Gálatas 2
Dižaʼ güen c̱he ancho Jesucristo (ZPQNT) vs ARIB
1 Na' gocch žta' iz gwya'a Jerusalénṉa' nach da' yoble gwya'a len Bernabén', na' ḻecze gwc̱hi'a Titon'.
1 Depois, passados catorze anos, subi outra vez a Jerusalém com Barnabé, levando também comigo a Tito.
2 Diosen' bzejni'ide' neda' cheyaḻa' ša'a, na' da'nan' gwya'a. Na' btoba' beṉe' ca' zjanaque' blao len beṉe' ca' chesonxen Criston' Jerusalénṉa' na' ḻegacze' bzejni'ida' bin' chyix̱jue'eda' len beṉe' ca' bi zjanaque' beṉe' Israel cate' choe'lena' ḻegaque' diža' güen c̱he Criston'. Bzejni'ida' ḻegaque' bin' chsed chlo'eda', ḻe goclaža' yeseṉezde' cont bi yesene' bibi zaca' dan' chona' na' da' ba bena'.
2 E subi devido a uma revelação, e lhes expus o evangelho que prego entre os gentios, mas em particular aos que eram de destaque, para que de algum modo não estivesse correndo ou não tivesse corrido em vão.
3 Ca' goquen' bitw chole gosone' byen soa beṉe' ḻježa' Titon' señw dan' nzi' circuncisión ḻa'czḻa' bi naque' beṉe' Israel.
3 Mas nem mesmo Tito, que estava comigo, embora sendo grego, foi constrangido a circuncidar-se;
4 Goc ca' ḻa'czḻa' gwnita' baḻ beṉe' gosaque' txen len beṉe' ḻježcho ca' Jerusalénṉa' ca hora', beṉe' gague do laže' gosejnilaže' Criston', con bedeseṉe'e še na'oto' costumbr ca' zjanyoj ḻe'e ley c̱he neto' beṉe' Israel. Ḻegaque' gosaclaže' yesone' byen ga'oto' costumbr ca', ḻa'czḻa' ṉezecho chebe Diosen' chio' dan' chejnilaže'cho Criston', gague dan' choncho can' ža leyna'.
4 e isto por causa dos falsos irmãos intrusos, os quais furtivamente entraram a espiar a nossa liberdade, que temos em Cristo Jesus, para nos escravizar;
5 Perw neto' ṉe late'ze bi bzenagto' c̱he ḻegaque', ḻe goclaže'to' bi gata' da' gwžon gwzenaguechle diža' güen c̱he Criston' da' naquen da' ḻi.
5 aos quais nem ainda por uma hora cedemos em sujeição, para que a verdade do evangelho permanecesse entre vós.
6 Na' ca nac beṉe' ca' gosac beṉe' blao len beṉe' ca' chesejnilaže' Criston' Jerusalénṉa', bitw gosazlaže' gwša'a can' chsed chlo'eda' c̱he Criston'. (Žia' ca' ḻa'czḻa' bitw bi nonen len neda' še gosaque' beṉe' blao o še bi gosaque', ḻe len Diosen' tozcze can' zjazaca' yogo'ḻoḻ beṉe'.)
6 Ora, daqueles que pareciam ser alguma coisa {quais outrora tenham sido, nada me importa; Deus não aceita a aparência do homem}, esses, digo, que pareciam ser alguma coisa, nada me acrescentaram;
7 Gosacbe'ede' Diosen' ngüe'e ḻo na' chyix̱jue'eda' diža' güen c̱he Criston' len beṉe' ca' bi zjanaque' beṉe' Israel can' ngüe'en ḻo na' Pedron' chyix̱jue'eden' len beṉe' Israel gualaž c̱heto' ca'.
7 antes, pelo contrário, quando viram que o evangelho da incircuncisão me fora confiado, como a Pedro o da circuncisão
8 Ḻe Diosen' ben' chaclene' Pedron' len yeḻa' guac c̱hen' cont chyix̱jue'ede' xtiža' Criston' len beṉe' Israel gualaž c̱heto', ḻeczen' chaclene' neda' len yeḻa' guac c̱hen' cont chyix̱jue'eda' xtiža' Criston' len beṉe' bi zjanaque' beṉe' Israel.
8 {porque aquele que operou a favor de Pedro para o apostolado da circuncisão, operou também a meu favor para com os gentios},
9 Can' goquen', Jacobon' len Pedron' len Juanṉa', beṉe' zjanacch blao len beṉe' ca' chesejnilaže' Criston' Jerusalénṉa', cate' ḻegaque' gosacbe'ede' can' chaclen Diosen' neda' chona' xšinen', nach gosox̱e' taca' len taca' Bernabén' cont bosolo'e zjanaque' txen len neto' na' gosazlaže' can' chonto'. Ḻe gosacde' güencze gonto' xšin Diosen' len beṉe' ca' bi zjanac beṉe' Israel na' ḻegaque' yesonen' len beṉe' Israel gualaž c̱heto' ca'.
9 e quando conheceram a graça que me fora dada, Tiago, Cefas e João, que pareciam ser as colunas, deram a mim e a Barnabé as destras de comunhão, para que nós fôssemos aos gentios, e eles à circuncisão;
10 Toze dan' gose'e neto' gonto', gaclento' beṉe' yaše' ca'. Na' da' ḻicze chi'chgua yic̱hja' chona' ca'.
10 recomendando-nos somente que nos lembrássemos dos pobres; o que também procurei fazer com diligência.
11 Na' gwdechle gwya'a gan' nzi' Antioquía. Na' šlac zoa' na' bid Pedron', na' gwdiḻa'ne' can' chone', ḻe bla'alaon chone' da' mal.
11 Quando, porém, Cefas veio a Antioquia, resisti-lhe na cara, porque era repreensível.
12 Cate' za' bžine' Antioquían', gwzolagüe' che'ej chagüe' txen len beṉe' ca' chesejnilaže' Criston' ḻa'czḻa' bi zjanaque' beṉe' Israel; perw gwdechna' cate' besežin beṉe' Jerusalén ben' gwseḻa' Jacobon', bich goclaže' ye'ej gagüe' txen len beṉe' ca' bi zjanaque' beṉe' Israel. Bžebe' še bi yesena beṉe' ca' cheson xbab note'teze beṉe' chejnilaže' Criston' cheyaḻa' soe' señw dan' že' circuncisión.
12 Pois antes de chegarem alguns da parte de Tiago, ele comia com os gentios; mas quando eles chegaram, se foi retirando e se apartava deles, temendo os que eram da circuncisão.
13 Nach yezica'chle beṉe' Israel ca' chesejnilaže' Criston' ḻecze besyebix̱e' bich gose'ej gosagüe' txen len beṉe' ca' bi zjanaque' beṉe' Israel, na' gosego'oyeḻe' Bernabén' cont lencze' bebix̱e'. Na' gosone' ca' cont yesebe beṉe' Jerusalén ca' ḻegaque', ḻa'czḻa' goseṉezde' bi naquen mal yese'ej yesagüe' txen len beṉe' ca' bi zjanaque' beṉe' Israel.
13 E os outros judeus também dissimularam com ele, de modo que até Barnabé se deixou levar pela sua dissimulação.
14 Gocbe'eda' bi chesone' can' cheyaḻa' gon chio' nombia'cho diža' ḻi c̱he Criston'. Na' da'nan' gwdiḻa' Pedron' lao yogo' beṉe' ca' chesedop chesežag chesonxene' Criston', goša'ne': “Le' naco' beṉe' Israel, perw ba gwlejyic̱hjo' costumbr c̱he chio' beṉe' Israel cont chono' txen len beṉe' ca' bi zjanaque' beṉe' Israel. Da'nan' bitw cheyaḻa' gono' byen yeson beṉe' ca' bi zjanaque' beṉe' Israel can' nac costumbr c̱he chio' beṉe' Israel.”
14 Mas, quando vi que não andavam retamente conforme a verdade do evangelho, disse a Cefas perante todos: Se tu, sendo judeu, vives como os gentios, e não como os judeus, como é que obrigas os gentios a viverem como judeus?
15 Neto' goljto' nacto' beṉe' Israel na' bitw goljto' ladjo beṉe' ca' cbi chesonxen Diosen'.
15 Nós, judeus por natureza e não pecadores dentre os gentios,
16 Perw ba ṉezeto' Diosen' bitw že' nacto' beṉe' güen len ḻe' ṉec̱he da' chonto' can' ža ley dan' bzoj da' Moisésen'. Con beṉe' chesejnilaže' Jesucriston' zjanaque' beṉe' güen len Diosen'. Da'nan' lencze neto' chejnilaže'to' Criston' cont Diosen' že' c̱heto' ba nacto' beṉe' güen lagüe'na'; že' ca' gague ṉec̱he dan' chonto' can' ža leyna'. Ḻe bi ṉacho zoa beṉe' nac beṉe' güen len Diosen' ṉec̱he chone' bi da' ža leyna'.
16 sabendo, contudo, que o homem não é justificado por obras da lei, mas sim, pela fé em Cristo Jesus, temos também crido em Cristo Jesus para sermos justificados pela fé em Cristo, e não por obras da lei; pois por obras da lei nenhuma carne será justificada.
17 Baḻ neto' beṉe' Israel ba chejnilaže'to' Criston' cont Diosen' none' neto' ca beṉe' güen. Da'nan' chacbe'eto' toz ca beṉe' güen da' xiṉj nacto' len beṉe' bi zjanac beṉe' Israel. Perw bi ṉacho Criston' chone' cont nacto' beṉe' mal. Ḻeca clelen' cheson beṉe' xbab še chesacde' ca'.
17 Mas se, procurando ser justificados em Cristo, fomos nós mesmos também achados pecadores, é porventura Cristo ministro do pecado? De modo nenhum.
18 Ṉezecho bi chyažjen ga'ocho costumbr c̱he da' x̱ozxta'o neto' beṉe' Israel cont gaccho beṉe' güen len Diosen'. Na' še ba gwlejyic̱hjcho costumbr ca' na' yezolaocho yeya'ochon da' yoble, gwlo'elaon naccho beṉe' güen da' xiṉj.
18 Porque, se torno a edificar aquilo que destruí, constituo-me a mim mesmo transgressor.
19 Ley dan' bzoj da' Moisés ba bzejni'in neda' bi naca' beṉe' güen len Diosen', ḻe bi chona' can' žanṉa'. Perw dan' bi gwzoen yeyonen neda' beṉe' güen len Diosen', da'nan' bich chonxenan', san yo'o yic̱hja' soacza' gwzenaga' c̱he Diosen'.
19 Pois eu pela lei morri para a lei, a fim de viver para Deus.
20 Criston' bnežjw cuine' gote' ṉec̱he xtoḻan', na' dan' chejnilaža'ne' da'nan' ba none' neda' ca to beṉe' guat len da' xiṉjen' cont bich gonan'. Na' bich zoa' to gualaza', san Criston' zoalene' neda'. Na' dan' chona' ṉa'a chonan' con can' ža' Xi'iṉ Diosen' ben' chejnilaža'. Ḻen' chacde' chio' na' bnežjw cuine' gote' ṉec̱he chio'.
20 Já estou crucificado com Cristo; e vivo, não mais eu, mas Cristo vive em mim; e a vida que agora vivo na carne, vivo-a na fé no filho de Deus, o qual me amou, e se entregou a si mesmo por mim.
21 Diosen' nži'ilaže'de' chio' na' da'nan' gwseḻe' Criston', perw chzoacho to šḻa'ale dan' bnežjw cuine' gote' še chaquecho naccho beṉe' güen len ḻe' ṉec̱he choncho dan' ža leyna', ḻe bitw byažjen bnežjw cuin Criston' ṉec̱he chio' šaca'.
21 Não faço nula a graça de Deus; porque, se a justiça vem mediante a lei, logo Cristo morreu em vão.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Gálatas 2, comparar traduções ou montar um estudo — tudo direto pelo WhatsApp.