1 ¡Lu yöl-laʼ rudzeja queë́liʼ guliʼcapaʼ náʼaliʼ, bönachi yúguʼtë yödzö!
2 Ral-laʼ gunruʼ bal Xanruʼ Dios nayë́pisëtërëʼ.
3 Benëʼ ga bidéliʼruʼ yuguʼ lu bönachi izáʼa.
4 Gurö́ cazëʼ luyú ga ni nuzóëʼ rëʼu.
5 Len yöl-laʼ ba zxön ribenëʼ Dios ga röʼë rinná bëʼë.
6 ¡Guliʼgul-la yöl-laʼ ba queëʼ Dios! ¡Guliʼgul-la!
7 ¡Rinná bëʼë Dios idútë yödzölió ni!
8 ¡Zoa cazëʼ Dios lataj láʼayi queëʼ ga röʼë rinná bëʼë!
9 Tuʼdubi nupa taʼnná beʼe yuguʼ yödzö
10 ¡Nequi queëʼ Dios yöl-laʼ zxön quégaca yúguʼtë yödzö nacuáʼ yödzölió!