1 বালাম পীরে যেবলা বুজলা, বনি ইছরাইলরে দোয়া দেওয়াউ অইলো মাবুদর ইচ্ছা, বুজিয়া তাইন আগর লাখান আর ইস্তেখারা-আজিরাতর চেষ্টা করলা না। বরং তান নিজর মুখ মরুভুমির বায় ফিরাইল্লা।
2 ফিরাইয়া দেখলা, বনি ইছরাইলর নানান খান্দানর তাম্বু এক এক করি টাংগানি অইছে। অউ সময় তান উপরে আল্লার রুহ লামিয়া আইলা,
3 তাইন আল্লার দেওয়া অউ ওহী কইলা,
4 যে জনে আল্লার কালাম হুনরা,
5 ও ইয়াকুব বংশ, তুমার তাম্বু অকল খুব চকচকা!
6 ইতা তো দেখার মত বড় খেজুর বাগানর লাখান,
7 তারার ভরা কলসি থাকি পানি উথলিয়া পড়বো,
8 আল্লায় মিসর থাকি তারারে বার করি আনছইন,
9 সিংহর লাখান তারা খাপ ধরি হুতিবো,
10 ইতা হুনিয়া বাদশা বালাকে বালাম পীরর উপরে গুছায় আগুইন অইগেলা। তান নিজর আতর পিঠিত তাবড়াই তাবড়াই কিড়িমিড়ি খাইয়া কইলা, “আমি আপনারে আনাইলাম আমার দুশমনরে লান্নত দিবার লাগি, আর আপনে তারারে অউ লাগাইয়া তিন-তিনবার দোয়া দিলা।
11 আপনে আমার ছামন থাকি হরউক্কা, নিজর জাগাত যাউক্কা। আমি আপনারে বউত পুরুস্কার দিমু কইছলাম, অইলে মাবুদে দিলা না।”
12 তেউ বালাম পীরে বাদশা বালাকরে কইলা, “আপনার পাঠাইল মানষরে আমি আগেউ কইছি না নি,
13 বাদশায় যুদি সোনা-রুপায় ভরা তান আস্তা রাজবাড়ি খানউ আমারে দিলাইন, তেবউ আমি আমার নিজর ইচ্ছায় ভালা-বুরা কুন্তা করতাম পারতাম নায়, আমি মাবুদর বিরুদ্ধে যাইতাম নায়। মাবুদে আমারে যেলা হুকুম দিবা, আমি খালি অলাউ কইমু।
14 তে আমি অখন আমার মানষর গেছে ফিরত যাইরামগি, অইলে অউ জাতিয়ে ভবিষ্যতে আপনার জাতির লগে কিতা কিতা করবা, আপনার হুশিয়ারির লাগি ইতা আগাম জানাই দিয়ার।”
15 বালাম পীরে আল্লার দেওয়া অউ আরক ওহী কইলা,
16 যে জনে আল্লার কালাম হুনরা,
17 আমি তো হউ জনরে দেখিয়ার,
18 ইদোম দেশরে এনর দখলো আনবা,
19 ইয়াকুবর বংশর একজনে রাজ-গদি চালাইবা,
20 অখনাইন কওয়ার বাদে বালাম পীরে চউখ মেলিয়া আমালেকী অকলরে দেখলা। দেখিয়া আল্লার অউ ওহী কইলা,
21 বাদে তাইন কেনী অকলরে দেখলা, দেখিয়া আল্লার অউ ওহী কইলা,
22 অইলে আগেদি তুমরার বিনাশ ঘটিবো,
23 বাদে বালাম পীরে আল্লার দেওয়া অউ শেষ ওহী কইলা,
24 সাইপ্রাস দ্বীপর জাজ অকল আইবো,
25 অখান কইয়া হারি বালাম পীর উঠিয়া নিজর ঘরো গেলাগি, বালাক বাদশাও তান পথে রওয়ানা দিলা।