Filipenses 4
Dižaʼ güen c̱he ancho Jesucristo (ZPQNT) vs NAA
1 Na' ṉa'a beṉe' migw, chacda' le'e na' che'nchgüeda' le'e ḻježcho da' yoble. Chbechgüeda' da' chejnilaže'le Criston', na' zoa' mbalaz ṉec̱he le'e. Le'e beṉe' chacda', ḻe soac̱hac̱h šejnilaže'le X̱ancho Jesucriston'.
1 Portanto, meus amados irmãos, de quem tenho muita saudade, vocês que são a minha alegria e coroa, sim, meus amados, permaneçam, deste modo, firmes no Senhor.
2 Na' chṉeyoeda' le' Evodia, na' ḻecze ca' le' Síntique, ḻe soašca binḻo na' ḻe gac txen tole yetole da' chejnilaže'le X̱anchon'.
2 Peço a Evódia e peço a Síntique que, no Senhor, tenham o mesmo modo de pensar.
3 Na' ca nac le' beṉe' ḻježa', len' beno' xšin Diosen' do yic̱hj do lažo' txen len neda' cana', na' chṉeyoeda' gacleno' no'ol quinga yesyenite' binḻo len ḻježe' da' yoble, ḻe ḻegaque' ba gosone' xšin Diosen' txen len neda' na' len Clemente na' len yezica'chle beṉe' ḻježcho ca', na' zjanyoj la yogo' beṉe' ca' ḻe'e libr c̱he Diosen' gan' zjanyoj la beṉe' ba zjanape' yeḻa' mban toḻi tocaṉe.
3 E peço também a você, fiel companheiro de jugo, que auxilie essas mulheres, pois juntas se esforçaram comigo no evangelho, juntamente com Clemente e com os demais cooperadores meus, cujos nomes se encontram no Livro da Vida.
4 Ḻe yebe yogo'te ža da' chejnilaže'le X̱ancho Jesucriston'. Da' yoble žia', ḻe yebe.
4 Alegrem-se sempre no Senhor; outra vez digo: alegrem-se!
5 Ḻe gon cont yogo'ḻoḻ beṉe' yeseṉezde' nacle beṉe' šagüe', ḻe ba zoa yid X̱anchon' da' yoble.
5 Que a moderação de vocês seja conhecida por todos. Perto está o Senhor.
6 Bi gacle tole bite'teze da' chac c̱hele, san ḻe yoḻ güiž Diosen', ṉable gaclene' le'e bite'teze da' chac, na' ḻe güe'e yeḻa' chox̱clen cate' bi da' ṉabelene'.
6 Não fiquem preocupados com coisa alguma, mas, em tudo, sejam conhecidos diante de Deus os pedidos de vocês, pela oração e pela súplica, com ações de graças.
7 Nachen' Diosen' gone' soa cuezle binḻo len xbab da' yo'o ḻo' yic̱hjlažda'olen' lagüe da' chejnilaže'le Cristo Jesúsen', cont bi gacle tole. Na' cate' ḻe' ba chone' cont zoa chbezcho binḻo len xbab c̱hechon', ṉeca gacbe'echo bixc̱hen' zoachguacho binḻo.
7 E a paz de Deus, que excede todo entendimento, guardará o coração e a mente de vocês em Cristo Jesus.
8 Na' da' ḻa'zelagüe dan' chaclaža' ṉeyoeda' le'e beṉe' migw, cue' yic̱hjle c̱he diža' ḻi, c̱he dan' nac da' zaque', c̱he dan' zej to ḻicha, c̱he dan' bibi da' mal nsa', c̱he dan' naquen binḻo, na' c̱he da' zaca' yebecho. Bite'teze da' naquen da' güenchgua na' bite'teze da' chazlaže' Diosen', ḻe cuec yic̱hjle c̱he dan' zjanac ca'.
8 Finalmente, irmãos, tudo o que é verdadeiro, tudo o que é respeitável, tudo o que é justo, tudo o que é puro, tudo o que é amável, tudo o que é de boa fama, se alguma virtude há e se algum louvor existe, seja isso o que ocupe o pensamento de vocês.
9 Da' ca' bzejni'ida' le'e, yogo' dan' benele gwnia' cate' bsed blo'eda' le'e can' cheyaḻa' gonḻe, na' da' ca' ba ble'ele chona' neda', da' ca' ḻe gon. Na' Dios ben' chon cont chzoa chbezcho binḻo len xbab da' yo'o ḻo' yic̱hjlažda'ochon' soacze' gaclene' le'e.
9 O que também aprenderam, receberam e ouviram de mim, e o que viram em mim, isso ponham em prática; e o Deus da paz estará com vocês.
10 Chbechgüeda' lao X̱ancho Cristo Jesúsen' da' ba chi' yic̱hjle chaclenḻe neda' da' yoble. Ṉezda' gwzoale chonḻe xbab c̱hia', perw bi beṉen gaclenḻe neda'.
10 Fiquei muito alegre no Senhor porque, agora, uma vez mais, renasceu o cuidado que vocês têm por mim. Na verdade, vocês já tinham esse cuidado antes, só que lhes faltava oportunidade.
11 Na' žia' da' qui gague ṉec̱he byažjda' da' ca' byažjda', ḻe Diosen' ba bzejni'ide' neda' cont zoa' mbalaz cate' de da' chyažjda' na' cate' bibi de.
11 Digo isto, não porque esteja necessitado, porque aprendi a viver contente em toda e qualquer situação.
12 Ba yolagua' yeḻa' yaše' yeḻa' zi', na' yolagua' yeḻa' šagüe'. Diosen' ba bzejni'ide' neda' cont zoa' mbalaz bite'teze chac c̱hia', cate' de da' che'ej chagua' na' cate' chbiḻ chdona', cate' de bichle da' chyažjda' na' cate' bibi de.
12 Sei o que é passar necessidade e sei também o que é ter em abundância; aprendi o segredo de toda e qualquer circunstância, tanto de estar alimentado como de ter fome, tanto de ter em abundância como de passar necessidade.
13 Chac chona' bite'teze da' cheyaḻa' gona', ḻe zoa Criston' len neda' chaclene'nda'.
13 Tudo posso naquele que me fortalece.
14 Perw benḻe güen gwseḻa'le da' goclenen neda' cont naccho txen len dan' chyi chzaca' nga.
14 No entanto, vocês fizeram bem, associando-se comigo nas aflições.
15 Na' le'e zoale Filipos, ṉezele caten' beyož gwyejḻe'le diža' güen c̱he Criston' dan' bia' len le'e, benḻe txen len neda' cate' beza' distritw Macedonian', gwseḻa'le da' byažjda', na' nono nochle beṉe' ca' chesedop chesežag chesonxene' Criston' yež yoble goson ca'.
15 E como vocês, filipenses, sabem muito bem, no início da pregação do evangelho, quando parti da Macedônia, nenhuma igreja se associou comigo nessa questão de dar e receber, exceto vocês, somente.
16 Ḻe cate' ṉe' zoa' Tesalónica gwseḻa'le da' byažjda' zan ṉi'a.
16 Porque até quando eu estava em Tessalônica, por mais de uma vez vocês mandaram o bastante para as minhas necessidades.
17 Perw gague chzelaža' bi da' goṉle neda', san chzelaža' soaczle gonḻe güen cont yebe Diosen' le'e.
17 Não que eu esteja pedindo ajuda, pois o que realmente me interessa é o fruto que aumente o crédito na conta de vocês.
18 Ba beṉle doxen da' cheyaḻa' goṉle na' da' zc̱ha'och ca'te' da' cheyaḻa' goṉle. Ba decze da' zc̱ha'o c̱hia' ṉa'a. Bibi chyažjda', ḻe ba beṉ Epafrodito da' gwseḻa'le c̱hia'. Na' da' gwseḻa'le zaca'leben ca to yal da' chḻa' zix̱ da' chzey bx̱ozen' lao Diosen', ḻe Diosen' chebede' can' benḻen'.
18 Recebi tudo e tenho até de sobra. Estou suprido, desde que Epafrodito me entregou o que vocês me mandaram, que é uma oferta de aroma agradável, um sacrifício que Deus aceita e que lhe agrada.
19 Na' Dios c̱hia' nan' goṉcze' yogo'te bi da' chyažjele lagüe chejnilaže'le Cristo Jesúsen', ḻe yogo' da' de yo'on ḻo ne'e.
19 E o meu Deus, segundo a sua riqueza em glória, há de suprir, em Cristo Jesus, tudo aquilo de que vocês precisam.
20 Cheyaḻa' gonxencho X̱ancho Diosen' toḻi tocaṉe. Can' gonšcaczcho.
20 A nosso Deus e Pai seja a glória para todo o sempre. Amém!
21 Ḻe gwguap tiox yogo'ḻoḻ beṉe' Filipos ca' yo'o ḻo na' Diosen' da' chesejnilaže' Jesucriston'. Beṉe' ḻježcho ca' nita' nga len neda' chguapto' le'e tiox.
21 Saúdem cada um dos santos em Cristo Jesus. Os irmãos que estão comigo mandam saudações.
22 Na' ḻecze yogo' beṉe' Roma quinga ba yo'o ḻo na' Diosen' chosoguape' le'e tiox, lente beṉe' ca' cheson žin c̱he rey ben' nac ḻa'zelagüe' beṉe' gwnabia' ben' chi' Roma.
22 Todos os santos mandam saudações, especialmente os da casa de César.
23 X̱ancho Jesucriston' soašque' gaclenšque' le'e len xbab da' yo'o ḻo' yic̱hjlažda'olen'. Da' na'zen' chzoja'.
23 A graça do Senhor Jesus Cristo esteja com o espírito de vocês.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Filipenses 4, comparar traduções ou montar um estudo — tudo direto pelo WhatsApp.