1 Coríntios 10

Dios Chʉ'o Kʉaphʉro (COE) vs ARIB

ARIB Almeida Revisada Imprensa Bíblica

¹ Asarepajʉ̃'ʉ, chʉ'ʉ majapãijana. Mai aipãi Egipto cheja etarʉmʉ Diopi cho'okʉna ũcuanʉko okomakapi ñajʉ saisi'e cavesʉmanejʉ̃'ʉ. Okomakapi ñajʉ saijʉ Maachiara joopoji oko peoacho Diopi jãko nʉkoʉna ũcuachejapi ũcuanʉko jẽniasome repana.

¹ Pois não quero, irmãos, que ignoreis que nossos pais estiveram todos debaixo da nuvem, e todos passaram pelo mar;

² Reparʉmʉ Moiseni ũcuanʉko jovo ja'me pa'ijʉ okoro'vecojñoñeja'ñe okomaka vʉ'evʉji saijʉ, chiaraji jẽniasome repana.

² e, na nuvem e no mar, todos foram batizados em Moisés,

³ Ũcuanʉko si'aumucujña Dios cʉnaʉmʉ raoche'te ãu ãijʉ paniasome repana.

³ e todos comeram do mesmo alimento espiritual;

⁴ Ũcuachi'a oko peochejare ku'ijʉ Cristoji cho'okaiʉna catapʉ etasi'ere oko ũcuanʉko ũkuasome repana. Reparʉmʉ Cristo ñoma'kʉta'ni ũcuanana'me ku'iʉ kuirakʉ paniasomʉ repanare.

⁴ e beberam todos da mesma bebida espiritual, porque bebiam da pedra espiritual que os acompanhava; e a pedra era Cristo.

⁵ Dios repanare ũcuanʉkore kuirakʉta'ni te'enare pojoasomʉ. Chekʉnareta'ni Repaʉni jachajʉna pe'rukʉ chʉ̃'ʉʉna pãi peochejare pa'ijʉ ũcuanʉko jũnisoasome.

⁵ Mas Deus não se agradou da maior parte deles; pelo que foram prostrados no deserto.

⁶ Maipi che'chea'jʉ chini jã'aja'ñe ti'jñesi'kʉa'mʉ, maipi repana cu'ache cho'ocheja'che cho'omanea'jʉ chini.

⁶ Ora, estas coisas nos foram feitas para exemplo, a fim de que não cobicemos as coisas más, como eles cobiçaram.

⁷ Mai aipãi jainʉko tʉ̃osiva'nani pojoasome, “Dioa'me ina”, chiijʉ. Dios chʉ'o aperʉmʉ tocha jo'kasi'e ija'che kʉamʉ:

⁷ Não vos torneis, pois, idólatras, como alguns deles, conforme está escrito: O povo assentou-se a comer e a beber, e levantou-se para folgar.

⁸ Jainʉko repana rʉ̃joromi peonani ja'me kãniasome. Jã'aja'ñe cho'ojʉna pe'rukʉ Dios cu'ache cho'osinare ũcuanʉkore ũcuate'eumucusena veintitrés milrepanare vanisoasomʉ. Repana cu'ache cho'osi'eja'che cho'omaneñu mai.

⁸ Nem nos prostituamos, como alguns deles fizeram; e caíram num só dia vinte e três mil.

⁹ Chekʉna te'ena Maire Paakʉ re'oja'che cho'okaiche'te cuhejʉ, “Maire ʉache ĩsima'kʉa'mʉ Repaʉ”, chiijʉ pe'ruasome repana. Jã'aja'ñe i'karena Maire Paakʉ pe'rukʉ añare raoʉna ũcuanʉko kʉjño jũnisoasome repana, jã'aja'ñe i'kasi'e ro'i. Repana i'kasi'eja'che i'kamaneñu mai.

⁹ E não tentemos o Senhor, como alguns deles o tentaram, e pereceram pelas serpentes.

¹⁰ Chekʉna Maire Paakʉni pe'rujʉ cu'ache cutuasome. Jã'aja'ñe cutujʉna Dios pe'rukʉ ángelni casoasomʉ repanani vanisoa'kʉ chini. Repana cutusi'eja'che Maire Paakʉ'te cu'ache cutumaneñu mai.

¹⁰ E não murmureis, como alguns deles murmuraram, e pereceram pelo destruidor.

¹¹ Peore jã'a maini che'chora chini cho'oasomʉ Dios. “Tocha jo'kajʉ̃'ʉ ie”, chiniasomʉ Repaʉ, mai aipãi ti'jñesi'ere asa repana cu'ache cho'osi'eja'che cho'oma'ñe pa'ijʉ, re'oja'chechi'a cho'ojʉ paapʉ chini. Aperʉmʉ Repaʉ Dios irʉmʉ pa'ijachere cuasakʉ peore care'vaasomʉ.

¹¹ Ora, tudo isto lhes acontecia como exemplo, e foi escrito para aviso nosso, para quem já são chegados os fins dos séculos.

¹² Jã'ajekʉna mʉsanʉkona ñarepajʉ pa'ijʉ̃'ʉ; chekʉrʉmʉ ñamejʉ, “Re'oja'chechi'a cho'oñu”, chiisinapi cu'ache cho'ojʉ cu'ache ti'jñecojñoñe.

¹² Aquele, pois, que pensa estar em pé, olhe não caia.

¹³ Te'eñoã vatipi chʉ̃'ʉkʉna cu'ache cho'oʉakʉ'mʉ maire. Jã'aja'ñe ti'jñemʉ maire ũcuanʉkore. Jã'ata'ni Dios, “Repanare cho'okaija'mʉ chʉ'ʉ”, chiisi'e ũcuarepa cho'okaija'mʉ Repaʉ mʉsanʉkonare. Jorema'kʉa'mʉ Repaʉ. Mʉsanʉkonani cu'ache cho'oʉakʉna Repaʉni sẽeto ʉ̃sekaija'mʉ Repaʉ, cho'omanea'jʉ chini.

¹³ Não vos sobreveio nenhuma tentação, senão humana; mas fiel é Deus, o qual não deixará que sejais tentados acima do que podeis resistir, antes com a tentação dará também o meio de saída, para que a possais suportar.

¹⁴ Jã'ajekʉna chʉ'ʉ cuasana, jmamakarʉjẽ'e tʉ̃osiva'nare pojojʉ pa'imanejʉ̃'ʉ.

¹⁴ Portanto, meus amados, fugi da idolatria.

¹⁵ Cuasamasime mʉsanʉkona. Chʉ'ʉ i'kacheji ũcuarepa cuasoma'to kʉajʉ̃'ʉ.

¹⁵ Falo como a entendidos; julgai vós mesmos o que digo.

¹⁶ Mai Jesucristoni pojoñu chini si'arʉmʉ chi'i pĩsi ʉche conore ũkujʉ, Repaʉ chueniso chie meosi'ere cuasajʉ, “Re'orepamʉ, Ja'kʉ”, chiinaa'me Repaʉ'te. Ũcuachi'a chi'i pãpʉ'te ãijʉ Jesucristo ca'nivʉ'te cuasajʉ ãinaa'me mai. Jã'aja'ñe chi'i ãijʉ Jesucristona'me ãiñeja'ñe ãijʉ pa'ime mai.

¹⁶ Porventura o cálice de bênção que abençoamos, não é a comunhão do sangue de Cristo? O pão que partimos, não é porventura a comunhão do corpo de Cristo?

¹⁷ Mai Jesucristo'te cuasana pãpʉ ũcuate'epʉ jainʉko ãiñeja'ñe Repaʉni cuasajʉ ũcuate'eʉjakuanupʉ'me, Jesucristo ca'nivʉ ũcuate'eca'nivʉ pa'icheja'che.

¹⁷ Pois nós, embora muitos, somos um só pão, um só corpo; porque todos participamos de um mesmo pão.

¹⁸ Israelpãi cho'oche'te cuasajʉ̃'ʉ. Jo'cha va'iva'nare Dios vʉ'ena ra vani va'i joopo ãime repana. Jã'aja'ñe ãijʉ Diona'me ãiñeja'ñe ãijʉ Ũcuaʉna'me pa'ime repana.

¹⁸ Vede a Israel segundo a carne; os que comem dos sacrifícios não são porventura participantes do altar?

¹⁹ Tʉ̃osiva'nata'ni rupʉ peoche pa'ime. “Dioa'me jã'ana”, chiima'mʉ chʉ'ʉ. Repava'nare ĩsisi'e ãu rupʉ ãua'me; cu'a peomʉ.

¹⁹ Mas que digo? Que o sacrificado ao ídolo é alguma coisa? Ou que o ídolo é alguma coisa?

²⁰ Jã'ata'ni pãipi tʉ̃osiva'nani ãure ĩsini vatire ĩsicheja'che ĩsime ãu. Jã'aja'ñe pa'ina Dioreta'ni ãu ĩsimanaa'me. Mʉsanʉkonapi tʉ̃osiva'na pa'ivʉ'ena mʉa repava'nare ĩsisi'ere ãu ãni vatina'me ãiñeja'ñe ãijʉ pa'ime. Jã'aja'ñe cho'oche cuhemʉ chʉ'ʉ. Mʉsanʉkonapi vatire pojoto cu'amʉ.

²⁰ Antes digo que as coisas que eles sacrificam, sacrificam-nas a demônios, e não a Deus. E não quero que sejais participantes com os demônios.

²¹ Maipi pĩsi ʉche conore ũkujʉ Maire Paakʉ'te ja'me pa'inapi vatire ũcuate'erʉmʉ ja'me pa'icu'amʉ. Ũcuachi'a ãu ãijʉ Maire Paakʉna'me pa'inapi vatire ũcuate'erʉmʉ ja'me pa'icu'amʉ.

²¹ Não podeis beber do cálice do Senhor e do cálice de demônios; não podeis participar da mesa do Senhor e da mesa de demônios.

²² Maire Paakʉ'te pojonajejʉna vatire pojocu'amʉ mʉsanʉkonare. Dios maire romi vanʉkʉ pa'icheja'che pa'iʉ ũcuate'eʉ paara chiimʉ. Jã'ajekʉna maipi Repaʉ'te pojonapi vatire pojoto pe'rumʉ Repaʉ Maire Paakʉ. ¿Repaʉ'te mʉsanʉkona Diore vajʉchʉma'ñe? Ũcuachi'a, ¿Repaʉ'te mʉsanʉkona na'a rʉa masinaa'ñe?

²² Ou provocaremos a zelos o Senhor? Somos, porventura, mais fortes do que ele?

²³ Te'ena mʉsanʉkona ija'che i'kajʉasome: “Ũcuaʉache cho'ore'omʉ chʉkʉna'te”, chiijʉasome. Jã'ata'ni chekʉrʉmʉ mʉsanʉkonare ʉache'te cho'oni re'oja'che jñaama'me. Jã'aja'ñe mʉsanʉkonare ʉache cho'ojʉ chekʉnare cu'ache che'chome.

²³ Todas as coisas são lícitas, mas nem todas as coisas convêm; todas as coisas são lícitas, mas nem todas as coisas edificam.

²⁴ Mʉsanʉkonare ʉachechi'a cuasama'ñe chekʉnare re'oja'che cho'okaiche'te cuasajʉ re'oja'che cho'ojʉ pa'ijʉ̃'ʉ, repanapi re'oja'che che'chea'jʉ.

²⁴ Ninguém busque o proveito próprio, antes cada um o de outrem.

²⁵ Va'i ĩsivʉ'e sani, “¿Jeecheja rasi'ea'che ie va'i?”, chiima'ñe va'i koo ãijʉ̃'ʉ. “Chekʉrʉmʉ chʉ'ʉ iere koo ãni tʉ̃osiva'nare jo'kasi'e pa'ito cu'ache cho'ocosomʉ”, chiima'ñe koo ãijʉ̃'ʉ.

²⁵ Comei de tudo quanto se vende no mercado, nada perguntando por causa da consciência.

²⁶ Dios cho'osi'e ãu ãire'ochechi'aa'me. Chejana'me repacheja pa'imajñarʉã peore Dios cho'osi'ea'me. Jã'ajekʉna sẽniasama'ñe ãire'omʉ.

²⁶ Pois do Senhor é a terra e a sua plenitude.

²⁷ Pãiʉ ũcuaʉakʉji Jesucristo'te cuasama'kʉpi mʉsanʉkonani ãure ãura chini soito mʉsanʉkonare saiʉato sani repaʉ ãuñe peore koo ãijʉ̃'ʉ. “Chekʉrʉmʉ chʉ'ʉ iere ãni cu'ache cho'omʉ”, chini cuasama'ñe koo ãijʉ̃'ʉ repaʉ ãuñe. “¿Jeechejapi mʉ'ʉ ie va'i raʉ?”, chiima'ñe koo ãire'omʉ mʉsanʉkonare.

²⁷ Se, portanto, algum dos incrédulos vos convidar, e quiserdes ir, comei de tudo o que se puser diante de vós, nada perguntando por causa da consciência.

²⁸ Jã'ata'ni pãiʉ ũcuaʉakʉji mʉsanʉkonani, “Ie ãu tʉ̃osiva'ʉre ĩsisi'ea'me”, chiikʉ'te koo ãimanejʉ̃'ʉ. Tʉ̃osiva'ʉre cuasakʉjekʉ jã'aja'ñe i'kamʉ repaʉ. Repaʉ jã'are ãu ãni cu'ache cho'omʉ. Ũcuachi'a repaʉ cuasato Jesure cuasakʉ ũcuaʉakʉji jã'are ãu ãni cu'ache cho'omʉ. Jã'ajekʉna mʉsanʉkonapi repaʉ ãuñe'te ãu koo ãni jã'aja'ñe cho'ojʉ cu'ache che'chome repaʉ'te ãu ãusi'kʉre. Jã'aja'ñe cho'omanejʉ̃'ʉ repaʉ'te.

²⁸ Mas, se alguém vos disser: Isto foi oferecido em sacrifício; não comais por causa daquele que vos advertiu e por causa da consciência;

²⁹ Jã'are ãu ãni meñe cu'ache cho'oma'me mʉsanʉkona. Repaʉ'teta'ni cu'ache cho'ome. Jã'are sẽniasama'ñe ãito na'a re'omʉ. Pãipi, “Cho'ocu'amʉ ie”, chiito cho'ocu'amʉ mʉsanʉkonare. Pãipi, “Cho'ocu'amʉ ie”, chiima'ñeta'ni cho'ore'omʉ mʉsanʉkonare. Chekʉrʉmʉ sẽniasato, “Ija'che cho'oche cu'ache'me”, chiinaa'me chekʉna. Jã'aja'ñe i'kato mʉsanʉkonare cho'oʉache cho'ocu'amʉ. Cho'omanejʉ̃'ʉ.

²⁹ consciência, digo, não a tua, mas a do outro. Pois, por que há de ser julgada a minha liberdade pela consciência de outrem?

³⁰ Chʉ'ʉpi ãure ãiʉ, “Ja'kʉ, re'orepamʉ”, chini cu'ache cho'oma'mʉ. ¿Je'se pa'iʉna pãi chʉ'ʉre cu'ache cutuche, “Ja'kʉ, re'orepamʉ”, chini ãu ãikʉ'teta'ni?

³⁰ E, se eu com gratidão participo, por que sou vilipendiado por causa daquilo por que dou graças?

³¹ Mʉsanʉkona cho'oche'te chekʉnapi ña, “Dios rʉa re'okʉ'mʉ”, chiijʉ cuasaa'jʉ chini re'oja'chechi'a cho'ojʉ̃'ʉ. Ãu ũcuaʉache ãijʉ, ũcuaʉache ũkujʉ peore mʉsanʉkona cho'oche re'oja'chechi'a cho'ojʉ̃'ʉ.

³¹ Portanto, quer comais quer bebais, ou façais, qualquer outra coisa, fazei tudo para glória de Deus.

³² Jã'aja'ñe re'oja'chechi'a cho'ojʉ cu'ache che'choma'ñe pa'ijʉ̃'ʉ, judíopãina'me judío peonare, Jesucristo'te cuasanare ũcuachi'a.

³² Não vos torneis causa de tropeço nem a judeus, nem a gregos, nem a igreja de Deus;

³³ Chʉ'ʉ pãi ũcuanʉkore si'arʉmʉ pojokʉ pa'icheja'che pojojʉ pa'ijʉ̃'ʉ. Chʉ'ʉchi'a meñe re'oja'che cho'ora chiima'ñe pãi ũcuanʉkore re'oja'che cho'okasa chiikʉ'mʉ chʉ'ʉ, repanapi ũcuanʉko Jesucristoni jovo, Ũcuaʉna'me re'oja'che paapʉ chini.

³³ assim como também eu em tudo procuro agradar a todos, não buscando o meu próprio proveito, mas o de muitos, para que sejam salvos.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar 1 Coríntios 10, comparar traduções ou montar um estudo — tudo direto pelo WhatsApp.

💬 Explicar 1 Coríntios 10 no WhatsApp Sobre a Bíblia com IA →