João 5
Eyacuiñajjija Esohui (ESENT) vs NTLH
1 Majoya quijje ojjaña Jodio dejja cuana poqui oꞌoyanaje Jenosanena huasijje ojee ijjiaꞌijjiaa Eyacuiñajji bihuiaa. Jamajjeya ecuanaya Jesosa nijje, o shajjaꞌajjajji cuana nijje peaꞌai Jenosanena huasijje poqui oꞌoyanaje.
1 Depois disso, houve uma festa dos judeus, e Jesus foi até Jerusalém.
2 Jenosanena cuiñajji mei jiyojo Ñajjajja Dobiquijji esecue yani. Ma esecue pejjejo yani ena, bae sisi jama, ebesajji, Emeo esohuijo Metena ena bajjani. Ena sahuajo yani me oejje equi sisi.
2 Ali existe um tanque que tem cinco entradas e que fica perto do Portão das Ovelhas. Em hebraico esse tanque se chama “Betezata”.
3 Jomajo quea huiso emano cuana jaanaje: cojjamaꞌ cuana, jeoꞌajja cuana, jiojjijjajja cuana peaꞌai. Ohuaya esohuidojojji ishoaꞌajja cani; jama jjashahuabaquime poani baꞌa: —Eꞌe, Eyacuiñajjija esohuidojojjiya ena cajeaquejjo cahua. Jamajjeya eya ena huasijje nequidobiquiajo, jjaajaqui mee cajeꞌyo.
3 Perto das entradas estavam deitados muitos doentes: cegos, aleijados e paralíticos. [Esperavam o movimento da água,
4 Eꞌe, Jodio cuaa jama acanaje baꞌa: —Esohuidojojjiya quijje nei poe huichaꞌanijo ena jeaquejjo mee cani. Ena jeaquejjo cajo, ojjaña emano cuana ena huasijje canequidobi cuajiquiahua. Joya ebionei besajeꞌyo ca ca jjaajaqui mee cajeꞌyo, huaquia mee cajeꞌyo peaꞌai Eyacuiñajjiya —poanaje Jodio cuana.
4 porque de vez em quando um anjo do Senhor descia e agitava a água. O primeiro doente que entrava no tanque depois disso sarava de qualquer doença.]
5 Jamajjeya oe dejja jomajo jeoꞌajja jaanaje. Quea shequiaja huiso nee nee jaa poa, 38 shequiajame.
5 Entre eles havia um homem que era doente fazia trinta e oito anos.
6 Jesosaa poe majje ba canaje dejja emanojaa jeoꞌajja. Jesosaja eba ma dejja quea shequiaja huiso nee nee jaa poa. Jamajje oya huohuiꞌajja canaje: —¿Aꞌa miya jjaajaquiꞌyo sa poani? ¿Aꞌa miya jeo sa poani? —Jesosa poanaje.
6 Jesus viu o homem deitado e, sabendo que fazia todo esse tempo que ele era doente, perguntou:
7 —Eꞌe —emanojaaa sajaꞌa canaje—, jamatii chamaꞌ pea dejja e dojojji ena jeaquejjo poani yasijje e besa meeꞌyojji. Jamajjeya eya ebionei ebesaꞌyojji pojjeama. Eya jjapashineijje poquianijo, pea ebionei besacuajiquije —poanaje emanojaa, jeoꞌajja.
7 Ele respondeu: — Senhor, eu não tenho ninguém para me pôr no tanque quando a água se mexe. Cada vez que eu tento entrar, outro doente entra antes de mim.
8 Jesosaa oya jama acanaje baꞌa: —Epeejji, ¡nequisohuaꞌyocue oe! ¡Jeocue! ¡Miquea equi yasijje equipajaajji bebo majje dojoꞌyocue!
8 Então Jesus disse:
9 Jjeya nei jeoꞌajja jeocuajiꞌyonaje. Jamajje nequisohuaꞌyonaje; oja equi yasijje equipajaajji bebo majje dojo caꞌyonaje; jeopoquiꞌyonaje. Jesosaa oya jeo mee caꞌyonaje Jodioja epojja ejomishocajjijo.
9 No mesmo instante, o homem ficou curado, pegou a cama e começou a andar. Isso aconteceu no sábado.
10 Jamajjeya ma dejjaa equipajaajji dojo cani ba majje Jodio cuana quea tecue onijje poanaje: —¡De! ¿Apiojji acuae miyaya equipajaajji dojoaña soꞌo? ¡Jjeya epojja ejomishocajji, de! ¡Aquiana jjeya dojoca ajja! Jamaya eseja esohui huohuijji cuaa huohui cani —poanaje.
10 Por isso os líderes judeus disseram a ele: — Hoje é sábado, e a nossa
11 Ma dejja ejeoꞌyohua sajaꞌa canaje jama baꞌa: —Jamatii. Oe dejjaa eya jeo meeꞌyo majje jama acanaje baꞌa: “¡Poquicue miya; miquea equipajaajji bebo majje dojocue!” poanaje.
11 Ele respondeu: — O homem que me curou me disse: “Pegue a sua cama e ande.”
12 —Eꞌe pojjaꞌa —Jodio cuana poanaje—. “¡Miquea equipajaajji dojocue!” poanaje. ¿Ae bajjaniya acuae maya miya huohui canaje soꞌo? —huohuiꞌajja canaje.
12 Eles perguntaram: — Quem é o homem que mandou você fazer isso?
13 —Cuaꞌa, de —sajaꞌame acanaje—. Ache dejjaa shai eya jeo mee caꞌyonaje. E jeo meeꞌyo majje oya pea dejja quea huiso nijje poquinaje —poanaje. (Eꞌe, dejja quea huiso nee nee jomajo ani.)
13 Mas ele não sabia quem tinha sido, pois Jesus havia ido embora por causa da multidão que estava ali.
14 Quijje pishana Jesosaa ma dejja oja jeo meeꞌyo ba caꞌyonaje Eyacuiñajjija equijo. Jama huohuime acanaje baꞌa: —Eꞌe epeejji, jjeya miya quea pame nee nequiꞌyo, quea aja nee nequi. Jamajjeya ¡aꞌa quea mimishi po oꞌoyajji! Quea mimishi po oꞌoya majje mi quea mano nee nee po oꞌoya chanaꞌ, quea tai nee nee; yahuajo jeo ajja, quea nee pishana poanaje —Jesosaa acanaje.
14 Mais tarde Jesus encontrou o homem no pátio do Templo e disse a ele:
15 Jesosa shajjaꞌajja majje poquiꞌyonaje Jodio cuana huasijje. Huohuiqui canaje jama baꞌa: —Eꞌe, Jesosa bajjaniya eya jeo mee caꞌyonaje —poanaje.
15 O homem saiu dali e foi dizer aos líderes judeus que quem o havia curado tinha sido Jesus.
16 Jamajjeya jeoꞌajja poanajeya huohui cajje Jodio cuaa Jesosa niñeba canaje; quecuaꞌyo sa acanaje peaꞌai, Jesosaa jeoꞌajja cuana jeo mee caꞌyonaje epojja ejomishocajjijo.
16 Então eles começaram a perseguir Jesus porque ele havia feito essa cura no sábado.
17 —Ecue Chiiya quea pame nee acani tii tii epojja ejomishocajjijo peaꞌai —Jesosaa oya cuana sajaꞌa canaje—. Jamajjeya eyaya peaꞌai ecue Chiiya jayojjaya jama quea pame aña ojjaña pojjajo.
17 Então Jesus disse a eles:
18 Jamajoya Jodio etii cuaa Jesosa quecua sa neinei acanaje. Jama huohui canaje baꞌa: —Esejaya etiiquiaa yahuajo esohui tehue ca poa jama baꞌa: “¡Epojja ejomishocajjijo aꞌa chacojji!” aca poa.
18 E, porque ele disse isso, os líderes judeus ficaram ainda com mais vontade de matá-lo. Pois, além de não obedecer à lei do sábado, ele afirmava que Deus era o seu próprio Pai, fazendo-se assim igual a Deus.
19 Jamajjeya Jesosaa ma Jodio etii cuana huohui canaje jama baꞌa: —Eyaya miquianaya eꞌe jojo nei huohuiaña jama baꞌa: Eyacuiñajjiya eya, oja Bacua Ejja oe nei huoojea canaje; eyaya ojaya esohui jayojja jama aña. Eyaya huohuiaña ecue Chiija ejjashahuabaquijji, ecuea ejjashahuabaquijji pojjeama. Ojjaña ecue Chiiya acani ecuea eba. Jamaya ca ca eyaya aña peaꞌai. Eꞌe, ojjaña ecue Chiiya acani eyaya aña peaꞌai, eya oja Bacua Ejjaa jjejojoya.
19 Então Jesus disse a eles:
20 Eya ecue Chiija quea jea nee nee. Jamajjeya eya ba mee cani ojjaña joya ohua amee sa acani huiso tii. Eyaya ma dejjaa ajjima acani aña ba majje miquianaya jama poaje baꞌa: “Eꞌe nei, yahuajo jamaya ajjima cuanaja poa. Chamaꞌ pea Jesosa jayojja” poaje miquianaya.
20 pois o Pai ama o Filho e lhe mostra tudo o que está fazendo. E vai mostrar a ele coisas ainda maiores do que essas, e vocês vão ficar admirados.
21 Jamaya ecue Chiiya eya amee cajeꞌyo baꞌa: Ecue Chiiya emanoꞌyojaa shequi mee ca oꞌoyani jayojja jama eyaya baꞌe meeje oꞌoya, ojjaña ecue babacaꞌyo cuana peaꞌai —Jesosa poanaje—.
21 Porque, assim como o Pai ressuscita os mortos e lhes dá vida, assim também o Filho dá vida aos que ele quer.
22 Ecue Chiija ehuohuijji pojjeama joya ojaya epeejji pojjeama, joya quea nee nee poajeꞌyo tii cuaquijo. Joya ojaya epeejji poani baꞌe tiitii mee cajeꞌyo onijje ehuohuijji pojjeama peaꞌai. Chojja, ohuaya jama huohuime acanaje baꞌa: “Ecue Bacua Ejjaa cahuohui cahua ecuea ejjashahuabaquiꞌyojji”.
22 O Pai não julga ninguém, mas deu ao Filho todo o poder para julgar
23 Jamajjeya ojjaña joya ecue Chii shajjaꞌajjajji poaniya eya oja Bacua Ejja shajjaꞌajja cajeꞌyo peaꞌai. Ojjaña joya eya Eyacuiñajjija Bacua Ejja shajjaꞌajja sa poꞌyo ajja Eyacuiñajji, e huoojeaꞌyojji shajjaꞌajja sa poꞌyo ajja peaꞌai —Jesosa poanaje.
23 a fim de que todos respeitem o Filho, assim como respeitam o Pai. Quem não respeita o Filho também não respeita o Pai, que o enviou.
24 —Eꞌe jojo nei nei ecuea ehuohui minijje jama baꞌa —Jesosa poanaje—: Ojjañaa joya ecue sohui shajjaꞌajja cani, e huoojeaꞌyojjija sohui eꞌe jojo nei shajjaꞌajjajji poani peaꞌai baꞌe tiitii meejeꞌyo enijje eyajo; cuaqui yasijje epoquiꞌyojji pojjeama. Chojja, oya cuana yahuajo eshahuaja epeejji poanajejo cuaqui yasijje poquiꞌyo quiaye. Jjeya ca ca baꞌe tiitii meejeꞌyo enijje, ecuea epeejji jojoya.
24 — Eu afirmo a vocês que isto é verdade: quem ouve as minhas palavras e crê naquele que me enviou tem a vida eterna e não será julgado, mas já passou da morte para a vida.
25 ¡Shajjaꞌajjacue mo! —Jesosa poanaje—. Eꞌe jojo nei ojjaña shajjamaꞌ poani Eyacuiñajjiya ba cani emanoꞌyo jayojja, epoquijeyoꞌyo jayojja. Jamatii ehuohuiꞌyo ejo, Eyacuiñajjija Ebacua Ejjajo shajjaꞌajja cajeꞌyo. Ecuea esohui jayojja jama eꞌe jojo nei atiitii cajo, eyaya baꞌe tiitii meejeꞌyo enijje eyajo.
25 Eu afirmo a vocês que isto é verdade: vem a hora, e ela já chegou, em que os mortos vão ouvir a voz do Filho de Deus, e os que a ouvirem viverão.
26 Eꞌe, Eyacuiñajji ecue Chii yani tii tii, eshe. Jamajjeya ohuaya eya, oja Bacua Ejja huoojea canaje ojjaña joya onijje jjapeequiani baꞌe tiitii meeꞌyohua.
26 Assim como o Pai é a fonte da vida, assim também fez o Filho ser a fonte da vida.
27 Cuanaya eya ojjañaja Edoe Mese poanijo Eyacuiñajjiya eya huoojea canaje jama baꞌa: “¡Miyaya huohuicue joya minijje jjapeequiani baꞌe tiitii meejeꞌyo minijje! ¡Huohuicue peaꞌai joya miquea epeejji pojjeamajo quea nee tii tii poajeꞌyo cuaquijo!” jamaya Eyacuiñajjiya eya acanaje —Jesosa poanaje—.
27 E ele deu ao Filho autoridade para julgar, pois ele é o
28 Eꞌe, eꞌe jojo nei quijje ojjaña yahuajo emanoꞌyo cuana iyaa majje eyaya oya cuana shequi meeje oꞌoya —Jesosa poanaje—. Ecuea esohuijo ¡aꞌa jjashahuabaquijji jama baꞌa: “¿Yajja yajji? ¿Achajja shai ohuaya emanoꞌyo cuana shequi mee caje oꞌoya?” aꞌa jamaya pojji!
28 — Não fiquem admirados por causa disso, pois está chegando a hora em que todos os mortos ouvirão a voz do Filho do Homem
29 Eꞌe jojo nei oya cuana eshe oꞌoya po mee majje ojjaña ecuea epeejji eyaya baꞌe tiitii meejeꞌyo enijje. Ojjaña shajjamaꞌ cuana ca ca shequi oꞌoya majje quea nee nee poajeꞌyo tii tii cuaquijo.
29 e sairão das suas sepulturas. Aqueles que fizeram o bem vão ressuscitar e viver, e aqueles que fizeram o mal vão ressuscitar e ser condenados.
30 Eꞌe, Eyacuiñajjiya eya huoojea canaje ojjaña huasijje huohuiya jama baꞌa: “Joya ecuea epeejji cuana poani eyaya baꞌe tiitii meejeꞌyo enijje. Beca cuana ca ca ecuea epeejji pojjeamajo quea nee nee poajeꞌyo tii tii”. Eyacuiñajjiya e huoojea majje jama acanaje baꞌa: “¡Ojjaña ecuea ejjashahuabaquijji ojjaña cuana huohuiquicue!” acanaje. Eyaya ojaya esohui jayojja jama aña, ecuea ejjashahuabaquiꞌyojjijo pojjeama. Jamajoya eyaya Eyacuiñajjija ejjashahuabaquiꞌyojji jayojja jama añajo ecuea esohui ojjaña eꞌe jojo nei —Jesosa poanaje.
30 Jesus continuou a falar a eles. Ele disse:
31 Majoya Jesosaa Jodio cuana huohui canaje jama baꞌa: —Miquianaya ejo jjashahuaba quehuaquiani jama baꞌa: “Jiquio dejjaa jama huohui cani baꞌa: —Eya ca iña iquio Eyacuiñajjija huoojeaꞌyo ojjaña jaahuanajji —acani, de. Jamatii ohuaye neiya jama huohui canijo oya ecuanaja eshajjaꞌajjajji pojjeama” jjashahuaba quehuaquiani miquianaya —Jesosa poanaje—. Jamatii ecuea esohui eꞌe jojo nei.
31 — Se eu dou testemunho a favor de mim mesmo, então o que digo não tem valor.
32 Eya ee nei pojjeama; eya ecue Chii nijje. Ohuaya ojjaña ba mee cani eya oja huoojeaꞌyo. Ecuea eba ojaya esohui ejo eꞌe jojo nei.
32 Mas existe outro que testemunha a meu favor, e eu sei que o que ele diz a respeito de mim é verdade.
33 Yahuajo miquianaaya pea cuana huoojeanaje Huani que e huohuiꞌajjaa. Huaniya miquianaya eꞌe nei huohui canaje jama baꞌa: “Jesosa eꞌe jojo nei Eyacuiñajjija huoojeaꞌyo ojjaña jaahuanajji, oja Bacua Ejja oe nei” acanaje Huaniya, ma ona besameejji poaniya —Jesosa poanaje.
33 Vocês mandaram fazer perguntas a João, e o testemunho que ele deu é verdadeiro.
34 —Eyacuiñajjiya Huani huoojea canaje ejo huohuiya. Eyaya miquianaya huohui oꞌoyaña ma Huaniya ejo huohui canaje. Jamatii miquianajaya ejjashahuabaquiꞌyojji ejo quea jaꞌa pojjeamajojo eyaya miquianaya huohui oꞌoyaña. Miquianaaya Huanija esohui ejo eshajjaꞌajja jojjemo eyaya miquianajaya mimishi cuijeaꞌyome —Jesosa poanaje.
34 Eu não preciso que ninguém dê testemunho a meu favor, mas digo essas coisas para que vocês sejam salvos.
35 —Cuaquijiji mecajje jijianiya quea jaꞌa ojjaña ba mee cani jayojja jama Huani poa. Ohuaya miquianaya quea jaꞌa nee ba mee canaje Eyacuiñajjija esohui ejo, ma yahuajo miquea ba jjima poa. Ebionei miquianajaya oja sohui ejo quea boti nee poanaje; jamatii quijje shajjaꞌajja sa poꞌyo ajja poanaje.
35 — João era como uma lamparina que estava acesa e brilhava, e por algum tempo vocês se alegraram com a luz dele.
36 Eꞌe —Jesosa poanaje—, Huaniya ejo huohui canaje. Jamatii oya dejja. Pea yani, ecue Chii. Ecue Chiiya miquianaya ba mee cani eya oja huoojeaꞌyo. Eꞌe, ecue Chiiya eya ameesahua cani ma dejjaa ajjima acani. Ma ajeyoꞌyo majje miquianaya ba meeje eꞌe jojo nei eya Eyacuiñajjija huoojeaꞌyo ojjaña jaahuanajji.
36 Mas eu tenho um testemunho a meu favor ainda mais forte do que o que João deu: são as coisas que eu faço, as quais o meu Pai me mandou fazer. Elas dão testemunho a favor de mim e provam que o Pai me enviou.
37 Ecue Chiiya miquianaya ba mee cani jama baꞌa: Ohuaya eꞌe jojo nei eya huoojea canaje. Jamatii miquianajaya oya ba jjima ecojjaja. Miquianajaya aje oe oja mimi shajjaꞌajja jjima peaꞌai.
37 Também o Pai, que me enviou, testemunha a meu favor. Vocês nunca ouviram a voz dele, nem viram o seu rosto.
38 Ojaya esohui miquianajaya shajjaꞌajja jjima. Eya oja huoojeaꞌyo. Jamajjeya miquianaya ecue sohui shajjaꞌajja sa poꞌyo ajja peaꞌai —Jesosa poanaje—.
38 As palavras dele não estão no coração de vocês porque vocês não creem naquele que ele enviou.
39 Eyacuiñajjija esohui yahuajo etehueꞌyo miquianaaya ba huichaꞌa huichaꞌaña, ba majamaja majje miquianaya ebaꞌe tiitiije poso jjabaquiani. Ma esohui etehueꞌyo yahuajo ejo tehue ca poa.
39 Vocês estudam as
40 Eyaya ca ca oe eyaye nei miya baꞌe tiitii meejeꞌyo; jamatii miquianaya enijje jjapeequi sa po ajja —Jesosaa Jodio cuana acanaje.
40 Mas vocês não querem vir para mim a fim de ter vida.
41 —Eya dejja mimishi jama jjashahuabaqui ajja jama baꞌa: “Ojjaña dejja cuaa jamatii eya shajjaꞌajja cajeꞌyo” po ajja eya —Jesosa poanaje—.
41 — Eu não procuro ser elogiado pelas pessoas.
42 Chojja, ecuea eba miquianajaya Eyacuiñajji quea jea nee pojjeama.
42 Quanto a vocês, eu os conheço e sei que não amam a Deus com sinceridade.
43 Eyacuiñajjiya, ecue Chiiya eya huoojea canaje. Jamatii miquianaya e shajjaꞌajja sa po ajja. Pea dejjaa Eyacuiñajjija huoojeaꞌyo nishohua huohui cani jama baꞌa: “Eya quea pame nee”. Ojaya esohui ca ca miquianaaya shajjaꞌajjaje; siajjepojji nijje miquianaya jjapeequije.
43 Eu vim com a autoridade do meu Pai, e vocês não me recebem. Quando alguém vem com a sua própria autoridade, esse vocês recebem.
44 Eyacuiñajji oe nei enequi tii tii. Jamatii miquianaaya ojaya esohui jayojja jama a sa poꞌyo ajja, jama jjashahuabaquime po ajja baꞌa: “Eyacuiñajjiya ejo jama cahuohui cahua baꞌa: —Eꞌe, miya ecuea epeejji quea pame nee —cahuohui cahua”. Chojja. Jamaya miquianaya jjashahuabaqui ajja —Jesosa poanaje—. Miquianaya jjashahuaba tiitiiquiani jama baꞌa: “Pea dejja cuana ejo jama camimiquiahua baꞌa: —Eꞌe, miya ca ca oe quea pame nee nee —capoahua onaya”. Jamajjeya miquianaya enijje jama po ajja baꞌa: “Jesosa, miya Quito, Eyacuiñajjija huoojea ojjaña jaahuanajji” enijje po ajja. Jamaya huohui sa po ajja miquianaya —Jesosa poanaje.
44 Como é que vocês podem crer, se aceitam ser elogiados pelos outros e não tentam conseguir os elogios que somente o único Deus pode dar?
45 —¡Aꞌa eya ecue Chii ehuohuije poso pojji jama baꞌa: “Oya cuana e shajjaꞌajja sa poꞌyo ajja; quea mimishi nee nee” aꞌa eya ehuohuije poso pojji nequiana! —Jesosa poanaje—. Chojja, ecuea miquianaya ehuohuijji pojjeama. Miquianaya Moisesija etehueꞌyojo jjashahuabaquiani; jamatii ojaya esohui etehueꞌyo ajjimajo, Eyacuiñajjiya miquianaya jama acaje baꞌa: “¿Apiojji acuae quiana Moisesija etehueꞌyojo shajjamaꞌ poani? Miquianaya quea mimishi nee nee” quijje Eyacuiñajjiya nequiana acajeꞌyo —Jesosa poanaje.
45 Não pensem que sou eu que vou acusá-los diante do Pai; quem vai acusá-los é Moisés, que é aquele em quem vocês confiam.
46 —Eꞌe, Moisesiya ejo tehue ca poa. Jamajjeya miquianaaya oja tehue eꞌe jojo nei eshajjaꞌajja jojjemo enijje jjapeequiꞌyome.
46 Se vocês acreditassem em Moisés, acreditariam também em mim, pois ele escreveu a meu respeito.
47 Jamatii miquianaaya Moisesija esohui eshajjaꞌajja jojjemo, ojaya ehuohui etehueꞌyo eba peaꞌai jojjemo ecuea esohui shajjaꞌajjaꞌyome peaꞌai —Jesosa poanaje.
47 Mas, se vocês não acreditam no que ele escreveu, como vão acreditar no que eu digo?
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar João 5, comparar traduções ou montar um estudo — tudo direto pelo WhatsApp.