Lucas 19
Eyacuiñajjija Esohui (ESENT) vs VC
1 Jesosaa Jenico yejje canana cua; quea dejja huiso jjachichaquia cua Jesosa bajji.
1 Jesus entrou em Jericó e ia atravessando a cidade.
2 Oe dejja Saqueo bajjani cua. Ojjañaja eba Saqueo quea bejjo huiso nee nee cua. Oya bejjo chichajji cua emeshi meseja yajji. Oya ca jjadasiaquijji cua.
2 Havia aí um homem muito rico chamado Zaqueu, chefe dos recebedores de impostos.
3 Ohuaya ca ca Jesosa ba sa aca cua. Jamajjeya Saqueo poquia cua Jesosa baa pea cuana ejjachichaqui nequi yasijje. Quea chiꞌaa jjejojoya ca ca oe ojaya beshahua nei Jesosa ba jjima cua.
3 Ele procurava ver quem era Jesus, mas não o conseguia por causa da multidão, porque era de baixa estatura.
4 Jamajjeya Saqueo cuajicuaji poquia cua, ejiojji cojja sahuajo nequi acui yasijje sohuaquiñaquia cua.
4 Ele correu adiande, subiu a um sicômoro para o ver, quando ele passasse por ali.
5 Jesosa jjayejjeꞌajjaquia cua acui aa biajje Saqueo anijje. Majoya aje ohuaya bajeasohua majje jama aca cua baꞌa: —Saqueo, ¡oqueꞌyocue! Jjeyahua nei iña poquije miquea equi yasijje aniya!
5 Chegando Jesus àquele lugar e levantando os olhos, viu-o e disse-lhe: Zaqueu, desce depressa, porque é preciso que eu fique hoje em tua casa.
6 Majoya aje oya nequioqueꞌya cua. Majoya aje nequioqueꞌyo majje poquia cua ojaya equi yasijje Jesosa nijje. Oya quea bihui cua.
6 Ele desceu a toda a pressa e recebeu-o alegremente.
7 Pea cuaa ca ca niñeba ca cua Jesosa poquije ba majje; jama mimijajime cua baꞌa: —De, Jesosa Saqueo nijje poquinaje anicuaa, Saqueo quea mimishi nee nee, de.
7 Vendo isto, todos murmuravam e diziam: Ele vai hospedar-se em casa de um pecador...
8 Majoya aje dobiquia cua Jesosa Saqueoja equi yasijje. Quijje pishana ijjiaꞌijjiajeyo majje Saqueo nequisohuaꞌya cua. Ohuaya Jesosa jama huohuime aca cua baꞌa: —Eꞌe de, jjeyahua eyaya aemaꞌ cuana huasijje bejjo quiaje esejja. Eya siipojji nei cuanaje, de. Jjeya ca iña siipo sa poꞌyo ajja. Jamaya eyaya aje baꞌa: Eyaya oe bejjo siinaje, eyaya quiajeꞌyo ebeca pee peaꞌai bejjo. Eya mimishi po sa poꞌyo ajja. Eꞌe jojo nei ecuea esohui jjeya. Siajje pojjeama cuani —jamaya Saqueo cua.
8 Zaqueu, entretanto, de pé diante do Senhor, disse-lhe: Senhor, vou dar a metade dos meus bens aos pobres e, se tiver defraudado alguém, restituirei o quádruplo.
9 Jesosaa oya jama huohuime aca cua baꞌa: —Eꞌe de, miya Jodio dejja nei, jamatii miya Eyacuiñajji nijje jjapeequi jjima cuanaje. Jjeya ca ca miya eꞌe jojo nei jjapeequi sa cuani Eyacuiñajji nijje.
9 Disse-lhe Jesus: Hoje entrou a salvação nesta casa, porquanto também este é filho de Abraão.
10 Eꞌe, eya cueyanaje ojjaña jjapeequi meeya Eyacuiñajji nijje. Eyaya mi jayojja pea cuana ba sa aña —jamaya Jesosa cua.
10 Pois o Filho do Homem veio procurar e salvar o que estava perdido.
11 Jesosaja esohui shajjaꞌajja majje pea cuaa jama aca cua baꞌa: —Jesosa, Jenosanena huasijje poqui majje miya ojjañaja Emeshi Mese cuaje, jjeya nei pojjaꞌa. Ecuana jamajjeya mijo quea bihui nee nee cuajeꞌyo —jamaya poso aca cua dejja cuaa.
11 Ouviam-no falar. E como estava perto de Jerusalém, alguns se persuadiam de que o Reino de Deus se havia de manifestar brevemente; ele acrescentou esta parábola:
12 Jamajjeya Jesosaa oe esohui ejjashahuaba quimeejjijo jama huohuime aca cua baꞌa: —Oe dejja emeshi mese epoꞌyojji pea meshi yasijje poquinaje. Majoya oya emeshi mese epojji bajjani caꞌyajje huacuaya cueꞌyonaje o nequinaje meshi yasijje.
12 Um homem ilustre foi para um país distante, a fim de ser investido da realeza e depois regressar.
13 Poqui jjimahuaa ohuaya iyaa canaje ojaya ome miji peaꞌai echacojji cuana bejjo equiajji. Ojjaña oe ebashosocojo bejjo quea huiso quia canaje. Jama huohuime acanaje baꞌa: “Eꞌe de, jiquio bejjo eyaya miquianaya quiaña, aquiana jjeshejji. ¡Esose quea huisojo bejjo jjahuisoqui meecue! Eya cueꞌyo majje quea huiso bejjo bañajeꞌyo. Eya majoya quea bihui cuaje” jamaya cua ma emeshi mese poqui jjimahua.
13 Chamou dez dos seus servos e deu-lhes dez minas, dizendo-lhes: Negociai até eu voltar.
14 —Majoya aje emeshi mese poquinaje pea meshi yasijje emeshi mese epojji ohua bajjani caꞌyajje. Oja meshijo nequi dejja cuanaja botiꞌama cua. Jamajjeya dejja cuaa oe dejja huohui pohua ma meshi yasijje huoojea ca cua. Jama huohuime aca cua baꞌa: “Ecuanajaya ma dejja emeshi mese cuajo botiꞌama cuaje”.
14 Mas os homens daquela região odiavam-no e enviaram atrás dele embaixadores, para protestarem: Não queremos que ele reine sobre nós.
15 —Oya ca ca bajjani caꞌyajje emeshi mese cuanaje. Jamajjeya ma dejja huacuaya cue oꞌoya cua oja meshi yasijje. Cue oꞌoya majje iyaa mee ca cua ojaya echacojji cuana ehuohuiꞌajjajji, ache huiso bejjo chicha canaje ebajji.
15 Quando, investido da dignidade real, voltou, mandou chamar os servos a quem confiara o dinheiro, a fim de saber quanto cada um tinha lucrado.
16 Ebionei oe echacojji poquinaje o que. Jama cua baꞌa: “Emeshi mese, miquea bejjo quea huiso nee nee chichanaje. Miyaya eya oe bashosoco bejjo quianaje, jjeya ca ca yani ome miji peaꞌai bashosocome bejjo. Eyaya chaco neineinaje, de”.
16 Veio o primeiro: Senhor, a tua mina rendeu dez outras minas.
17 Emeshi meseya jama acanaje baꞌa: “Eꞌe de, miya oe echacojji quea bame nee cuanaje. Jjeyahua nei miya emeshi mese jayojja aje, ¡ome miji peaꞌai cuiñajji jaahuanacue, miyaya quea bame cuanajeya jjejojo!”
17 Ele lhe disse: Muito bem, servo bom; porque foste fiel nas coisas pequenas, receberás o governo de dez cidades.
18 —Pea echacojji poquinaje emeshi mese que. Jama huohuime acanaje baꞌa: “Emeshi mese, miyaya bejjo oe bashosoco quianaje. Jjeya ca ca eyaya iyehuiso chichanaje me oejje bashosocome bejjo. Eꞌe de, eyaya chaco neineinaje peaꞌai”.
18 Veio o segundo: Senhor, a tua mina rendeu cinco outras minas.
19 Jamajjeya emeshi mese jama cuanaje baꞌa: “Eꞌe de, miya quea bame cuanaje. Miya emeshi mese jayojja aje, ¡me oejje cuiñajji jaahuanacue!”
19 Disse a este: Sê também tu governador de cinco cidades.
20 —Pea echacojji poquinaje o que. Oya jama cuanaje baꞌa: “Emeshi mese, maꞌaje miquea oe bashosoco bejjo. Quia jjimajje bejjo cuanaje. Eja sisijo bebo majje jaahuana neineinaje.
20 Veio também o outro: Senhor, aqui tens a tua mina, que guardei embrulhada num lenço;
21 Eꞌe de, miya etecueaje poso ca ca mi quianaje. Ecuea miya eba dejja quenequene cuajijji nei nei. Quea dejja taija jjejojo miquea aquiana quea huiso yani. Jamajjeya eya quea mete cuanaje miquea bejjo quiajji. Jamajjeya jaahuananaje miquea bejjo nei”.
21 pois tive medo de ti, por seres homem rigoroso, que tiras o que não puseste e ceifas o que não semeaste.
22 Majoya aje emeshi meseya oya tecuea canaje. Oya jama cuanaje baꞌa: “Siajje miya, de. Miquea ejjashahuaba taiquijji jayojja jama eyaya miya aje. Miya shajjamaꞌ cuanaje; jjahuisoqui mee jjimaya ecua bejjo anaje.
22 Replicou-lhe ele: Servo mau, pelas tuas palavras te julgo. Sabias que sou rigoroso, que tiro o que não depositei e ceifo o que não semeei...
23 ¡Bacue, ecue bejjo oya huiso tii miyaya jaahuananaje! ¿Apiojji miyaya bejjo ejjeshejji jaajji equi yasijje mi iyaquinaje, ejjahuisoquijji? Miyaya chacochaco jjima cuanaje, de”.
23 Por que, pois, não puseste o meu dinheiro num banco? Na minha volta, eu o teria retirado com juros.
24 —Emeshi mese oya cuana jomajo nequi jama huohuime acanaje baꞌa: “Eꞌe de, ¡jjequisejajeaꞌyocue ecue quia bejjo ma echacojji shajjamaꞌ cuanajeja! ¡Quiaꞌyocue ma ebionei echacojji cuanaje yasijje, ma quea huiso bejjo chichajji cuanaje yasijje!” jamaya emeshi meseya acanaje.
24 E disse aos que estavam presentes: Tirai-lhe a mina, e dai-a ao que tem dez minas.
25 —Oya cuana jama cuanaje baꞌa: “Emeshi mese, miquea ebionei echacojji ca ca quea bejjo huiso cuani. Yani ojaya ome miji peaꞌai huisome, de”.
25 Replicaram-lhe: Senhor, este já tem dez minas!...
26 Majoya aje emeshi meseya jama acanaje baꞌa: “¡Shajjaꞌajjacue ecuea esohui eꞌe jojo nei! Oe dejja chacochaco ani quea bame, shajjaꞌajja cani ecuea esohui, eyaya quiaje quea huiso nee nee. Oe dejja ca ca chacochaco ajja, shajjamaꞌ cuani, eyaya quia jjima aje. Iñajeꞌyo ojjaña ojaya aquiana o shajjamaꞌ jojoya.
26 Eu vos declaro: a todo aquele que tiver, dar-se-lhe-á; mas, ao que não tiver, ser-lhe-á tirado até o que tem.
27 Eꞌe de, pea dejja cuanaja eya botiꞌama. Oya cuana eya emeshi mese epojji sa po ajja ca ca oya. ¡Ma dejja cuana yecue eque! E cojja nei nequia majje ¡quecuajeacue ojjañaja ebajji!” cuanaje ma emeshi mese, de —jamaya aca cua Jesosaa.
27 Quanto aos que me odeiam, e que não me quiseram por rei, trazei-os e massacrai-os na minha presença.
28 Majoya Jesosa mimijeyo majje poquia cua Jenosanena huasijje.
28 Depois destas palavras, Jesus os foi precedendo no caminho que sobe a Jerusalém.
29 Poquijeya ba cañaquia cua beca cuiñajji Mepaje, Betania peaꞌai. Ma cuiñajji cuana chipi neijo eyiyo nequi yohua bajjani baꞌa: Onimo. Majoya Jesosaa becanejjijji peaꞌai o shajjaꞌajjajji cuana huoojea ca cua. Jesosaa oya cuana jama huohuime aca cua baꞌa:
29 Chegando perto de Betfagé e de Betânia, junto do monte chamado das Oliveiras, Jesus enviou dois dos seus discípulos e disse-lhes:
30 —¡Poquicue jocuama ma cuiñajjijo chipi nei! ¡Bañaqui majje bacue mapichi eshoꞌi ai ejeyonequia nequi! ¡Ba majjeya oe pichocue! ¡Picho majje yecue! ¡Joya onaja eꞌanisohuaquijji ajjima nei nei oe yecue!
30 Ide a essa aldeia que está defronte de vós. Entrando nela, achareis um jumentinho atado, em que nunca montou pessoa alguma; desprendei-o e trazei-mo.
31 Onaa: “¿Apiojji acuae ecuea mapichi pichojeaña soꞌo?” acajje, oe jama huohuime acue baꞌa: “¡Mapichi jjequicue!” Jesosa cuanaje. Oya pa mapichi sa cuani, de, acue.
31 Se alguém vos perguntar por que o soltais, responder-lhe-eis assim: O Senhor precisa dele.
32 Majoya aje oya cuana poquia cua; bacañaquia cua mapichi. Majoya aje bañaqui majje pichojea ca cua ma ecua Jesosaa huohui ca cua jama pichojeameya aca cua.
32 Partiram os dois discípulos e acharam tudo como Jesus tinha dito.
33 Majoya aje emapichi mese cuaa ba ca cua, mapichi picho cuequi. Majoya aje ba majje emapichi meseya Jesosaja eshajjaꞌajjajji cuana jama huohuiꞌajjame aca cua baꞌa: —¿Apiojji acuaeya ecua mapichi pichojeaña soꞌo?
33 Quando desprendiam o jumentinho, perguntaram-lhes seus donos: Por que fazeis isto?
34 Oya cuana jama cua baꞌa: —Jesosaa sa canijojo ca ca ecuaaya pichojeaña.
34 Eles responderam: O Senhor precisa dele.
35 Majoya aje dojo ca cua Jesosa que. Daqui iya ca cua mapichija edaasa biajje. Majoya Jesosa anisohuaquia cua mapichija edaasa biajje; poquia cua Jenosanena huasijje.
35 E trouxeram a Jesus o jumentinho, sobre o qual deitaram seus mantos e fizeram Jesus montar.
36 Jesosa poquianijo jjachichaquia cua ojjaña dejja cuana ejiojji sahuajo. Onaaya daqui ao jjequi jeapiihui ca cua ejiojjijo Jesosa jaꞌajjequijji. Emeshi mese jama jaꞌajjequimeya acaninaje cuaa ohua ba cahuajje.
36 À sua passagem, muitas pessoas estendiam seus mantos no caminho.
37 Eyiyo Onimojo ani jaaoque majje ojjaña Jesosaja epeejji cuana quea bihui nee nee cua. Sohuicuayaña cua jama baꞌa:
37 Quando já se ia aproximando da descida do monte das Oliveiras, toda a multidão dos discípulos, tomada de alegria, começou a louvar a Deus em altas vozes, por todas as maravilhas que tinha visto.
38 —Eyacuiñajji, miya quea bame nee nee. Miyaya Jesosa huoojeanaje ecuea Emeshi Mese epojji jjeya nei. Ecuana quea bihui nee nee. Ojjaña meshijo baꞌe cuana, eyajo baꞌe cuana peaꞌai quea bei cuani —jama sohuicuayameya cua cuana.
38 E dizia: Bendito o rei que vem em nome do Senhor! Paz no céu e glória no mais alto dos céus!
39 Majoya Paniseo dejja cuaa quea dejja huiso pejjejo nequiya sohuicuayaqui shajjaꞌajja majje quea quene nee nee cua. Jamajjeya oya cuaa Jesosa jama huohuiꞌajjame aca cua baꞌa: —Jesosa, ¡miquea epeejji cuana huohuicue: “¡Aꞌa sohuicuayajji!” acue! —jamaya cua Paniseo dejja cuana.
39 Neste momento, alguns fariseus interpelaram a Jesus no meio da multidão: Mestre, repreende os teus discípulos.
40 Majoya aje Jesosaa jama sajaꞌame aca cua baꞌa: —Chojja de, eyaya ecuea epeejji cuana: “¡Aꞌa sohuicuayajji!” ajo, mei sohuicuayaje, de. Ojjañaa jja ca oe jjeya cabihuia cahua Eyacuiñajji —jamaya Jesosa cua.
40 Ele respondeu: Digo-vos: se estes se calarem, clamarão as pedras!
41 Quijje pishana Jenosanena bañaqui majje Jesosa pa neineiya cua Jenosanenajo baꞌe cuana ojaya esohuijo shajjamajojo.
41 Aproximando-se ainda mais, Jesus contemplou Jerusalém e chorou sobre ela, dizendo:
42 Oya jama mimimeya cua baꞌa: —Eya quea yeno nee nee jiquio cuiñajjijo baꞌeca cuanajo, oya cuana quea mimishi nee nee jojoya. Oya cuana mimishi cuana pajeaꞌyo sa po ajja nei nei, de. Jamajjeya aje jja oe quea nee nee cuajeꞌyo, ecuea epeejji po sa po ajja cuanajejojo.
42 Oh! Se também tu, ao menos neste dia que te é dado, conhecesses o que te pode trazer a paz!... Mas não, isso está oculto aos teus olhos.
43 Sohuinano cuana cueje o quecuaꞌyohua. Sohuinano cuana jjanequitoquijeꞌyo jiquio cuiñajjijo. Majoya oya cuana cuayaqui ajja nei nei cuaje.
43 Virão sobre ti dias em que os teus inimigos te cercarão de trincheiras, te sitiarão e te apertarão de todos os lados;
44 Majoya aje oya cuana quecua jeyojeyo cajeꞌyo, chamaꞌyo tii acajeꞌyo. Equi cuana dahuajea jeyojeyo cajeꞌyo chamaꞌyo epoꞌyojji. Jamaya cuaje oya cuana ecuea esohuijo shajjamaꞌ cuanajejojo, eya Eyacuiñajjija huoojeaꞌyo ojjaña jaahuanajji cajaa acanajejojo —jamaya cua Jesosa Jenosanenajo baꞌe cuana nijje.
44 destruir-te-ão a ti e a teus filhos que estiverem dentro de ti, e não deixarão em ti pedra sobre pedra, porque não conheceste o tempo em que foste visitada.
45 Majoya Jesosa dobiquia cua Eyacuiñajjija equi yasijje. Dobiqui majje Jesosaa beca cuana aquiana quia cuequi ba ca cua. Ma ba majjeya quea quene nee nee cua. Majoya aje Jesosaa ma aquiana quia cuequi jeacuayajea ca cua.
45 Em seguida, entrou no templo e começou a expulsar os mercadores.
46 Ohuaya jama tecueame aca cua baꞌa: —Eyacuiñajjija etehueꞌyo jama cuani baꞌa: “Eyacuiñajjija equi onijje emimijji”. Aquiana quiajji pojjeama, ona siajje ajji pojjeama peaꞌai —jama tecuetecuemeya Jesosa cua.
46 Disse ele: Está escrito: A minha casa é casa de oração! Mas vós a fizestes um covil de ladrões {Is 56,7; Jr 7,11}.
47 Ojjaña pojjajo Jesosaa esohui huohui ca nequia cua Eyacuiñajjija equijo. Jamatii Eyacuiñajji nijje mimiani etii cuaa, Moisesija etehueꞌyo huohuijji cuaa, emeshi meseya peaꞌaiya Jesosa saꞌajja ca cua equecuaꞌyojji.
47 Todos os dias ensinava no templo. Os príncipes dos sacerdotes, porém, os escribas e os chefes do povo procuravam tirar-lhe a vida.
48 Jamajjeya esohui huohuijji cuana jama jjashahuabaquimeya cua baꞌa: —Quea camaja ca eꞌiñajji Jesosa equecuaꞌyojji, oya quea epeejji huiso nee nee aña. Shajjaꞌajja neinei cani ojaya esohui cuaa, de.
48 Mas não sabiam como realizá-lo, porque todo o povo ficava suspenso de admiração, quando o ouvia falar.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Lucas 19, comparar traduções ou montar um estudo — tudo direto pelo WhatsApp.