Mateus 24
NAƆ ‑SË 'SËËDHƐ (DAF) vs NVI
1 ꞊Dhɛ 'ö Yesu ‑ya ö bo dhiang ‑nu bha‑ ‑nu zë ‑sü 'ka, 'yö go Atanna ‑dhɔkëgükɔ bha‑ 'gü 'yö dho. ꞊Dhɛ 'ö 'dho sië 'yö‑ ‑bha ꞊klang ‑nu 'wo ꞊yɔɔn‑ "sɔɔ, 'yö 'wo‑ pö‑ ‑dhɛ 'wo‑ pö: «Yi Dëmɛ, Atanna ‑dhɔkëgükɔ ya i "yan ‑ya ‑bha "wɛ ‑ee? ‑A dhi ‑kɔ bha‑ ‑ga bha!»
1 Jesus saiu do templo e, enquanto caminhava, seus discípulos aproximaram-se dele para lhe mostrar as construções do templo.
2 "Kɛɛ ꞊dhɛ ꞊waa‑ pö "dhʋ̈, 'yö‑ ‑yɔ bɔ‑ ‑nu ‑gɔ 'ö‑ pö: «Ka "yan ‑yö pë ‑nu bha‑ ‑nu ‑bha ‑ee? ‑Ka ‑dhɛ ‑ga! A‑ ‑pö ka ‑dhɛ tɛan‑ ꞊dede 'ka ꞊dhɛ: 'Kɔ 'ka‑ ‑ga sië bha‑ ‑gwë kpö do ‑zian 'yii 'dho 'to 'ko ‑ta "dhʋ̈ng 'gü, ‑a ꞊gban ‑dho 'wü trëntrëndhö.»
2 "Vocês estão vendo tudo isto? ", perguntou ele. "Eu lhes garanto que não ficará aqui pedra sobre pedra; serão todas derrubadas".
3 ꞊Dhɛ 'ö ꞊wa 'dho ꞊wa ꞊loo Odhivie ‑tɔn ꞊gbin‑, 'yö Yesu ‑yö dho "sia‑ 'yö 'yaanu, 'yö‑ ‑bha ꞊klang ‑nu 'wo ꞊yɔɔn‑ "sɔɔ ꞊plɛ 'gü 'yö 'wo‑ dhɛɛ" kpɔ 'wo‑ pö: «Yi Dëmɛ, 'wɔn ‑nu 'i go‑ ‑pö yi ‑dhɛ ‑dhɛ 'gü ya, ‑wo ‑dho kë "dhʋ̈ ‑më "tʋ̈ng ꞊në‑ 'gü, "ɛɛn ꞊ya kë ꞊dhɛ 'bha 'dho dhang‑ 'gü i "dhiʋ̈ yee kë ‑sü waa‑ "sɛ "dhiʋ̈toyi ‑nu bha, yi ‑dho ‑a ‑nu 'suan‑ bho ‑më ‑nu ꞊në‑ ‑bha?»
3 Tendo Jesus se assentado no monte das Oliveiras, os discípulos dirigiram-se a ele em particular e disseram: "Dize-nos, quando acontecerão essas coisas? E qual será o sinal da tua vinda e do fim dos tempos? "
4 'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «‑Ka ‑dhɛ ‑ga, ‑ka ka ‑zʋ kë ka ‑dɩ "piʋ̈ kö mɛ 'bha 'ya 'dho "kpënng‑ kë ka ‑gɔ.
4 Jesus respondeu: "Cuidado, que ninguém os engane.
5 ‑A ‑gɛn ‑mü ꞊dhɛ mɛ 'gbɛ‑ ‑dho nu n 'tɔ 'gü 'ö 'wo‑ pö ꞊dhɛ wo ꞊në 'wo Atanna ‑bha ‑Yamɛ bha‑ 'ka. ‑Wo ‑dho "kpënng‑ kë mɛ 'gbɛ ‑gɔ 'ö 'wo‑ ‑nu ‑kan Atanna ‑bha.
5 Pois muitos virão em meu nome, dizendo: ‘Eu sou o Cristo! ’ e enganarão a muitos.
6 ꞊Ya 'go yö ‑zë 'gü, ka ‑dho ‑gblü ‑da ‑wɔn ‑nu ma ka ‑züzü ‑dhɛ ‑nu 'gü 'ö 'ka‑ ‑taɔng ‑nu ma ‑dhɛ ꞊gblɛɛn 'gü, "kɛɛ ꞊ya kë "dhʋ̈ ka "gblʋ̈ʋ̈dhɛ 'ya 'dho "muu bho, ‑ka ka ‑zʋ ‑gban, ‑a ‑gɛn ‑mü ꞊dhɛ 'wɔn ‑nu 'bha ‑wo ‑dho kë gbonggbongdhö 'yii 'dho 'to‑ 'gü, "kɛɛ 'sa kö "kpʋngtaadhɛ "dhiʋ̈toyi 'yii ꞊loo ꞊kö.
6 Vocês ouvirão falar de guerras e rumores de guerras, mas não tenham medo. É necessário que tais coisas aconteçam, mas ainda não é o fim.
7 "Sɛgɔ 'bha‑ ‑dho "wlü 'ö ‑pö "sɛgɔ 'bha‑ ‑ta 'ö 'wo ‑gblü gɔɔn, 'ö ‑gblüdë 'bha ‑yö ꞊wlü 'ö dho 'ö ‑gblü ‑da ‑gblüdë 'bha ‑ta, 'ö "vʋ̈ʋ̈ ‑yö ‑da, 'ö "sɛ ‑yö ꞊zii "sɛgɔ 'bha ‑nu 'gü.
7 Nação se levantará contra nação, e reino contra reino. Haverá fomes e terremotos em vários lugares.
8 "Kɛɛ yö ‑zë ꞊gban ‑dho kë ꞊dhɛ 'në 'kpɔ "gblükë zü bho ‑sü ꞊në‑ 'dhö.
8 Tudo isso será o início das dores.
9 ꞊Ya 'go yö ‑zë 'gü, ka ‑san ‑dho mɛ "bhɩɩ‑ ‑nu kë 'ö 'wo ka "dhiʋ̈ dɔ ‑gɔmɛ ‑nu ‑dhɛ, 'ö 'wo ka ‑wëë ‑kë wo 'ö 'wo ka zë ‑nu wo n ‑wɔn 'gü.
9 "Então eles os entregarão para serem perseguidos e condenados à morte, e vocês serão odiados por todas as nações por minha causa.
10 Mɛ 'gbɛ ꞊dede ‑dho 'go Atanna ‑bha zian ‑ta ‑a "tʋ̈ng bha ꞊në‑ 'gü 'ö 'wo wo 'ko ‑nu ‑san ‑kë 'ö 'wo ‑da wo 'ko ‑nu ‑dhɛ pë "piʋ̈.
10 Naquele tempo muitos ficarão escandalizados, trairão e odiarão uns aos outros,
11 'Ö Atanna ‑wʋdhiʋ̈loomɛ ꞊flüsü ‑nu 'wo nu 'wo‑ "kpënng‑ ‑kë mɛ 'gbɛ ‑gɔ 'ö 'wo‑ ‑nu ‑kan Atanna ‑bha.
11 e numerosos falsos profetas surgirão e enganarão a muitos.
12 'Wɔn yaa kë ‑sü ‑dho kë ꞊dhɛ "yi 'dhö 'ö pa, 'ö "sanni ‑yö dɔ 'mü kö pë 'wo‑ ‑dhɛ ‑dhɔ, mɛ 'bhaa‑ dɔ 'zü.
12 Devido ao aumento da maldade, o amor de muitos esfriará,
13 "Kɛɛ 'mɛ 'ö dho ö 'gü dɔ "gbɩɩ‑ 'ö 'dho 'ö zun‑ "dhiʋ̈todhɛ ‑bha ‑yö ‑dho dha.
13 mas aquele que perseverar até o fim será salvo.
14 'Wɔn ‑taɔng ‑së 'ö ‑gban Atanna ‑bha ‑gblüdëdhɛ ‑wɔn ‑bha bha ‑wo ‑dho ‑a ‑dhiang zë "sɛ ꞊gban "pɛpɛ 'gü kö mɛ ꞊gban "pɛpɛ "tʋ ‑yö ‑da n ‑wɔn 'gü. Yö ꞊në ꞊ya bo ‑kë "dhʋ̈ ‑sü 'ka "pɛɛpɛdhö, 'yö "kpʋngtaadhɛ "dhiʋ̈ yöö 'to 'yö gun ‑na 'to.»
14 E este evangelho do Reino será pregado em todo o mundo como testemunho a todas as nações, e então virá o fim.
15 'Yö‑ pö: «"Sɛ yën "tʋ̈ng bha 'ö 'to sië klöö" "tʋ̈ng 'ö‑ 'gü, ka "yan‑ ‑dho ‑da pë yaa ‑yënng ‑yënngsü 'ö Atanna ‑wʋdhiʋ̈loomɛ Daniɛ ‑ya ‑dhiang zë yi 'bha 'ka, Atanna ꞊bhlëë ‑siö ‑pë 'ka bha‑ ‑bha kö ‑yö ‑ya sië‑ ‑dhɔkëdhɛ "slʋ̈ʋ̈slʋ̈ 'ö 'yaa‑ ‑yɛa 'ka bha‑ 'gü. ('Yö Matiö ‑ya pö) 'mɛ 'ö dho 'sëëdhɛ ya‑ ‑wʋ pö, ‑a ‑mɛ ‑ya 'gü ma ö 'klɔɔ‑ 'ka!
15 "Assim, quando vocês virem ‘o sacrilégio terrível’, do qual falou o profeta Daniel, no lugar santo — quem lê, entenda —
16 ‑A "tʋ̈ng bha‑ 'gü, 'mɛ 'wo dho kë Zude ‑sɛ 'gü ꞊waa‑ pö 'wo ziö ‑bɛang 'ka ‑a ‑dhɛa ‑bha kö ‑wo wo wë dɔ ‑tɔn ‑gbeng 'gü ‑zian ꞊në‑ 'ka kö ‑wo 'dho wo ‑gblɛn 'kpɔ mü.
16 então, os que estiverem na Judéia fujam para os montes.
17 ‑A "tʋ̈ng bha yaa‑ wo 'mɛ 'ö‑ ‑bha kö ‑yö "kpɛnng, 'ya 'dho‑ pö 'ö 'dho pë 'bha 'sü ö ‑gɔ 'kɔɔdhö.
17 Quem estiver no telhado de sua casa não desça para tirar dela coisa alguma.
18 ‑Ɛɛ 'mɛ 'ö yaa‑ kë 'zü ö ‑gɔ 'bhlaa‑, 'ya 'dho‑ pö 'ö ö yee kë kö 'ö 'dho ö ‑bha ꞊gbauu‑ 'sü ‑dhɛ 'gü 'pödhö.
18 Quem estiver no campo não volte para pegar seu manto.
19 ‑A "tʋ̈ng bha‑ 'gü, dhong ‑nu 'ö waa‑ ‑kë 'gbiödhe 'ka, "ɛɛn 'ö 'në ꞊yaa‑ ‑kë ‑a ‑nu ‑gɔ 'yɔn ‑bha ‑a ‑nu ‑bha ‑dho kë ‑wëësü ꞊dedewo!
19 Como serão terríveis aqueles dias para as grávidas e para as que estiverem amamentando!
20 ‑Ka bhɛa" Atanna ‑dhɛ kö ka ‑bha ꞊dua ‑sü ‑gɛn 'ya 'dho ‑ya "nɛnɛ yi ‑bha "ɛɛn Atanna ‑bha ꞊glooyi ‑bha!
20 Orem para que a fuga de vocês não aconteça no inverno nem no sábado.
21 ‑A ‑gɛn ‑mü ꞊dhɛ ‑wëëwɔn ‑nu 'wo dho kë "tʋ̈ng bha‑ 'gü bha, ‑yö ‑dho kë ‑ziisü ꞊dedewo. 'Ö sü "kpʋngtaadhɛ kë ‑yi ‑bha 'ö nu 'ö zun‑ 'ka ꞊dɛɛ ‑bha, ‑a suu 'yii kë do, 'sa ‑a ‑bhɔ ‑bha 'yii 'dho kë 'pö 'zü 'ö to‑ ‑bha.
21 Porque haverá então grande tribulação, como nunca houve desde o princípio do mundo até agora, nem jamais haverá.
22 ꞊Ya kë ꞊dhɛ Atanna 'yii ‑dhɛkpaɔyi bha‑ 'bha "kan‑ "dhiʋ̈ 'nu ‑zianwo kö ‑dha 'wɔn bha‑ ‑gɔ ‑mɛ 'yii 'dho ꞊slɔɔ. "Kɛɛ ‑kë ‑së "kë "së, Atanna ꞊yaa‑ 'bha bho‑ "dhiʋ̈ 'mɛ 'ö‑ ‑nu sü ö ‑bha 'ka bha‑ ‑nu ‑wɔn 'gü.
22 Se aqueles dias não fossem abreviados, ninguém sobreviveria; mas, por causa dos eleitos, aqueles dias serão abreviados.
23 ‑A "tʋ̈ng bha ꞊ya ꞊loo, mɛ "ʋʋ mɛ 'ö‑ pö ka ‑dhɛ ꞊dhɛ: ‹Atanna ‑bha ‑Yamɛ bha ‑yö yö!› "ɛɛn ‹‑Yö ‑dhɛ 'bha 'gü tii‑ ‑dhe!› 'ka 'dho 'dhang bho‑ "dhiʋ̈!
23 Se, então, alguém lhes disser: ‘Vejam, aqui está o Cristo! ’ ou: ‘Ali está ele! ’, não acreditem.
24 ‑A ‑gɛn ‑mü ꞊dhɛ a‑ ‑pö ka ‑dhɛ ꞊dhɛ 'mɛ 'wo dho‑ pö wo ‑dɩ ‑dhɛ ꞊dhɛ wo ꞊në 'wo Atanna ‑bha ‑Yamɛ bha‑ 'ka, waa‑ Atanna ‑wʋdhiʋ̈loomɛ ꞊flüsü ‑nu ‑dho nu "tʋ̈ng bha‑ 'gü, 'ö 'wo "slë "gblʋ̈gblʋ̈ ‑nu ‑kë 'ö 'wo "dhabhliwɔn ‑nu ‑kë, kë "dhʋ̈ kö aa" ꞊ni 'mɛ 'ö Atanna ‑ya ‑nu sü ö ‑bha 'ka bha, ‑a ‑nu ‑kɔ ‑zë ꞊ya ꞊mɔɔ‑ ‑bha kö ‑wa ‑nu "kan Atanna ‑bha.
24 Pois aparecerão falsos cristos e falsos profetas que realizarão grandes sinais e maravilhas para, se possível, enganar até os eleitos.
25 ‑Ka ‑dhɛ ‑ga! 'Wɔn bha 'ma‑ 'to mü ꞊gblɛɛn 'ma‑ pö ka ‑dhɛ.
25 Vejam que eu os avisei antecipadamente.
26 ‑A ‑kë "dhʋ̈ ‑sü 'gü, kö 'zü ꞊ya kë ꞊dhɛ mɛ ‑zian ꞊në ꞊ya nu ꞊yaa‑ pö ka ‑dhɛ ꞊dhɛ ‹Atanna ‑bha ‑Yamɛ bha ꞊ya nu, ‑yö "tʋngtadhɛ ya‑ 'gü!› "ɛɛn ‹‑Yö ‑dhɛ 'ö ‑kë ꞊ni‑ 'gü!› 'ka 'dho 'dhang bho‑ "dhiʋ̈ tongtongdhö "ɛɛn 'ka 'dho 'dho mü.
26 "Assim, se alguém lhes disser: ‘Ele está lá, no deserto! ’, não saiam; ou: ‘Ali está ele, dentro da casa! ’, não acreditem.
27 ‑A ‑gɛn ‑mü ꞊dhɛ mang Mɛgbömɛ n nu ‑sü ‑zë ‑yö ‑dho kë ꞊dhɛ ‑kɔ do 'ö dha ‑yö "yan kun‑ 'ka dhang‑ 'gü, 'ö ‑gban 'yënng‑ ‑wo ‑zian 'ka, 'ö "dhiʋ̈ ta 'yënng‑ ‑pö ‑zian 'ka bha ꞊në‑ 'dhö, 'yii 'dho ‑bin mɛ 'bha ‑gɔ.
27 Porque assim como o relâmpago sai do Oriente e se mostra no Ocidente, assim será a vinda do Filho do homem.
28 ‑A ‑gɛn ‑mü ꞊dhɛ ‑kɔ do 'ö pë ꞊gee 'dhö ‑dhɛ 'ö‑ ‑bha ‑a ‑dhɛ yö ‑sü 'yaa ꞊gbaɔn "gblëë‑ ‑nu ‑ta bha, ꞊në mang Mɛgbömɛ n nu ‑sü dho kë‑ ‑bha.»
28 Onde houver um cadáver, aí se ajuntarão os abutres.
29 'Yö‑ pö: «"Kɛɛ ‑wëëwɔn "nɛnɛgasü 'a‑ ‑dhiang zë ka ‑dhɛ bha‑ ‑dhɛkpaɔyi ya bo zun ‑sü 'ka 'ko "dhiʋ̈, 'yënng‑ ‑dho 'to ‑dhɛ do bha‑ 'gü 'ö ꞊tröö ‑blünblündhö, 'ö "su ‑yö ö bo 'bhü ‑sü 'ka, 'ö "susëngga ‑nu 'wo dhang‑ ‑bha 'wo go 'mü 'wo ꞊wɛnng. 'Ö ‑ta "mlüü bɔ ‑pë ‑nu 'wo dhang‑ 'gü 'wo go "gblʋ̈ʋ̈‑.
29 "Imediatamente após a tribulação daqueles dias ‘o sol escurecerá, e a lua não dará a sua luz; as estrelas cairão do céu, e os poderes celestes serão abalados’.
30 Yö ꞊në ꞊ya kë "dhʋ̈, 'yö 'wɔn 'suan‑ ‑bho ‑bha ‑pë 'ö dho‑ ‑zɔn ‑dhɛ mang Mɛgbömɛ n nu "tʋ̈ng ꞊ya ꞊loo bha 'ö ‑wo "yɛa‑ dhang‑ ‑bha, 'yö "sɛgɔ "pɛpɛ 'wo "kpʋng ꞊taa ‑a 'gü ‑mɛ ‑nu ꞊gban "pɛpɛ 'wo ‑ya ‑wʋ 'kpɔ ‑sü ‑bha ꞊tɔn, kö ‑wo wo ‑kuu ‑ta ‑ma sië "gbʋ 'ka, 'yö 'wo wo "yan ‑kpan mang Mɛgbömɛ n ‑bha kö a nu sië dha 'kpong‑ ‑ta dhang‑ 'gü, 'gügbɩɩdhɛ waa‑ 'tɔbhɔdhe ‑ziisü 'ka.
30 "Então aparecerá no céu o sinal do Filho do homem, e todas as nações da terra se lamentarão e verão o Filho do homem vindo nas nuvens do céu com poder e grande glória.
31 "Truu 'kpii‑ bha ‑yö ‑dho "wɩ 'yi bha ꞊në‑ 'ka, 'yö 'a ma "kië ‑nu bɔ "kpʋngtaadhɛ ꞊gban "pɛpɛ 'gü, 'yö 'wo 'mɛ 'a‑ ‑nu sü n ‑bha 'ka bha‑ ‑nu sü ‑dhɛ "pɛpɛ bha‑ ꞊gban 'gü, 'yö 'wo‑ ‑nu ꞊loo 'ko ‑ta ‑dhɛ do 'gü.»
31 E ele enviará os seus anjos com grande som de trombeta, e estes reunirão os seus eleitos dos quatro ventos, de uma a outra extremidade dos céus.
32 'Yö 'go mü 'ö‑ pö: «‑Ka 'wɔn 'suan‑ bho 'wɔn ‑zɔn 'ka 'ö maa‑ ‑zɔn ka ‑dhɛ bha ꞊në‑ ‑bha. Yö ‑mü ꞊dhɛ "tʋ̈ng 'ö figö ‑dhü 'dhö ö ‑gbeng ‑dee dɔ sië, 'ö ö "dhɛ ‑dee ‑ya sië kö 'ka‑ 'wɔn dɔ ꞊dhɛ blɛa" ꞊ya ziö, ‑nɛɛ 'gü ꞊ya ꞊loo.
32 "Aprendam a lição da figueira: quando seus ramos se renovam e suas folhas começam a brotar, vocês sabem que o verão está próximo.
33 ‑Kɔ do bha‑ 'gü, ka "yan 'dhö ‑da sië 'wɔn ‑nu 'a ‑ziö 'gü bha‑ ‑nu 'gü, ‑kaa 'wɔn dɔ ꞊dhɛ ‑a "tʋ̈ng ꞊ya ꞊tëng, ꞊dhɛ 'ma ‑ya "saan ‑bha.
33 Assim também, quando virem todas estas coisas, saibam que ele está próximo, às portas.
34 A‑ ‑pö ka ‑dhɛ tɛan‑ ꞊dede 'ka ꞊dhɛ 'mɛ 'wo "yaan ꞊dɛɛ ‑yën ya‑ 'gü ya, ‑a ‑nu ꞊gban 'wii 'dho ga 'ö 'wɔn 'a‑ pö sië ka ‑dhɛ bha‑ ꞊gban 'gü ‑wɔn ‑yö ‑kë.
34 Eu lhes asseguro que não passará esta geração até que todas essas coisas aconteçam.
35 ‑Yö kë ka "yaan ꞊dhɛ "sɛ waa‑ dhang‑ ‑wo ‑dho ziö, "kɛɛ n ‑wʋ ‑zë do 'yii 'dho 'go "gblʋʋ tongtongdhö.»
35 O céu e a terra passarão, mas as minhas palavras jamais passarão".
36 'Yö go mü 'ö‑ pö: «꞊Ya 'go yö ‑zë 'gü, ‑a 'dhɛ 'kö ‑gban n nu ‑yi waa‑ n nu "tʋ̈ng ꞊dede ‑zë ‑bha bha, Atanna ‑bha "kië ‑nu oo, ‑a mang ‑zian 'a‑ Gbö 'ka 'a "wɩ sië ka ‑dhɛ ya mɛ 'bha 'yaa yö ‑zë dɔ kö 'yii kë n Dë Atanna ‑zë 'ka.
36 "Quanto ao dia e à hora ninguém sabe, nem os anjos dos céus, nem o Filho, senão somente o Pai.
37 'Wɔn do 'ö ‑kë Noe ‑bha "tʋ̈ng 'gü ꞊në dho kë mang Mɛgbömɛ n nu ‑yi 'ka.
37 Como foi nos dias de Noé, assim também será na vinda do Filho do homem.
38 'Ö gun "tʋ̈ng bha‑ 'gü, kö "yi 'kpii‑ bha 'yii pa ꞊kö mɛ "bhɩɩ‑ ‑nu "tʋ 'yaa gun Atanna ‑wɔn ‑bha, ‑wo ‑gun pë ꞊në‑ ‑bhö sië, 'wo we mü, 'wo dhe sü, 'wo 'në ‑nu dɔ gwaan‑ ‑bha 'ö dho‑ 'ka "dhʋ̈ 'ö zun‑ 'ka yi 'ö Noe ‑yö ‑da 'ka "yitagɔ 'gü bha‑ ‑bha.
38 Pois nos dias anteriores ao dilúvio, o povo vivia comendo e bebendo, casando-se e dando-se em casamento, até o dia em que Noé entrou na arca;
39 ‑A ‑nu "tʋ 'yaa gun 'wɔn "wɛɛ 'bha ‑bha ‑a 'dhɛ 'kö bha‑ zian 'gü 'ö 'to‑ 'ka "dhʋ̈ 'ö zun‑ 'ka dha 'kpii‑ 'ö ban 'ö "yi ‑yö "kpʋngtaadhɛ bho bha‑ ban ‑yi ‑bha, 'ö "yi ‑yö nu 'ö sɔ‑ ‑nu ‑ta. ‑Yö ‑dho kë 'pö ‑kɔ do bha ꞊në‑ 'gü mang Mɛgbömɛ n nu ‑yi 'ka.
39 e eles nada perceberam, até que veio o dilúvio e os levou a todos. Assim acontecerá na vinda do Filho do homem.
40 A‑ ‑pö ka ‑dhɛ ꞊dhɛ ‑a 'yi bha‑ 'ka, gɔɔn‑ ‑nu ꞊plɛ 'wo dho kë 'bhlaa‑ do 'gü, ‑a mɛ 'dhɛ 'ö 'dhang bho n "dhiʋ̈ ‑yö ‑dho 'dho 'ö‑ mɛ do ‑yö to.
40 Dois homens estarão no campo: um será levado e o outro deixado.
41 Dhong ‑nu ꞊plɛ 'wo dho kë pë zɔn ‑dhɛ 'gü "wlʋ̈ do 'gü, ‑a mɛ 'ö 'dhang bho n "dhiʋ̈ ‑yö ‑dho 'dho 'ö‑ mɛ do ‑yö to.
41 Duas mulheres estarão trabalhando num moinho: uma será levada e a outra deixada.
42 ‑A ‑kë "dhʋ̈ ‑sü bha‑ 'gü, ‑ka ‑ya ka "yaan, ‑a ‑gɛn ‑mü ꞊dhɛ yi 'ö ka Dëmɛ dho nu‑ 'ka 'kaa‑ dɔ.
42 "Portanto, vigiem, porque vocês não sabem em que dia virá o seu Senhor.
43 ‑Yö kë ka "yaan ꞊dhɛ 'kɔdëmɛ ‑yö "tʋ̈ng 'ö ꞊kwaanmɛ dho nu‑ 'ka gbeng ‑a ‑dɔ 'nu kö ‑yö ‑dho ‑ya ö "yaan 'ö 'waa‑ ‑bha 'kɔ 'wü.
43 Mas entendam isto: se o dono da casa soubesse a que hora da noite o ladrão viria, ele ficaria de guarda e não deixaria que a sua casa fosse arrombada.
44 Yö ꞊në‑ ‑wɔn 'gü 'yö kaa ‑dɩ 'pö ꞊dhɛ 'ö ‑kë ꞊dhɛ 'kaa n nu "tʋ̈ng dɔ bha, 'yö ka ‑dho ‑ya ka "yaan; ‑a ‑gɛn ‑mü ꞊dhɛ "tʋ̈ng 'ö ka ‑zʋ 'yaa 'ka ꞊dhɛ mang Mɛgbömɛ a ‑dho nu bha ꞊në 'a dho "kan‑ 'ka ka 'gü.»
44 Assim, também vocês precisam estar preparados, porque o Filho do homem virá numa hora em que vocês menos esperam.
45 ꞊Dhɛ 'ö Yesu ꞊ya dhiang ‑nu bha‑ zë "dhʋ̈, 'yö "gwënng do 'bha ‑da ‑nu ‑dhɛ 'ö‑ pö: «꞊Ya kë "dhʋ̈ yö ‑zë 'gü kö 'mɛ 'ka bha 'dee dho kë gwëë" "klʋsë 'ö 'wɔn dɔ ‑a 'ka? Gwëë" "klʋsë 'ö "dhʋ̈ bha ꞊në‑ dëmɛ ‑ya ‑ya ‑a "tɛabɔ ‑nu ‑gɔ "dhiʋ̈ kö ‑yö ‑bhöpë nu‑ ‑nu ‑dhɛ ‑a nu "tʋ̈ng ‑bha 'yö nu 'yö ‑kpan ‑bha kö ‑ya kë sië ꞊dhɛ ‑kɔ 'wo ‑wʋ kpɔ 'ka‑ ‑bha bha‑ 'dhö.
45 "Quem é, pois, o servo fiel e sensato, a quem seu senhor encarrega dos de sua casa para lhes dar alimento no tempo devido?
46 ‑A mɛ 'dhɛ 'kö "dhʋ̈ bha kö‑ ‑bha ꞊ya kë ‑së.
46 Feliz o servo a quem seu senhor encontrar fazendo assim quando voltar.
47 A‑ ‑pö ka ‑dhɛ tɛan‑ ꞊dede 'ka ꞊dhɛ: «Mɛ 'ö "dhʋ̈ bha‑ dëmɛ ꞊ya nu, ‑yö ‑dho ‑a ‑ya ö ꞊slɔɔpë ꞊gban "pɛpɛ ‑gɔ "dhiʋ̈.
47 Garanto-lhes que ele o encarregará de todos os seus bens.
48 "Kɛɛ ꞊ya kë ꞊dhɛ gwëëmi bha‑ "klʋ ꞊ya kë 'ya‑, ‑yö ‑dho ‑a pö ö ‑dɩ ‑dhɛ ꞊dhɛ: «'Dho 'ö n dëmɛ ‑ya wo ya, ‑yö ‑dho nu ‑më yi 'ka?»
48 Mas suponham que esse servo seja mau e diga a si mesmo: ‘Meu senhor se demora’,
49 'Yö ‑ya ö "tɛabɔ ‑nu ‑ma ‑sü ‑bha, 'yö ‑ya pë ‑bhö ‑sü waa‑ we mü ‑sü ‑bha we mü ‑dudu ‑nu "piʋ̈.
49 e então comece a bater em seus conservos e a comer e a beber com os beberrões.
50 ‑Yö ‑dho 'to‑ ‑kë "dhʋ̈ ‑sü ‑bha, 'yö‑ dëmɛ ‑yö nu 'yö ‑kan 'gü "tʋ̈ng ꞊dede 'ö‑ ‑zʋ 'yaa‑ ‑bha bha‑ 'ka.
50 O senhor daquele servo virá num dia em que ele não o espera e numa hora que não sabe.
51 Mɛ 'dhɛ 'kö bha kö‑ ‑bha ꞊ya kë ‑wëësü, ‑a ‑gɛn ‑mü ꞊dhɛ ‑a ‑gɔmɛ ‑dho 'wɔn wɔ‑ ‑ta 'ö ‑kë ‑ziiziisü, 'yö 'wɔn suu 'wo dho‑ wɔ ꞊flümɛ ‑nu ‑ta bha, 'yö 'wo‑ ‑wɔ ‑ta 'pö. ‑Yö ‑dho "gbʋ bɔ ‑dhɛ bha ꞊në‑ 'gü 'yö ö "sɔn "dhiʋ̈ ‑bhö 'ka klöklödhö.»
51 Ele o punirá severamente e lhe dará lugar com os hipócritas, onde haverá choro e ranger de dentes".
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Mateus 24, comparar traduções ou montar um estudo — tudo direto pelo WhatsApp.