Êxodo 10
PATHEN LEKHABU THENG (TCZCHONGTHU) vs NVI
NVI Nova Versão Internacional
1 Chuin Pakaiyin Mose heng'a aseijin, “Pharaoh heng'a chekit inlang, ga seikit tan. Keiman ama leh asohte ho lungthim ka suhtah ahin, melchihna hicheng jouse hi kakilah sah ding ahi,” ati.
1 O Senhor disse a Moisés: "Vá ao faraó, pois tornei obstinado o coração dele e o de seus conselheiros, a fim de realizar estes meus prodígios entre eles,
2 “Chule nangman jong na chapa te leh natupate jah a ichan geija kagim sah uva chule melchihna tampi kamu sah uve ti na jahsah theina diuva kasei ahiye. Nangho jengin jong keima hi Pakai kitipa chu kahi ti nahet doh jeng diu ahi,” ati.
2 para que você possa contar a seus filhos e netos como zombei dos egípcios e como realizei meus milagres entre eles. Assim vocês saberão que eu sou o Senhor".
3 Mose leh Aaron jong Pharaoh heng'a ache lhonin asei lhon tai, “Hebrew mite Pakai, Pathen'in hiti hin aseiye: Itih chan ka-angsung'a kun ding da nahi tam? Keima kin agabolna ding uvin, kamite soldoh tan.
3 Dirigiram-se, pois, Moisés e Arão ao faraó e lhe disseram: "Assim diz o Senhor, o Deus dos hebreus: ‘Até quando você se recusará a humilhar-se perante mim? Deixe ir o meu povo, para que me preste culto.
4 Nanop louva ahile, vetan! Jing nikho tengleh na gamsung'a khaokho te kahin lansah ding ahi.
4 Se você não quiser deixá-lo ir, farei vir gafanhotos sobre o seu território amanhã.
5 Gam pumpi alodim soh uva tol lham jong na muthei louding ahi. Gelchang'in akhehlih lou amoh chengse khaokho ten aneh gamhel diu, loujaova keh thingphung ho jouse jong anehchai kei ding'u ahiye.
5 Eles cobrirão a face da terra até não se poder enxergar o solo. Devorarão tanto o pouco que ainda lhes restou da tempestade de granizo como todas as árvores que estiverem brotando nos campos.
6 Nangma insung hihen nasohte insung hijongleh Egypt gam insung jouse ahin lodim sohhel jeng diu, hiche tobang thilsoh gimnei hi napu napateu khang'a pat na gamsung uva anaum khalou lai ahi, tin ahenga agasei lhon tai, chuin Mose jong Pharaoh angsung'a kon'in apotdoh tan ahi.
6 Encherão os seus palácios e as casas de todos os seus conselheiros e de todos os egípcios: algo que nem os seus pais nem os seus antepassados jamais viram, desde o dia em que se fixaram nesta terra até o dia de hoje’ ". A seguir Moisés virou as costas e saiu da presença do faraó.
7 Pharaoh sohte ho jong ahung uvin Pharaoh heng'a asei tauve. “Amapa hin itih chan lom lom eiho dinga hahsatna alhunsah ding hitam? Mipi ho hi che uva a Pathen kin abolna diuvin soltan! Egypt mite pihi jou le nal'a mangthah gam ding ahi tauve ti na hetdoh hih laiyem?”
7 Os conselheiros do faraó lhe disseram: "Até quando este homem será uma ameaça para nós? Deixa os homens irem prestar culto ao Senhor Deus deles. Não percebes que o Egito está arruinado? "
8 Chuin Mose leh Aaron chu Pharaoh heng'a dingin ahin puilut kit tauvin. Pharaoh in jong amani jah a aseiyin, “cheuvin lang na Pakai leh na Pathen kin gabol tauvin. Ahile koipen mong hi nahiuvem ache ding?” tin amani chu adong tan ahi.
8 Então Moisés e Arão foram trazidos de volta à presença do faraó, que lhes disse: "Vão e prestem culto ao Senhor, ao seu Deus. Mas, digam-me, quem irá? "
9 Mose'n adonbut in, “Ateh akhang, ka chapa te hou ahin ka chanute hou jaona a khatcha kidalha louding kahiuve. Ka kelngoi jouseu leh gancha jouse aboncha kapui sohkei diu, chule keihon kut chu alouthei louva kagabol teitei ding'u ahi,” ati.
9 Moisés respondeu: "Temos que levar todos: os jovens e os velhos, os nossos filhos e as nossas filhas, as nossas ovelhas e os nossos bois, pois celebraremos uma festa ao Senhor".
10 Pharaoh in jong aseijin, “Keiman nangho nacha sen gei uva ka soldoh tha ngei ngeija ahile Pakai umpina chu chang un! Na lungthim sung lhkonna lungthim phalou na keng lhon'e.
10 Disse-lhes o faraó: "Vocês vão mesmo precisar do Senhor quando eu deixá-los ir com as mulheres e crianças! É claro que vocês estão com más intenções.
11 Hiche vang chu hithei louhel ding ahi! Nangho lah a Pasal chengse cheuvin lang na Pakaiyu kin gabol tauvin, hichu natup tenten uva hilou ham?” Chuin Pharaoh in aleng in a konin ahin nodoh lhon tan ahi.
11 De forma alguma! Só os homens podem ir prestar culto ao Senhor, como vocês têm pedido". E Moisés e Arão foram expulsos da presença do faraó.
12 Chuin Pakaiyin Mose heng'a aseijin, “Egypt gamsung pumpia khaokhopite alanna dingin na khut jahdoh jeng tan. Egypt gamsung'a hamphung gelchang in akhehlih moh chengse aboncha aneh gamset diu ahi,” ati.
12 Mas o Senhor disse a Moisés: "Estenda a mão sobre o Egito para que os gafanhotos venham sobre a terra e devorem toda a vegetação, tudo o que foi deixado pelo granizo".
13 Mose’n atenggol chu Egypt gamsung pumpi chungvum a ajahdoh jeng tan ahile, hiche nikho chun Pakaiyin Egypt gamsung pumpi nilhum kei leh khovah hel'in huiphalou solama kon'in tanglouvin anun sah tai. Jingkah in solam akon huijin khaokho te ahon hon'in ahin polut tauvin ahi.
13 Moisés estendeu a vara sobre o Egito, e o Senhor fez soprar sobre a terra um vento oriental durante todo aquele dia e toda aquela noite. Pela manhã, o vento havia trazido os gafanhotos,
14 Chule Egypt gam pumpi chu khaokho ten alosoh hel jeng tan, hitobang'a gamsunga khaokho te chu imatih channa ana um kha loulai ahiye.
14 os quais invadiram todo o Egito e desceram em grande número sobre toda a sua extensão. Nunca antes houve tantos gafanhotos, nem jamais haverá.
15 Khaokho ten gamsung pumpi alodimlha tauvin ahile mu athimlha jeng tai. Gelchang in akheh moh chengse gam leiset a thingphung jouse jong anemang hel tauvin, Egypt gamsung pumpi thingphung chule hamphung abonchan ado khat jeng cha jong um louvin khaokho ten anechai hel jeng tauve.
15 Eles cobriram toda a face da terra de tal forma que essa escureceu. Devoraram tudo o que o granizo tinha deixado: toda a vegetação e todos os frutos das árvores. Não restou nada verde nas árvores nem nas plantas do campo, em toda a terra do Egito.
16 Chuphat in Pharaoh in jong asohte ho asol loiyin, Mose leh Aaron aga kousah un, hiti hin aseiye. “Keiman na Pakai leh nangni chung'a chonset phat louna kabol khatai,” ati.
16 O faraó mandou chamar Moisés e Arão imediatamente e disse-lhes: "Pequei contra o Senhor seu Deus e contra vocês!
17 “Ka chonsetna nei ngaidam lhon'in, Pakai heng'a nei taopeh teitei lhon tan, hiche thigamna hoise hi keima angsung'a kon'in tolmang jeng lhon tan,” ati.
17 Agora perdoem ainda esta vez o meu pecado e orem ao Senhor seu Deus para que leve esta praga mortal para longe de mim".
18 Mose jong Pharaoh angsung'a kon'in a kondoh in Pakai heng'a aga tao tai,
18 Moisés saiu da presença do faraó e orou ao Senhor.
19 Pakaiyin nisolam a kon'in hui hattah ahin nunsah in ahile, hiche huipi chun khaokho te jouse twikhanglen dung laiya alhoh lut sohhel jeng tai. Egypt gamsung pumpia khaokho te chu khat jeng cha jong aum tahih hel jengin ahi.
19 E o Senhor fez soprar com muito mais força o vento ocidental, e este envolveu os gafanhotos e os lançou no mar Vermelho. Não restou um gafanhoto sequer em toda a extensão do Egito.
20 Ahinlah Pakaiyin Pharaoh lungthim asutah jing nalaijin, Pharaoh in jong mipi ho chu asol doh hih laiye.
20 Mas o Senhor endureceu o coração do faraó, e ele não deixou que os israelitas saíssem.
21 Chuin Pakaiyin Mose heng'a aseijin, “Nakhut jah inlang vanlam sang tem in, Egypt gamsung pumpi muthim'in alo sohhel jeng ding ahi,” ati.
21 O Senhor disse a Moisés: "Estenda a mão para o céu, e trevas cobrirão o Egito, trevas tais que poderão ser apalpadas".
22 Mose'n jong Pakaiyin athupeh bangin vanlam asan jeng'a ahile, Egypt gamsung pumpi nithum sung mu athim lha jeng tan, ahi.
22 Moisés estendeu a mão para o céu, e por três dias houve densas trevas em todo o Egito.
23 Hiche phat sung chun khat le khat akimu thei tapouvin, koimacha jeng jong pot le theilou ahitai. Ahinlah Israel chate chenna mun vang chu khovah in aumpi jing uve.
23 Ninguém pôde ver ninguém, nem sair do seu lugar durante três dias. Todavia, todos os israelitas tinham luz nos locais em que habitavam.
24 Ajonan, Pharaoh in jong Mose akoukit tai. “Cheuvin lang Pakai kin gabol tauvin,” ati. “Na chate'u kipui jun lang, ahinlah na kelngoi hon teu vang na dalhah ding'u ahi,” ati.
24 Então o faraó mandou chamar Moisés e disse: "Vão e prestem culto ao Senhor. Deixem somente as ovelhas e os bois; as mulheres e as crianças podem ir".
25 Mose'n adonbut in, “Hichu hithei him him ponte. Ka gancha te'u chu nei puisah tei teiju angaije, ajeh chu ka Pakai uleh ka Pathen angsung'a kilhaina a ka manchah ding'u ahi, ati.”
25 Mas Moisés contestou: "Tu mesmo nos darás os animais para os nossos sacrifícios e holocaustos que ofereceremos ao Senhor.
26 “Ka gancha teu aboncha, ka pui teitei diu ahiye; khat jeng cha jong ka dalhah thei louhel diu ahi. Ajeh chu ka ganchate'u lah a konna hi keihon Pakai angsung'a kilhaina'a katdoh dinga ka lhendoh cheh cheh diu ahi. Chule amun ka lhun kahse uva itilam dol'a Pakai kin kabol diu ham ti kahe chen nai pouve,” ati.
26 Além disso, os nossos rebanhos também irão conosco; nem um casco de animal será deixado. Temos que escolher alguns deles para prestar culto ao Senhor nosso Deus e, enquanto não chegarmos ao local, não saberemos quais animais sacrificaremos".
27 Ahinlah Pakaiyin Pharaoh lungthim chu khatvei asutah kit nalaijin, Pharaoh in jong mipi ho chu asoldoh hih laiye.
27 Mas o Senhor endureceu o coração do faraó, e ele se recusou a deixá-los ir.
28 Chuin Pharaoh jong apeng jah jeng tan, Mose henga aseiyin, “Ka angsunga kon'in potdoh jengin!” ati. “Keiman nangma ka gih nahiye. Avel'a nei hung kinung mupi kitthei louhel ding ahi! Nei kimupi kit ngai ngaiya ahile hiche nikhoa chu nathi jeng ding ahi,” ati.
28 Disse o faraó a Moisés: "Saia da minha presença! Trate de não aparecer nunca mais diante de mim! No dia em que vir a minha face, você morrerá".
29 Mose'n adonbut in, “Apha jenge,” “Avella ka kimaitopi tah louding nahiye,” ati.
29 Respondeu Moisés: "Será como disseste; nunca mais verei a tua face".
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Êxodo 10, comparar traduções ou montar um estudo — tudo direto pelo WhatsApp.