1 Coríntios 15
Tnúhu ní cáháⁿ yǎ ndiǒxí xito cùu uú (MILNT) vs ARIB
1 Te vitna nchòhó ñáyiu ndècu ndɨhɨ‑í ichi Xítohó Jesucrìstú cuìní‑í sá dándàcu iní‑ndó nàcuáa ní dánèhé ñáhà‑í xii‑ndo tnǔhu sá càháⁿ nàcuáa naníhí tàhú‑ó, chi dɨu tnúhu‑áⁿ nǐ sándáá iní‑ndó te nchìcúⁿ nihnu‑ndo.
1 Ora, eu vos lembro, irmãos, o evangelho que já vos anunciei; o qual também recebestes, e no qual perseverais,
2 Te sá xíí tnǔhu‑áⁿ níhnú‑ndó ìchi cuáháⁿ‑ndó nǔú ndúú tǎhú‑ndó cùndecu‑ndo ndɨhɨ Yá Ndiǒxí nɨ caa nɨ quɨ́hɨ́ⁿ, te ducaⁿ ndùu táhú‑ndó nǔú cúndècu‑ndo nɨ caa nɨ quɨ́hɨ́ⁿ ndɨhɨ Yá Ndiǒxí te núu nchìcúⁿ nihnu‑ndo nàcuáa ní dánèhé ñáhà‑í xii‑ndo, te núu ñá túú nchìcúⁿ nihnu‑ndo te ñá túú ní sàndáá iní‑ndó nàcuáa tàú‑xi cunduu.
2 pelo qual também sois salvos, se é que o conservais tal como vo-lo anunciei; se não é que crestes em vão.
3 Te yúhú sa ní cachí tnúhu‑í xii‑ndo ɨ̀ɨⁿ tnúhu sá ǐo cùnuu ní níhì‑í, chi ní cachí tnúhu‑í xii‑ndo sǎ Xǐtohó Jesucrìstú ní xíhí‑gá cuèndá nchaa yícá cuěchi‑o, te ducaⁿ nǐ cuu chi ducaⁿ càháⁿ‑xi núú tùtú Yǎ Ndiǒxí sá dúcáⁿ yǎha‑gá.
3 Porque primeiramente vos entreguei o que também recebi: que Cristo morreu por nossos pecados, segundo as Escrituras;
4 Te ní chindúxi ñaha‑güedě xii‑gá te nduu úní ní dándótó ñàha Yá Ndiǒxí xii‑gá, te ducaⁿ nǐ cuu chi ducaⁿ càháⁿ‑xi núú tùtú Yǎ Ndiǒxí.
4 que foi sepultado; que foi ressuscitado ao terceiro dia, segundo as Escrituras;
5 Te sátá nǐ ndoto‑gá te ní quee túu‑gá núú tě Pèlú, te dǎtnùní ní quee túu‑gá núú dàva‑gá cue tée ní táúchíúⁿ‑gǎ cáháⁿ tnúhu‑gá.
5 que apareceu a Cefas, e depois aos doze;
6 Te sátá dúcáⁿ te dǎtnùní ní quee túu‑gá núú ǔhúⁿ cièndú cue ñáyiu ndècu ichi‑gá, te vàí‑yu xǐndecu‑ní‑yu vitna chi sacú‑ni‑yu ní xíhí.
6 depois apareceu a mais de quinhentos irmãos duma vez, dos quais vive ainda a maior parte, mas alguns já dormiram;
7 Te dǎtnùní ní quee túu‑gá núú tě Jàcobó, te sátá dúcáⁿ te dǎtnùní ní quee túu‑gá núú nchaa cue tée ní táúchíúⁿ‑gǎ cáháⁿ tnúhu‑gá.
7 depois apareceu a Tiago, então a todos os apóstolos;
8 Te ndéé núú nǐ ndɨhɨ‑ná te ní quee túu‑gá núú méè‑í, te òré ní quee túu‑gá núù‑í te cùu‑í dàtná ɨɨⁿ déhe yɨquɨⁿ vǎtá sàá‑gá nduu càcu chi cùu‑í ɨɨⁿ tée ñá túú sàni váha iní‑xi cuèndá‑gá ní cùu.
8 e por derradeiro de todos apareceu também a mim, como a um abortivo.
9 Te yúhú ñá túú cùnuu‑í dàtná cúnùu cue tée ní táúchíúⁿ Xǐtohó Jesucrìstú cáháⁿ tnúhu‑gá. Te cùu‑í ɨɨⁿ tée ní táúchíúⁿ‑gǎ càháⁿ tnúhu‑gá, cuěi ñá túú tàú‑í sá càháⁿ‑í tnúhu‑gá, chi ní xóo cuu úhú iní‑í cue ñáyiu ndècu ichi Yá Ndiǒxí.
9 Pois eu sou o menor dos apóstolos, que nem sou digno de ser chamado apóstolo, porque persegui a igreja de Deus.
10 Dico Yá Ndiǒxí ío váha iní‑gá chi ní quide ñaha‑gǎ xii‑í ɨɨⁿ tée váha, chi ñá túú‑gǎ quídè‑í dàtná ní xóo cada‑í. Te ío cùndahú iní ñáhá‑gǎ chíndèe ñaha‑gá xii‑í dico ñá túú àúⁿ nǎ cuu chìndee ñaha‑gá, chi ío‑gá vài chiuⁿ‑gá ní cuu sa ta quìde‑í cuáháⁿ dàcúúxí dàva‑gá cue tée ní táúchíúⁿ‑gǎ cáháⁿ tnúhu‑gá te ñá dɨ́ú mèe‑í ducaⁿ quìde‑í chi mee Yǎ Ndiǒxí ío cùndahú iní ñáhá‑gǎ chíndèe ñaha‑gá xii‑í quídè‑í chìuⁿ‑gá.
10 Mas pela graça de Deus sou o que sou; e a sua graça para comigo não foi vã, antes trabalhei muito mais do que todos eles; todavia não eu, mas a graça de Deus que está comigo.
11 Te ñá túú nǎ cada‑xi cuěi dava‑gá‑güedé sa ní cuu vài‑gá chìuⁿ‑gá quídé‑güedě àdi yúhú, chi ɨɨⁿ‑ni tnúhu càháⁿ‑ndɨ́ te tnúhu‑áⁿ cúú tnǔhu ní sándáá iní‑ndó.
11 Então, ou seja eu ou sejam eles, assim pregamos e assim crestes.
12 Te nchúhú cue tée càháⁿ tnúhu Xítohó Jesucrìstú càháⁿ‑ndɨ́ sá nǐ xíhí‑gá te ní ndoto‑gá, ¿te ná cuèndá dava nchòhó càchí‑ndó sǎ vǎ ndótó cuè ñáyiu ní xíhí?
12 Ora, se prega que Cristo foi ressuscitado dentre os mortos, como dizem alguns entre vós que não há ressurreição de mortos?
13 Te núu ducaⁿ sàni iní‑ndó sǎ vǎ ndótó cuè ñáyiu ní xíhí te ni Xǐtohó Jesucrìstú ñá túú ní ndòto‑gá te núu ducaⁿ.
13 Mas se não há ressurreição de mortos, também Cristo não foi ressuscitado.
14 Te núu dìcó Xítohó Jesucrìstú ñá túú ní ndòto‑gá ñá, te nchaa tnúhu sá dánèhé ñáhá‑ndɨ̌ xii‑ndo ñà túú nàndɨ́hɨ‑xi te núu ducaⁿ, te àúⁿ nǎ cuu sàndáá iní‑ndó‑gǎ te núu ducaⁿ.
14 E, se Cristo não foi ressuscitado, logo é vã a nossa pregação, e também é vã a vossa fé.
15 Te núu dìcó cúú‑xí ɨ̀ɨⁿ sá ndàá tnúhu sàni iní dava‑ndo ña, te dàcuandehnde‑ndɨ́ sá càháⁿ‑ndɨ́ tnúhu Yá Ndiǒxí núú‑ndó te núu ducaⁿ, te ñá túú càháⁿ ndáá‑ndɨ́ núú‑ndó sǎ Yǎ Ndiǒxí ní dándótó‑gǎ Xítohó Jesucrìstú, te núu ndáá nàcuáa sàni iní dava‑ndo sǎ vǎ ndótó cuè ñáyiu ní xíhí, dico ñá ndàá nàcuáa sàni iní‑ndó.
15 E assim somos também considerados como falsas testemunhas de Deus que ele ressuscitou a Cristo, ao qual, porém, não ressuscitou, se, na verdade, os mortos não são ressuscitados.
16 Te núu vá ndótó cuè ñáyiu ní xíhí te ni Xǐtohó Jesucrìstú ñá túú ní ndòto‑gá.
16 Porque, se os mortos não são ressuscitados, também Cristo não foi ressuscitado.
17 Te núu Xítohó Jesucrìstú ñá túú ní ndòto‑gá ñá, te àúⁿ nǎ cuu sàndáá iní‑ndó‑gǎ te núu ducaⁿ, te ndècu‑ni cuéchi‑ndo nǔú Yǎ Ndiǒxí te núu ducaⁿ.
17 E, se Cristo não foi ressuscitado, é vã a vossa fé, e ainda estais nos vossos pecados.
18 Te núu ndáá nàcuáa sàni iní‑ndó ñá te cue ñáyiu ní sándáá iní ñáhá xìi Xítohó Jesucrìstú ñáyiu ní xíhí ní xíta nihnú‑yu te núu ducaⁿ.
18 Logo, também os que dormiram em Cristo estão perdidos.
19 Te núu nchoo ndècu ndɨhɨ‑o tnúhu ndee ìní núú Xǐtohó Jesucrìstú cuèndá‑ni sá cúndècu‑o ñuyíú‑a ña, te cùu‑o ñáyiu ío‑gá duuⁿ duuⁿ ndàhú sá cúú‑xí dàva‑gá ñáyiu te núu ducaⁿ.
19 Se é só para esta vida que esperamos em Cristo, somos de todos os homens os mais dignos de lástima.
20 Dico ndáá sá Xǐtohó Jesucrìstú ní xíhí‑gá te ní ndoto‑gá nǔu xíǎⁿ cútnùní iní dava‑o sǎ ndótó cuè ñáyiu ní xíhí ñáyiu ní sándáá iní tnúhu‑gá.
20 Mas na realidade Cristo foi ressuscitado dentre os mortos, sendo ele as primícias dos que dormem.
21 Te sá cuěchi ɨɨⁿdìi‑ni tée ní xíndecu ñuyíú‑a xíǎⁿ xìhí ñáyiu, te sá cuèndá ɨɨⁿdìi‑ni tucu ɨngá tée te ndoto cue ñáyiu ní xíhí.
21 Porque, assim como por um homem veio a morte, também por um homem veio a ressurreição dos mortos.
22 Te nchaa ñáyiu xìhí‑yu sá cuěchi ɨɨⁿ tée, te tée‑áⁿ cúú‑dě ndíi Àdán tée díhna nuu nǐ cuu ñaní tnáhá cuè ñáyiu ñuyíú. Te dɨu‑ni ducaⁿ sǎ cuèndá ɨɨⁿdìi‑ni tée te ndoto cue ñáyiu ní xíhí, te tée‑áⁿ cúú‑dě Xítohó Jesucrìstú chi nchaa ñáyiu ndècu ndɨhɨ‑gá ndotó‑yu.
22 Pois como em Adão todos morrem, do mesmo modo em Cristo todos serão vivificados.
23 Te díhna‑gá Xítohó Jesucrìstú ní ndoto‑gá xíǎⁿ cútnùní iní dava‑o sǎ ndùu na quixi tucu‑gá ñuyíú‑a te dàvá‑áⁿ ndoto nchaa ñáyiu ní xíhí ñáyiu ní sándáá iní tnúhu‑gá.
23 Cada um, porém, na sua ordem: Cristo as primícias, depois os que são de Cristo, na sua vinda.
24 Te dǎtnùní ducaⁿ te sáá nduu nàa nchaa sá ìó ñuyíú, te Xítohó Jesucrìstú danàa‑gá nchaa ndɨ túhú sá cúnùu ió ñuyíú‑a, chi danàa‑gá nchaa ñáyiu ío cùnuu, ndɨhɨ yucu ñǎvǎha, ndɨhɨ nchaa espíritú xínú cuèchi núú‑xi. Te ducaⁿ te cúñaha‑gǎ xii Tǎtá‑ó Dǔtú Ndiǒxí taxi tnùní‑gá.
24 Então virá o fim quando ele entregar o reino a Deus o Pai, quando houver destruído todo domínio, e toda autoridade e todo poder.
25 Chi Xítohó Jesucrìstú dacuɨtɨ́í tàxi tnuní‑gá ndéé ná sàá nduu dànaa‑gá nchaa sá cúú ǔhú iní ñáhá xìi‑gá.
25 Pois é necessário que ele reine até que haja posto todos os inimigos debaixo de seus pés.
26 Te ndéé núú nǐ ndɨhɨ‑ná te danàa‑gá sá quídé xìhí ñáyiu.
26 Ora, o último inimigo a ser destruído é a morte.
27 Te ducaⁿ chi càháⁿ‑xi núú tùtú Yǎ Ndiǒxí sá méé‑gǎ ní nachihi‑gá nchaa sá ìó ndaha Xítohó Jesucrìstú cuèndá sá méé Xǐtohó Jesucrìstú taxi tnùní‑gá, te vá yǒo ɨɨⁿ tàxi tnuní ñáhá xìi Yá Ndiǒxí, chi mee Yǎ Ndiǒxí cúú‑gǎ Yaá ní nachihi‑gá nchaa sá ìó ndaha Xítohó Jesucrìstú.
27 Pois se lê: Todas as coisas sujeitou debaixo de seus pés. Mas, quando diz: Todas as coisas lhe estão sujeitas, claro está que se excetua aquele que lhe sujeitou todas as coisas.
28 Te díhna‑gá ní xáhaⁿ Yǎ Ndiǒxí xii Xítohó Jesucrìstú Yaá cúú Děhe‑gá sá quɨ́ndàha‑gá nchaa sá ìó, te òré ná quɨ̀ndaha Xítohó Jesucrìstú nchaa sá ìó, te cúñaha‑gǎ xii Yá Ndiǒxí taxi tnùní ñáhá‑gǎ xii‑gá, te ducaⁿ te mee‑nǎ Yǎ Ndiǒxí taxi tnùní‑gá nchaandɨ túhú sá ìó.
28 E, quando todas as coisas lhe estiverem sujeitas, então também o próprio Filho se sujeitará àquele que todas as coisas lhe sujeitou, para que Deus seja tudo em todos.
29 Te núu ñá túú ndǎá càháⁿ‑í, ¿te ná cuèndá dava ñáyiu sànduté‑yu cuèndá ñáyiu ní xíhí nǔu ñá túú ndǎá sá ndótó ñǎyiu ní xíhí?
29 De outra maneira, que farão os que se batizam pelos mortos? Se absolutamente os mortos não ressuscitam, por que então se batizam por eles?
30 Te nchúhú ducaⁿ‑ni sàni iní ñáyiu cahni ñàhá‑yu xii‑ndɨ́, te núu vá ndótó ñǎyiu ní xíhí te àúⁿ nǎ cuu ducaⁿ quìde cahnu iní‑ndɨ́ ducaⁿ cuìní‑yu cahni ñàhá‑yu xii‑ndɨ́ te núu ducaⁿ.
30 E por que nos expomos também nós a perigos a toda hora?
31 Te nchòhó ñáyiu ndècu ndɨhɨ‑í ichi Xítohó Jesucrìstú ío váha sàni iní‑í cuèndá‑ndó, chi ndècu‑o ichi‑gá. Te na càchí tnúhu ndáá‑í xii‑ndo sǎ ɨ̀ɨⁿ nduu ɨɨⁿ nduu ndeé iní ñáhá ñǎyiu cahni ñàhá‑yu xii‑í.
31 Eu vos declaro, irmãos, pela glória que de vós tenho em Cristo Jesus nosso Senhor, que morro todos os dias.
32 Te núu dìcó ndáá sá vǎ ndótó ñǎyiu ní xíhí dàtná càchí dava ñáyiu, te àúⁿ nǎ cuu ní xíndecu‑í ñuú Éfesú ní cuu úhú iní ñáhá ñǎyiu xii‑í te núu ducaⁿ, chi ñáyiu‑áⁿ nǐ quidé‑yu dàtná quídé ɨ̀ɨⁿ quɨtɨ dééⁿ sǎ cúú‑xì‑í. Te núu ndáá sá vǎ ndótó ñǎyiu ní xíhí ñá, te váha‑gá nǔu cachí‑ó dàtná càchí ñáyiu: “Vitna na còho‑o te na càxi‑o chi tneé ìdá cuú‑ó”, duha càchí‑yu.
32 Se, como homem, combati em Éfeso com as feras, que me aproveita isso? Se os mortos não são ressuscitados, comamos e bebamos, porque amanhã morreremos.
33 Te vá dáñá‑ndó mèe‑ndo dandahú ñáhá ñǎyiu ndècu ichi cuehé ichi duha xii‑ndo, te ngüíta‑ndo càni iní‑ndó dàtná sání ìní‑yu. Chi quèe ndáá‑xi nàcuáa càháⁿ tucu dava‑gá ñáyiu, chi càchí‑yu sá nǔu ñáyiu quìde váha na nìhí tnáhǎ‑yu ndɨhɨ ñáyiu ndècu ichi cuehé ichi duha, te ngüǐta ñáyiu quìde váha‑áⁿ cadá‑yu tnàhá‑yu nchaa sá cuèhé sá dúhá dàtná quídé ñǎyiu‑áⁿ.
33 Não vos enganeis. As más companhias corrompem os bons costumes.
34 Te ío váha cuáha‑ndo cuèndá nàcuáa cundecu‑ndo, te vá cádá‑gǎ‑ndó dàtná quídé cuè ñáyiu ndècu ichi cuehé ichi duha. Te dava‑ndo quìde‑ndo datná quídé cuè ñáyiu ndècu ichi cuehé ichi duha chi ñá túú sàndáá iní‑ndó Yǎ Ndiǒxí. Te duha càháⁿ‑í cuèndá sá cúcàhaⁿ núú‑ndó cuèndá nchaa sá ñà túú vǎha quìde‑ndo.
34 Acordai para a justiça e não pequeis mais; porque alguns ainda não têm conhecimento de Deus; digo-o para vergonha vossa.
35 Te cudana dava‑ndo ndùcu tnúhu‑ndo nǔu nása ndoto ñáyiu ní xíhí, te nása cunduu yɨquɨ cùñú‑yu òré ndotó‑yu.
35 Mas alguém dirá: Como ressuscitam os mortos? e com que qualidade de corpo vêm?
36 Te nchòhó ñáyiu ducaⁿ càháⁿ cúú‑ndó ñǎyiu ñá túú tnàhí cùtnuní iní‑xi, te duha na càháⁿ‑í nàcuáa tecú tnùní‑ndó. Te núu ɨɨⁿ tatá ná chíhí‑ó te tèhyú méé‑xí te xínu déhe‑xi.
36 Insensato! o que tu semeias não é vivificado, se primeiro não morrer.
37 Dico ñá dɨ́ú sǎ sà ní xínu ta sàhnu cuáháⁿ ní cǔxi‑o, te dɨu‑ni ducaⁿ quìde‑o cuéi trìú ndɨhɨ nchaa dava‑gá tatá xítú‑ó.
37 E, quando semeias, não semeias o corpo que há de nascer, mas o simples grão, como o de trigo, ou o de outra qualquer semente.
38 Te Yá Ndiǒxí quídé‑gǎ sácǔnduu tatá xǐnu‑áⁿ dàtná cuìní méé‑gǎ cunduu. Te nděda‑ni càa tatá te dɨu‑ni‑gá quídé‑gǎ sácǔnduu‑xi nàcuáa tàú‑xi cunduu.
38 Mas Deus lhe dá um corpo como lhe aprouve, e a cada uma das sementes um corpo próprio.
39 Te ndɨ dɨ́ɨ́ⁿ ndǎa nchaa yɨquɨ cùñú, chi tucu càa yɨquɨ cuñú nchoo cuè ñáyiu, te tucu càa yɨquɨ cuñú nchaa quɨtɨ xìca núú ñúhú, te tucu càa yɨquɨ cuñú nchaa quɨtɨ ndàva, te tucu càa yɨquɨ cuñú nchaa chácá.
39 Nem toda carne é uma mesma carne; mas uma é a carne dos homens, outra a carne dos animais, outra a das aves e outra a dos peixes.
40 Te ducaⁿ ñà túú ɨ̀ɨⁿ‑ni caa nchaa yɨquɨ cuñú sá ìó andɨu ndɨ̀hɨ nchaa yɨquɨ cuñú ñáyiu ìó ñuyíú‑a, te ducaⁿ ñà túú ɨ̀ɨⁿ‑ni ndáa vii nchaa sá ìó andɨu ndɨ̀hɨ ñuyíú‑a.
40 Também há corpos celestes e corpos terrestres, mas uma é a glória dos celestes e outra a dos terrestres.
41 Te ducaⁿ cùu tucu‑xi nchícanchii chi tucu dàyehé‑xi, te tucu dàyehé yóó, te tucu dàyehé nchaa chódíní, te ducaⁿ ñà túú ɨ̀ɨⁿ‑ni dayehé nchaa chódíní.
41 Uma é a glória do sol, outra a glória da lua e outra a glória das estrelas; porque uma estrela difere em glória de outra estrela.
42 Te ducaⁿ sǎtnahá‑xi cùu ñáyiu ní xíhí te ndoto, chi tucu càa yɨquɨ cuñú‑yu sá nguɨ̌ndǔxi te tucu cunduu yɨquɨ cùñú‑yu òré ndotó‑yu, te yɨquɨ cùñú sá ndótó ndɨ̀hɨ́‑yu‑áⁿ vǎ ndɨ́hɨ́ nìhnu‑gá‑xi.
42 Assim também é a ressurreição, é ressuscitado em incorrupção.
43 Te yɨquɨ cùñú ñáyiu xìhí ñá túú nàndɨ́hɨ‑xi, dico yɨquɨ cùñú sá ndótó ndɨ̀hɨ́‑yu te ío váha cunduu. Te nchaa yɨquɨ cùñú ñáyiu xìhí ñá túú tnàhí‑gá ndee‑xi, dico yɨquɨ cùñú ndoto ndɨhɨ́‑yu xíǎⁿ ío cunduu ndee‑xi.
43 Semeia-se em ignomínia, é ressuscitado em glória. Semeia-se em fraqueza, é ressuscitado em poder.
44 Te yɨquɨ cùñú nchaa ñáyiu xìhí cúú‑xí cuèndá ñuyíú‑a, dico yɨquɨ cùñú sá ndótó ndɨ̀hɨ́‑yu xíǎⁿ cundecu‑ná‑xi cuèndá Espíritú Yǎ Ndiǒxí. Te dàtná ìó yɨquɨ cùñú sá cúú‑xí cuèndá ñuyíú‑a, te ducaⁿ ìó yɨquɨ cùñú sá cúú‑xí cuèndá mee‑nǎ Espíritú Yǎ Ndiǒxí.
44 Semeia-se corpo animal, é ressuscitado corpo espiritual. Se há corpo animal, há também corpo espiritual.
45 Te núú tùtú Yǎ Ndiǒxí càchí‑xi: “Ndíi Àdán ndíi ní xíndecu ndéé díhna ní chihi Yá Ndiǒxí iní ndíi”, duha càchí‑xi núú tùtú‑gá. Te ɨngá tucu tée cùu‑dé dàtná ndíi Àdán te tée‑áⁿ cúú‑dě Xítohó Jesucrìstú, te Yaá‑áⁿ quídé‑gǎ sá mèe‑ná Espíritú Yǎ Ndiǒxí quídé‑xí ndècu‑o ichi‑gá vitna.
45 Assim também está escrito: O primeiro homem, Adão, tornou-se alma vivente; o último Adão, espírito vivificante.
46 Te díhna‑gá yɨquɨ cùñú cuèndá ñuyíú‑a ní ngúndecu, te dǎtnùní ngúndecu yɨquɨ cùñú cundecu ndɨhɨ mee‑nǎ Espíritú Yǎ Ndiǒxí.
46 Mas não é primeiro o espiritual, senão o animal; depois o espiritual.
47 Te tée díhna nuu nǐ xíndecu ñuyíú‑a chi ñuhu ní cadúha ñaha Yǎ Ndiǒxí xii‑dé, te tée‑áⁿ cúú‑dě ndíi Àdán, te ɨngá tucu tée ní cuuⁿ‑dé andɨu te tée‑áⁿ cúú‑dě Xítohó Jesucrìstú.
47 O primeiro homem, sendo da terra, é terreno; o segundo homem é do céu.
48 Te nchaa ñáyiu càa yɨquɨ cuñú‑yu dàtná cáá yɨ̀quɨ cuñú té Àdán tée ducaⁿ nǐ cuáha ñuhu‑áⁿ, te nchaa ñáyiu ní nduu táhú cundecu ndɨhɨ tée ducaⁿ věxi cuuⁿ andɨu‑áⁿ, ñáyiu‑áⁿ nduu yɨquɨ cùñú‑yu dàtná cáá yɨ̀quɨ cuñú ní nduu táhú‑dě ndécú ndɨ̀hɨ‑dé vitna, te tée‑áⁿ cúú‑dě Xítohó Jesucrìstú.
48 Qual o terreno, tais também os terrenos; e, qual o celestial, tais também os celestiais.
49 Te nchaa ñáyiu ñuyíú‑a càá‑yu dàtná‑ni càa datná‑ni ndùu tée ducaⁿ nǐ cuáha ñuhu‑áⁿ. Te nchaa nchoo ñǎyiu ní nduu táhú cundecu ndɨhɨ tée ducaⁿ věxi cuuⁿ andɨu‑áⁿ nduu‑o dàtná‑ni càa datná‑ni ndùu tée‑áⁿ tucu.
49 E, assim como trouxemos a imagem do terreno, traremos também a imagem do celestial.
50 Te nchòhó ñáyiu ndècu ndɨhɨ‑í ichi Xítohó Jesucrìstú càchí tnúhu‑í xii‑ndo sǎ ncháá nàcuáa càa yɨquɨ cuñú ñáyiu xǐndecu vitna vá sàá‑xi cundecu‑xi núú ndécú Yǎ Ndiǒxí táxí tnùní‑gá, chi ñuyíú‑a ndɨhɨ nihnu‑xi. Dico sá tàú‑xi sáá núú ndécú‑gǎ táxí tnùní‑gá xìni ñuhu‑xi cuu‑xi sá cúdǐi cundecu.
50 Mas digo isto, irmãos, que carne e sangue não podem herdar o reino de Deus; nem a corrupção herda a incorrupção.
51 Te na càchí tnúhu‑í xii‑ndo ɨ̀ɨⁿ tnúhu sá yɨ́yùhu ni cuu: Dava‑o cùú‑ó te dava‑o cùndecu‑ni‑o, dico nchaa‑o nàdáma yɨquɨ cuñú‑ó.
51 Eis aqui vos digo um mistério: Nem todos dormiremos mas todos seremos transformados,
52 Te uuⁿni ducaⁿ nàdáma yɨquɨ cuñú‑ó òré cáháⁿ ɨɨⁿ cútú, te cútú‑ǎⁿ cǎháⁿ‑xi òré sa ta cùyatni naa ñuyíú. Te òré cáháⁿ cútú‑ǎⁿ te ndoto nchaa ñáyiu ní xíhí ñáyiu ní xíndecu ichi Xítohó Jesucrìstú, te ducaⁿ te vá ɨ́ɨ́ⁿ ndùu ɨɨⁿ quɨ́ú‑gǎ cuú‑yu. Te nchaa ñáyiu ndècu vívú te nàdáma yɨquɨ cuñú‑yu tnàhá‑yu.
52 num momento, num abrir e fechar de olhos, ao som da última trombeta; porque a trombeta soará, e os mortos serão ressuscitados incorruptíveis, e nós seremos transformados.
53 Te nchaa yɨquɨ cùñú ndécú ndɨ̀hɨ nchaa ñáyiu ndècu ñuyíú‑a vitna ñá túú cùdíi‑xi chi xìhí‑xi, dico yɨquɨ cùñú nduu táhú nchoo ñǎyiu ndècu ichi Xítohó Jesucrìstú chi cudíi‑xi nɨ caa nɨ quɨ́hɨ́ⁿ chi vá cùú‑gá‑xi.
53 Porque é necessário que isto que é corruptível se revista da incorruptibilidade e que isto que é mortal se revista da imortalidade.
54 Te òré ná ndùu táhú‑ó yɨ̀quɨ cuñú sá dúcáⁿ cùdíi nɨ caa nɨ quɨ́hɨ́ⁿ‑áⁿ, te vá cúndècu ndɨhɨ‑gá‑ó yɨ̀quɨ cuñú sá ñà túú cùdíi. Te dàvá‑áⁿ te quee ndáá‑xi nàcuáa càháⁿ‑xi núú tùtú Yǎ Ndiǒxí núú càchí‑xi: “Vitna ñá túú‑gǎ xìhí ñáyiu chi mee‑nǎ Yǎ Ndiǒxí cúnùu‑gá táxí tnùní ñáhá‑gǎ xií‑yu.
54 Mas, quando isto que é corruptível se revestir da incorruptibilidade, e isto que é mortal se revestir da imortalidade, então se cumprirá a palavra que está escrito: Tragada foi a morte na vitória.
55 Te ñá túú tnàhí‑gá ná ndoho ñáyiu sá cuèndá tnúhu xìhí, chi vá cóó‑gǎ tnúhu xìhí”, duha càchí‑xi núú tùtú Yǎ Ndiǒxí.
55 Onde está, ó morte, a tua vitória? Onde está, ó morte, o teu aguilhão?
56 Te cue ñáyiu ndècu ndɨhɨ́‑yu tnúhu sá sánú ìchi ñaha xií‑yu nàcuáa cadá‑yu cundecú‑yu dico uuⁿ‑gá quídě‑yu nchaa sá cuèhé sá dúhá. Te sá cuèndá nchaa sá cuèhé sá dúhá quìdé‑yu‑áⁿ, te xíǎⁿ ní ngúndecu tnúhu xìhí dándòho ñaha‑xi xií‑yu.
56 O aguilhão da morte é o pecado, e a força do pecado é a lei.
57 Dico táxǎhu xii Yá Ndiǒxí chi ní taxi‑gá tnúhu ndee ìní ndécú ndɨ̀hɨ‑o sá sàá nduu te vá quìní‑gá‑ó tnǔhu xìhí, te ducaⁿ chi ndècu ndɨhɨ‑o Xítohó Jesucrìstú.
57 Mas graça a Deus que nos dá a vitória por nosso Senhor Jesus Cristo.
58 Te xíǎⁿ nǔu càháⁿ‑í dóho nchòhó cue ñáyiu ndècu ndɨhɨ‑í ichi Xítohó Jesucrìstú chi ío cùu iní ñáhà‑í xii‑ndo, te càháⁿ‑í dóho‑ndo sǎ cánchǐcúⁿ nihnu‑ni‑ndo ìchi Xítohó Jesucrìstú cuěi nándɨ na càda ñaha ñáyiu xii‑ndo sǎ cuèndá‑gá, te ío nducu ndèe‑ni‑ndo cada‑ndo chiuⁿ‑gá, chi sa nàha‑ndo sá ncháá chìuⁿ quide‑o cuendá‑gá ñá túú àúⁿ nǎ cuu quìde‑o.
58 Portanto, meus amados irmãos, sede firmes e constantes, sempre abundantes na obra do Senhor, sabendo que o vosso trabalho não é vão no Senhor.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Coríntios 15, comparar traduções ou montar um estudo — tudo direto pelo WhatsApp.