1 शमूएलं शाऊलयात धाल, “परमप्रभुं छितः इस्राएलया जुजु अभिषेक या हुँ धकाः जितः छ्वयाहःगु खः। आः परमप्रभुया वचन ध्यान बियाः न्यनादिसँ।
2 दक्व शक्ति दुम्ह परमप्रभुं थथे धयादी, ‘इस्राएलीत मिश्र देशं पिहां वःबलय् अमालेकीतय्सं इमित हमला याःगुलिं जिं इमित सजाँय बी।
3 आः छिं अमालेकीतय्त हमला या हुँ अले इमिके दुगु फुक्क छुं नं ल्यंमदय्कः भज्यंक नाश यानाब्यु। इमि फुक्क मनूत, मिसात, ल्याय्म्ह ल्यासेपिं, मचात, दुरु त्वंपिं मचात, सा द्वहं, फै-च्वलय्, ऊँट व गधा फुक्कं नाश या।’”
4 अथे जुयाः शाऊलं सिपाइँतय्त सःताः तेलैमय् मुंकल। अन निगू लाख सिपाइँत व झिद्वः यहूदाया मनूत दु।
5 शाऊल थः सिपाइँतनापं अमालेकया शहरय् वन अले अन चिब्यागु खोँचय् ल्वायेत पियाच्वनाच्वन।
6 शाऊलं केनीतय्त धाल, “छिपिं अमालेकीतय् थासं त्वःता हुँ, मखुसा छिपिं नं इपिं नापंतुं नाश जुइ, छाय्धाःसा इस्राएलीत मिश्र देशं पिहां वःबलय् छिमिसं दयामाया याःगु खः।” अथे जुयाः केनीतय्सं अमालेकीतय्त त्वःतावन।
7 अनंलि शाऊलं अमालेकीतय्त हवीलांनिसें मिश्रया पुर्बया लागाय् च्वंगु शूर तक हे हमला यात।
8 वं अमालेकीतय् जुजु अगागया फुक्क मनूतय्त तरवारं भज्यंक नाश यानाः अगाग जुजुयात धाःसा मस्यासे ज्वन।
9 तर शाऊल व वया सिपाइँतय्सं अगाग जुजुयात बचय् यात अले वया बांबांलाःपिं फै व सा द्वहं, ल्ह्वपिं साचा व भ्याःचा, गुलिखय् भिंगु भिंगु खँत धाःसा नाश मयासें तया तल। तर ज्याख्यलय् मजूगु व मू मवंगु फुक्क भज्यंक नाश यानाछ्वल।
10 परमप्रभुया वचन शमूएलयाथाय् वल,
11 “शाऊलयात जुजु यानाः जि तसकं पस्ताय् चाःगु दु, छाय्धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्छि ख्वयाः परमप्रभुयात बिन्ति यात।
12 कन्हय् खुन्हु सुथ न्हापां हे व शाऊलयात नापलायेत वन। तर “शाऊल कर्मेल डाँडाय् वनाः अन लुमन्तिया चिंकथं थःगु हनाबनाया निंतिं छगू सालिक दय्काः अनं गिलगालय् क्वहां वयाच्वन” धकाः वयात न्यंकल।
13 अन हे वं शाऊलयात नापलाकल अले शाऊलं वयात थथे धकाः हनाबना यात, “परमप्रभुं छितः आशिष बियादीमा! जिं परमप्रभुया वचन मानय् यानागु दु।”
14 तर शमूएलं धाल, “अथे जूसा फैतय्गु सः व सा द्वहंतय्गु सः जिगु न्हाय्पनय् गथे ताये दुगु?”
15 शाऊलं लिसः बिल, “सिपाइँतय्सं उपिं अमालेकीतपाखें कयाः हःगु खः। इमिसं बांबांलाःपिं व सेल्लापिं फै व सा-द्वहंत परमप्रभु छिकपिनि परमेश्वरया निंतिं बलि छायेत ल्यंकातःगु दु। अले ल्यंदुपिं फुक्कसित जिमिसं भज्यंक नाश यानाबिया।”
16 शमूएलं शाऊलयात धाल, “आसे! वंगु चान्हय् परमप्रभुं जितः छु धयादीगु दु व जिं छितः कने।”
17 शमूएलं धाल, “उगु इलय् छि थःम्हं थःत जि ला छुं नं मखु धकाः ताय्कल, तर आः ला छि इस्राएली कुलतय् नायः खः। अले परमप्रभुं हे छितः जुजु अभिषेक यानादिल।
18 परमप्रभुं छितः इपिं दुष्ट जाति अमालेकीतय्त भज्यंक नाश या धकाः कडा आज्ञा बियाः छ्वयाहयादीगु खः। इपिं फुक्क नाश मजुतले छिं इमित हमला यानातुं च्वनेमाःगु खः।
19 तर छिसं छाय् परमप्रभुया आज्ञा पालन मयानागु? छिं छाय् लुतय् यानाहःगु सामान कयागु? अले छाय् छिं परमप्रभुया न्ह्यःने छु मभिंगु खः व हे यानागु?”
20 शाऊलं शमूएलयात लिसः बिल, “तर जिं ला परमप्रभुया आज्ञा पालन यानागु दु। परमप्रभुं धयादीगु थासय् जि वनागु दु अले अमालेकीतय् जुजु अगागयात ज्वनाः हयागु दु। तर इपिं मध्ये ल्यंदुपिन्त धाःसा भज्यंक नाश यानाबियागु दु।
21 लुतय् यानाः हःगु सामान मध्ये सिपाइँतय्सं देछाय्माःगु भिंपिं फै व सा-द्वं, अले दकलय् भिंगु भिंगु मालताल धाःसा गिलगालय् परमप्रभु छिकपिनि परमेश्वरया निंतिं बलि छायेत तयातःगु दु।”
22 तर शमूएलं धाल,
23 वय्कःया आज्ञा मानय् मयायेगु हे तन्त्रमन्त्र यायेगु पाप थें खः,
24 शाऊलं शमूएलयात धाल, “जिं पापयात हँ! छु जिं परमप्रभुया आज्ञा व छिसं धाःगु खँ मन्यना ला। जि मनूतपाखें ग्याना, अले इमिगु खँ जिं न्यना।
25 जिं छितः इनाप याये, जिगु पाप क्षमा यानादिसँ, जिनापं झासँ, अले जि परमप्रभुया न्ह्यःने क्वछुनाः भागियाये।”
26 तर शमूएलं लिसः बिल, “जि छिनापं वने फइ मखु। छिं परमप्रभुया वचनयात क्वह्यंकूगुलिं वय्कलं नं छितः इस्राएलीतय् जुजु जुइत क्वह्यंम्ह ताय्कादीगु दु।”
27 अले शमूएल वनेत फहिल तर शाऊलं वयागु गाच्वः ज्वन अले व गुत।
28 शमूएलं वयात धाल, “थौं परमप्रभुं इस्राएलया राज्य छिगु ल्हातं लाकाः छि स्वयाः भिंम्ह मनूयात बियादीगु दु।
29 परमप्रभु, इस्राएलया गौरव खः, वय्कलं मखुगु खँ ल्हानादी मखु, अले थःगु मन हीकादी मखु। थःगु मन हीकादीत वय्कः मनू मखु।”
30 शाऊलं धाल, “जिं पाप यानागु दु। अथे जूसां दया यानाः जि प्रजाया थकालित व इस्राएलया न्ह्यःने छकः जकसां जिगु इज्जत तयादिसँ। जिनापं झासँ अले जिं परमप्रभु छिकपिनि परमेश्वरया न्ह्यःने आराधना याये।”
31 अथे जुयाः शमूएल शाऊलनापं लिहां वन, अले शाऊलं परमप्रभुया आराधना यात।
32 अनंलि शमूएलं धाल, “अमालेकीतय् जुजु अगागयात थन हजि।” अगाग ढुक्क जुयाः थथे बिचाः यायां वल, “धात्थें हे जितः स्याइ मखुत, जि बचय् जुल।”
33 तर शमूएलं धाल,
34 अनं लिपा शमूएल रामाय् वन, तर शाऊल थःगु छेँय् गिबाय् वन।
35 शमूएल थः मसीतले हाकनं गुबलें शाऊलयात नापलाः मवन। तर वं शाऊलया निंतिं दुखं च्वना हे च्वन। अनंलि शाऊलयात इस्राएलीतय् जुजु दय्काःगुलिं परमप्रभु तसकं पस्ताय् चाल।