Tito 1
Hẽwandam Hiek (NOAH) vs NVI
1 Mʌʌn Pabloou, Hẽwandam chog hanaa hĩchab Jesucristoou hich hi jaaumk'ĩir jʌr hautarr. Magtarr haawai mʌ p'idagan, har hich Hẽwandamau jʌr haumam k'ʌʌnag warag hi hiekta hʌ̈k'amk'ĩir hamag jaau nʌmʌu, mag jaaumam gaaimua chadcha Hẽwandam hiek maachdëu hʌ̈k'a nʌm chaarta t'umaam k'ʌʌnau k'augp'ömamk'ĩir.
1 Paulo, servo de Deus e apóstolo de Jesus Cristo para levar os eleitos de Deus à fé e ao conhecimento da verdade que conduz à piedade,
2 Mag maachdëu hʌ̈k'a nʌmʌn, hʌ̃gt'ar paauk'abaimaawaijã hich magta Hẽwandam dʌ̈i maach hiiu nʌisiju ha jaau simʌu. Mag maachig hich dʌ̈i hich mag wënʌrrapiju ha jaautarran, hich Hẽwandam bʌ̃ʌrjã sëu chuk'u k'itʌmuachata mʌg jẽb hompaaju nawe mag jaaujim.
2 fé e conhecimento que se fundamentam na esperança da vida eterna, a qual o Deus que não mente prometeu antes dos tempos eternos.
3 Magtarr haawai ya hĩs hewag pawiata hõrau hi hiek jaau durrum gaaimua mag hiek t'umaam k'ʌʌnau hajapcha k'ak'apdö pamam. Magua mua hich mag hiekta jaau chitʌm, mag jaaumk'ĩirta Hẽwandam maach peerdʌajemua mʌ jʌr hauwi pʌ̈itarr haawai.
3 No devido tempo, ele trouxe à luz a sua palavra, por meio da pregação a mim confiada por ordem de Deus, nosso Salvador,
4 Tito, muata mʌg hẽsap pʌrʌg p'ã deepʌ̈i chirʌm. Maach numiim k'ʌʌnau hãbam hiekpai hʌ̈k'a wënʌrrʌm gaaimua pʌjã hĩchab mʌch chaaijö hig chitaawai, maach Haai Hẽwandamag jëeunaa maach Pör Jesucristo maach peerdʌajemʌgjã jëeu chirʌm, hamachdëuta pʌ dau hee haug k'aug paraanaa pʌ hʌ̈u wai nʌm dʌ̈i hĩchab pʌ k'õinaa wai wënʌrramk'ĩir.
4 a Tito, meu verdadeiro filho em nossa fé comum: Graça e paz da parte de Deus Pai e de Cristo Jesus, nosso Salvador.
5 Har döjãrr Creta p'ʌram gaai mua pʌ werpʌatarran, hagt'a nem hinju pöm t'ʌnaawai, magʌm t'um hinwia hĩchab p'öbörpierr chi hʌ̈k'a durrum k'ʌʌn nʌnʌidʌmpierr hõor jʌr hauwi chi pörk'apimamk'ĩir hajim, hich jãg mʌchdëu pʌchig jaau pʌatarrjö.
5 A razão de tê-lo deixado em Creta foi para que você pusesse em ordem o que ainda faltava e constituísse presbíteros em cada cidade, como eu o instruí.
6 Mag Hẽwandam hiek hʌ̈k'a nʌm k'ʌʌn pörk'aju wounan t'umaam k'ʌʌn dak'ĩir hajap'ata nʌrraju haai sim, magba hak'iin hõor dak'ĩir parhooba haawai, jũrr hichigpata bigaaum k'ʌʌnau hiek'ak'a haju. Mag chi pörk'a sim k'ʌʌn hʌʌi hãbpaita paraa haju haai sim. Chi chaainaujã hĩchab Hẽwandam hiek t'ãraucha hʌ̈k'aju haai nʌm. Maagwai nem bʌ̃ʌr habarm gaaimua hõrau ham hëugar k'aigba hiek'aba ni hãbmuajã ham higwi, “Jãk'ʌʌnan chi dau löknaanau; hamachig nem jaauwaijã dʌ̈ita warag hʌ̈k'a hʌ̈k'a sĩerrjëem” habaju.
6 É preciso que o presbítero seja irrepreensível, marido de uma só mulher, e tenha filhos crentes que não sejam acusados de libertinagem ou de insubmissão.
7 Chi hʌ̈k'a durrum k'ʌʌn pörk'a sim wounan hãba Hẽwandam hat'eeta p'idk'a sĩewai t'umaam k'ʌʌn daar hagchata nʌrraju haai sim, hichta hʌ̃rpai chirʌm hawia bit'urgam k'ʌʌn hiek hũrmap'ajã k'aba, k'ĩir k'ʌʌuk'ak'arrsö k'aba, nag pig k'aba, dich k'apeen dʌ̈ijã k'ujʌʌrnem k'aba, ni sĩi nemdam bʌ̃rʌʌm wau nʌm paarjã hãba p'atk'onta hahau hajujã k'ĩirjuba.
7 Por ser encarregado da obra de Deus, é necessário que o bispo seja irrepreensível: não orgulhoso, não briguento, não apegado ao vinho, não violento, nem ávido por lucro desonesto.
8 Magju k'ãai hõor hich haig bëewaijã, hich haig jẽerpim k'õsi jẽerpinaa, t'umaam k'ʌʌn dʌ̈i hö hajap'ata nʌrraju haai sim. Magnaa hĩchab sĩi donjö parhoob nem wauba, Hẽwandam dau na nem hagchata waunaa hãba Hẽwandam k'õchagpierrpaita nʌrraju haai sim, sĩi dich k'õchagpierr haba.
8 É preciso, porém, que ele seja hospitaleiro, amigo do bem, sensato, justo, consagrado, tenha domínio próprio
9 Maach peerdʌajem hiek hichdëu k'augtarr gaaita warag wʌrppa haju haai sim, tagam k'ʌʌnagjã hiek hajap'a hiek'amamua wawie k'ap'ʌnaa, cha maachdëu hʌ̈k'a nʌm hiek higwia warag chaaur hiek'amaajem k'ʌʌnagjã hajap'a jaau k'ap'ʌ jaaumamua Hẽwandam hiigta p'ũrreu hawaag.
9 e apegue-se firmemente à mensagem fiel, da maneira como foi ensinada, para que seja capaz de encorajar outros pela sã doutrina e de refutar os que se opõem a ela.
10 Pua k'ap'ʌ sim, pãach heepaijã har hamach wawiewai hũrba warag chaaur hʌ̈k'a hʌ̈k'a haajem k'ʌʌn k'apan t'ʌnʌm. Mak'ʌʌnan sĩi nem maadëu higmap'amta jaau wënʌrrʌmua warag hõor k'ũgur wënʌrraajem. Mamʌ hʌ̃rcha mua mag jaau chirʌmʌn, har chi hʌ̈k'a nʌm k'ʌʌnan hamach mor gaai dauchachmaju haai sĩsidʌm ha jaaujem k'ʌʌn higwiata mag chirʌm.
10 Pois há muitos insubordinados, que não passam de faladores e enganadores, especialmente os do grupo da circuncisão.
11 Jãgʌm k'ʌʌnan hi k'õorjʌ̃ sĩumaju haaita sĩsidʌm. Magba haawai sĩi p'atk'on paarpam k'õchgaupai jãg nem jaauju haai k'abampa jaau wënʌrrʌmua hõor di hëntër k'ũgur pʌamaajerram.
11 É necessário que eles sejam silenciados, pois estão arruinando famílias inteiras, ensinando coisas que não devem, e tudo por ganância.
12 Hĩchab pua k'ap'ʌ sim, Cretapien hamach jãg chit'ëem gaaimua hamach heepai hãb Hẽwandam hi jaaumie gaai t'ʌ̃r wai narrau ham higwia, “Cretapien k'ai nem sëunemnaa nem k'aibag saakienjöta sĩerrjëem; magnaa sĩi k'usëugnaa degpai t'ach bipöm k'öju happaita k'ap'ʌ sĩerrjëemgui” hajim.
12 Um dos seus próprios profetas chegou a dizer: "Cretenses, sempre mentirosos, feras malignas, glutões preguiçosos".
13 Chi mag hiek'atarr wounaun chadcha hag heyaata hiek'apʌ̈ijim, ham chadcha hich magta sĩerrjëe haawai. Maagwai mua pʌrʌg, hik'ʌaba hiek'abá ha chirʌm, maach hipierr Hẽwandam hiek hʌ̈k'a durrum k'ʌʌnag cha maadëu hʌ̈k'a nʌm hiek heepai hagcha wënʌrramk'ĩir;
13 Tal testemunho é verdadeiro. Portanto, repreenda-os severamente, para que sejam sadios na fé
14 maagwai judionaanau hamach k'ĩirjug heepai hompaawia parhooba ham hëugar nem jaau wënʌrrawiajã magʌm k'ʌʌn hiek hasekasba, ni har maachjö Hẽwandam hiek chaar hʌ̈k'a narrta hiseg pʌawia parhoob wënʌrrʌm k'ʌʌnau nem waupi jaau nʌm k'ʌʌnagjã magʌm k'ʌʌn hipierraa ham hugua. Mak'ʌʌnau jaauwai nem parhooba k'ö nʌmua wa nem parhooba pʌrbarmua k'ãijã Hẽwandam dau na maach hãarjem ha jaaujem.
14 e não dêem atenção a lendas judaicas nem a mandamentos de homens que rejeitam a verdade.
15 Mamʌ har k'ĩirjug wajap'a wai nʌm k'ʌʌnag chan mag k'abam, nem t'ʌnʌm t'um hajap'a t'ʌnʌm. Mamʌ har Hẽwandam hiek hʌ̈k'aba ni k'ĩirjugjã hajap'a k'aba nʌm k'ʌʌnag chan, bʌ̃ʌrjã nem hajap'am chuk'um, hamachdëu k'aigba k'ĩirju nʌm gaaimua sĩi k'ĩirjug memerk'ömjö sĩsid haawai.
15 Para os puros, todas as coisas são puras; mas para os impuros e descrentes, nada é puro. De fato, tanto a mente como a consciência deles estão corrompidas.
16 Hamachdëupain haman Hẽwandam dënk'a nʌm haajem; mamʌ hamach nem wau nʌm gaaimua merag chuk'u sĩerrjëem, sĩi par hiiupaita mag nʌrrjëem haawai. Hamach mag wënʌrrʌm gaaimua hõraujã ham k'a hisëe haajem. Hʌ̈k'a nʌm hanʌmta warag Hẽwandamau nem waupi jaau sim hichaaurta hʌ̈k'a hʌ̈k'a sĩerrjëem. Jãgʌm k'ʌʌn chan bʌ̃ʌrjã serbiibata sĩerrjëem nem hajap'am wawaag.
16 Eles afirmam que conhecem a Deus, mas por seus atos o negam; são detestáveis, desobedientes e desqualificados para qualquer boa obra.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Tito 1, comparar traduções ou montar um estudo — tudo direto pelo WhatsApp.