1 Wo Niniba, ka, bogwa leimaiyaisi kam kwabilia!
2 (Ka, Guyau makateki bikatububulivau kala guyugwayu Isireli, makawala kala gigisa omitibogwa igau tilaula gala bikodidaimisi valu.)
3 E kam tilaula la tokabilia leiyosisi si vayoula kaibubweyani
4 Makaisina waga kaibibiu eisisakauluvivilasi wala olopola keda,
5 Matausina kumatoula ilagaisi biga,
6 E kalapisila makwaisina katitaikinela waya ikodidaimisi ikapogega;
7 Giyouvila iyosisi ilauwaisi okatupipi
8 Makawala yelu, Niniba tomotala komwaidona isakaulasi.
9 Ka valu mavilouna ivakasewoki wala veiguwa.
10 Valu Niniba bogwa leikodidaimisi,
11 E ambaisa mavilouna vilouveka
12 Ka, laiyoni minana bogwa eikamati kala tau,
13 E Guyau Topeuligaga ikaibiga kawala, “Ka, yeigu kami tilaula! Yeigu bagabu komwaidona mi waga kaibibiu, mi tokabilia bikatumataisi okabilia deli bakau komwaidona guguwa makwaisina lokukwauwaisi metoya tomota ituwoli. Deli gala tuvaila tomota bilagaisi kaigasi mi touwata.”