1 Ay Buxačux, şip' ma çurpa,
2 Běğa Vi düşmənxo hetərt'un ěqeśe,
3 Gireśi Vi azuk'a pisluğbseynak' əyitət'un sabsa,
4 "Tumexun əfçibalyan me azuk'a,
5 İçoğoy fikir sane me gireśit'oğoy,
6 Edomluyox q'a ismailluyox,
7 Gevalluyox, ammonluyox, amalegluyox,
8 Hələ aşurluyoxal şot'oğoy tərəfe c'ovake,
9 Midyanluğoy ğina bada şot'oğo,
10 Barta En-Dora k'as'eśi barit'oğollarik'q'at'un baki,
11 Oreva q'a Zeeva ak'est'i ğina şot'oğoy s'ilat'oğoval ak'est'a,
12 "Buxačuğoy İz sürünə otarişala oç̌alxo beş kiyel badalyan" piyoroxe şorox!
13 Muşen ěqevk'ala toz,
14 C'ələy arux baft'i usum bok'ala k'inək',
15 Haq'a şot'oğoy pula Vi zorba muşen.
16 Biyaburba şot'oğo,
17 Barta içoğoy ömürin axıral śirik' ç̌omə̌yin mandi ot'p'eq'at'un,
18 Barta Va, İz s'i \+w Q'ončux\+w* bakalt'u çalxeq'at'un,