1 Coríntios 8
Eyacuiñajjija Esohui (ESENT) vs ARIB
1 Yahuajo miquianaaya ecue bajji tehuenaje. Jama huohuiꞌajjame nequiaa iña anaje baꞌa: —¿Aꞌa noe eyacuiñajji nishoja eꞌijjiajji nisho, eshahuaja eꞌijjiajji nisho peaꞌai baꞌe huanasohua majje ijjia cajji? ¿Aꞌa eꞌijjiajji pojjeama pojjaꞌa? —eya huohuiꞌajjanaje nequiaa.
1 Ora, no tocante às coisas sacrificadas aos ídolos, sabemos que todos temos ciência. A ciência incha, mas o amor edifica.
2 Eꞌe jamaya quea pame. Pea cuana jama jjashahuabaquiani baꞌa: —Jamatii ecuea eba nei nei quea huiso.
2 Se alguém cuida saber alguma coisa, ainda não sabe como convém saber.
3 Quea Eyacuiñajji jea nee poanijo ca ca, ojaya eba eseya ojaya epeejji nei poani.
3 Mas, se alguém ama a Deus, esse é conhecido dele.
4 Jamajjeya jjeya eyaya miquianaya huohuije bobijo, ma eshahua huasijje, eyacuiñajji nisho huasijje quia canijo. Quia majje pea cuaa bobi ijjia cani. Esejaya eba eyacuiñajji nisho acui ejehuiꞌyo, meshi epanaꞌyo pojjaꞌa, Eyacuiñajji eꞌe nei pojjeama. Eyacuiñajji eꞌe jojo nei oe nei yani. Jamajjeya bobi eyacuiñajji nisho huasijje quia majje eshahuaja eꞌijjiajji nisho baꞌehuanasohua ijjia caꞌyojji eseyaya. Jamaya quea mimishi poani pojjeama.
4 Quanto, pois, ao comer das coisas sacrificadas aos ídolos, sabemos que o ídolo nada é no mundo, e que não há outro Deus, senão um só.
5 Pea cuana ca ca jjashahuaba quehuaquiani jama baꞌa: —Eyajo, meshijo cuana peaꞌai quea huiso eyacuiñajji yani.
5 Pois, ainda que haja também alguns que se chamem deuses, quer no céu quer na terra {como há muitos deuses e muitos senhores},
6 Esejaya ca ca eba Eyacuiñajji oe nei yani. Oya esejaya Chii ai. Ohuaya ohuaye nei ojjaña aquiana cuana pana caꞌya poa. Eseya onijje jjapeequiani, ojaya esohui shajjaꞌajjaña peaꞌai. Jesosa Quito esejaya Emeshi Mese oe nei poani peaꞌai. Yahuajo nei Eyacuiñajjiya Jesosa Quito nijjeya ojjaña pana caꞌya poa. Nequi mee cani peaꞌai. Jesosa Quitohua eseya baꞌe mee cani peaꞌai, ojaya epeejji nei cuana.
6 todavia para nós há um só Deus, o Pai, de quem são todas as coisas e para quem nós vivemos; e um só Senhor, Jesus Cristo, pelo qual existem todas as coisas, e por ele nós também.
7 Eꞌe jojo nei Eyacuiñajji oe nei yani esejaya Chii ai. Jamatii jamaya Jesosaja epeejjija ba jjima beca cuanaja. Yahuajo Jesosa Quito ba jjimahuajo onaaya bobi edahuaꞌyo eshahua quea bihui po meeꞌyojji ijjia canaje quea huiso. Jjeya ma bobi ijjia majje oya cuana quea mete nee jjashahuabaquiani jama baꞌa: —¡Dee! Eya eshahuaja epeejji jayojja jama poani oꞌoya. Quea mimishi poani —jamaya eshahuajo jjashahuabaquianijo, eꞌe, oya cuana quea mimishi poani.
7 Entretanto, nem em todos há esse conhecimento; pois alguns há que, acostumados até agora com o ídolo, comem como de coisas sacrificadas a um ídolo; e a sua consciência, sendo fraca, contamina-se.
8 Miquianaya quea quehua jjashahuabaquiani jama baꞌa: —Eyacuiñajji ecuanajo quea bihui nee pojjeama poaje, ca ojjaña bobi ijjiañajo. Eyacuiñajji ecuanajo quea bihui nee pojjeama poaje, ca ecuaa pea bobi ijjia ajjajo —poani beca cuana.
8 Não é, porém, a comida que nos há de recomendar a Deus; pois não somos piores se não comermos, nem melhores se comermos.
9 Epeejji cuana, ¡shajjaꞌajjacue mo! Miquianaya quea jjashahuabaqui jaꞌa. Jamajjeya bobi eshahuaja eꞌijjiajji nisho ebaꞌehuanasohua ijjia majje miquianajaya eba jamaya poani quea mimishi pojjeama. Jesosaja epeejji caꞌaꞌama cuana ca ca quea jjashahuabaqui jaꞌa pojjeama quea mimishi po oꞌoya mee chanaꞌ.
9 Mas, vede que essa liberdade vossa não venha a ser motivo de tropeço para os fracos.
10 Jama po chanaꞌ baꞌa: Miya eyacuiñajji nishoja equijo bobi ijjia ani ba majje ohuaya ijjia caje peaꞌai pojjaꞌa. Ijjiaꞌijjia ani, oya jjashahuabaquije eyacuiñajji nishojo, eyacuiñajji nisho bihuia cani poso oya quea jaꞌa pojjeama poaje.
10 Porque, se alguém te vir a ti, que tens ciência, reclinado à mesa em templo de ídolos, não será induzido, sendo a sua consciência fraca, a comer das coisas sacrificadas aos ídolos?
11 Eꞌe, mi ba majje mi jayojja jama ma bobi ijjia majje oya quea mete poaje: —Eꞌe, eya eshahuaja bobi ijjia majje quea mimishi po oꞌoyanaje —poso jjabaquije.
11 Pela tua ciência, pois, perece aquele que é fraco, o teu irmão por quem Cristo morreu.
12 Miquianaya Jesosaja epeejji cuana quea jaꞌa poani. Jamatii pea epeejji jaꞌaꞌama quea bicho, quea mete poani mi jayojja jama po majje. Jamajjeya miyaya oya quea mimishi po meenaje. Jamajjeya Jesosa Quitohua miya ba cani ona mimishi po meejji jayojja, quea mimishi peaꞌai.
12 Ora, pecando assim contra os irmãos, e ferindo-lhes a consciência quando fraca, pecais contra Cristo.
13 ¡Bacue, oe! Pea epeejji quea mete, quea mimishi peaꞌai poani eya maya noe ijjiaña ba majje, eyaya maya noe eꞌijjia oꞌoyajji pojjeama nei nei. Jamajjeya Jesosaja epeejji jaꞌaꞌama quea mimishi epo meejji pojjeama nei nei. ¡E jayojja jama pocue; Jesosaja epeejji jaꞌaꞌama aꞌa quea mimishi po meejji!
13 Pelo que, se a comida fizer tropeçar a meu irmão, nunca mais comerei carne, para não servir de tropeço a meu irmão.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Coríntios 8, comparar traduções ou montar um estudo — tudo direto pelo WhatsApp.