1 Omi kurã oehkehpyra mana ukurohtaka sero
2 Tuisa, nuaseme potu mase, imehnõ motye emero,
3 Ometỹ eary pokona atapemã tyriko,
4 Kawaru po orẽpyra mase ytõko,
5 Opyre, pyrou tõ pohsuime mã kehko,
6 Tuisame oehtoh, Ritonõpo nekarohpyryme oya,
7 Zae ehtoh pyno mase,
8 Ixtaratu kurã nae nase oupõ poko,
9 Nohpo tõ maro atapyĩ konõto tao,
10 Tuisa pytyme exikety, jomiry etako:
11 Oryxime potu mase,
12 Tuisa pytyme exikety, pata Tiro põkõ tynekarory kurã enehnõko oya mana;
13 Tuisa tapyĩ konõto tao tuisa pytyme exikety mana, oryxime potu mana!
14 Upo kurã tamuruse, sỹsỹkamã potu
15 Oseahmaryme atãkyemaryme roropa
16 Omoro, tuisa, tuhke tumũkue exĩko mase,
17 Sero jeremiatoh ke jũme wenikehpyra