2 Coríntios 2
Eyacuiñajjija Esohui (ESENT) vs NAA
1 Jjeya eya jama jjashahuabaquiani baꞌa: —Jjeya Jesosaja epeejji Conitojo baꞌe beca cuana quea mimishi poanijo, eya poqui ajja jocuama o tecueaa. Jjabahuejjaqui oꞌoyajo, quea yeno poaje oꞌoya oya cuana —eya poani.
1 Porque decidi por mim mesmo o seguinte: não voltar a me encontrar com vocês em tristeza.
2 Eꞌe, miquianaya eyaya quea yeno po mee majje, ¿ajeo acuae che eya quea bihui poꞌyome?
2 Porque, se eu entristeço vocês, quem me alegrará, senão aquele a quem tenho entristecido?
3 Jamajjeya yahuajo eyaya miquianaya tehuenaje quea tecue mimishi pajea meeꞌyojji. Eꞌe, miquiana quea mimishi poanijo, eya quea yeno poanaje. Pea chamaꞌ e quea bihui nee po meejji. Eya jjashahuabaquinaje miquianajo jama baꞌa: —Eꞌe jojo nei ohuaya Eyacuiñajjija esohui jayojja jama acajeꞌyo. Majoya eya quea bihui nee poaje. Oya cuana quea bihui nee poaje peaꞌai eꞌe jojo nei baꞌe majje.
3 E escrevi isso para que, quando eu for, não seja entristecido por aqueles que deveriam me alegrar, confiando em todos vocês de que a minha alegria é também a alegria de vocês.
4 Eꞌe, eyaya quea yeno nee esohui quea tecue tehuenaje miquiana jjabahuejjaqui meeꞌyojji. Quea camaja esohui quea tecue etehuejji. Miquianaya quea yeno po mee sa poꞌyo ajja. Chojja. Eya jjashahuaquinaje jama baꞌa: —Ecuea esohui etehueꞌyo quea tecue mimishi cuanajo ba majje onajaya eba poaje ecuea quea jea nee nee poani —eya poani. Eꞌe, jamaya ecuea ejjashahuabaquijji miquianajo.
4 Porque lhes escrevi no meio de muitos sofrimentos e angústia de coração, com muitas lágrimas, não para que vocês ficassem tristes, mas para que soubessem do amor que tenho por vocês.
5 Jesosaja epeejji miquiana nijje nequi ca ca oe quea mimishi poanaje. Eya quea yeno nee poanaje ojo. Miquianaya quea yeno poanaje peaꞌai ojo. Jamajjeya eyaya o jjabahuejja meequijji tehuenaje oja mimishi cuana pajea meeꞌyojji.
5 Ora, se alguém causou tristeza, não o fez a mim, mas, para que eu não seja demasiadamente áspero, digo que em parte causou tristeza a todos vocês.
6 Beshahua nei miquianaaya, ojjañaa oya jjabahuejjaqui meenaje ojaya mimishi epajeaꞌyojji. Apoa.
6 Basta-lhe a punição imposta pela maioria.
7 Jamajjeya ¡aꞌa oya quea yeno po tiitii meejji! ¡Aꞌa oya tecuea tiitiijji! Chojja. Quea yeno nee nee po tiitii majje oya Jesosa nijje jjapeequi pajeaꞌyo chanaꞌ. Jjabahuejjaquiꞌyajo, ¡onijje jjapeequiꞌyocue quea pame nee!
7 De modo que, agora, pelo contrário, vocês devem perdoar e consolar, para que esse indivíduo não seja consumido por excessiva tristeza.
8 Eꞌe, oya jama huohuicue baꞌa: —Miya ecuanaja quea boti nee, epeejji —jamaya oya acue.
8 Por isso, peço que vocês confirmem o amor de vocês para com ele.
9 Yahuajo eyaya ma esohui tehuenaje miquiana baꞌajjajji soꞌo. Eya ba sa poanaje jama baꞌa: —¿Aꞌa shajjamaꞌ poaje? ¿Aꞌa ecuea esohui jayojja jama poaje? —poanaje.
9 E foi por isso também que eu lhes escrevi, para ter prova de que, em tudo, vocês são obedientes.
10 Jamajjeya miquianaya ma dejja quea mimishi poani nijje queneꞌama poajo, eya onijje queneꞌama poajeꞌyo peaꞌai. Eꞌe, ecuea aje ojaya mimishi epajeaꞌyo peaꞌai. Eya Jesosa Quitoja esohui huohuijji poanijo ma dejja mimishi nijje quea tecue poanaje. Jjeya ma dejja nijje tecueꞌama poanaje. Jamajjeya ¡miquianaya peaꞌai quea bei, quea jaꞌa pocue!
10 A quem vocês perdoam alguma coisa, eu também perdoo. Pois o que perdoei, se é que perdoei alguma coisa, eu o fiz por causa de vocês na presença de Cristo,
11 Eseya quea bei, quea jaꞌa poanijo, Edosiquiaa eseya edasiajji pojjeama. Eꞌe, esejaya eba Edosiquianaja ejjashahuabaquijji. Oya aje oe edasiajji poani, de, Jesosaja epeejji cuana quea mimishi po mee oꞌoya sa acani.
11 para que Satanás não alcance vantagem sobre nós, pois não ignoramos quais são as intenções dele.
12 Yahuajo pishana eya poquinaje Toasa cuiñajji yasijje esohui quea pame Jesosa Quitojo huohuiya. Jomajo esejaya Emeshi Mese neiya Jesosaa eya huohui meesahua canaje. Beca cuaa shajjaꞌajja canaje quea bihui nee.
12 Quando cheguei a Trôade para pregar o evangelho de Cristo, vi que uma porta se havia aberto para mim, no Senhor.
13 Jamatii ecuea epeejji Tito poe jjima Toasa huasijje. Eya quea mete ojo poanaje: —Eꞌe pojjaꞌa oya quea huesha nee quea mano jaa pojjaꞌa, quea nee poani pojjaꞌa —jjashahuabaquinaje. Jamajjeya eya Toasajo baꞌe nijje miminaje jama baꞌa: —Poquia iña Tito saꞌajjaa.
13 No entanto, não tive tranquilidade no meu espírito, porque não encontrei o meu irmão Tito. Por isso, despedindo-me deles, parti para a Macedônia.
14 Eseyaya Eyacuiñajji bihuiaña. Ohuaya eseya quea jaꞌa nee nequi mee cani. Eꞌe, ohuaya eseya dejja mimishi cuana mimicuiajeanobiajea meesahua cani; eseya Jesosa Quito nijje jjapeequi mee cani quea jaꞌa nee. Ohuaya ecuana huohui meesahua cani ojjaña meshijo Jesosa Quitoja esohui. Ma esohui quea pame nee nee. Jiquio ecua shiyeshiye esejaya quea boti nee aña jama jayojjaya Jesosaja esohui ecuanajaya quea boti nee.
14 Graças, porém, a Deus, que, em Cristo, sempre nos conduz em triunfo e, por meio de nós, manifesta a fragrância do seu conhecimento em todos os lugares.
15 Eꞌe, Eyacuiñajjiya ecuana huoojea caꞌyonaje Jesosa Quitojo huohuiya. Ma esohui quea pame nee nee, ecuanaja quea boti nee nee. Jamajjeya ojjaña Jesosaja epeejji cuaa, ma Eyacuiñajjiya onijje baꞌe tiitii mee cajeꞌyohua, ojjaña quea mimishi poaniya peaꞌai ma quijje quea nee nee po tiitiijeꞌyohua peaꞌai ba cajeꞌyo Eyacuiñajji quea pame nee: —Eꞌe Eyacuiñajji, miya quea pame nee nee. Pea chamaꞌ mi jayojja —oya bihuiaje eseyaya.
15 Porque nós somos para com Deus o bom perfume de Cristo, tanto entre os que estão sendo salvos como entre os que estão se perdendo.
16 Eꞌe, Jesosa Quitoja esohui shajjaꞌajja majje ojjaña mimishi cuana jjabaquije oya cuana cajaaꞌyaꞌyo, quea nee nee poajeꞌyo cuaquijo. Ma esohui shajjaꞌajja majje Jesosaja epeejji cuana ca ca jjabaquije oya cuana baꞌe tiitiijeꞌyo quea jaꞌa nee eyajo Eyacuiñajji nijje.
16 Para com estes, cheiro de morte para morte; para com aqueles, aroma de vida para vida. Quem, porém, é capaz de fazer estas coisas?
17 ¿Aya acuae maya esohui eyacua Jesosajo huohui caje pea cuana huasijje, de? Ma esohui quea pame Jesosa Quitojo ecuana huoojea majje sohuihuohui meesahua caje quea jaꞌa nee, ohuaya. Pea cuaa Eyacuiñajjija esohui huohui cani bejjo sosejje. Ecuana, chojja. Ecuaaya, Jesosaja epeejji poaniya quea bihui nee huohuiaña eꞌe jojo nei. Ecuanaja eba jama baꞌa: Eꞌe jojo nei Eyacuiñajjiya ecuana huoojea caꞌyonaje ojaya esohui huohuiya.
17 Porque nós não estamos, como tantos outros, mercadejando a palavra de Deus. Pelo contrário, em Cristo é que falamos na presença de Deus, com sinceridade e da parte do próprio Deus.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Coríntios 2, comparar traduções ou montar um estudo — tudo direto pelo WhatsApp.