1 ¡Le wká'n ẕen X̱anžo Dios!
2 X̱anžo Dios yeyone' yež Jerusalén.
3 Žeyone' benne' ka' nyache' ḻáže'gake',
4 Nnézkzele' baḻ belj ka' nníta'gaken.
5 Ẕente nak X̱anžo Dios, na' nape' dot yeḻa' wak.
6 X̱anžo Dios žákḻene' benne' gax̱jw ḻaže' ka',
7 ¡Le goḻ da' wká'n ẕenle X̱anžo Dios!
8 Ḻe' ẕnnite'e bejw ka' ẕan ya'abá.
9 Ḻe' ẕneẕjwe' da' žawgak bia yix̱e' ka'.
10 Da' žaz ḻaže'e bi naken yeḻa' waḻe chegak bžina' ka',
11 san žaz ḻaže'e benne' ka' ẕžébegake' Ḻe',
12 ¡Le wká'n ẕen X̱anžo Dios, ḻe'e zoale yež Jerusalén!
13 Ḻe' ẕzoa choche' ze'e da' žape chi'in yež chele.
14 Ẕzoe' yeḻa' ẕga'n chawe' ḻo yežlyó chele.
15 Žseḻe'e x̱tiže'e chegak benách yežlyó ka',
16 Ẕwakwe' yežlyó ḻen bege' da' naken ka ẕila'.
17 Žone' ga žex̱jw yej nis ka yejdo' ka'.
18 Ẕnnie', na' žeyaken nis.
19 Bzejni'ile' Jakob ka nak x̱tiže'e,
20 Bi na' gone' ki che nitó yež yezika',