1 ⲛⲧⲟϣ ⲇⲉ ⲛⲧⲉⲫⲩⲗⲏ ⲛⲓⲟⲩⲇⲁⲥ ⲕⲁⲧⲁ ⲛⲉⲩⲇⲏⲙⲟⲥ ⲁⲩϣⲱⲡⲉ ⲛⲁⲩ ϫⲓⲛ ⲛⲧⲟϣ ⲛϯⲇⲟⲩⲙⲁⲓⲁ ϫⲓⲛ ⲧⲉⲣⲏⲙⲟⲥ ⲛⲥⲓⲛ ϣⲁϩⲣⲁⲓ ⲉⲕⲁⲇⲏⲥ ⲉⲡⲥⲁ ⲙⲡⲉⲙⲛⲧ</ab>
2 ⲁⲩⲱ ⲛⲉⲩⲧⲟϣ ⲁⲩϣⲱⲡⲉ ϫⲓⲛ ⲡⲉⲙⲛⲧ ϣⲁϩⲣⲁⲓ ⲉⲩⲙⲉⲣⲟⲥ ⲛⲑⲁⲗⲁⲥⲥⲁ ⲙⲙⲗϩ ϫⲓⲛ ⲙⲡⲕⲟⲟϩ ⲙⲡⲧⲟⲟⲩ ⲉⲧⲛⲏⲩ ⲉϩⲣⲁⲓ ⲉⲡⲉⲙⲛⲧ</ab>
3 ⲁⲩⲱ ϥⲏⲕ ϣⲁ ⲡⲉⲙⲧⲟ ⲉⲃⲟⲗ ⲛⲧⲉϩⲓⲏ ⲛⲃⲱⲕ ⲉϩⲣⲁⲓ ⲉⲁⲕⲣⲁⲃⲓⲛ ⲁⲩⲱ ϥⲛⲟⲩϫⲉ ⲉⲃⲟⲗ ⲉⲁⲕⲥⲉⲛⲁⲭⲓⲙ ⲁⲩⲱ ϥⲃⲏⲕ ⲉϩⲣⲁⲓ ϫⲓⲛ ⲡⲉⲙⲛⲧ ⲉϫⲛ ⲕⲁⲇⲏⲥ ⲃⲁⲣⲛⲏ ⲁⲩⲱ ϥⲛⲏⲩ ⲉⲃⲟⲗ ⲉⲁⲥⲱⲣⲱⲛ ⲁⲩⲱ ⲉⲁⲥⲁⲣⲁⲇⲁ ⲁⲩⲱ ϥⲛⲏⲩ ⲉϩⲣⲁⲓ ⲉϫⲛ ⲕⲁⲇⲏⲥ ⲕⲁⲧⲁ ⲙⲙⲁ ⲛϩⲱⲧⲡ</ab>
4 ⲁⲩⲱ ϥⲃⲏⲕ ⲉϩⲣⲁⲓ ⲉϫⲛ ⲥⲉⲗⲙⲱⲛⲁ ⲁⲩⲱ ϥⲛⲏⲩ ⲉⲃⲟⲗ ϣⲁϩⲣⲁⲓ ⲉⲡⲓⲁ ⲛⲕⲏⲙⲉ ⲁⲩⲱ ⲡⲉⲓⲉⲃⲟⲗ ⲛⲛⲉϥⲧⲟϣ ϥⲛⲏⲩ ⲉϫⲛ ⲧⲉⲑⲁⲗⲁⲥⲥⲁ ⲛⲁⲓ ⲛⲉ ⲛⲉⲩⲧⲟϣ ϫⲓⲛ ⲡⲉⲙⲛⲧ</ab>
5 ⲁⲩⲱ ⲛⲉⲩⲧⲟϣ ϫⲓⲛ ⲙⲙⲁ ⲛϣⲁ ⲧⲉⲑⲁⲗⲁⲥⲥⲁ ⲙⲙⲗϩ ϣⲁϩⲣⲁⲓ ⲉⲩⲙⲉⲣⲟⲥ ⲙⲡⲓⲟⲣⲇⲁⲛⲏⲥ ⲁⲩⲱ ⲛⲉⲩⲧⲟϣ ⲛⲏⲩ ⲉϩⲣⲁⲓ ⲉϫⲙ ⲡⲉⲙϩⲓⲧ ⲁⲩⲱ ϫⲓⲛ ⲙⲡⲕⲟⲟϩ ⲉⲧϫⲟⲥⲉ ⲙⲡⲧⲟⲟⲩ ⲛⲧⲉⲑⲁⲗⲁⲥⲥⲁ ⲁⲩⲱ ϫⲓⲛ ⲟⲩⲙⲉⲣⲟⲥ ⲙⲡⲓⲟⲣⲇⲁⲛⲏⲥ</ab>
6 ⲛⲉⲩⲧⲟϣ ⲥⲉⲛⲏⲩ ⲉϩⲣⲁⲓ ⲉϫⲛ ⲃⲁⲓⲑⲁⲅ ⲗⲁⲁⲙ ⲁⲩⲱ ⲥⲉⲛⲟⲩϫⲉ ϫⲓⲛ ⲡⲉⲙϩⲓⲧ ⲉϩⲣⲁⲓ ⲉⲃⲁⲓⲑⲁⲣⲁⲃⲁ ⲁⲩⲱ ⲛⲧⲟϣ ⲥⲉⲃⲏⲕ ⲉϩⲣⲁⲓ ⲉϫⲙ ⲡⲱⲛⲉ ⲛⲃⲁⲓⲱⲛ ⲡϣⲏⲣⲉ ⲛϩⲣⲟⲩⲃⲏⲛ</ab>
7 ⲁⲩⲱ ⲛⲧⲟϣ ⲥⲉϫⲓ ⲉϩⲣⲁⲓ ⲉϫⲛ ⲡⲟⲩⲛ ⲛϥⲧⲟⲟⲩ ⲙⲡⲓⲁ ⲛⲁⲭⲱⲣ ⲁⲩⲱ ⲥⲉⲛⲏⲩ ⲉϩⲣⲁⲓ ⲉϫⲛ ⲅⲁⲗⲅⲁⲗ ⲧⲁⲓ ⲉⲧⲙⲡⲉⲙⲧⲟ ⲉⲃⲟⲗ ⲙⲡϫⲓⲥⲉ ⲛⲁⲇⲁⲙⲓⲛ ⲧⲁⲓ ⲉⲧⲥⲁⲉⲙⲛⲧ ⲙⲡⲓⲁ ⲁⲩⲱ ⲥⲉⲛⲏⲩ ⲉⲃⲟⲗ ⲉϫⲙ ⲡⲙⲟⲟⲩ ⲛⲧⲡⲏⲅⲏ ⲙⲡⲣⲏ ⲁⲩⲱ ⲡⲉϥⲉⲓ ⲉⲃⲟⲗ ⲉϥⲉϣⲱⲡⲉ ⲧⲉ ⲧⲡⲏⲅⲏ ⲛϩⲣⲱⲅⲏⲗ</ab>
8 ⲁⲩⲱ ⲛⲉϥⲧⲟϣ ⲥⲉⲃⲏⲕ ⲉϩⲣⲁⲓ ⲉⲡⲓⲁ ⲛⲟⲛⲱⲙ ⲉϫⲙ ⲡⲣⲏⲥ ⲙⲡⲓⲉⲃⲟⲩⲥ ϫⲓⲛ ⲡⲉϥⲉⲙⲛⲧ ⲧⲁⲓ ⲧⲉ ⲑⲓⲉⲣⲟⲩⲥⲁⲗⲏⲙ ⲁⲩⲱ ⲛⲧⲟϣ ⲥⲉⲛⲟⲩϫⲉ ⲉⲃⲟⲗ ⲉϫⲙ ⲡⲕⲟⲟϩ ⲙⲡⲧⲟⲟⲩ ⲡⲁⲓ ⲉⲧⲙⲡⲉⲙⲧⲟ ⲉⲃⲟⲗ ⲙⲡⲓⲁ ⲛⲟⲛⲱⲙ ϩⲁⲧⲛ ⲑⲁⲗⲁⲥⲥⲁ ⲧⲁⲓ ⲉⲧⲥⲁⲟⲩⲥⲁ ⲙⲡⲕⲁϩ ⲛϩⲣⲁⲫⲁⲉⲓⲛ ⲉϫⲙ ⲡⲉⲙϩⲓⲧ</ab>
9 ⲁⲩⲱ ⲡⲧⲟϣ ϥⲛⲟⲩϫⲉ ⲉⲃⲟⲗ ϫⲓⲛ ⲛϫⲱϥ ⲙⲡⲧⲟⲟⲩ ⲉϫⲛ ⲧⲡⲏⲅⲏ ⲡⲙⲟⲟⲩ ⲛⲁⲭⲑ ⲥ ⲁⲩⲱ ϥⲛⲏⲩ ⲉⲃⲟⲗ ⲉⲡⲧⲟⲟⲩ ⲛⲉⲫⲣⲱⲛ ⲁⲩⲱ ⲡⲧⲟϣ ϥⲛⲁⲉⲓⲛⲉ ⲉϫⲛ ⲓⲉⲃⲁⲁⲗ ⲧⲁⲓ ⲧⲉ ⲧⲡⲟⲗⲓⲥ ⲓⲁⲣⲓⲙ</ab>
10 ⲁⲩⲱ ⲡⲧⲟϣ ϥⲛⲁⲕⲱⲧⲉ ⲉϫⲛ ⲃⲁⲁⲗ ⲉϫⲛ ⲧⲉⲑⲁⲗⲁⲥⲥⲁ ⲁⲩⲱ ϥⲛⲁⲉⲓ ⲉϩⲣⲁⲓ ⲉⲡⲧⲟⲟⲩ ⲛⲁⲥⲁⲓⲣⲓⲟⲥ ⲛⲥⲁⲥⲡⲓⲣ ⲛⲧⲡⲟⲗⲓⲥ ⲓⲁⲣⲓⲙ ϫⲓⲛ ⲙⲡⲉⲙϩⲓⲧ ⲧⲁⲓ ⲧⲉ ⲭⲁⲥⲇⲱⲛ ⲁⲩⲱ ϥⲛⲁⲉⲓ ⲉϫⲛ ⲧⲡⲟⲗⲓⲥ ⲙⲡⲣⲏ ⲁⲩⲱ ϥⲛⲁⲕⲱⲧⲉ ⲉⲡⲉⲙⲛⲧ</ab>
11 ⲁⲩⲱ ⲡⲧⲟϣ ϥⲛⲁⲛⲟⲩϫⲉ ⲉⲃⲟⲗ ⲛⲥⲁⲥⲡⲓⲣ ⲛⲁⲕⲕⲁⲣⲱⲛ ⲉϫⲙ ⲡⲉⲙϩⲓⲧ ⲁⲩⲱ ⲛⲧⲟϣ ⲥⲉⲛⲟⲩϫⲉ ⲉϩⲣⲁⲓ ⲉⲥⲟⲭⲱⲑ ⲁⲩⲱ ⲛⲧⲟϣ ⲥⲉⲛⲁⲉⲓ ⲉⲃⲟⲗ ⲉϫⲙ ⲡⲉⲙⲛⲧ ⲁⲩⲱ ⲥⲉⲛⲁⲛⲟⲩϫⲉ ⲉⲃⲟⲗ ⲉϫⲛ ⲗⲉⲙⲛⲁ ⲁⲩⲱ ⲡⲉⲓⲉⲃⲟⲗ ⲛⲛⲧⲟϣ ⲉϥⲛⲏⲩ ⲉϫⲛ ⲧⲉⲑⲁⲗⲁⲥⲥⲁ</ab>
12 ⲁⲩⲱ ⲛⲉⲩⲧⲟϣ ⲉⲩⲛⲁϣⲱⲡⲉ ϫⲓⲛ ⲧⲉⲑⲁⲗⲁⲥⲥⲁ ⲛⲟϭ ⲧⲉⲧⲛⲁⲡⲱⲣϫ ⲉⲃⲟⲗ ⲙⲡⲧⲟϣ ⲛⲁⲓ ⲛⲉ ⲛⲧⲟϣ ⲉⲧⲕⲱⲧⲉ ⲛⲛϣⲏⲣⲉ ⲛⲓⲟⲩⲇⲁ ⲕⲁⲧⲁ ⲛⲉⲩⲇⲏⲙⲟⲥ</ab>
13 ⲁⲩⲱ ⲁϥϯ ⲛⲭⲁⲗⲉⲃ ⲡϣⲏⲣⲉ ⲛⲓⲉⲫⲟⲛⲏ ⲛⲟⲩⲙⲉⲣⲓⲥ ϩⲛ ⲧⲙⲏⲧⲉ ⲛⲛϣⲏⲣⲉ ⲛⲓⲟⲩⲇⲁ ϩⲓⲧⲙ ⲡⲟⲩⲉϩⲥⲁϩⲛⲉ ⲙⲡⲛⲟⲩⲧⲉ ⲁⲩⲱ ⲓⲏⲥⲟⲩⲥ ⲁϥϯ ⲛⲁϥ ⲛⲁⲣⲁⲃⲱⲕ ⲧⲡⲟⲗⲓⲥ ⲧⲛⲟϭ ⲙⲡⲟⲗⲓⲥ ⲛⲉⲙⲁⲕ ⲉⲧⲉ ⲧⲁⲓ ⲧⲉ ⲭⲉⲃⲣⲱⲛ</ab>
14 ⲁⲭⲁⲗⲉⲃ ⲡϣⲏⲣⲉ ⲛⲓⲉⲫⲟⲛⲏ ⲁϥϥⲱⲧⲉ ⲉⲃⲟⲗ ⲙⲡϣⲁ ⲉⲧⲙⲙⲁⲩ ⲙⲡϣⲱⲙⲛⲧ ⲛϣⲉⲉⲣⲉ ⲛⲉⲛⲁⲕ ⲥⲟⲩⲥⲓ ⲁⲩⲱ ⲙⲡⲁⲱⲑ ⲗⲙⲉⲓ ⲙⲛ ⲁⲭⲓⲙⲁ</ab>
15 ⲭⲁⲗⲉⲃ ⲇⲉ ⲁϥⲉⲓ ⲉϩⲣⲁⲓ ⲉⲃⲟⲗ ϩⲙ ⲡⲙⲁ ⲉⲧⲙⲙⲁⲩ ⲉϫⲛ ⲛⲉⲧⲟⲩⲏϩ ϩⲛ ⲇⲁⲃⲓⲣ ⲇⲁⲃⲓⲣ ⲇⲉ ⲛⲉⲩⲙⲟⲩⲧⲉ ⲉⲡⲉⲥⲣⲁⲛ ⲛϣⲟⲣⲡ ϫⲉ ⲧⲡⲟⲗⲓⲥ ⲛⲛⲉⲥϩⲁⲓ</ab>
16 ⲁⲩⲱ ⲭⲁⲗⲉⲃ ⲡⲉϫⲁϥ ϫⲉ ⲡⲉⲧⲛⲁϫⲓ ⲛⲧⲡⲟⲗⲓⲥ ⲛⲛⲉⲥϩⲁⲓ ⲛϥⲧⲁⲕⲟⲥ ϯⲛⲁϯ ⲛⲁϥ ⲛⲉⲥⲭⲁ ⲧⲁϣⲉⲉⲣⲉ ⲛⲥϩⲓⲙⲉ</ab>
17 ⲁⲩⲱ ⲁϥϫⲓ ⲛⲧⲡⲟⲗⲓⲥ ⲛϭⲓ ⲅⲟⲑⲟⲛⲓⲏⲗ ⲡϣⲏⲣⲉ ⲛⲅⲉⲛⲉⲍ ⲡⲥⲟⲛ ⲛⲭⲁⲗⲉⲃ ⲁⲩⲱ ⲁϥϯ ⲛⲁϥ ⲛⲉⲥⲭⲁ ⲧⲉϥϣⲉⲉⲣⲉ ⲛⲥϩⲓⲙⲉ</ab>
18 ⲁⲥϣⲱⲡⲉ ⲇⲉ ⲉⲥⲛⲏⲩ ⲉⲃⲟⲗ ⲁϥϫⲓϣⲟϫⲛⲉ ⲛⲙⲙⲁⲥ ⲉϥϫⲱ ⲙⲙⲟⲥ ϫⲉ ⲁⲓⲧⲓ ⲙⲡⲟⲩⲓⲱⲧ ⲛⲟⲩⲥⲱϣⲉ ⲁⲩⲱ ⲁⲥⲱϣ ⲉⲃⲟⲗ ϩⲓϫⲙ ⲡⲓⲱ ⲡⲉϫⲁϥ ⲇⲉ ⲛⲁⲥ ⲛϭⲓ ⲭⲁⲗⲉⲃ ϫⲉ ⲁϩⲣⲟ ⲧⲉⲱϣ ⲉⲃⲟⲗ</ab>
19 ⲡⲉϫⲁⲥ ⲛⲁϥ ϫⲉ ⲙⲁ ⲛⲁⲓ ⲛⲟⲩⲥⲙⲟⲩ ⲉⲃⲟⲗ ϫⲉ ⲁⲕⲧⲁⲁⲧ ⲉⲡⲕⲁϩ ⲛⲁⲅⲉⲃ ⲟⲩⲕⲁϩ ⲉϥⲟⲩⲏⲩ ⲙⲁ ⲛⲁⲓ ⲛⲧⲃⲁⲓⲑⲑⲓⲁⲛⲓⲥ ⲁⲩⲱ ⲁϥϯ ⲛⲁⲥ ⲛⲧⲅⲟⲛⲁⲓⲑⲗⲁⲁⲙ ⲉⲧϩⲙ ⲡϩⲃⲃⲉ</ab>
20 ⲧⲁⲓ ⲧⲉ ⲧⲉⲕⲗⲏⲣⲟⲛⲟⲙⲓⲁ ⲛⲧⲉⲫⲩⲗⲏ ⲛⲛϣⲏⲣⲉ ⲛⲓⲟⲩⲇⲁ</ab>
21 ⲁⲩϣⲱⲡⲉ ⲇⲉ ⲛϭⲓ ⲛⲉⲩⲡⲟⲗⲓⲥ ⲧϣⲣⲡ ⲙⲡⲟⲗⲓⲥ ⲛⲧⲉⲫⲩⲗⲏ ⲛⲛϣⲏⲣⲉ ⲛⲓⲟⲩⲇⲁⲥ ϩⲓϫⲙ ⲡⲧⲟϣ ⲛⲉⲇⲱⲙ ϩⲓ ⲧⲉⲣⲏⲙⲟⲥ ⲁⲩⲱ ⲃⲉⲥⲉⲏⲗⲏⲉⲓⲛ ⲁⲩⲱ ⲁⲣⲁ ⲙⲛ ⲁⲥⲱⲣ</ab>
22 ⲁⲩⲱ ⲓⲅⲙⲁ ⲙⲛ ⲣⲉⲅⲙⲁ ⲁⲩⲱ ⲁⲣⲟⲩⲏⲗ</ab>
23 ⲙⲛ ⲕⲁⲇⲏⲥ ⲁⲩⲱ ⲁⲓⲥⲟⲣⲓⲛⲱⲛⲁⲉⲓⲙ ⲁⲩⲱ ⲙⲉⲙⲁⲛ</ab>
24 ⲁⲩⲱ ⲃⲁⲗⲙⲁⲑ ⲙⲛ ⲛⲉⲩⲧⲙⲉ</ab>
25 ⲁⲩⲱ ⲧⲡⲟⲗⲓⲥ ⲉⲥⲣⲱⲙ ⲧⲁⲓ ⲧⲉ ⲁⲥⲱⲣ</ab>
26 ⲁⲩⲱ ⲥⲏⲙ ⲙⲛ ⲁⲥⲁⲗⲙⲁ ⲁⲩⲱ ⲙⲱⲗⲁⲇⲁ</ab>
27 ⲙⲛ ⲥⲉⲣⲅⲁⲣⲉⲓ ⲁⲩⲱ ⲃⲉⲫⲁⲗⲁⲑ</ab>
28 ⲙⲛ ⲭⲟⲗⲁ ⲁⲩⲱ ⲥⲉⲱⲗⲁ ⲙⲛ ⲃⲉⲣⲥⲏⲃⲉⲉ ⲁⲩⲱ ⲛⲉⲩⲧⲙⲉ ⲙⲛ ⲛⲉⲩⲡⲟⲗⲓⲥ ⲏ ⲛⲉⲩⲣⲥⲟⲟⲩⲉ</ab>
29 ⲃⲁⲗⲁⲕ ⲁⲩⲱ ⲁⲕⲟⲕ ⲁⲥⲟⲙ</ab>
30 ⲙⲛ ⲉⲗⲑⲱⲩⲇⲁⲇ ⲁⲩⲱ ⲃⲁⲓⲑⲏⲗ ⲙⲛ ϩⲉⲣⲙⲁ</ab>
31 ⲁⲩⲱ ⲥⲉⲗⲁⲇⲁⲇ ⲙⲛ ⲙⲁⲭⲁⲣⲓⲙ ⲁⲩⲱ ⲥⲉⲑⲉⲛⲛⲁ</ab>
32 ⲙⲛ ⲡⲉⲗⲁⲃⲱⲥ ⲁⲩⲱ ⲥⲁⲗⲱ ⲙⲛ ⲉⲣⲉⲙⲱⲑ ϫⲟⲩⲧⲯⲓⲧⲉ ⲙⲡⲟⲗⲓⲥ ⲙⲛ ⲛⲉⲩⲧⲙⲉ</ab>
33 ϩⲛ ⲧⲥⲱϣⲉ ⲡⲕⲁϩ ⲉⲧϩⲛ ⲧⲙⲏⲧⲉ ⲁⲥⲧⲁⲱⲗ ⲙⲛ ⲁⲥⲁⲣⲁ ⲁⲩⲱ ⲉⲥⲥⲁ</ab>
34 ⲙⲛ ϩⲉⲣⲁⲙⲙⲉ ⲁⲩⲱ ⲧⲁⲛⲱ ⲙⲛ ⲓⲁⲣⲓⲙⲟⲩⲑ</ab>
35 ⲁⲩⲱ ⲟⲇⲟⲗⲗⲁⲙ ⲙⲛ ⲗⲉⲙⲉⲣⲁ ⲁⲩⲱ ⲥⲁⲱⲭⲱ ⲙⲛ ⲁⲍⲏⲕⲁ</ab>
36 ⲁⲩⲱ ⲥⲁⲣⲅⲁⲣⲓⲙ ⲙⲛ ⲇⲁⲣⲅⲏⲣⲁ ⲙⲛ ⲛⲉⲩⲣⲥⲟⲟⲩⲉ ⲙⲛⲧⲁϥⲧⲉ ⲙⲡⲟⲗⲓⲥ ⲙⲛ ⲛⲉⲩⲧⲙⲉ</ab>
37 ⲥⲉⲛⲛⲁ ⲁⲩⲱ ⲁⲇⲁⲥⲁⲛ ⲁⲩⲱ ⲙⲁⲅⲁⲇⲁⲅⲁⲇ</ab>
38 ⲙⲛ ⲧⲁⲗⲁⲗ ⲁⲩⲱ ⲙⲁⲥⲥⲓⲁ ⲙⲛ ⲓⲕⲁⲣⲉⲏⲗ</ab>
39 ⲁⲩⲱ ⲗⲁⲭⲏⲥ ⲙⲛ ⲃⲁⲥⲏⲇⲱⲑ ⲁⲩⲱ ⲉⲛⲉⲇⲉⲗⲉⲁ</ab>
40 ⲙⲛ ⲭⲁⲃⲣⲁ ⲁⲩⲱ ⲙⲁⲭⲟⲉⲥ ⲙⲛ ⲅⲁⲗⲉⲛⲟⲥ</ab>
41 ⲁⲩⲱ ⲅⲉⲇⲇⲱⲣ ⲙⲛ ⲃⲁⲅⲁⲇⲓⲏⲗ ⲁⲩⲱ ⲉⲛⲱⲙⲁⲛ ⲙⲛ ⲙⲁⲕⲏⲇⲁⲛ ⲙⲛⲧⲁⲥⲉ ⲙⲡⲟⲗⲓⲥ ⲙⲛ ⲛⲉⲩϯⲙⲉ</ab>
42 ⲗⲉⲙⲛⲁ ⲁⲩⲱ ⲓⲁⲑⲁⲕⲁⲛⲱⲭ</ab>
43 ⲙⲛ ⲓⲁⲛⲁ ⲁⲩⲱ ⲛⲁⲥⲓⲙ</ab>
44 ⲙⲛ ⲕⲓⲗⲁⲙ ⲁⲩⲱ ⲁⲙⲉϩⲉⲓ ⲙⲛ ⲕⲉⲥⲉⲓⲃ ⲁⲩⲱ ⲃⲁⲣⲏⲥⲁ ⲙⲛⲉⲗⲱⲙ ⲙⲏⲧⲉ ⲙⲡⲟⲗⲓⲥ ⲙⲛ ⲛⲉⲩⲧⲙⲉ</ab>
45 ⲁⲕⲕⲁⲣⲱⲛ ⲙⲛ ⲛⲉⲥⲧⲙⲉ ⲁⲩⲱ ⲛⲉⲩⲣⲥⲟⲟⲩⲉ</ab>
46 ϫⲓⲛ ⲁⲕⲕⲁⲣⲱⲛ ⲓⲉⲣⲉⲙⲛⲁ ⲙⲛ ⲛⲕⲉⲙⲁ ⲏ ⲛⲕⲉⲡⲟⲗⲓⲥ ⲧⲏⲣⲟⲩ ϩⲓⲧⲟⲩⲱⲥ ⲛⲁⲥⲏⲇⲱⲑ ⲙⲛ ⲛⲉⲩⲕⲉⲧⲙⲉ</ab>
47 ⲁⲥⲓⲇⲱⲑ ⲙⲛⲛⲉⲥⲧⲙⲉ ⲙⲛ ⲛⲉⲥⲕⲉⲣⲥⲟⲟⲩⲉ ϣⲁϩⲣⲁⲓ ⲉⲡⲉⲭⲓⲙⲁⲣⲣⲟⲥ ⲡⲙⲟⲩ ⲛⲥⲱⲣⲙ ⲛⲕⲏⲙⲉ ⲁⲩⲱ ⲧⲉⲑⲁⲗⲁⲥⲥⲁ ⲛⲟϭ ⲛⲧⲟⲥ ⲧⲉⲧⲛⲁⲡⲱⲣϫ ⲛⲁⲩ ⲉⲃⲟⲗ</ab>
48 ⲁⲩⲱ ϩⲛ ⲧⲟⲣⲓⲛⲏ ⲡⲕⲁϩ ⲉⲧϫⲟⲥⲉ ⲥⲁⲙⲉⲓⲣ ⲙⲛ ⲓⲉⲑⲉⲣ ⲁⲩⲱ ⲥⲱⲭⲁ</ab>
49 ⲙⲛ ⲣⲉⲛⲛⲁ ⲧⲡⲟⲗⲓⲥ ⲛⲛⲉⲥϩⲁⲓ ⲧⲁⲓ ⲧⲉ ⲧⲁⲃⲓⲣ</ab>
50 ⲁⲩⲱ ⲁⲛⲱⲣ ⲙⲛ ⲁⲥⲑⲁⲙⲁ ⲁⲩⲱ ⲁⲓⲥⲁⲙ</ab>
51 ⲙⲛ ⲅⲟⲥⲟⲙ ⲁⲩⲱ ⲭⲁⲗⲟⲩ ⲙⲛ ⲗⲁⲛⲟⲩ ⲙⲛⲧⲟⲩⲉ ⲙⲡⲟⲗⲓⲥ ⲙⲛ ⲛⲉⲩⲧⲙⲉ</ab>
52 ⲉⲣⲉⲙ ⲙⲛ ⲣⲉⲙⲛⲁ ⲁⲩⲱ ⲥⲟⲙⲁ</ab>
53 ⲙⲛ ⲓⲁⲙⲉⲑ ⲁⲩⲱ ⲃⲁⲓⲑⲁϩⲟⲩ ⲙⲛ ⲫⲁⲕⲟⲩⲁ</ab>
54 ⲁⲩⲱ ⲉⲩⲁ ⲙⲛ ⲧⲡⲟⲗⲓⲥ ⲛⲁⲣⲃⲟⲕ ⲧⲁⲓ ⲧⲉ ⲭⲉⲃⲣⲱⲛ ⲙⲛ ⲥⲱⲣⲁⲓⲑ ⲯⲓⲧⲉ ⲙⲡⲟⲗⲓⲥ ⲙⲛ ⲛⲉⲩⲣⲥⲟⲟⲩⲉ</ab>
55 ⲙⲛ ⲙⲁⲓⲱⲣ ⲙⲛ ⲭⲉⲣⲙⲉⲗ ⲁⲩⲱ ⲟⲍⲉⲓⲃ ⲙⲛ ⲓⲧⲁⲛ</ab>
56 ⲁⲩⲱ ⲁⲣⲓⲏⲗ ⲙⲛ ⲁⲣⲓⲕⲁⲙ ⲁⲩⲱ ⲥⲉⲛⲁⲕⲓⲙ</ab>
57 ⲙⲛ ⲅⲁⲃⲁⲁ ⲁⲩⲱ ⲑⲁⲙⲛⲁ ⲯⲓⲧⲉ ⲙⲡⲟⲗⲓⲥ ⲙⲛ ⲛⲉⲩⲧⲙⲉ</ab>
58 ⲁⲗⲟⲩⲁ ⲁⲩⲱ ⲃⲁⲓⲑⲥⲟⲩⲣ ⲙⲛ ⲅⲉⲇⲇⲱⲣ</ab>
59 ⲁⲩⲱ ⲙⲁⲕⲕⲁⲣⲱⲑ ⲙⲛ ⲃⲁⲓⲑⲁⲛⲁⲙ ⲁⲩⲱ ⲉⲑⲉⲕⲟⲩⲙ ⲥⲟ ⲙⲡⲟⲗⲓⲥ ⲙⲛ ⲛⲉⲩⲕⲉⲧⲙⲉ (a) a ⲑⲉⲕⲕⲱ ⲙⲛ ⲉⲫⲣⲁⲑⲁ ⲧⲁⲓ ⲧⲉ ⲃⲏⲑⲗⲉⲉⲙ ⲁⲩⲱ ⲫⲁⲅⲱⲣ ⲙⲛ ⲉⲧⲁⲙ ⲁⲩⲱ ⲕⲟⲩⲗⲱⲙ ⲙⲛ ⲧⲁⲧⲁⲛ ⲁⲩⲱ ⲥⲱⲃⲏⲥ ⲙⲛ ⲕⲉⲉ ⲁⲩⲱ ⲕⲁⲗⲓⲙ ⲙⲛⲑⲉⲏⲣ ⲁⲩⲱ ⲙⲁⲛⲟⲭⲱ ⲙⲛⲧⲟⲩⲉ ⲙⲡⲟⲗⲓⲥ ⲙⲛ ⲛⲉⲩⲕⲉϯⲙⲉ</ab>
60 ⲕⲁⲣⲓⲁⲑⲃⲁⲗ ⲧⲁⲓ ⲧⲉ ⲧⲡⲟⲗⲓⲥ ⲛⲁⲣⲓⲙ ⲁⲩⲱ ⲥⲱⲑⲏⲃⲁ ⲥⲛⲧⲉ ⲙⲡⲟⲗⲓⲥ ⲙⲛ ⲛⲉⲩⲣⲥⲟⲟⲩⲉ</ab>
61 ⲇⲁⲃⲇⲁⲃⲁⲣⲅⲓⲥ ⲁⲩⲱ ⲑⲁⲣⲁⲃⲁⲙ ⲙⲛ ⲙⲁⲣⲱⲛ</ab>
62 ⲁⲩⲱ ⲥⲟⲭⲟⲍⲁ ⲙⲛ ⲛⲁⲫⲗⲁⲍⲱ ⲁⲩⲱ ⲥⲁⲇⲱⲙ ⲙⲛ ⲁⲅⲕⲁⲇⲏⲥ ⲥⲁϣϥⲉ ⲙⲡⲟⲗⲓⲥ ⲙⲛ ⲛⲉⲩⲕⲉϯⲙⲉ</ab>
63 ⲁⲩⲱ ⲡⲓⲉⲃⲟⲩⲥⲁⲓⲟⲥ ⲡⲁⲓ ⲉⲛⲉϥⲟⲩⲏϩ ϩⲛ ⲑⲓⲉⲣⲟⲩⲥⲁⲗⲏⲙ ⲛϣⲏⲣⲉ ⲛⲓⲟⲩⲇⲁⲥ ⲙⲡⲟⲩϣϭⲙϭⲟⲙ ⲉⲧⲁⲕⲟⲟⲩ ⲁⲩⲱ ⲛⲓⲉⲃⲟⲩⲥⲁⲓⲟⲥ ⲁⲩⲟⲩⲱϩ ϩⲛ ⲑⲓⲉⲣⲟⲩⲥⲁⲗⲏⲙ ϣⲁϩⲣⲁⲓ ⲉⲡⲟⲟⲩ ⲛϩⲟⲟⲩ</ab>
64 <gap reason=""/>