2 Tessalonicenses 3
Nyɩhyɛ Fʋfɔlɛʼn (ANY) vs NAA
1 Yɩ́ bɛ-yue-asɩɛ, anianman-mɔ, ɛmɔ sɛ́lɛ Nyanmɩan bɛ mán yɛ́ maan yɛ́ Mɩn Anʋan Ɛjɔlɛ'n bɔ́ sánndɩ ndɛ-ndɛ, menian'n-mɔ lé lí, bɛ wúla yɩ́ anunminnyanmʋn kɛ bɛ wulalɩ yɩ́ wɔ ɛmɔ afian ɛlɔ'n.
1 Finalmente, irmãos, orem por nós, para que a palavra do Senhor se propague e seja glorificada, como aconteceu entre vocês.
2 Ɛsɛ ɛmɔ sɛ́lɛ Nyanmɩan bɛ mán ɔ lé yɛ́ fi menian ɛtɛfʋɛ'n-mɔ nʋn ati anun ɛtɛ'n-mɔ asa nun. Ɔ sanlɩn kɛ nán menian'n-mɔ kʋalaa yɛ̂ bɛ de Ɛjɔlɛkpa'n bɛ di ɔ.
2 Orem também para que sejamos livres das pessoas perversas e más; porque a fé não é de todos.
3 Nan kʋsʋ yɛ́ Mɩn tɩ ananhɔlɛfʋɛ. Ɔ 'wowula ɛmɔ anwʋnsɛlɛ, ɛsɛ ɔ 'sisa ɛmɔ wɔ Abɔnsanmʋn anwʋn.
3 Mas o Senhor é fiel. Ele os fortalecerá e os guardará do Maligno.
4 Yɛ́ Mɩn dunman nun, yɛ de ɛmɔ yɛ di. Ɔ man yɛ nwun yɩ́ fɔ́ʋ́n kɛ ɛmɔ lɛ yɔ, ɛsɛ ɛmɔ 'ba yɔ ninnge'n-mɔ mɔ y'a hele ɛmɔ kɛ ɛmɔ yɔ́'n.
4 Temos confiança no Senhor quanto a vocês, de que não só estão praticando as coisas que lhes ordenamos, como também continuarão a fazê-las.
5 Yɛ́ Mɩn bʋ́ka ɛmɔ maan Nyanmɩan ehulo'n tánlan ɛmɔ ahʋnlɩn'n-mɔ anun yɛ̂ yalɛ'n mɔ ɛmɔ lɛ nwun yɩ́'n, ɔ mán ɛmɔ sí abʋtalɛ kɛ Kilisi sili abʋtalɛ'n.
5 Que o Senhor conduza o coração de vocês ao amor de Deus e à perseverança de Cristo.
6 Anianman-mɔ, yɛ lɛ kɛlɛ ɛmɔ wɔ yɛ́ Mɩn Zozi Kilisi dunman nun kɛ nán man ɛmɔ nʋn anianman'n-mɔ mɔ bɛ lɛ yɔ ɛfʋan'n, mɔ ɛsɛ bɛ nnanndɩ man ngehele'n mɔ yɛ falɩ yɛ manlɩn ɛmɔ nɩn asʋ'n bie fɩ́ɩ́ tu nun.
6 Irmãos, em nome do nosso Senhor Jesus Cristo, ordenamos a vocês que se afastem de todo irmão que vive de forma desordenada e não segundo a tradição que vocês receberam de nós.
7 Like mɔ ɛmɔ yɔ a, ɔ nʋn yɛ́ dɩɛ'n tɩ kʋn'n, ɛmɔ sɩ. Ɔ sanlɩn kɛ mɛlɛ mɔ anɩn yɛ wɔ ɛmɔ anwʋn ɛlɔ'n, y'a ngaci man ɛfʋanfʋɛ.
7 Porque vocês mesmos sabem como devem nos imitar, visto que nunca vivemos de forma desordenada quando estivemos entre vocês,
8 Y'a mman man sʋanlan fɩ́ɩ́ a ngua man yɛ́ nʋan alɩɛ mgban. Nan ɛfɛ nʋn yalɛ nɩn anun, yɛ lili junman sɛlɛ kpa kɔngɔɛ nʋn eyua, ɔ man ɛmɔ anun bie fɩ́ɩ́ a mmɔ man yɛ́ nwʋn kalɛ.
8 nem jamais comemos pão à custa dos outros. Pelo contrário, trabalhamos com esforço e fadiga, de noite e de dia, a fim de não sermos pesados a nenhum de vocês.
9 Yɛ yɔlɩ yɩ́ sɔ, nán kɛ bie a, yɛ le man atɩn kɛ yɛ sɔ ninnge'n mɔ ɛmɔ 'fa bɛ bʋka yɛ́ nɩn anun ɔ. Nan yɛ́ nwan yɛ 'yɔ yɩ́ sɔ maan ɛmɔ nɩan sʋ bɛ yɔ bie.
9 Não que não tivéssemos o direito de receber algo, mas porque tínhamos em vista apresentar a nós mesmos como exemplo, para que vocês nos imitassem.
10 Mɛlɛ mɔ anɩn yɛ wɔ ɛmɔ anwʋn ɛlɔ'n, yɛ hanlɩn yɛ helelɩ ɛmɔ kɛ: “Sʋanlan m'ɔ ngulo man kɛ ɔ di junman'n, ɔ le man atɩn kʋsʋ kɛ ɔ di like ɔ”.
10 Porque, quando ainda estávamos com vocês, ordenamos isto: “Se alguém não quer trabalhar, também não coma.”
11 Yɛ lɛ kan sɔ yɛ kele ɛmɔ, afɩ y'a tɩ kɛ ɛmɔ afian ɛlɔ, mmie-mɔ a kaci ɛfʋanfʋɛ, bɛ nni man junman fɩ́ɩ́, nan menian ɛjɔlɛ nun cenjin elie yɛ̂ ɔ cian bɛ́ ɔ.
11 Pois, de fato, ouvimos que há entre vocês algumas pessoas que vivem de forma desordenada. Não trabalham, mas se intrometem na vida dos outros.
12 Bɛ́ sɔ menian'n-mɔ, yɛ́ Mɩn Zozi Kilisi dunman nun, yɛ 'bʋtʋ bɛ́ yɛ kan yɛ kele bɛ́ kɛ bɛ lí junman wɔ anzʋnunjɔ nun alɩhɩan biala bɛ nɩ́an bɛ́ nwʋn.
12 A essas pessoas determinamos e exortamos, no Senhor Jesus Cristo, que, trabalhando tranquilamente, comam o seu próprio pão.
13 M'ɔ tʋ de ɛmɔ'n, anianman-mɔ, nán man ɛmɔ anwʋn bubu bɛ́ wɔ ye ɛyɔlɛ nɩn anwʋn.
13 Quanto a vocês, irmãos, não se cansem de fazer o bem.
14 Sʋanlan mɔ yɩ́ nyɩn a nzɔ man ngehele'n mɔ y'a hele wɔ kalata ɛhɩ anun'n, ɛmɔ hɛ́lɛ yɩ́ dunman bɛ síe, ɛsɛ nán man ɛmɔ nʋn yɩ́ tu nun, bɛ mán nyian hún yɩ́.
14 Caso alguém não obedeça à nossa palavra dada por esta carta, vejam de quem se trata e não se associem com ele, para que fique envergonhado.
15 Nan kʋsʋ, nán man ɛmɔ bu yɩ́ kɛ kpɔfʋɛ, nan ɛmɔ kánnzʋ yɩ́. Ɔ sanlɩn kɛ ɔ tɩ ɛmɔ anianman.
15 Contudo, não o tratem como inimigo, mas admoestem-no como irmão.
16 Yɛ́ Mɩn muonun m'ɔ man alʋacɩcɩɛ'n, ɔ sɩ́n atɩn biala asʋ ɔ mán ɛmɔ tánlan wɔ alʋacɩcɩɛ nun cɩan daa. Yɛ́ Mɩn nʋn ɛmɔ kʋalaa tánlan.
16 Que o Senhor da paz, ele mesmo, dê a vocês a paz, sempre e de todas as maneiras. O Senhor esteja com todos vocês.
17 Ahɩn'n mɔ mɩɩn bisa ɛmɔ'n, mɩ́n muonun, mɩ́n Pɔlʋ, n ne mɩ́n sa yɛ̂ m'an hɛlɛ ɔ. Kɛ mɩn sannyɩn mɩ́n kalata'n-mɔ kʋalaa nɩn anɩn, kɛ mɩn kpɩn mɩn kɛlɛ yɩ́ nɩn anɩn.
17 A saudação é de próprio punho: Paulo. Este é o sinal em cada carta; é assim que eu assino.
18 Yɛ́ Mɩn Zozi Kilisi nwún ɛmɔ kʋalaa anwʋn anwunnvoe.
18 A graça de nosso Senhor Jesus Cristo esteja com todos vocês.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Tessalonicenses 3, comparar traduções ou montar um estudo — tudo direto pelo WhatsApp.