Gálatas 5
God-are Jögoru I'oho (AOM) vs ARIB
1 No bogo Jew rajo mu vaeröhe hesi darugoroho raromoꞌi mae raromoꞌiröhego ëhuni Kerisoro no maroho ramuadeje. Ëhuꞌe jiaje nadi röhu maho ëhi jiëꞌe mu hesi darugoroho vaꞌo raromoꞌi aꞌi biririvo riravoromo maro raromore.
1 Para a liberdade Cristo nos libertou; permanecei, pois, firmes e não vos dobreis novamente a um jogo de escravidão.
2 Röhu ave jöhuremu here. Paul naro majëhiꞌiëꞌe. Aehu jemë sarerëmiromo uëvaruoho: Jew rajehu ëꞌaruëhi jemëꞌo ae uëvego jaburo jemesi sinoho tarivëhoꞌirarëjo ëhuro jemë God-are nunire mae riravoꞌirarije ëhi uëvaruoho nadi ejëhore. Ejëhëꞌoho jemë bogo Keriso gemu mae uehorovoꞌi Jew rajo jabesi muohuꞌo uehorovoꞌaruje ëhuro God-are nunire mae riravoꞌirarijëro. Jemëhu ëhi uehorovëꞌoho Kerisoro diehi ajëmiꞌëꞌe God-are nunire mae riravoꞌirarijego. Bogo ajëmiꞌëꞌe.
2 Eis que eu, Paulo, vos digo que, se vos deixardes circuncidar, Cristo de nada vos aproveitará.
3 Röhu ave jö röhu maho majëhiꞌiëꞌajoho jemesi ëhuremu here. Ae rahu Jew rajo jögoru eromo uëvëꞌoho: Nosi sinoho tarivahuohego no God-are nunire mae riravoꞌirarë uëvëꞌoho Jew rajo jögoru vituohuꞌo ahoꞌobëhe e barëꞌiröhoho ëhi jiëꞌe iꞌuꞌe muoho baeruomoꞌëꞌe.
3 E de novo testifico a todo homem que se deixa circuncidar, que está obrigado a guardar toda a lei.
4 O jemë ae göëro Jew rajo jögoru hesi ijore ijore jijiharujeje ëhuro God-are nunire mae riravoꞌirarijëro. Ëhi ëꞌarujohuro ëhuro Keriso boremiꞌöjëꞌe jëve. Keriso boremiꞌöromo ëhuro God-hu huë baeromo jemë ajëmiꞌiröhe mu öroho tugohëꞌe jëve.
4 Separados estais de Cristo, vós os que vos justificais pela lei; da graça decaístes.
5 Aꞌi no God-are Aruꞌahohuro ajamuijëꞌëro ëhuro Keriso mae uehorovoromo uvarueje: O mabëhe höjo. Uꞌemu God-are nunire mae riravoꞌejarëromo ëhuni huë mae raromoromo muebejö ëhi javuoröhego.
5 Nós, entretanto, pelo Espírito aguardamos a esperança da justiça que provém da fé.
6 No Iesu Kerisoꞌo gemuore javuëꞌiroho Jew rajehu ëꞌaruëhi nosi sino tarivahuëꞌoho o bogo tarivahuëꞌoho iae hesije. Keriso mae uehorovoromo a huë baejëvëꞌoho ëhemu börömohoje.
6 Porque em Cristo Jesus nem a circuncisão nem a incircuncisão vale coisa alguma; mas sim a fé que opera pelo amor.
7 Urimoho jemë mu mabëhe vaebe rovarijeje. Röhu God-are jö ma ejahobe rovarijoho raro ahëvamu vuonugarijeje.
7 Corríeis bem; quem vos impediu de obedecer à verdade?
8 Bogo God-hu dinëmijadeje jemëro Keriso-are jöho vuonugojöro ë hesi bëhoho huro jemë hesinö rinëgajëro jiëꞌëro.
8 Esta persuasão não vem daquele que vos chama.
9 Aëro ave uhu jöho atoromo uvoruomajeje: Dë huaje osoho ma-bisemu jioromo rumorovoromo ioho börömo mae dë huaje höjo. Ëhesi bëhoho mu sisëro rumorovoromo börömorijajeje. Sareri jö röjëhijarue aribövioho nadi ejëhore. Jabesi jö sisëhuro jemë rumorovëvoꞌëꞌe.
9 Um pouco de fermento leveda a massa toda.
10 Ëhi jie röhu jemëꞌo naꞌo Badare gemuore javuëꞌego naro jemesi örire mae uehorovoromo uvajeje: Jemë jö maho bogo vuonugoromo jö göho uehorovoꞌarujëjo. O jö göho naro uvajeje: Jemesi simano ijumëhaje aho nani a böröme o nani a biseꞌe höjo. Iae hesi höjo. Röhu ë ahuro God-are iꞌuoho iae baeꞌaꞌajëjo. Na ëhi uehorove.
10 Confio de vós, no Senhor, que de outro modo não haveis de pensar; mas aquele que vos perturba, seja quem for, sofrerá a condenação.
11 Nasi ö muenoꞌe naro urimo ae uënövodeje: Jemë God-are nunire mae riravoꞌiëꞌiroho Jew rajo nosi jögoroho eromo jemesi sinoho tarivorëjo. Sino tarivëꞌoho ëhuro God-are nunire mae riravoꞌarujëjo. Ëhi jiëꞌe jö majëhinövodoho vuonugëꞌe jeve. Röhu aëro sareriꞌe atoromo uvarueje: Nörö ë jöho bogo vuonugëꞌe höjo. Röhu ëhi jiëꞌe jöho majëhiꞌibejo aho nasi öriroho bogo bijönimoruomoꞌibejo. Aꞌi Jew rajo jögoru ejahoꞌiröhe jöho na bogo majëhijajeje. Ëhuni aëro Kerisohu korosire guomade jö naehu majëhijajoho bijönimoruomajeje.
11 Eu, porém, irmãos, se é que prego ainda a circuncisão, por que ainda sou perseguido? Nesse caso o escândalo da cruz estaria aniquilado.
12 O jemesi simano huotovëharue aribövioho sareri aribövie jioruome. Jabumë sino tarivoꞌi nimëꞌoho rabëni sinoho bogo tarivo barë naho nahovoromo ruruhöꞌöjarueje.
12 Oxalá se mutilassem aqueles que vos andam inquietando.
13 Nasi ö muenoꞌe God-hu hesinö rinëgade hesi bëhoho jemëro bogo Jew rajo mu vaeröhe jö hesi darugoroho raromoꞌi aꞌi mae raromoꞌirarijego. Ëhi jie röhu nadi uvore: Ëmu vaeröhe jö hesi darugoroho bogo raromoꞌi mae raromaruëromo jemesi sinehu nimaje mu sisëho vaeꞌi aꞌi göëro göho huë baerovoromo muoho ajamirovore.
13 Porque vós, irmãos, fostes chamados à liberdade. Mas não useis da liberdade para dar ocasião à carne, antes pelo amor servi-vos uns aos outros.
14 God-hu Jew rajo bojamuijade jögoru hesi bëhoho ma-gemuje. Jaehu jasi arijoꞌarije rajahirovanuëhi jasi ae gemuoho ëhi rajahinëjo.
14 Pois toda a lei se cumpre numa só palavra, a saber: Amarás ao teu próximo como a ti mesmo.
15 Röhu jemë mahehu öehu muorovanovoromo hutitimobe jijihëꞌoho gavëꞌi ëhi jiëꞌoho ëꞌore. Ëhuro ijumorovo barëꞌaruje.
15 Se vós, porém, vos mordeis e devorais uns aos outros, vede não vos consumais uns aos outros.
16 Aꞌi ave jöho na uëve. Uaꞌi arirego God-are Aruꞌahohuro jemesi dë vövöbajoꞌoho huotovëhoꞌiro maro raromo jijihonövoꞌirarije. Ëhi ëꞌëꞌoho jemesi sinehu nimaje mu sisëho bogo enövoꞌaruje.
16 Digo, porém: Andai pelo Espírito, e não haveis de cumprir a cobiça da carne.
17 Sinehu nimajohuro God-are Aruꞌahehu nimajoho nijioꞌiraeꞌi God-are Aruꞌahehu nimajohuro sinehu nimajoho nijioꞌiraejajeje. Ëmu niöꞌiohuro ëhi umogihorovajeje. Ëhuꞌëro jiëꞌëro jemë mu rabe vaeꞌi nëgëꞌoho bogo eni jëve.
17 Porque a carne luta contra o Espírito, e o Espírito contra a carne; e estes se opõem um ao outro, para que não façais o que quereis.
18 Röhu God-are Aruꞌaho hesi ijore ijore jijiharujoho ëhuro bogo uvoꞌaꞌaruje: Nosi biriroho baeromo mu vaeröhe jögoroho ejahoromo ëhuro God-are nunire mae riravoꞌejarëromo ë jögoroho bogo uehorovoꞌanue.
18 Mas, se sois guiados pelo Espírito, não estais debaixo da lei.
19 Röhu sinehu nimaje mu sisëho diehi jioꞌamajoho iae vaꞌorahoro jie. Ëhi jiëꞌe mu vaejëꞌiroho öëro jijihanovarueje. Vaꞌinumiꞌe muoho vaejarueje. Biririꞌövoromo bövie biseꞌe ëma ëꞌarueje.
19 Ora, as obras da carne são manifestas, as quais são: a prostituição, a impureza, a lascívia,
20 Aehu avohare inömo sisëho masije höromo uvene aho röjahijarueje. Iro osoꞌe vaejarueje. Nue huodamirovarueje. Muorovarueje. Ae gö jabesi mu mahuni dë vörönimarueje. Vöröꞌiraejarueje. Ae gö iosiramiꞌiröhohuremu uehorovarueje. Bogo agane gemuoho vaerovoꞌi adovorovoromo uehore gö gö baejarueje.
20 a idolatria, a feitiçaria, as inimizades, as contendas, os ciúmes, as iras, as facções, as dissensões, os partidos,
21 Ae gö jabesi böviëni biseꞌëni ganiganimarueje. Jove iromo simane huotorovarueje. Jove iromo simane sisërëromo bövie biseꞌe ëꞌarueje. Ëhi jiëꞌe mue gö gö ëꞌarueje. Naehu uëvodëhi röhu maho uëꞌejo: Ëhi jiëꞌe mu vaejëꞌoho God-hu muebejaje öri ariꞌeroho bogo vaꞌoromo maroho raromoruomoꞌajëjo. Sinehu nimaje mu sisë hesi bëhoho ëhije.
21 as invejas, as bebedices, as orgias, e coisas semelhantes a estas, contra as quais vos previno, como já antes vos preveni, que os que tais coisas praticam não herdarão o reino de Deus.
22 Aꞌi God-are Aruꞌahehu dë vövöbajoꞌo riꞌöjëhëꞌohuro ëhuro ae gö uehorovëvarueje. Nimoroharueje. Huë mae raromarueje. Ma-taemorovoromo sisëho uehorovoromo vuonugarueje. Huë baeromo ajëmijarueje. Mu mae vaejarueje. Biririvarueje.
22 Mas o fruto do Espírito é: o amor, o gozo, a paz, a longanimidade, a benignidade, a bondade, a fidelidade.
23 Bogo döroho bamorovoꞌi ma-avoho raromarueje. Taemo raromarueje. Ëhi jiëꞌe muoho mu vaeröhe jögorohuro bogo ahajeje.
23 a mansidão, o domínio próprio; contra estas coisas não há lei.
24 Ae rahu Iesu Keriso-are aribövi javuëꞌoho Kerisohu korosire ijumorovadëhi ëhi nosi uehoro sisëho o nosi sinehu bövi biseꞌo nimajoho ëho no ioroꞌioremu ijumëꞌe javue.
24 E os que são de Cristo Jesus crucificaram a carne com as suas paixões e concupiscências.
25 God-are Aruꞌahohuro gemuëro darugoho bojamuijëꞌëro ëhuꞌëro maro raromarueje. Ëhuni hesi Aruꞌahehu diehi jiëꞌe mu nimëꞌoho ëhuremu vaebe jijihonövoꞌejo.
25 Se vivemos pelo Espírito, andemos também pelo Espírito.
26 No bogo nosi sivuoho uehorovoromo döroho bamorovoromo bogo riꞌöromo göëro gö hesi dëho iahoromo jö göho göho atoꞌejo. O ae gö hesi mu maho garomo bogo dëho vörönimoꞌejo.
26 Não nos tornemos vangloriosos, provocando-nos uns aos outros, invejando-nos uns aos outros.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Gálatas 5, comparar traduções ou montar um estudo — tudo direto pelo WhatsApp.