1 ܩܵܡܘܿܕܝܼ، ܝܵܐ ܐܲܠܵܗܵܐ، ܩܵܡ ܡܲܚܦܸܠܸܬ ܠܲܢ ܠܥܵܠܲܡ؟
2 ܕܟ݂ܘܿܪ ܠܟܢܘܼܫܝܘܼܟ݂ ܕܙܒ݂ܝܼܢܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ،
3 ܡܲܦܬܸܠܔ ܦܵܣܘܿܥܝܵܬܘܼ̈ܟ݂ ܠܓܹܒܵܐ ܕܚܵܪ̈ܵܒܹܐ ܕܥܵܠܲܡ،
4 ܓܘܼܪܓܸܡ ܠܗܘܿܢ ܕܸܫ̃ܡܸܢܘܼ̈ܟ݂ ܒܓܵܘܵܐ ܕܓ̰ܵܡܵܥܲܬܘܼܟ݂،
5 ܗܘܝܼܹܐ ܝܗܘܵܘ ܐܲܝܟ݂ ܡܵܚܝܵܢܵܐ ܕܢܲܪ̈ܥܹܐ
6 ܘܐܵܕܝܼܵܐ، ܢܩܵܪ̈ܝܵܬܘܼܗܝ ܟܠܵܝܗܝ ܡܸܚܕܵܕܹ̈ܐ،
7 ܕܪܹܐ ܠܗܘܿܢ ܒܢܘܼܪܵܐ ܡܲܩܕܫܘܼܟ݂،
8 ܐܡܝܼܪܗܘܿܢ ܒܠܸܒܵܝܗܝ: ”ܙܵܠܡܲܚ ܠܟܠܵܝܗܝ.“
9 ܢܝܼܫܲܢܩܹ̈ܐ ܐܸܠܲܢ ܠܹܐ ܝܘܲܚ ܒܸܚܙܵܝܵܐ،
10 ܗܲܠܔ ܐܝܼܡܲܢ، ܝܵܐ ܐܲܠܵܗܵܐ، ܒܸܬ ܠܵܐܹܡ ܡܲܠܝܸܨܵܢܵܐ؟
11 ܩܵܡܘܿܕܝܼ ܡܲܕܘܼܪܹܐ ܝܘܸܬ ܐܝܼܕܘܼܟ݂ ܘܝܲܡܝܼܢܘܼܟ݂؟
12 ܘܐܲܠܵܗܵܐ ܡܲܠܟܝܼ ܝܠܹܗ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ،
13 ܐܲܢ݇ܬ ܒܥܘܼܫܢܘܼܟ݂ ܟ̰ܠܝܼܦܵܐ ܠܘܼܟ݂ ܝܵܡܵܐ،
14 ܐܲܢ݇ܬ ܛܒ݂ܝܼܚ ܠܘܼܟ݂ ܪܹ̈ܝܫܵܢܹܐ ܕܠܹܘܝܵܬܵܢ،
15 ܐܲܢ݇ܬ ܡܘܼܦܩܸܥ ܠܘܼܟ݂ ܥܲܝܢܵܬܹ̈ܐ ܘܢܲܚܠܹ̈ܐ،
16 ܕܝܼܘܼܟ݂ ܝܠܹܗ ܝܵܘܡܵܐ، ܐܘܼܦ ܕܝܼܘܼܟ݂ ܝܠܹܗ ܠܲܝܠܹܐ،
17 ܐܲܢ݇ܬ ܡܘܼܬܸܒ݂ ܠܘܼܟ݂ ܟܠܵܝܗܝ ܬܚܘܼܡܹ̈ܐ ܕܐܲܪܥܵܐ،
18 ܕܟ݂ܘܿܪ ܐܵܗܵܐ، ܕܵܐܟ݂ܝܼ ܠܝܼܡ ܠܹܗ ܕܸܫ̃ܡܸܢ، ܝܵܐ ܡܵܪܝܵܐ،
19 ܠܵܐ ܝܵܗܒܹܬ ܓܵܢܵܐ ܕܓܘܼܪܓܘܼܡܘܼܟ݂ ܠܚܲܝܘܬܵܐ،
20 ܚܘܼܪ ܠܘܲܥܕܵܐ،
21 ܠܵܐ ܕܵܐܹܪ ܡܘܼܠܝܸܨܵܐ ܟܲܕ ܢܟ݂ܝܼܦܵܐ،
22 ܩܘܼܡ، ܝܵܐ ܐܲܠܵܗܵܐ، ܥܒ݂ܘܿܕ ܕܝܼܘܵܢܘܼܟ݂،
23 ܠܵܐ ܡܲܢܫܹܝܬ ܩܵܠܵܐ ܕܕܸܫ̃ܡܸܢܘܼ̈ܟ݂،