1 Benne' ẕnna bi'e ẕžebe' yeḻa' wak chio', X̱anto' Dios,
2 Benno' chie' da' wdán ḻaže'e
3 Wẕí' ḻo no'o ḻe', na' ben chawo'o ḻe'.
4 Wnnable' Le' gonno' chie' yeḻa' nban,
5 Ẕenḻe'e nak yeḻa' ẕen chie' dan' besló' ḻe'.
6 Dan' ben chawo'o ḻe' to chi'ize,
7 Dan' bennen' ẕnna bi'e žx̱en ḻaže'e X̱anžon',
8 Wzetjo' yógo'te benne' ka' bi ẕḻé'egekle' Le' chawe'.
9 Gak chegak benne' ka' ka wnnito'o ḻégake' ḻo yi'
10 Yógo'te da' béngake' ḻo yežlyó nga wchinnjo',
11 dan' wyáz ḻáže'gake' góngake' da' bi naken chawe' ḻawo' Le'.
12 Bkwezo' yag ntóche'do' chio' ka' nich goto' ḻégake'.
13 ¡Ga'n ẕen Le', X̱anto' Dios, ḻo yeḻa' waḻe chio'!