1 Hom'ona' ni', Apo Dios, ta aliwam di bahol'u
2 At paddungnay ulaham an amin di bahol'u ta mihamad di ugali' mahkay.
3 Ya i'innila' an numbahola',
4 Ya numbahola' ahan ay He"a,
5 Ti nipalpuh din nitungawa' ya nababaholana'
6 Mu hay pa'appohpohdom ya nan maphod an pangat di tagu,
7 Ya ulaham ni' di bahol'u ta pumhod tun ugali'
8 Ya pawadaom ni' di amlong'u an ta"on hi unna' minolta,
9 ya aliwam ni' nan numbahola' ay He"a,
10 Ya idatana' ni' hi baluh nomnom, Apo Dios,
11 Ya adia' ni' du'gon ay He"a
12 Ya pa'amlongona' an umat hidin nangabuluta' ay He"a,
13 Ta ituduwa' nan nun'abaholan hinan pohdom hi atonda ta He"ay unudonda.
14 At elwanga' ni' ta adia' patayon, Apo Dios an Dios'un namaliw ay ha"in,
15 Ya badangana' an humapit ta way ato' an mangul'ulgud hinan a'al'alyam, O Apu.
16 Ya bo'on nan me'nong an midat di pohdom
17 At hay abulutom, O Apo Dios, hi e'nong'un He"a ya tun malpuh nomnom'uh puntutuyua'
18 Ya igohgoham ni', O Apo Dios, nan babluy ad Zion ta pumhod
19 Ya malpah ay ya e'nongmi mahkay ay He"a nan nepto' an e'nongmin moghob hinan pun'onngam.