1 قَاذَامْ سِيذِي،
2 أجّْ إِنِّي إِتّْوَافكّنْ ن سِيذِي
3 إِنِّي إِسّْمُونْ زِي ثمُّورَا،
4 ثُوغَا ذِينْ إِنِّي إِودَّارنْ ذِي ڒخْڒَا،
5 ذَايْسنْ ڒَاژْ ذ ؤُفَاذِي،
6 خنِّي سْغُوينْ غَارْ سِيذِي ذِي ڒحْصَارثْ نْسنْ،
7 نتَّا إِنْذهْ إِ-ثنْ
8 أجّْ إِ-ثنْ أَذْ قَاذَانْ سِيذِي
9 مَاغَارْ نتَّا إِسّْجِّيونْ ڒعْمَارْ إِفُّوذنْ،
10 ثُوغَا ذِينْ إِنِّي إِقِّيمنْ
11 مَاغَارْغوّْغنْ
12 نتَّا إِسّقْنعْ ؤُڒْ نْسنْ س ثَامَارَا،
13 خنِّي ڒَاغَانْ إِ سِيذِي ذِي ڒحْصَارثْ نْسنْ
14 نتَّا إِسُّوفّغْ إِ-ثنْ زِي ثَادْجسْثْ
15 أجّْ إِ-ثنْ أَذْ قَاذَانْ سِيذِي
16 مَاغَارْ نتَّا يَارْژَا ثِيوُّورَا ن نّْحَاسْ،
17 ثُوغَا ذِينْ إِبُوهَاڒِييّنْ إِنِّي إِتّْوَاغزَّانْ
18 إِعِيفّْ ڒعْمَارْ نْسنْ زِي مَارَّا مَاشَّا،
19 خنِّي ڒَاغَانْ إِ سِيذِي ذِي ڒحْصَارثْ نْسنْ
20 نتَّا إِسّكّْ أَوَاڒْ نّسْ،
21 أجّْ إِ-ثنْ أَذْ قَاذَانْ سِيذِي
22 أجّْ إِ-ثنْ أَذْ أَوْينْ ثِيوْهِيبِينْ ن ؤُقَاذِي،
23 ثُوغَا ذِينْ إِنِّي إِهكّْوَانْ
24 ژْرِينْ مِينْ إِڭَّا سِيذِي،
25 مَاڒَا نتَّا إِسِّيوڒْ،
26 ڭعّْذنْ غَارْ ؤُجنَّا
27 ميّْڒنْ، ميّْڒمْ
28 خنِّي ڒَاغَانْ إِ سِيذِي ذِي ڒحْصَارثْ نْسنْ
29 نتَّا يَارَّا أَسمِّيضْ أَذْ يَارْسَا،
30 نِيثْنِي فَارْحنْ ؤُمِي أَرْسِينْ ڒمْوَاجْ
31 أجّْ إِ-ثنْ أَذْ قَاذَانْ سِيذِي
32 أجّْ إِ-ثنْ أَذْ ث سّْعُودْجنْ
33 نتَّا يَارَّا إِغزْرَانْ ذ ڒخْڒَا،
34 ثَامُّورْثْ إِ إِتِّيشنْ ڒْغِيدْجثْ
35 نتَّا يَارَّا ڒخْڒَا
36 ذِينِّي إِ إِسّزْذغْ إِنِّي إِدْجُوژنْ
37 نِيثْنِي زَارّْعنْ ذڭْ إِيَّارنْ،
38 نتَّا إِبَاركْ إِ-ثنْ،
39 خنِّي مَاشَا ذَاكّْوَاڒنْ ذِي ذْرُوسْ عَاوذْ،
40 نتَّا إِتّْكبَّا أَسحْقَارْ
41 إِسّْڭعّذْ-د أَمزْڒُوضْ زِي ڒغْبنْ
42 إِنِّي إِڭُّورنْ نِيشَانْ تّْوَاڒَانْ
43 ونِّي ذ أَمِيغِيسْ، أجّْ إِ-ث أَذْ إِحْضَا،