Marcos 14
Ẽwandam Iek (NOAE) vs NTLH
1 Jesuu mag ich khapeenag ich mawia deeu bëeju jaauwai nemkhoo pömaam burraag khãaidam numpai waaur sĩejim aajem. Mag phiesta ĩchab Pascua a thʉ̈ʉrjem; ajapcharan maar meeun judionaanau pan sĩi ich jãg levadura chukhu wauwia seman ëntër khoojem ag semanma. Mag phiesta burrju khãai khapan khaba waaur nʉm ee, phadnaan chi pörnaanau Moiseeu Ẽwandam iek phã pʉatarr jawaag chi machnaan dʉ̈imua ãba biirdʉwi khĩirjug jʉr naajim anaabá, nemdam bʉ̈ʉr abarm gaaimua Jesús imeraa pʉr auwi thõopʉ̈yaag.
1 Faltavam dois dias para a Festa da Páscoa e a Festa dos Pães sem Fermento . Os chefes dos sacerdotes e os mestres da Lei procuravam um jeito de prender Jesus em segredo e matá-lo.
2 Amach ödegpain mag i thõopʉ̈iju khĩirju naajieb mamʉ, jũrr tagam khʉʉnau, “Keena, mʉg nemkhoo ee maadëu i thõoba sĩuju. Magba akhiin õor pöm mʉg wëjöm maach dʉ̈ita meeukhaju” aajeejim anʉm.
2 Eles diziam: — Não vamos fazer isso durante a festa, para não haver uma revolta no meio do povo.
3 Mag nʉm ee Jesús Betania phöbördam ee mawi woun Simón anʉm deg thach khö sĩejim aajem. Ich mag Simón ibʉʉr wauwi “phĩe paraa khitarr” a thʉ̈ʉrjeejim aajem. Maig i thach khö simta, ʉʉi ãb jʉ̈gdee didam durrkhudau alabastro anʉm dën boteedidam wau khitʉm dʉ̈i dubchëjim aajem. Mag ee jʉ̈gdee narrdo anʉm dën thũpaaga sim ipir aibëejim aajem. Mag jʉ̈gdee khĩir nem parhẽpag sĩerrʉm. Mag sim dʉ̈i jua ee dubchëwi, chi boteedidam ö khõorpnaa, õor dakhĩir Jesús pör ee choopʉ̈ijim anaabá.
3 Jesus estava no povoado de Betânia, sentado à mesa na casa de Simão, o Leproso. Então uma mulher chegou com um frasco feito de alabastro , cheio de perfume de nardo puro, muito caro. Ela quebrou o gargalo do frasco e derramou o perfume na cabeça de Jesus.
4 Mes gaai i dʉ̈i ãba thach khö narr khʉʉnau amach daúa mag jʉ̈gdee parhẽpagkhamta sĩi i pör ee choobapʉ̈im oobaawai ãaur khʉʉnau wir aigpai amach khapeenag, —Keena, ¿khantheeta jãg jʉ̈gdee parhẽpag simta sĩi jãg ãr choobarma? ajierram anʉm,
4 Alguns que estavam ali ficaram zangados e disseram uns aos outros: — Que desperdício!
5 jãg sĩi par ãr chooju khãai, parhẽphʉ përpʉ̈iwia ag phatkhonau ʉ̈u dau aphʉʉm khʉʉn khĩirdam jãsenkhaju aai sĩerrtá.
5 Esse perfume poderia ter sido vendido por mais de trezentas moedas de prata , que poderiam ser dadas aos pobres. Eles criticavam a mulher com dureza,
6 Mag bigaaum khʉʉnau magbaawaita jũrr ich Jesuu amag, —¿Khantheeta pãrau mag ʉʉi khĩir naau iekha nʉma? ajim anaabá. Jãgbarmua irua mʉ dʉ̈i ʉ̈u abarm khabahab; idëu i sĩi khajapha sĩubat ajim anʉm.
6 mas Jesus disse:
7 Dau aphʉʉm khʉʉndaman pãrau pãach ee ich jãg oo wai wënʉrrajugui ajim anʉm. Maagwai pãachdëu nemdam deem khõsim aig pãrau amag deeju aai naabahab; pari mʉ chan pãrau pãach ee ich mag mʉ oo wai wënʉrrabaju.
7 Pois os pobres estarão sempre com vocês, e, em qualquer ocasião que vocês quiserem, poderão ajudá-los. Mas eu não estarei sempre com vocês.
8 Mʉg ʉʉirau ichdëu khĩirjuawai ajapcha simjöta abarbahab mʉ dʉ̈i. Mʉg mʉ pör ʉ̈r jʉ̈gdeeu choobarmua mʉ meebaadeewai aukhëraan arrju nawe ya irua mʉ kha phuur sim khabahab ajim anʉm.
8 Ela fez tudo o que pôde, pois antes da minha morte veio perfumar o meu corpo para o meu sepultamento.
9 Magnaa, Ĩs mua chadcha pãrag mag chirʉmgui ajim anʉm: Mʉg atag pawiajã durrpierr Ẽwandamau õor peerdʉ aaujem iek jaau wënʉrrʉm dʉ̈i ĩchab mʉg ʉʉirau mʉ dʉ̈i mʉgbarmjã jaaub khaba jaauju. Mag, ooba arr khʉʉnaujã ĩchab i iigjeejugui ajim anʉm.
9 Eu afirmo a vocês que isto é verdade: em qualquer lugar do mundo onde o
10 Mag phadnaan chi pörnaanau Moiseeu Ẽwandam iek phã pʉatarr jawaag chi machnaan dʉ̈imua ich Jesús dakhãu wai nʉm ee, ich dʉ̈i doce wënʉrraajerr eem ãb Judas Iscariote a thʉ̈r sĩerrau phadnaan chi pörkha nʉm khʉʉn dʉ̈i iekhaan majim aajem, jãga ichdëu amag Jesús pʉr deeju a jawaag.
10 Judas Iscariotes, que era um dos doze discípulos, foi falar com os chefes dos sacerdotes para combinar como entregaria Jesus a eles.
11 Maimua mawia chadcha Judaau amachig Jesús pʉr deeju a ũrbaawai chi phadnaan pörkha nʉm khʉʉn oneeu phöbaadëwia chi Judaag phatkhonpa deeju ajierram anaabá. Ichig mag phatkhonpa deeju abaawai chará ãba i imeraa pʉr auwia warre amag amach jua ee deeju khĩirjugpaita wai sĩsijim anaabá.
11 Quando ouviram o que ele disse, eles ficaram muito contentes e prometeram dar dinheiro a ele. Assim Judas começou a procurar uma oportunidade para entregar Jesus.
12 Pan levadura chukhu wauwia warrpem phiesta burr nʉm edcha judionaanau nemkhoo jaram ithee ovejadam thõowia edau khëubaadeewai khoojem. Magua ich mag edcha Jesús khapeenau irig, —¿Jampaita marau pʉ na phiejãb wauwimaju aai nʉma? ajierram anʉm.
12 No primeiro dia da Festa dos Pães sem Fermento , em que os judeus matavam carneirinhos para comemorarem a Páscoa , os discípulos perguntaram a Jesus: — Onde é que o senhor quer que a gente prepare o jantar da Páscoa para o senhor?
13 Mag ichig jëeubaawai ich khapeen eem numí ich aig thʉ̈rkha auwi pʉ̈yaagpamua amag, —Pãar maar na Jerusalén phöbörög ërëubaadët ajim anʉm. Nau pãar ya phöbör ee paaukhabaimaawai pãrau woun ãb döthũr ee dö jöi arrum ooimajugui ajim anʉm. Mag woun döthũr dʉ̈i mam oobaawai i ẽudee wëtwi,
13 Então Jesus enviou dois discípulos com a seguinte ordem:
14 i dubbaimam deg dʉ̈i dubwia, chi dikhʉʉg mʉ imeerba, “Maestroou pʉrʉg jëeupijim, ¿jamta í ich khapeen dʉ̈i ãba nemkhoo jaram thach khöju aai chirʉ́?” a jëeubat ajim anʉm.
14 e digam ao dono da casa em que ele entrar que o Mestre manda perguntar: “Onde fica a sala em que eu e os meus discípulos vamos comer o jantar da Páscoa?”
15 Magbaawai mag wounau pãar ʉ̈gthaa warrwia dijã pöoma sĩi wajappha jar sim pãrag jaauju. Maigta phiejãb wauwia sĩi maar na wajapha nem khĩir khaug sĩubat ajim anʉm, mag ich khapeen ichdëu pʉ̈iju khʉʉnag.
15 Então ele mostrará a vocês no andar de cima uma sala grande, mobiliada e arrumada para o jantar. Preparem ali tudo para nós.
16 Jesuu amachig magbaawai, chadcha i ipierr Jerusalén phöbörög ërëuwia ooimaawai, chadcha amachig jaautarrjö ooimajierram anaabá. Mag oobaimaawai maig mag nemkhoo jaram ovejadam wai narr wauwia sĩi i baraata oo nʉisijim aajem.
16 Os dois discípulos foram até a cidade e encontraram tudo como Jesus tinha dito. Então prepararam o jantar da Páscoa.
17 Mag ich na numí pʉ̈itarr aawai ya kheeuraa aadëm ee, tagam khʉʉn dʉ̈i barjim aajem, warm khʉʉnau phiejãb wau wai narr aar.
17 Quando anoiteceu, Jesus chegou com os doze discípulos.
18 Mag barbaimaawai thach thöikhawia ya ãba mes gaai khö nʉmua Jesuu amag, —Keena, mua warre pãrag jaaukhimgui ajim anʉm: Mʉ cha iekha chirʉm iekhau maach khapeer mʉig maach dʉ̈i ãba thach khö simuapai thethem khʉʉnag mʉ pʉr deejugui ajim anʉm.
18 Enquanto estavam à mesa, no meio do jantar, ele disse:
19 Jesuu amachig mag iekhabarm ũrwia warre ökhĩirjuu nʉisijim anaabá. Mag ökhĩirjuu nʉm iekhau jũrram khʉʉnau irig jëjëeu aajeejim anʉm, chijãguata magju khap aag awi.
19 Eles ficaram tristes e, um por um, começaram a perguntar: — O senhor não está achando que sou eu, está?
20 Mamʉ par mag ichig jëjëeukhamjã amag chi thʉ̈rjã jaauba, sĩi, —Pãach mʉg doce nʉm eem ãb mʉ khö chirʉm thëp ee ich panau sĩkhö sim wounauta mʉ khaibag waujugui ajim anʉm.
20 Jesus respondeu:
21 Mʉ dʉ̈i magbarmua Emkhooi Iewaan Ẽwandam iek phã sim gaai jaau simjö ich ag eyaata öbëbërgmam. Mamʉ ¡ë, apkhiitʉ chi mag mʉ përpʉ̈i sim woun! Ante magju khapnaa thaababa arr amuan ʉ̈ucha akhamgui ajim anʉm.
21 Pois o
22 Maimua mag iyʉ̈ʉ thach khö nʉmua Jesuu pan jua ee auwia, Ẽwandamag ʉ̈u ajim anaa khõreunaa amag ʉapʉ̈inaa, —Mʉg pan khöbat. Mʉ mʉ morougui ajim anʉm. |src="CN01803B.TIF" size="span" copy="© 1978 David C. Cook Publishing Co." ref="MRK 14.22"
22 Enquanto estavam comendo, Jesus pegou o pão e deu graças a Deus. Depois partiu o pão e o deu aos discípulos, dizendo:
23 Maimua ich agjö jarrdamjã jua ee auwia, ag paar Ẽwandamag ʉ̈u ajim anaa, deeu amag ʉapʉ̈ijim aajem. Magbaawai thumaam khʉʉnau ag eem döjierram aajem. Mag ʉapʉ̈iwia ich Jesuupai magjim anʉm:
23 Em seguida, pegou o cálice de vinho e agradeceu a Deus. Depois passou o cálice aos discípulos, e todos beberam do vinho.
24 —Jãg döbarmʉn mʉ bagau, warrgarwe Ẽwandamau õor dʉ̈i iek deeju aajerr. Mamʉ mʉg iekhan iek iiuriugui ajim anʉm. Mʉg pãar ithee mʉ bag mʉg vinojö khitʉm ãrbarmuata Ẽwandamau, ĩsmua atagan chadau pãar peerdʉ wënʉrraju aai nʉm a jaau simgui ajim anʉm.
24 Então Jesus disse:
25 Maimua, Mua warre pãrag jaaukhimgui ajim anʉm: Mʉg vino döbarm aigmua mua chan tag döba, ãba Ẽwandamta thumaam khʉʉn Pörkha sĩsim edta deeu ag khãyaujã ajapcharamta döjugui ajim anʉm.
25 Eu afirmo a vocês que isto é verdade: nunca mais beberei deste vinho até o dia em que beber com vocês um vinho novo no
26 Jesús mag ich khapeen dʉ̈i ãba mes gaai iyʉ̈ʉ thach khö naawia, meukhaarjã Ẽwandam iek Salmos anʉm gaaim auwia, Olivo durrsĩig ërëujim aajem.
26 Então eles cantaram canções de louvor e foram para o monte das Oliveiras.
27 Mag wëtwia mam pabaimaawai ich Jesuu amag magjim anʉm:
27 E Jesus disse aos discípulos:
28 Pari mag mʉ thõopʉ̈iwiajã deeu iiu phiidʉwia mʉchta pãar na majugui ajim anʉm, Galileaag. Mamta deeu pãar dʉ̈i oojugui ajim anʉm ich khapeenag.
28 Mas, depois que eu for ressuscitado, irei adiante de vocês para a Galileia.
29 Jesuu mag iekhabaawai Pedroou irig magjim anʉm:
29 Então Pedro disse a Jesus: — Eu nunca abandonarei o senhor, mesmo que todos o abandonem!
30 Pedroou ichig magbaawai Jesuu irig, —Pʉ mag iekha chirab mamʉ, cha mʉ iekha chirʉm iekhau nau ãspajuag ãthãrr biek numí bĩeju nawe õrau pʉchig jëeubaawai pua biek thãrjup mʉ khaugba chitʉm ajugui ajim anʉm ichigcha.
30 Mas Jesus lhe disse:
31 Magbaa Pedroou jũrr irig, —Pʉ thõbaimam aar thõimaju awiajã mua chan pʉ kha ogdʉbajugui ajim anʉm.
31 Mas Pedro repetia com insistência: — Eu nunca vou dizer que não o conheço, mesmo que eu tenha de morrer com o senhor! E todos os outros discípulos disseram a mesma coisa.
32 Jesuu ich khapeen ich dʉ̈i phë arrwia nemjĩirdö Getsemaní anʉm ee barwia amag, —Mʉ chum Ẽwandamag jëwaan mamich, pãar mʉig nʉisit ajim anʉm tagam khʉʉnag.
32 Jesus e os discípulos foram a um lugar chamado Getsêmani. E Jesus lhes disse:
33 Magpet awi thãrjuppai ich dʉ̈i phë arrjim aajem: Pedro, Santiago maimua Juan. Maimua amach appai aphöbaadëm aig, Jesús nem ökhĩirjuuga aadëmua gaai machaaga aadëjim aajem.
33 Então Jesus foi, levando consigo Pedro, Tiago e João. Aí ele começou a sentir uma grande tristeza e aflição
34 Ich magbaadeewai ichdëu amag magjim anʉm:
34 e disse a eles:
35 Magpet awi ichin ag atgajãrpai kanieu phõbkhanaa, jẽb gaai dagau dʉrnaa, Ẽwandamag jëeumamua i gaai machag ãwatpibaju akhiin ʉ̈u akham a jëeumajim aajem. Magnaa,
35 Ele foi um pouco mais adiante, ajoelhou-se, encostou o rosto no chão e pediu a Deus que, se possível, afastasse dele aquela hora de sofrimento.
36 —Tata, pʉ ithee chan bʉ̈ʉrjã phithurm nem chukhum. Pua khõs chirʉm khai mʉ peerdʉ athá ajim anʉm, mʉ dau aphʉʉ aju nawe. Pʉrʉg mua jëeu chirʉm, mamʉ mʉchdëu khõsi chirʉmjö khaba pʉchdëu khõsimjöta abá mʉ dʉ̈i a jëeumajim aajem.
36 Ele orava assim:
37 Mag jëeu sĩewi am aig bëewi oocheewai am khãi nʉmta oochëjim anaabá. Magbaawai jũrr Simonagta, —Pʉʉn sĩita khãi chirabma. Pʉ chan oradam ãbjã pöd daukhana aju khabahab ajim anʉm.
37 Depois voltou e encontrou os três discípulos dormindo. Então disse a Pedro:
38 Sĩi jãg khãi nʉʉ aju khãai Ẽwandamagta jëeubat ajim anaabá, dösãtag ʉdʉʉr pãach thʉ aupim ugua. Mua oowai pãach ödiiwan chadcha pãrau jëeum khõsi durrumta pari daphökgauta pödba nʉmgui ajim anʉm.
38 Vigiem e orem para que não sejam tentados. É fácil querer resistir à tentação; o difícil mesmo é conseguir.
39 Mag iekha pʉawi deeu am aigmua petajim aajem. Maimua Ẽwandamag ichdëu nacha jëeu sĩerrjö ich ag iekpai iekhamamua deeu jëeumajim aajem.
39 Jesus foi outra vez e orou, dizendo as mesmas palavras.
40 Mag jëeu sĩi awia deeu oon bëewaijã, i khapeen daphökgau pödjã dau ẽeba, sĩi khãidʉtkha thʉnʉmta oochëjim anaabá. Mag daphökgau pödjã dau ẽepiba thʉnaawai Jesuu amachig iekhabaichëmjã pöd i iek ʉ̈khaju khaugba naajim anʉm.
40 Em seguida, voltou ao lugar onde os discípulos estavam e os encontrou de novo dormindo. Eles estavam com muito sono e não conseguiam ficar com os olhos abertos. E não sabiam o que responder a Jesus.
41 Mag biek thãrjupam gaaijã agtha khãidʉtkha thʉnʉm oobaicheewaita deeu amag, —¿Agtha pãar sĩi khãai gaaita nʉ? Khãigap nem pʉabat ajim anʉm. Pekau pöm sĩsidʉm khʉʉnag mʉch chi Emkhooi Iewaa pʉr deeju ora pabaichëbahab.
41 Quando voltou pela terceira vez, Jesus perguntou:
42 Phiidʉtkhabat, maimua maach khapeen aar wëttarrau ajim anʉm. Mʉ oomapham khʉʉnag mʉ pʉr deeju wounan ya dakpa urumgui ajim anʉm.
42 Levantem-se, e vamos embora. Vejam! Aí vem chegando o homem que está me traindo!
43 Jesús agtha mag iekha dʉnʉm ee, ich khapeenpai mag doce narr eem ãb Judas anʉmta õor pochag urajim anʉm. Mag wëdurum khʉʉnan ãaur khʉʉn sĩi espaar jua panhapha bëe thʉnaawai tagam khʉʉn sĩi pa dʉ̈ijã bëe thʉnaajim aajem. Makhʉʉn phadnaan chi pörkha nʉm khʉʉnau Ẽwandam iek jawaag chi machnaanau tagam khʉʉn jöoin chi pörnaan dʉ̈imua pʉ̈itarr khʉʉn ajim aajem.
43 Jesus ainda estava falando, quando chegou Judas, um dos doze discípulos. Vinha com ele uma multidão armada com espadas e porretes, que tinha sido mandada pelos chefes dos sacerdotes, pelos mestres da Lei e pelos líderes judeus.
44 Mag chadcha õor pochag bëewi ya chi Judaau ag nawe, “Nau mua mawia pãach dakhĩir khĩir ʉ̈ʉ athamta pʉr auwia athaadët” a jaau wai sĩerr aawai,
44 O traidor tinha combinado com eles um sinal. Ele tinha dito: “Prendam e levem bem seguro o homem que eu beijar, pois é ele.”
45 chadcha ich dʉ̈i wënʉrrʉm khʉʉn dakhĩraa ichdëu jaautarrjö Jesús dʉ̈i ãba dʉnʉʉuwimawia irig, “Maestro, ¿jãgpai chirʉ́?” anaa i khĩir ʉ̈ʉ athajim anaabá.
45 Logo que chegou perto de Jesus, Judas disse: — Mestre! E o beijou.
46 Magbarm bʉ̈rre chi soldaaunau Jesús phʉʉr thuur auwia i pʉrphöbaadëjim aajem.
46 Então eles pegaram Jesus e o prenderam.
47 Mamʉ chi khapeen i dʉ̈i wënʉrrarr khʉʉnau amach dakhĩir mag amach khapeer pʉrphöbaadëm oobaawai ãbmua ich espaar chi baindegam sʉrr a jẽu aunaa waa phadnaan thumaam khʉʉn pör ag chog kachta bis abarmʉn oorthu werbpʉ̈ijim anaabá.
47 Mas um dos que estavam ali tirou a espada, atacou um empregado do Grande Sacerdote e cortou uma orelha dele.
48 Mag ich pʉrphöbaadeewai Jesuu amag, —¿Pãrau oowain mʉʉn sĩi õor nem jĩgkhanaa õor thõomiejöta chirab ajim anʉm, jãg pãrau sĩi mʉ aig jua ee jierrnem panhappai bëeg ithee?
48 Então Jesus disse para aquela gente:
49 Ag na ed ëepierr pãrag mua Aai i jëeujem deg Ẽwandam i jaaujeewai bʉ̈ʉrjã pãrau mʉ pʉr auba arrta ĩsta chadcha pãrau mʉ pʉr auju ed ajimgui ajim anʉm. Pari pãrau mʉ dʉ̈i mʉgbarmʉn, jãan mʉ igwia ich Ẽwandam iek phã sim gaai jaau sim thumaa ich ag ee öbëbërg mamkhĩirta chadcha mʉgbarmgui ajim anʉm amag.
49 Eu estava com vocês todos os dias, ensinando no pátio do Templo, e vocês não me prenderam. Mas isso está acontecendo para se cumprir o que as
50 Chi khapeenau mag amach dakhĩir amach Pör pʉrphöbaadëm oobaawai tag irigjã ooba, sĩi warag khaphig phöbaadëwia ich appai barpʉajim anaabá.
50 Então todos os discípulos abandonaram Jesus e fugiram.
51 Mamʉ mag amau ich appai i werpʉawia athaadëm ee, ẽwan ãb sĩerrauta sĩi börrjöoupai öpʉʉrnaa dʉ̈i i ẽudee maa ajim aajem. Mamʉ chi soldaaunau mag woun dʉ̈i mam oo athaawai i pʉr awaag ẽkha naajim anʉm.
51 Um jovem, enrolado num lençol, seguia Jesus. Alguns tentaram prendê-lo,
52 Pari mag ich gaai pʉrbaichee sĩi warag am jua ee chi börrjö jẽu pʉawi ich jãg mor kharr khaphigbaadëjim anaabá.
52 mas ele largou o lençol e fugiu nu.
53 Soldaaunau mag Jesús pʉr auwia ãb mag phadnaan thum thʉnʉm khʉʉn pörkha sim aar warrjierram aajem. Mag mam i wai dubphöbaadeewai aig pos aimajierram anaabá: tagam khʉʉn chi phadnaan pörkha nʉm khʉʉn, judionaan Asamblea eem chi pörnaan, maimua agjö Moiseeu Ẽwandam iek phã pʉarr jawaag chi machnaanpa thum ãba.
53 Em seguida, levaram Jesus até a casa do Grande Sacerdote , onde estavam reunidos os chefes dos sacerdotes, alguns líderes dos judeus e alguns mestres da Lei.
54 Mag i pʉr athaadëm ẽudee ĩchab Pedroou sĩi warppaimua oopʉ̈pʉ̈ig mawia phadnaan pör sĩejem ag di ũjãrr dʉ̈i dubwi jupimajim aajem, guardianaan Aai i jëeujem di thʉajem khʉʉn bigaau. Mag jupimawi i iek õt uu thʉnʉm bigaau dʉ̈i chi guardianaanpa ãba õt khãai oo chirsijim aajem.
54 Pedro seguiu Jesus de longe e entrou no pátio da casa do Grande Sacerdote. Ele sentou-se perto do fogo, com os guardas, para se esquentar.
55 Maagwai phadnaan chi pörnaanau judionaan Asamblea eem khʉʉn dʉ̈imua chi Jesuu nem wauba arrta sëukha i gaai thʉpʉ̈iju ẽkhaajeejim anaabá, magʉm gaaimua i thõopäaig. Mamʉ chadcha irua bʉ̈ʉrjã nem khaigba wauba sĩerr aawai
55 Os chefes dos sacerdotes e todo o Conselho Superior estavam procurando encontrar alguma acusação contra Jesus a fim de o condenarem à morte. Mas não conseguiram nenhuma.
56 parii i khaibag waupi jaau nʉm khʉʉnaujã sëukha nem ĩgkham khõchgau amach iekpai parhoob jaaubaadëphʉmjã pöd i pʉr auba aajeejim aajem, mag ihãbajã khaba sĩi aaiphur nem jaauphöbaadëp aawai.
56 Muitos diziam mentiras contra ele, mas as suas histórias não combinavam umas com as outras.
57 Warm khʉʉnau mamagkham ee, jũrr deeum khʉʉn bʉ̈jãau paaukhabaadëwi chi thethemnaanag ich khĩircha,
57 Alguns se levantaram e acusaram Jesus com mentiras. Eles diziam:
58 —Marau maachdëucha i iekha sim ũurwain, irua mʉg Aai i jëeujem di õrau da ëu auba arrjã sĩi thum pogueupʉ̈iwia, õor juajã igba, khãai thãrjuppaim ee deeu ëu dʉnʉʉuju a iekha sim ũrjimgui aajeejim anaabá jũrram khʉʉnau.
58 — Nós ouvimos quando ele disse: “Vou destruir este Templo que foi construído por seres humanos e, em três dias, levantarei outro que não será construído por seres humanos.”
59 Mamʉ par jũrram khʉʉnau mamagkhamjã ihãbajã deeba, sĩi warag maadëujã khaugbata jaauphöbaadëjim anʉm.
59 Mesmo assim as suas histórias não combinavam umas com as outras.
60 Magbaa chi phadnaan pöröu sĩi mag õor pos thʉnʉm ee phiidʉbaadëwi Jesuug, —¿Pua am iek ũr chirʉ́? ¿Khan jãgwi jãg pʉ iekhamapha sĩ? ajim anʉm. ¿Pua chadcha mag iekhajĩ wa iekhabajĩ? Jaaubá ajim anʉm.
60 Aí o Grande Sacerdote se levantou no meio de todos e perguntou a Jesus: — Você não vai se defender dessa acusação?
61 Mamʉ magʉmjã Jesuu bʉ̈ʉrjã jʉ̈ʉjã aba, sĩi warag khĩuu sĩsijim anaabá. Mag ich iek ʉ̈khaba abaawaita deeu chi phadëu pʉaba jëeumamua irig, —¿Pʉʉta chadcha Ẽwandam Iewaa ichdëucha jʉr auwi pʉ̈iju jaaujerrá? Marag jaaubá ajim anʉm irig.
61 Mas Jesus ficou calado e não respondeu nada. Então o Grande Sacerdote tornou a perguntar: — Você é o
62 Magbaa Jesuu, —Ëera, chadcha mʉʉugui ajim anʉm. Mʉg atag pãrau mʉ Ẽwandam thumaam khʉʉn khãaijã jua theeg ʉ̈rpai sĩerrʉm bigaau i juachaar garcha jup chirʉmjã oowi ʉ̈gtharmua edjã baug ee urumjã pãach daúacha deeu mʉ oobajup ajim anʉm.
62 Jesus respondeu:
63 Jesuu ich dakhĩir mag iekhabarm ũrbaawai chi phadnaan pöröu ich khajũa mor gaai jũa sĩerrta sʉrr abarmʉn warre jẽbpʉ̈ijim anaabá, khĩir machgau. Magwia ich khapeenag, —Keena, ¿khan atchata maadëu deeum khʉʉnau jaau nʉmta ũrm ig nʉma? ajim anʉm.
63 Aí o Grande Sacerdote rasgou as suas próprias roupas e disse: — Não precisamos mais de testemunhas!
64 Ya irua ich iiucha jaau sĩebahab ajim anʉm. Pãrau thumaam khʉʉnau i iekhabarm ũrbarm, chadcha irua Ẽwandam dau na khaigba iekhabarm. ¿Pãrau mʉg woun dʉ̈i jãga aju khĩirju nʉ keena? ajim anʉm ich khapeenag.
64 Vocês ouviram esta blasfêmia contra Deus! Então, o que resolvem? Todos estavam contra Jesus e aí o condenaram à morte.
65 Magphöbaadëwi ãaur khʉʉnau warag i khĩir gaai ichöoujã thunaa, putiujã i dau phãarjʉ̈naa, i gaai mas waunaa, juajãaujã khĩidadcha deejeejim anʉm. Magnaa ogthom irig, —¿Khaíuta pʉ gaai mas deejĩ? Magan jaaubá aajeejim anʉm.
65 Então alguns começaram a cuspir nele. Cobriam o rosto dele, davam bofetadas nele e perguntavam: — Quem foi que bateu em você? Adivinhe! E também os guardas o pegaram e lhe deram bofetadas.
66 Mam ierr Jesús dʉ̈i mamag khaawai Pedro iek i di ũjãrr chirajim aajem, daaugajãr. Maig i chirʉmta i aig ʉʉi ãb bëejim aajem, phadnaan thumaam khʉʉn pörkha sim ag chog.
66 Pedro ainda estava lá embaixo no pátio, quando apareceu uma das empregadas do Grande Sacerdote .
67 Mag ʉʉirau Pedro õt khãai sim oobaicheewai i khĩir eerpa wai dʉnʉʉ awia irig, —Pʉjã ĩchab Jesús Nazaretpierr dʉ̈i nʉrraajem khabahab ajim anʉm.
67 Ela viu Pedro se esquentando perto do fogo, olhou bem para ele e disse: — Você também estava com Jesus de Nazaré.
68 Ichig magbaawai i iek irua, —Mʉ khabam, mua khaugbam pua khaita jaau sim khai a chirajim anʉm.
68 Mas ele negou, dizendo: — Eu não o conheço. Não sei do que é que você está falando. E saiu para o corredor. Naquele momento, o galo cantou.
69 Maimua deeu ũmaai chi ʉʉirau ichdëu i oobaawai aig õor thʉnarr khʉʉnag, —Chamʉg woun chadcha Jesús dʉ̈i nʉrraajerr khabahab ajim anʉm.
69 Quando a empregada viu Pedro ali, começou a dizer aos que estavam perto: — Este homem é um deles.
70 Mag, biek numiim gaaijã Pedroou irua magʉm Jesús khaugba chitʉm ajim anʉm. Mamʉ ag khur nʉʉpai awia deeu ũwaai aig narr khʉʉnau, —Chadcha pʉʉn ĩchab Jesús khaperau. Pʉ Galileapierr khabahab ajim anʉm. Maguata pʉ iekha sim ũurwaijã pʉ iek gaai merag chukhu sĩsim khaphöbaadëjim anʉm irig jũrram khʉʉnau.
70 Mas ele negou outra vez. Pouco depois, as pessoas que estavam ali disseram de novo a Pedro: — Não há dúvida de que você é um deles, pois você também é da Galileia.
71 Pari ichig mag nʉʉ paawai Pedro iek warag irua chi Jesús igwia, —Chadcha mua magʉm woun khaugab chitʉmta mʉrʉg mag naab. Mʉ sëukha chirʉm khai, Ẽwandamau mʉ gaai jua khʉaba deeju aai simgui a chirajim anaabá.
71 Aí Pedro disse: — Juro que não conheço esse homem de quem vocês estão falando! Que Deus me castigue se não estou dizendo a verdade!
72 Pedroou mag irua chan bʉ̈ʉrjã Jesús khaugba chitʉm a iekhabarm ee, deeu ũmaai chi ãthãrrta kekerekee ajim anaabá. Mag ãthãrr biek numí bĩe dichdimaawaita Pedroou warre Jesuu ichig iekhamatarr khĩir eyaa aadëjim anʉm, “Ãthãrr biek numí bĩeju nawe pua biek thãrjup õrag bʉ̈ʉrjã mʉ khaugba chitʉm a iekhaju” ichig Jesuu jaautarr. Ichig magtarr thumaa khĩirju athaawaita warre ökhĩirjug machag aadëmua icharaucha ö jãsehne bĩe chirʉʉ ajim anaabá.
72 Naquele instante o galo cantou pela segunda vez, e Pedro lembrou que Jesus lhe tinha dito: “Antes que o galo cante duas vezes, você dirá três vezes que não me conhece.” Então Pedro caiu em si e começou a chorar.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Marcos 14, comparar traduções ou montar um estudo — tudo direto pelo WhatsApp.