpa tu pa lken wleket.”
5 como o podem testemunhar o sumo sacerdote e todo o Conselho, de quem cheguei a obter cartas para seus irmãos em Damasco e fui até lá, a fim de trazer essas pessoas a Jerusalém como prisioneiras, para serem punidas.
6 Pol kil oklala kolpa kai la, “Kupm pikekg angkom kolpa kaino, kaino wreren Tamaskus ti pa, kupm tutusraing paipm ari wakg klalen wail angkaino kitnong ti kulnar plaing alentopm wail ak ran takgni wail a no pirng.
6 "Por volta do meio-dia, eu me aproximava de Damasco, quando de repente uma forte luz vinda do céu brilhou ao meu redor.
7 Kupm angko elng kinar kanokg ti, a kupm atning ok ur pa akwe nang a kupm Sol ti la, 'Kupm, kupm! Antokg kolai atom kitn or ungkwan uk wleket kupm ti?'
7 Caí por terra e ouvi uma voz que me dizia: ‘Saulo, Saulo! por que você está me perseguindo? ’
8 Atom kupm asentel la, 'Melnum wailen, kitn mla?' Ari kil la, 'Kupm Sisas a Nasaret a kitn ungkwantopm oropm alkopm wleket pa.'
8 Então perguntei: Quem és tu, Senhor? E ele respondeu: ‘Eu sou Jesus, o Nazareno, a quem você persegue’.
9 Tu melnum a antiwopm pa, tu ari klalen ti kolti tuwa, tu ake wa atning ok a melnum ur a akwewopm pa.
9 Os que me acompanhavam viram a luz, mas não entenderam a voz daquele que falava comigo.
10 Atom kupm asen la, 'Wailen, ti mpa kupm ntokg kolai?' Ari wa Wailen kil pa lanakopm la, 'Wrekg kaino Tamaskus pawo! Melnum ur a rpma kaino anong pa, mpa lanikeitn kwap wrongkwail a ak namputeitn itna la ikga kitn ik pa.'
10 "Assim perguntei: Que devo fazer, Senhor? Disse o Senhor: ‘Levante-se, entre em Damasco, onde lhe será dito o que você deve fazer’.
11 Klalen akilen pa klalen wakget paipm ai wuten plaing kul kaporopm wulmpa, atom kupm ake antiwe ari kwei ur, ti ake antiwe mpa kupm ri ya pa. Atom tu melnum a antiwopm pa tu wamparpmewopm aye kaino Tamaskus ai.
11 Os que estavam comigo me levaram pela mão até Damasco, porque o resplendor da luz me deixara cego.
12 Tu ayewopm kaino rpma kaino Tamaskus pa. Atom melnum ur a tu namput la Ananias pa rpma. Kil pa melnum ute wor a orngwatneikgen Maur Wailen, a kil melnum a katnun yangkipm titnongket pa yek kimeket ariworwor. Atom tu Suta wrongkwail a rka kaino anong pa, tu ari kaporng yangkipm la kil pa melnum wor.
12 "Um homem chamado Ananias, piedoso segundo a lei e muito respeitado por todos os judeus que ali viviam,
13 Kil wrekg kul ariwopm, atom kil kul itna wrerentopm kolti, kil la kul kupm ti la, 'Kupm! Wulmpa akitnen pa kitnangku ri kweikwei tiwo!' Atom ak wang ketn pa wulmpa akupm pa palng wor ari kweikwei, atom kupm ariwel.
13 veio ver-me e, pondo-se junto a mim, disse: ‘Irmão Saulo, recupere a visão’. Naquele mesmo instante pude vê-lo.
14 Atom wa kil wa lanakopm la, 'Maur Wailen amentepmen a tu mamikg mamin, mansan amentepmen katnun pa, pikekg takweiyeitn la kil ikga planteitn kweikwei wraur kil: la kitn uwi riwe nikgwalpm wasrongen wrongkwail akilen, a la kitn ri Melnum Ute Wor akilen a kil awi wor lawel, a la ikga kitn itning yangkipm kai ok a kil alkil pa lanikeitn.
14 "Então ele disse: ‘O Deus dos nossos antepassados o escolheu para conhecer a sua vontade, ver o Justo e ouvir as palavras de sua boca.
15 Ti kitn pa melnum ur a kil takweiyeitn, la ikga kitn laron kuina ur akilen a kitn atning a ari pa, iye kai yela niki tu wrong kin a kipman pa la pa aklale.
15 Você será testemunha dele a todos os homens, daquilo que viu e ouviu.
16 Ti kitn rpma nungkwangen kuina? Kitn wrekg o! Kitn ukwen nang akilen pa, eng mpa kil ngklinseitn. Kitn kai eng tu kulukeitn, eng mpa ungkwan paipmpaipm a pikekg kitn antokg pa.'”
16 E agora, que está esperando? Levante-se, seja batizado e lave os seus pecados, invocando o nome dele’.
17 Pol kil wa lanaken kolpa la, “Kupm wa atnuurng Tamaskus pa yaper nar Serusalem ti pa, kupm kawor oklala naki Maur Wailen itna yipmingki wunen a yalming a Maur Wailen pa itna, ari nol nikgwalpm wulmpa akupmen pa aner kai titnowen kolti,
17 "Quando voltei a Jerusalém, estando eu a orar no templo, caí em êxtase e
18 atom kupm ari Wailen pa palng lanakopm la, 'Kitn wrekg itatu utnuurng Serusalem ti kai o! Tu melnum a rka ti pa, ikgake tu itning ukipma yangkipm a kitn laron kupm ti naken pa.'
18 vi o Senhor que me dizia: ‘Depressa! Saia de Jerusalém imediatamente, pois não aceitarão seu testemunho a meu respeito’.
19 Ari kupm akalmpe kai Wailen pa la, 'Tu ikga itningkopm pa. Tu wrong kin a kipman kil pa tu ariwe a pikekg kupm kai atn yela tatu wan a men atning atning yangkipm a Maur Wailen atne pa, oren anelen melkg uk wleket tu a ukipma kitn pa, atom awiyen aye kai rpma wan tipmining pa, kolen a pikekg tu alntu pa ak pa.
19 "Eu respondi: Senhor, estes homens sabem que eu ia de uma sinagoga a outra, a fim de prender e açoitar os que crêem em ti.
20 Wa ak wang a pikekg tu akwesel Stipen pa amo atnen a kil laron nang akitnen ti pa, kupm pikekg itna ari awi wor. Wa apm a tu melnum a pikekg la ikweselel pa, am pikekg tu aner ermpa nepm akupmen tike, atom kupm ti ikgalen atnen itna tike.'
20 E quando foi derramado o sangue de tua testemunha Estêvão, eu estava lá, dando minha aprovação e cuidando das roupas dos que o matavam.
21 Ari Wailen kil nakopm la, 'Kitn kai o! Kupm mpa ukwaweitn kai anong yawatinet ur ai a tu a ake a Suta pa.'”
21 "Então o Senhor me disse: ‘Vá, eu o enviarei para longe, aos gentios’ ".
22 Tu wrong kin kipman wailet tu itna atning yangkipm a Pol kil la kolpa kaingkai, tu atning ok wris ur a Pol kil namput la la Maur Wailen la ukwawel kai eng tu a ake a Suta pa pipa, tu ipma wrekg kraraitn plalplal mainmain wli pa wli pa la, “Ilm or ungkwan melnum a kolpa imo kai ai tukuleikgen kanokg ti!”
22 A multidão ouvia Paulo até que ele disse isso. Então todos levantaram a voz e gritaram: "Tira esse homem da face da terra! Ele não merece viver! "
23 Nikgwalpm a tu pa wakget kungkruwis paipm wrisen karken oklala pa, atom tu plalplal mainmain kolpa itna, wamparpme kangku aner apm atuwen ti angkli, a wa angkwol kanokg ningkrapm ti angkli elng kaino kwa wai.
23 Estando eles gritando, tirando suas capas e lançando poeira para o ar,
24 Atom melnum a itna ep ikgalen tu melnum a almpwrong pa alken yangkipm titnongket, la tu uwi Pol pa iye kawor wan anong a tu melnum a almpwrong arke pa, la tu ik ampei pa ntrawel, a la tu isen ikor yangkipm yiprokgen na atom tu wrong kin kipman plalplal mainmain eng kil ti kolpa.
24 o comandante ordenou que Paulo fosse levado à fortaleza e fosse açoitado e interrogado, para saber por que o povo gritava daquela forma contra ele.
25 Atom tu aye Pol pa aye kawor yapo nepm wampel elngtirmpa plalng pipa, tu la ik ampei pa ntrawel. Ari kil ari melnum a itna arkekg melnum a itna ep pa itna wrerentel ti atom kil asentel la, “Yangkipm titnongket pa lanakepm la kipm ntokg mentepm almentepm anong yiprokg a Rom ti koltike? Kol a kipm iyewopm iye kai mentepm ntokg yangkipm pa ep, la kupm ntokg paipm ur pipa, kipm ik ampei pa ntrawopm om.”
25 Enquanto o amarravam a fim de açoitá-lo, Paulo disse ao centurião que ali estava: "Vocês têm o direito de açoitar um cidadão romano sem que ele tenha sido condenado? "
26 Melnum a itna arkekg melnum a itna ep pa, kil atning a Pol la kolpa atom kil wa kai lanaki melnum a itna ep pa la, “Kitn ari a kitn antokg melnum pa kolpa, la pa kitn ak wor aki? Kil pa am mentepm almentepm kanokg yiprokg a Rom tike!”
26 Ao ouvir isso, o centurião foi prevenir o comandante: "Que vais fazer? Este homem é cidadão romano".
27 Melnum itna ep pa kil atning kolpa atom kil kai asen Pol pa la, “Kitn lanikopm kitn alkitn ti riworwor ri, kitn ti anong yiprokg a kitn ti Rom aki?” Ari Pol akalmpe la, “Ei, anong yiprokg akupmen am Rom pake.”
27 O comandante dirigiu-se a Paulo e perguntou: "Diga-me, você é cidadão romano? " Ele respondeu: "Sim, sou".
28 Atom melnum itna ep a almpwrong pa la, “Kupm ti pa, kupm armpen marpm wail uk tu Rom, atom kupm palng anong yiprokg a Rom ti.” Ari Pol pa akalmpe la, “Kitn pa armpen pake, a kupm ti pa mansan pa awi nang nampokgen Rom atom angket kupm tike, atom kupm ti am a Rom pake.”
28 Então o comandante disse: "Eu precisei pagar um elevado preço por minha cidadania". Respondeu Paulo: "Eu a tenho por direito de nascimento".
29 Tu melnum wet la mpa ik ampei pa ntrawel pa, tu anel atning kolpa atom tu ngkark atnuurngkel meen kolti kai. Wa kil alkil melnum a itna ep pa wa ngkark yat, eng kil wet lanaki tu yapo nepm wampel Pol, melnum a anong yiprokg a Rom pa.
29 Os que iam interrogá-lo retiraram-se imediatamente. O próprio comandante ficou alarmado, ao saber que havia prendido um cidadão romano.
30 Melnum a itna ep ikgalen tu melnum a almpwrong pa, kil am wasrongen la ikor yiprokgen kuina ur a tu Suta arki Pol pa riworwor. Atom or kong pa, kil la tu anelkgen ampei pa takwuleikgen nepm wam a Pol pa. Atom kil akwe tu melnum ipma krakgen itna ep a Maur Wailen, a tu mring man wailen wailen wrongkwail a Suta pa, tu wli rka wris pa, kil awi Pol pa kai kinar itna kinar wulmpa a tu pa antokg yangkipm pa.
30 No dia seguinte, visto que o comandante queria descobrir exatamente por que Paulo estava sendo acusado pelos judeus, libertou-o e ordenou que se reunissem os chefes dos sacerdotes e todo o Sinédrio. Então, trazendo Paulo, apresentou-o a eles.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Atos 22, comparar traduções ou montar um estudo — tudo direto pelo WhatsApp.