1 अले एलीपज तेमानीं लिसः बिल,
2 “हे अय्यूब, बुद्धि दुम्ह मनुखं थज्याःगु ज्यालगय् मजूगु ज्ञानं लिसः बी ला?
3 वय्कलं थज्याःगु ज्यालगे मजूगु खँ
4 तर छिं ला परमेश्वरया भय कायेगु त्वःते धुंकल,
5 छिगु म्हुतुं हे छिगु अधर्मं धयाच्वंगु दु,
6 छि थःगु हे खँ दोषी ठहरय् जूगु दु, जिपाखें मखु।
7 छि मनूत मध्ये दकलय् न्हापा बूगु खः ला?
8 छिं परमेश्वरयागु गुप्ति सल्लाह न्यनादियागु दु ला?
9 जिमिसं थुइके मफुगु छु खँ छिं स्यू?
10 जिमिगु दथुइ बुरापिं व सँ तुइसे च्वनेधुंकूपिं मनूत दु,
11 परमेश्वरयागु सान्त्वना व छितः धाःगु नायुगु वचन
12 छुकिं छिगु नुगलय् थज्याःगु आँट बिल?
13 छिं थःगु तं परमेश्वरयात प्वंकादी,
14 मनू छु खः धकाः व निर्दोष जुइत?
15 परमेश्वरं थः पवित्रम्ह मनूयात हे पत्याः यानादी मखु धाःसा
16 मनू ला गुलि जक यचुमजु
17 जिं छितः कने, जिगु खँ न्यनादिसँ!
20 दुष्टम्ह मनूतय्त जिवंकाछि दुःख जुइ।
21 वयागु न्हाय्पनय् ग्यानापुगु सः थ्वयाच्वनी।
22 वयात खिउँगुलिं हाकनं लिहां वइ धकाः आशा याये फइ मखु।
23 गिद्धया निंतिं आहारा वांछ्वथें वयात वांछ्वइ।
24 संकट व दुःखं वयात ख्याइ।
25 छाय्धाःसा इमिसं परमेश्वरया विरोधय् इमिगु ल्हाः ल्ह्वंगु दु,
26 इमिसं इमिगु झ्यातुगु ढाल ज्वनाः
27 थ्व दुष्ट मनूतय्गु न्यता चुलुसे च्वंगु व जाःगु दु,
28 तर व च्वनाच्वंगु शहर नाश जुइ,
29 आवंलि व धनी जुइ मखुत,
30 खिउँगुपाखें व पिहां वये फइ मखु।
31 ज्यालगय् मजूगु खँय् भलसा तयाः वं थःत ध्वंमलायेमा,
32 सिमायात थें वयात जीवनया भिंगु इलय् हे पाला छ्वइ,
33 पाकेमजूकं हे खाःगु दाखमा थें व जुइ।
34 परमेश्वरयात मानय् मयाइपिं मनूतय्गु पुचः फुक्क बाझः जुइ।
35 इमिसं संकट प्वाथय् दय्की अले अधर्म बुइकी,