Mateus 11
Anut san bilaluŋ foun (TBC) vs ARIB
1 Saen Jesus iŋanen megeloum ru kagin irupidai itout man, iŋ aben an ibiseig yau a. Yaug aben an san taun gidigidad dien dan lo sad tamolpein ipiteŋanai dop Anut san ru ifulale wo itor se ya.
1 Tendo acabado Jesus de dar instruções aos seus doze discípulos, partiu dali a ensinar e a pregar nas cidades da região.
2 Aria, saen Jon subanek ab lo imado se man, Kristus urat naok naok igane dan iloŋ, iŋsiganen megeloum aenta idinaig ru disinig Jesus san na diau a.
2 Ora, quando João no cárcere ouviu falar das obras do Cristo, mandou pelos seus discípulos perguntar-lhe:
3 Ru sinek tamol an Jesus san na dilasag Jon wagen lo ago dubol dusumiani, “Tamol a ipalu san niŋen o maŋ mala nouk mumado dan, oŋ tamol nek amaiak i? Tia, maŋ tamol sen ak ipalu san niŋen o mala nouk mumado wak i?”
3 És tu aquele que havia de vir, ou havemos de esperar outro?
4 Jesus iloŋ go ru naon irupidai, “Amul aup mel dugo ale dugo, ru aloŋ na yan dam Jon arupeip iloŋ a:
4 Respondeu-lhes Jesus: Ide contar a João as coisas que ouvis e vedes:
5 malad itau ak afon abaŋ dile dugo, ŋied saian ak afon tureŋ diabi dugo, a tinid lepra amad da yan tinid siŋaokan dilasa ya. Kududod itau ak ŋiŋeŋ afon duloŋ dugo, a dumat ak kumaen dumasag dumado dugo, agod tamolpein mel amad tia yak bilaluŋ uyanan ak ŋufulale pidinai dugo duloŋ da.
5 os cegos vêem, e os coxos andam; os leprosos são purificados, e os surdos ouvem; os mortos são ressuscitados, e aos pobres é anunciado o evangelho.
6 Agod talpein a ŋai o ilon ta saian na yan, iŋ Anut san bar iŋane wa.”
6 E bem-aventurado é aquele que não se escandalizar de mim.
7 Jon san megeloum dumul diau dugo, Jesus Jon niŋen o tamolpein irupidai o fun iganeg igo ibol, “Saen aŋ aben kawan talpein tia yak ate au an, aŋ ata mel mok ale wo au ak i? Nag aŋ tim ifurep war iwi yau imul dop ale wo au boi ak i?
7 Ao partirem eles, começou Jesus a dizer às multidões a respeito de João: que saístes a ver no deserto? um caniço agitado pelo vento?
8 Tia tap, ata wo au ak i? Nag aŋ tamol ta tinin kulos naon lak na geig ak idiri amaiak ale wo au ak i? Tia, tamol a biouŋ naok ago yak didiri duman, iŋ kiŋ sad ab lo mi dumado da.
8 Mas que saístes a ver? um homem trajado de vestes luxuosas? Eis que aqueles que trajam vestes luxuosas estão nas casas dos reis.
9 Ak niŋen o ata mel mok ale wo au ak i? Nag profet ale wo boi i? Awo, agod nek amaiak niŋen o ŋurupaiaŋ da, profet en man rumok iŋ profet a, ak gug urat subaŋan taidam da imado da,
9 Mas por que saístes? para ver um profeta? Sim, vos digo, e muito mais do que profeta.
10 tamol nek emaiak niŋen o girek e Anut san ru lo digire idug yen den, igo ibol,
10 Este é aquele de quem está escrito: Eis aí envio eu ante a tua face o meu mensageiro, que há de preparar adiante de ti o teu caminho.
11 Ŋai rumok ŋurupaiaŋ da, tamol a pein tiŋaed lo dilasa yan luluŋad lo tamol ta kisaek Jon Suguek san iriŋani man tia ya. Ago bo man, tamol ta Anut san kagin panek aben ilon lo yaŋan aman tia yan, fidian aenta paed na imado dan, iŋ Jon Suguek san an iriŋani a.
11 Em verdade vos digo que, entre os nascidos de mulher, não surgiu outro maior do que João, o Batista; mas aquele que é o menor no reino dos céus é maior do que ele.
12 Saen Jon Suguek San kuai te ilasag yaug saen gamu tumado den lo, Anut san kagin panek aben an sen wagai ikubiani na ya, agod tamol wagai san amaiak silei nam aben an diŋane da.
12 E desde os dias de João, o Batista, até agora, o reino dos céus é tomado a força, e os violentos o tomam de assalto.
13 Man dugo, profet adi agod Moses san Kubiaeŋ dam profet ru lo dubol ilasag yaug saen Jon ilasa yan lo iŋaned urat itout a.
13 Pois todos os profetas e a lei profetizaram até João.
14 Agod ŋiŋeŋ e ŋurupaiaŋ en ilom lo rumok o ilom ago yen tap, profet Elaija Anut san buk lo iŋ ipalu wak ru ago ibol an man nek Jon ama ya.
14 E, se quereis dar crédito, é este o Elias que havia de vir.
15 Tamol oŋ kududo ama da tap, ru an uloŋ uyanan a.
15 Quem tem ouvidos, ouça.
16 “Saen en san tamolpein iŋ naok dugo woŋ ak i? Iŋ nek ibol nanuk kititik dadeŋ aben na dumasig dumado dugo nanuk aenta igo dubol digiai da,
16 Mas, a quem compararei esta geração? É semelhante aos meninos que, sentados nas praças, clamam aos seus companheiros:
17 ‘Maŋ aŋ atari wo dum muwi se ya,
17 Tocamo-vos flauta, e não dançastes; cantamos lamentações, e não pranteastes.
18 Man dugo, Jon ipalug anaŋ tubun ak ta yani na dugo, you sakar ak dam ta iluk na ya, an niŋen o ago dubol, ‘iŋ ur saiak aman da ya.’
18 Porquanto veio João, não comendo nem bebendo, e dizem: Tem demônio.
19 Ago dugo Tamol Nanun dam ipalug anaŋ tubun mi yani dugo you sakar dam iluk da, an niŋen o ago dubol, ‘Ale wo, tamol en tuŋalek tamol, agod lukluk tamol, iŋ man takis ŋilaŋal agod aupasek adi dam sad turadi!’ Ak man, kankan a milaen mok amaiak, iŋanen kagin naok naok an lo mi tamolpein malad lo man itaot geig an ago ikubiai pidinai a.”
19 Veio o Filho do homem, comendo e bebendo, e dizem: Eis aí um comilão e bebedor de vinho, amigo de publicanos e pecadores. Entretanto a sabedoria é justificada pelas suas obras.
20 Agog Jesus taun ante iŋsan kulob tutubu yak wei mi igane se yan ibubuŋanai o fun igane ya, man dugo, taun an sad tamolpein ilod ta dibili na ya. Agog iŋ igo ibol,
20 Então começou ele a lançar em rosto às cidades onde se operara a maior parte dos seus milagres, o não se haverem arrependido, dizendo:
21 “O Korasin san tamolpein, muruan tubun geig ale wa; O Betsaida san tamolpein, aŋ dam muruan tubun geig ale wa. Man dugo, kulob girager a ŋai aŋ luluŋam lo ŋigane se amaiak, wagam geig taun Tair agod Saidon dam ante ŋigane wo tap, taun uraru an sad tamolpein ilod ibilsag, muguŋ san kulos didirig, yai san utut fo dumasig dumado ya.
21 Ai de ti, Corazin! ai de ti, Betsaida! porque, se em Tiro e em Sidom, se tivessem operado os milagres que em vós se operaram, há muito elas se teriam arrependido em cilício e em cinza.
22 Amaiak niŋen o ŋai aŋ ŋurupaiaŋ da, saen Anut san bitinaek san nal ipalu wan lo, urat naon Anut aŋ ipanaŋ an naon senamo geig a, agod muruan an Tair iŋ Saidon da sad urat naon an iriŋani geig a.
22 Contudo, eu vos digo que para Tiro e Sidom haverá menos rigor, no dia do juízo, do que para vós.
23 Agod aŋ Kaperniam tamolpein, sem yaŋam abisap timtaen lo isuda wak i? Tia mok, Anut iŋsen iŋiliaŋ pe au adu dop tan ilon lo aben yaŋan Ades dubol dan lo idiraŋ pe amado wa. Man dugo, kulob girager a ŋai luluŋam lo ŋigane yan taun Sodom ante ago mi ŋigane yak man, gamu taun an yen dop na wa.
23 E tu, Cafarnaum, porventura serás elevada até o céu? até o inferno descerás; porque, se em Sodoma se tivessem operado os milagres que em ti se operaram, teria ela permanecido até hoje.
24 Amaiak niŋen o ŋai aŋ ŋurupaiaŋ da, saen Anut san bitinaek nal ipalu wan lo, muruan Anut aŋsam na igane ilasa wo duman, muruan a gubak mi Sodom san aben ante ilasa man iriŋani geig a.”
24 Contudo, eu vos digo que no dia do juízo haverá menos rigor para a terra de Sodoma do que para ti.
25 Saen an lo Jesus ago ibol, “O Bai, oŋ kumaen panu agod tan en dam sad Tubun ak, ŋai oŋ ilo uyan ŋupano wo da, en ata wo? Oŋ melmel en mianaig an lo tamolpein a maŋau amad da yan, agod tamol kankan milaen amad da yak dam melmel en duloŋ san tia geig a. Ak gug tamolpein iŋ nanuk kititik oŋ dumado dan melmel en kubiai pidinaig duloŋ o uyanan a.
25 Naquele tempo falou Jesus, dizendo: Graças te dou, ó Pai, Senhor do céu e da terra, porque ocultaste estas coisas aos sábios e entendidos, e as revelaste aos pequeninos.
26 Awo, Bai, oŋane ilobol man nek ago ya, an niŋen o ilo uyan ak lo oŋ ago gane.
26 Sim, ó Pai, porque assim foi do teu agrado.
27 “Melmel fidian man ŋaineg Tamag iŋ ŋai tuog lo idiri a. Tamol ta iŋ Anut Nanun ta iloŋ na ya, nek Taman iŋsen mi a. Agod tamol ta iŋ ŋai Tamag ta iloŋ na ya, nek ŋaiseg mi, gug ŋai mi tia ya, tia, tamolpein a ŋaisag ilobol lo mi Tamag ŋukubiai pidinai o yan iŋ dam ka duloŋ a.
27 Todas as coisas me foram entregues por meu Pai; e ninguém conhece plenamente o Filho, senão o Pai; e ninguém conhece plenamente o Pai, senão o Filho, e aquele a quem o Filho o quiser revelar.
28 “Aŋ fidian urat dabai geig agane dugo ilom isali dan, agod muruan tubun mi asini dan, ŋaisag na apalu dop, ŋai aŋ tinim yaes ibal uyanan san ŋupanaŋ a.
28 Vinde a mim, todos os que estai cansados e oprimidos, e eu vos aliviarei.
29 Ŋaisag urat aŋanep paen na sem ibiaŋ adu dop, ŋai lo maŋau aŋane wa. Man dugo, ŋaiseg mi mos kagin lo ŋumado dugo maror ŋumado da. Ago dop aŋ ŋutumi ŋai lo yaes ibal a.”
29 Tomai sobre vós o meu jugo, e aprendei de mim, que sou manso e humilde de coração; e achareis descanso para as vossas almas.
30 Man dugo, ŋaisag urat man muruan an tia ya, agod muruan a ŋupanaŋ dan dam pasauman a.
30 Porque o meu jugo é suave, e o meu fardo e leve.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Mateus 11, comparar traduções ou montar um estudo — tudo direto pelo WhatsApp.