2 Tessalonicenses 1
Hmooh hmëë he- ga-jmee Jesucristo; Salmos (CHZNTPS) vs ACF
1 Jnäꜘ Paaˊ kya̱a̱hˊ Silvano kya̱a̱hˊ Timotä sɨɨnꜙ kihꜗ gwahꜙ jwɨɨˉ Tesalónica, hnähꜘ hi̱ˉ tä̱ä̱hˊ kya̱a̱hˊ Jesucristo Dsaˉjø̱ø̱hˈ jnänˋ kya̱a̱hˊ Dio hi̱ˉ la̱a̱ꜗ Tääˋ jnänˋ.
1 Paulo, e Silvano, e Timóteo, à igreja dos tessalonicenses, em Deus nosso Pai, e no Senhor Jesus Cristo:
2 Ngɨɨnˊ kihˈ Dio hi̱ˉ la̱a̱ꜗ Tääˋ jnänˋ hiꜙ ngɨɨnˊ kihˈ Jesucristo Dsaˉjø̱ø̱hˈ jnänˋ, waˊ kwayꜘ heˉ lluꜗ kyahꜗ hnähꜘ, hiꜙ waˊ jmeeyꜘ hiiꜘ tiiˊ kyahˈ hnähꜘ.
2 Graça e paz a vós da parte de Deus nosso Pai, e da do Senhor Jesus Cristo.
3 Ø̱ø̱hnꜗ, hnøøꜗ kwaˉ jnäähˈ tiˊhmaahˊ kihˈ Dio läꜙjëꜙ jmɨɨˊ kwa̱a̱t˜ kyahꜗ hnähꜘ, läꜙlleˋ kihˈ, läꜙlluꜗ heˉ ngooꜗ baˊ dsooꜘ hohꜘ hnähꜘ kiyhꜗ, hiꜙ ngooꜗ baˊ hnaahꜙ hnähꜘ dsaˉkya̱a̱hˊ.
3 Sempre devemos, irmãos, dar graças a Deus por vós, como é justo, porque a vossa fé cresce muitíssimo e o amor de cada um de vós aumenta de uns para com os outros,
4 Tɨh˜ baˊ dsëˉ jnäähˈ läꜙko̱o̱ˉ jmeehˉ hnähꜘ, heˉja̱ˉ gaꜙhlëëhˊ jnäähꜗ lluꜗ kyahꜗ hnähꜘ läꜙko̱o̱ˉ läꜙko̱o̱ˉ gwahꜙ kihꜗ Dio. Jmeehˉ jnäähˈ juuˈ haˉ läꜙ jø̱hˉ hohꜘ hnähꜘ kya̱a̱hˊ läꜙjëꜙ wɨɨꜘ heˉ dsaˉngëëꜘ hnähꜘ. Hiꜙ haˉ läꜙ dsooꜘ hohꜘ hnähꜘ kihꜗ Dio hiꜙ kwëëh˜ baˊ hohꜘ hnähꜘ maˊ cha̱a̱ˉ hnähꜘ lliꜘwɨɨꜘ.
4 De maneira que nós mesmos nos gloriamos de vós nas igrejas de Deus por causa da vossa paciência e fé, e em todas as vossas perseguições e aflições que suportais;
5 Hehꜗ läꜙja̱ˉ, miˉjnääꜙ maꜙraꜙ heˉ llaꜙ Dio taˊ läꜙko̱o̱ˉ lleˋ kihˈ, heˉja̱ˉ naˉ naˉngëˈ hnähꜘ jwëˈ goˊta̱a̱hˊ hnähꜘ yaꜙjwɨɨꜗ kiyhꜗ, kihꜗ heˉ jëëhꜘ hnähꜘ wɨɨꜘ naꜗ.
5 Prova clara do justo juízo de Deus, para que sejais havidos por dignos do reino de Deus, pelo qual também padeceis;
6 Jëëhꜘ, Dio jmeeꜗ läꜙko̱o̱ˉ lleˋ kihˈ, heˉ miˉhmaayhˋ kihˈ hi̱ˉ jmeehꜙ hnähꜘ naꜗ.
6 Se de fato é justo diante de Deus que dê em paga tribulação aos que vos atribulam,
7 Hiꜙ hnähꜘ hi̱ˉ dsaˉngëëꜘ wɨɨꜘ naꜗ, hñahꜙ baˊ hnähꜘ jeeˊ te̱e̱hˊ hnähꜘ hohꜘ ko̱ˉjø̱hꜘ kya̱a̱hˊ jnäähꜗ waˊraˉ gaꜙtëꜘ jeeˊ läꜙjnäꜘ Jesús jña̱a̱yꜗ gyʉʉhˈ kya̱a̱hˊ ángele kya̱a̱yꜗ hi̱ˉ chaˉ beꜘ kihꜗ.
7 E a vós, que sois atribulados, descanso conosco, quando se manifestar o Senhor Jesus desde o céu com os anjos do seu poder,
8 Jä̱yhꜘ jeeˊ waˊjeˉ jihˈgye̱hꜗ, maˊja̱ˉ heeyhꜗ wɨɨꜘ läꜙjë̱ë̱ꜙ hi̱ˉ saꜙ gaꜙhe̱e̱hˉ kihꜗ Dio, hiꜙ läꜙkye̱ˉ hi̱ˉ saꜙ gaꜙläꜙhnøøꜗ juˈhmëëꜘ kihꜗ Jesucristo Dsaˉjø̱ø̱hˈ jnänˋ.
8 Com labareda de fogo, tomando vingança dos que não conhecem a Deus e dos que não obedecem ao evangelho de nosso Senhor Jesus Cristo;
9 Hi̱ˉ heꜘ naˉ, jëëꜗ wɨɨꜘ heˉ saꜙ lla̱a̱ꜙ ji̱hˊko̱hꜘ ji̱hˊlɨhꜘ, ʉ̱ʉ̱ꜘ goˉteˈ baˊ dsaˉta̱a̱yhˋ kihˈ Dsaˉjø̱ø̱hˈ jnänˋ, jeeˊ moꜙsoꜙ të̱ë̱yꜗ jëëyꜗ jeeˊ jnäꜘ naˊhñaahꜗ kya̱a̱hˊ beꜘ kiyhꜗ,
9 Os quais, por castigo, padecerão eterna perdição, longe da face do Senhor e da glória do seu poder,
10 waˊraˉ gaꜙtëꜘ jmɨɨˊ jä̱hꜘ Jesús. Maˊja̱ˉ dsaˉta̱a̱hˋ läꜙjë̱ë̱ꜙ hi̱ˉ la̱a̱ꜗ kya̱a̱yꜗ, jmeeyꜗ jʉʉhˉ kiyhꜗ. Peerꜙ jëëꜗ dsa̱hꜙ läꜙjë̱ë̱ꜙ hi̱ˉ maˉhe̱e̱hˉ. Hiꜙ läꜙkye̱ˉ hnähꜘ jë̱ë̱hˈ hnihꜘ, jëëhꜘ maˉläˉdsooꜘ baˊ hohꜘ hnähꜘ juuˈ heˉ maˉkwaˊ jnäähꜗ.
10 Quando vier para ser glorificado nos seus santos, e para se fazer admirável naquele dia em todos os que crêem (porquanto o nosso testemunho foi crido entre vós).
11 Heˉja̱ˉ ngɨɨˊ jnäähꜗ kyahꜗ hnähꜘ läꜙjëꜙ jmɨɨˊ mahꜗ jmääꜗ Dio hnähꜘ llu̱u̱ꜗ läꜙlleˋ kyahˈ hnähꜘ hi̱ˉ naˉteehˊ kya̱a̱yˈ. Hiꜙ ngɨɨˊ jnäähꜗ kiyhꜗ mahꜗ kwayꜗ beꜘ kyahꜗ hnähꜘ jmeehˈ hnähꜘ läꜙjëꜙ taˊ lluˈ heˉ hyohˉ hohꜘ hnähꜘ jmeehˈ, läꜙlluꜗ heˉ maˉdsooꜘ hohꜘ hnähꜘ.
11 Por isso também rogamos sempre por vós, para que o nosso Deus vos faça dignos da sua vocação, e cumpra todo o desejo da sua bondade, e a obra da fé com poder;
12 Maˊja̱ˉ jmeeꜗ dsaˉ jʉʉhˉ kihꜗ Jesucristo kwa̱a̱t˜ kyahꜗ hnähꜘ hiꜙ ja̱ˉbaˊ läꜙja̱ˉ leꜘ kyahꜗ hnähꜘ ko̱ˉjø̱hꜘ kya̱a̱yhˊ, kihꜗ heˉ lluꜗ dsëꜗ Dio jnänˋ, hiꜙ kihꜗ heˉ lluꜗ dsëꜗ Jesucristo Dsaˉjø̱ø̱hˈ jnänˋ.
12 Para que o nome de nosso Senhor Jesus Cristo seja em vós glorificado, e vós nele, segundo a graça de nosso Deus e do Senhor Jesus Cristo.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Tessalonicenses 1, comparar traduções ou montar um estudo — tudo direto pelo WhatsApp.