1 Modimo yena o tla re gaugela a ba a re šegofatša; O tla re edišetša sefahlego sa gagwe"
2 Gore tsela ya gago e tsebje lefaseng, Phološo ya gago e tsebje le ditšhabeng ka moka."
3 Anke merafo e go rete, wena Modimo; Anke merafo ka moka ga yona e go rete."
4 Anke ditšhaba di thabe di be di goeletše ka lethabo, Gobane o tla ahlola merafo ka go loka; Ge e le ditšhaba, o tla di hlahla lefaseng."
5 Anke merafo e go rete, wena Modimo; Anke merafo ka moka ga yona e go rete."
6 Lefase lona le tla tšweletša dienywa tša lona; Modimo, e lego Modimo wa rena, o tla re šegofatša."
7 Modimo o tla re šegofatša, Gomme magomo ka moka a lefase a tla mmoifa."