Filemom 1
Eyacuiñajjija Esohui (ESENT) vs VC
1 Ecuea epeejji Pinemo, eyaya Pabohua jiquio esohui mi que tehueaña. Eyaya Jesosa Quitoja esohui huohuiañajo, dejja mase cuaa eya iñaꞌyo majje jeanobia caꞌyonaje. Esejaya epeejji Timoteo enijje nequi. Pinemo, ecuaaya miya quea jea nee aña. Miyaya eya chaco meesahuaña.
1 Paulo, prisioneiro de Jesus Cristo, e seu irmão Timóteo, a Filêmon, nosso muito amado colaborador,
2 Jamajjeya jiquio pea ecuaaya esohui etehueꞌyo huoojeaje Jesosaja epeejji cuana huasijje, ma miquea equi yasijje ojee dobiquiani Jesosa Quito bihuiaa. Esejaya epeejji epona Apia bajjani que tehueaña peaꞌai. Oya esejaya jjoꞌi jayojjaya. Dejja Aquipo bajjani que tehueaña peaꞌai, ma ese nijje chacochaconaje Jesosa Quitojo.
2 a Ápia, nossa irmã, a Arquipo, nosso companheiro de armas, e à igreja que se reúne em tua casa.
3 Eyacuiñajji esejaya Chii ai poani. Jesosa Quito esejaya Emeshi Mese nei poani. ¡Ohuaya miquianaya cajaahuana cahua! Miquianaya ojaya epeejji cuana poanijo, ¡quea bei nee capo mee cahua peaꞌai!
3 A vós, graça e paz da parte de Deus, nosso Pai, e da parte do Senhor Jesus Cristo!
4 Pinemo, eya Eyacuiñajji nijje mimianijo oya bihuiaña miya quea pame poanijojo.
4 Não cesso de dar graças a meu Deus e lembrar-me de ti nas minhas orações,
5 Eꞌe, pea dejja cuaa huohui cani jama baꞌa: —Pinemohua ojjaña Jesosaja epeejji cuana quea jea nee acani, Jesosa Quitoja esohui jayojja jama po tiitiiani peaꞌai.
5 ao receber notícia da tua caridade e da fé que tens no Senhor Jesus e para com todos os santos,
6 Jamajjeya eya Eyacuiñajji nijje mimiani mijo jama baꞌa: —Eyacuiñajji, ¡Pinemo Jesosaja epeejji cuana nijje jjapeequi meesahuacue quea jaꞌa nee! Jamajjeya Jesosaja epeejji ojaya esohui jayojja jama poajeꞌyo Pinemo nijje. Eꞌe Eyacuiñajji, ecuanaja echaco quea pame nee Jesosa Quitojo. Jamajjeya ¡miyaya Pinemo ojjaña onijje jjachichaquiani peaꞌai jjabahuejja meequisahuacue joya miya o asahuanajejo quea pame nee! —jamaya eya mimiani Eyacuiñajji nijje mijo, Pinemo.
6 para que esta tua fé, que compartilhas conosco, seja atuante e faça conhecer todo o bem que se realiza entre nós por causa de Cristo.
7 Eꞌe Pinemo, miyaya ojjaña Jesosaja epeejji cuana quea jea nee aña. Miquea echacojji quea pame neejo pea epeejji cuana quea bihui nee poanaje. Jamajjeya eya quea bihui nee poani mijo.
7 Tua caridade me trouxe grande alegria e conforto, porque os corações dos santos encontraram alívio por teu intermédio, irmão.
8 Jamajoya Pinemo, eya Jesosaja epeejji jaahuanijji etiiya jjejojo beshahua nei miya tehuenaje jama baꞌa: “Onesimo miquea equi yasijje poquiꞌyajo ¡aꞌa oe cuiajjequiꞌyojji; jaꞌajjequi oꞌoyacue!”
8 Por esse motivo, se bem que eu tenha plena autoridade em Cristo para prescrever-te o que é da tua obrigação,
9 Chojja, ecuea jama tehuemeꞌyajji pojjeama mi que; eya miquea quea jea neejo ecuea etehueꞌyo jayojja jamaya miyaya ajeꞌyo. Eꞌe eya, Pabo etii. Eya Jesosa Quitoja huoojeaꞌyo ojaya esohui huohuiya. Jjeya eya ejeanobia ani; dejja mase cuaa eya iñaꞌyo majje jeanobiajea caꞌyonaje Jesosaja esohui huohui mee ajjaa jjejojo.
9 prefiro fazer apenas um apelo à tua caridade. Eu, Paulo, idoso como estou, e agora preso por Jesus Cristo,
10 Pinemo, eyaya mi que tehueaña Onesimojo. Ecuea esohui shajjaꞌajja majje Onesimo Jesosa Quito nijje jjapeequiꞌyonaje. Jamajjeya oya ecuea ebacua ejja jayojja jama poanaje. Jamaya oya poanaje eya jiquiojo Shoma cuiñajjijo emeꞌ jeyoꞌyo anijo.
10 venho suplicar-te em favor deste filho meu, que gerei na prisão, Onésimo.
11 Yahuajo minijje nequiya Onesimohua quea tai aca poa. Jjeya ca quea tai pojjeamaꞌyo. Quea pame nee ejo chaco caꞌyani. Mijo chaco caje oꞌoya peaꞌai; jjeya ca ca quea pame nee chaco cajeꞌyo, Onesimohua.
11 Ele poderá ter sido de pouca serventia para ti, mas agora será muito útil tanto a ti como a mim.
12 Ecuea Onesimo quea jea nee nee poani; jamatii eyaya oya huoojeaje oꞌoya mi que minijje ebaꞌe oꞌoyajji.
12 Torno a enviá-lo para junto de ti, e é como se fora o meu próprio coração.
13 Eꞌe pojjaꞌa miyaya oya huoojeaje oꞌoya e que enijje ebaꞌeꞌyojji. Jamajjeya eya quea bihui nee poajeꞌyo. Jamajjeya aje mo oe jama jjashahuabaquimeya poani. Eya jiquiojo nequi emeꞌ jeyoꞌyo, Jesosa Quitoja esohui huohuijji poani jojoya. Miya e baꞌe meesahua sa poanijo ¡Onesimo, miquea echacojji yacua huoojeaꞌyocue e baꞌe meesahuaa!
13 Quisera conservá-lo comigo, para que em teu nome ele continuasse a assistir-me nesta minha prisão pelo Evangelho.
14 Miquea echacojji ecuea enahuejji pojjeama. Chojja, miquea ejjashahuabaquiꞌyojji jayojja jama a sa ca ca iña poani. Eya ca ca iña mi huoojeajji pojjeama ca Onesimo enijje eꞌani meejji, e baꞌe meesahuajji. ¡Miquea ejjashahuabaquiꞌyojji jayojja jama miyaya quea bihui nee aꞌyocue ejo!
14 Mas, sem o teu consentimento, nada quis resolver, para que tenhas ocasião de praticar o bem {em meu favor}, não por imposição, mas sim de livre vontade.
15 Yahuajo oya minijje chacochaco maja sa po ajja jjejojo quehua poquia poa. Jjeya ca ca oya miyaya jaahuana tiitiijeꞌyo.
15 Se ele se apartou de ti por algum tempo, foi sem dúvida para que o pudesses reaver para sempre.
16 Oya ca ca minijje chacochaco nequinaje sosemaꞌ. Jjeya ca ca oya Jesosaja epeejji poanijo miquea mique chahua jayojja jama poꞌyonaje peaꞌai. Eꞌe, oya eseja chahua jayojja jama poani Jesosa Quito nijje jjapeequianijo. Esejaya oya quea jea nee nee poani. Eꞌe de, ecuea oya quea jea nee nee. Jjeya oya Jesosa Quitoja epeejji; miquea echacojji peaꞌai. Jamajjeya ¡miyaya oya quea jea nee nee acue!
16 Agora, não já como escravo, mas bem mais do que escravo, como irmão caríssimo, meu e sobretudo teu, tanto por interesses temporais como no Senhor.
17 Jamajjeya ¡ecuea etehueꞌyojo jjashahuabaquicue! Pinemo, ¡eya miquea epeejji poanijo, Onesimo baꞌe mee oꞌoyacue minijje! ¡Bacue! Eya mi que poquiajo, miya quea bihui nee poajeꞌyo. ¡Jamaya oe pocue Onesimo mi que poquiꞌyajo!
17 Portanto, se me tens por amigo, recebe-o como a mim.
18 ¿Aꞌa yahuajo ohuaya miquea aquiana sii ca poa? ¿Aꞌa ma aquiana quea sose huiso nee nee? ¡Aꞌa Onesimo sosequia meejji! ¡Eyaya oe casosequiaꞌyahua!
18 Se ele te causou qualquer prejuízo ou está devendo alguma coisa, lança isto em minha conta.
19 Jamajjeya eyaya esohui tehueaña ecuea emeya jama baꞌa: Pinemo, eyaya Pabohua miya sosequiajeꞌyo ma Onesimohua sii ca poa.
19 Eu, Paulo, escrevo de próprio punho: Eu pagarei. Para não te dizer que tu mesmo te deves inteiramente a mim!
20 Eꞌe Pinemo, miya ecue chahua jayojja jama poani. Jamajjeya eseya Jesosa Quito nijje jjapeequianijo, ¡che iña quea quijijji jaji nee po meeꞌyocue! ¡Onesimo mi que poquiꞌyajo, jaꞌajjequiꞌyo majje jjequidobiaꞌyocue!
20 Sim, irmão, quisera eu receber de ti esta alegria no Senhor! Dá esta alegria ao meu coração, em Cristo!
21 Jiquio eyaya esohui tehueaña mi que; ecuea eba miya; ecuea esohui jayojja miyaya ajeꞌyo eꞌe nei, quea pame nee nee ajeꞌyo tii peaꞌai.
21 Eu te escrevi, certo de que me atenderás e sabendo que farás ainda mais do que estou pedindo.
22 ¡Pea ecuea esohui jayojja jama aꞌyocue! ¡Equi equecuayijji cuiashabacue e aniñajjiya! Poejeya pojjaꞌa mo mi que. Miquianaya Eyacuiñajji nijje mimi huichaꞌahuichaꞌa ani jama baꞌa: —¡Eyacuiñajji, miyaya dejja mase cuana Pabo pichojea meeꞌyocue oe, equi ejjajeanobiaquijjijo ani! —miquianaya poanaje.
22 Ao mesmo tempo, prepara-me pousada, porque espero, pelas vossas orações, ser-vos restituído em breve.
23 Dejja Epapasi bajjani Jesosa Quitoja esohui huohuijji poani jojoya, dejja maseya oya iña majje jeanobiajea caꞌyonaje peaꞌai. Ohuaya eya huohuiꞌajja mee cani jama baꞌa: —Pinemo, ¿achajja acuae mi ani soꞌo, de?
23 Enviam-te saudações Epafras, meu companheiro de prisão em Cristo Jesus,
24 Pea ecuea epeejji cuana enijjeya Jesosa Quitojo chacochacoani. Ohuaya eya huohuiꞌajja mee cani jama baꞌa: —Pinemo, ¿achajja acuae mi ani soꞌo? —yohua cuana baꞌa: Macoso, Anitaco, Demasi, Noca peaꞌai. Mahuisohuaya mi huohuiꞌajja mee cani.
24 assim como Marcos, Aristarco, Demas e Lucas, meus colaboradores.
25 Esejaya Emeshi Mese oe nei, Jesosa Quitohua ¡miquianaya cajaahuana cahua quea pame nee! Mahuisoya Pinemo, apoa. Eyaya Pabohua esohui tehuejeyonaje.
25 A graça do Senhor Jesus Cristo esteja com o vosso espírito!
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Filemom 1, comparar traduções ou montar um estudo — tudo direto pelo WhatsApp.