2 Coríntios 4

Testament cub coʼ nac diʼs ndac cheʼn Tad Jesucrist (ZAMNT) vs VC

VC Versão Católica

¹ Cona, ngue niin loo gu': Thidtene indyoo xà'de lezon loo zin' co' mxo'f Diox loon ndxè'. Tac por anze'f mblyat lezo' Diox gunèe Diox daa, mxo'f zin' Diox zin' ndxè' loon par nxo'f zin'en zin' ndxè' loo Diox.

¹ Por isso não desanimamos deste ministério que nos foi conferido por misericórdia.

² Part cón chenen, mblá'len ryethe con' co' xexte ndli mèn co' ncàb nthyon mèn chele' chol taamas mèn ñèe ngue tee lin con'a. Ne' ne' inquedìin chol mèn xal nac mod co' ndxác daa ndlin loo cón che'n Crist. Ne' ne' indlu'en loo mèn cón che'n di's co' ndub loo libr co' nac xti's Diox le' di'sa nac xà'le' di's no xà'guè' cuent co' ndlu' loo libr co' nac xti's Diox. Ndxe'leque', loo Diox ndlu'en ante con' co' nac con' lìcpe' co' ndub loo libr co' nac xti's Diox cón che'n Diox loo mèn. Tataa mod ta' mèn cuent no ten' mèn le'n lezo' mèn lìcque' nac con' co' ndlu'en loo mèn cón che'n Diox ned ngue tee'en.

² Afastamos de nós todo procedimento fingido e vergonhoso. Não andamos com astúcia, nem falsificamos a palavra de Deus. Pela manifestação da verdade nós nos recomendamos à consciência de todos os homens, diante de Deus.

³ Chele' di's co' nac cón che'n di's ndac co' nda' cuent no co' ndlu' cón che'n Crist, co' ndethen no co' ngon yalbàn loo mèn, indxaa'd ndacte yéc mèn no lezo' mèn, ndxàca tataa loo mèna tac nau' yéc no nau' loo mèn, mèn co' nzi tee huan loo Diox, mèn co' co' too Diox loo Diox yiloa.

³ Se o nosso Evangelho ainda estiver encoberto, está encoberto para aqueles que se perdem,

⁴ Per com le' mèna indxela'ste loo Crist, ¿lé'?, Mebizya co' nac xal thìb diox che'n mèn loo izlyo' ndxè' le'n ndxep tiemp co' nzi ban mèn loo izlyo' ndxè', Mebizya mtau' loo no mtau' yéc no mtau' Mebizya lezo' mèn co' ne'ndalte ngala's. Tataa mod mbli Mebizya par ne'tyubte xnìi yéc mèn no par ne'tyubte xnìi lezo' mèn loo cón che'n Diox par ne'gònte mèna no ne'ta'de mèna cuent cón che'n di's ndac co' nac xal xnìi co' ntenìi yéc mèn no co' ntenìi lezo' mèn loo cón che'n Diox par non mèn no ta' mèn cuent cón che'n con' roo con' xèn che'n Crist co' nac xalque' nac Diox, Diox co' indxú'de loo mèn.

⁴ para os incrédulos, cujas inteligências o deus deste mundo obcecou a tal ponto que não percebem a luz do Evangelho, onde resplandece a glória de Cristo, que é a imagem de Deus.

⁵ Co'se' ngo nu' yalbàn, ingode nu' yalbàn cón che'n nu'. Ndxe'leque', ngo nu' yalbàn cón che'npe' Crist Jesús le' Crist Jesús nac Tad co' ñibe' loo ryethe con'. Le' cón che'n nu' na, nac nu' xal thìb moz loo gu' tac nu' nac moz che'n Jesús co' anze'f nque' lezo' Jesús ñèe Jesús.

⁵ De fato, não nos pregamos, a nós mesmos, mas a Jesus Cristo, o Senhor. Quanto a nós, consideramo-nos servos vossos por amor de Jesus.

⁶ Co'se' mblec Diox izlyo' no co'se' mxèn' Diox izlyo', Diox mnibe': Yo xnìi co' tenìi loo yal'cuau loo izlyo'. No, chàa, ngòca. Tataa ndxàca loo na' nalle', ne. Leque yub Diox nac xa' co' mbli par mdyub xnìi yéc na'. No mbli Diox par mdyub xnìi lezo' na' loo cón che'n Diox par tataa mod gác na' ta' na' cuent cón che'n con' roo con' xèn che'n Diox xalque' mblu' Jesucrist cón che'n con' roo con' xèn che'n Diox loo na'.

⁶ Porque Deus que disse: Das trevas brilhe a luz, é também aquele que fez brilhar a sua luz em nossos corações, para que irradiássemos o conhecimento do esplendor de Deus, que se reflete na face de Cristo.

⁷ Per nalle', tetaquen thìb di's loo gu' par ta' gu' cuent no par non gu' cón che'n di's co' nde niin loo gu' ndxè': Con' ndac co' nac cón che'n Diox co' ndxàp na' por cón che'n Crist, le'i nac xal thìb tesor co' axta arid náp ntac co' nzosua' le'n thìb yàat yòo. Loo cón che'n tesora nac na' xal yàat yòo co'te' ndxòosua' tesor par non mèn con' roo con' xèn co' ndxàc loo na' inacte por cón che'npe' na'. Ndxe'leque', le'i ndxàc loo na' por cón che'n con' roo con' xèn co' nzo la's nii Diox no co' nzo la's ya' Diox.

⁷ Porém, temos este tesouro em vasos de barro, para que transpareça claramente que este poder extraordinário provém de Deus e não de nós.

⁸ Por cona, ngue niin loo gu': Mastale' rye ned co'te' ngue que tee'en nzoque' con' co' nca' loon loo cón che'n Crist no ndxàc ngòc nguàal con' loon, per inpor cona'de ndxetac lezon. Ndoo xal'que' ned ndoo xal'que' yó' loon. Chop ndxàc lezon huax vez loo con' co' ndxàal lin. Per ndxe'leque', thidtene ne'gabten loo lezon lá'en zin'. Per ndxe'leque', ndub queeque' lezon toloque' que tee xo'f zin'en zin' loo cón che'n Diox.

⁸ Em tudo somos oprimidos, mas não sucumbimos. Vivemos em completa penúria, mas não desesperamos.

⁹ Mastale' ndub ngu's mèn daa, Diox ne'nglá'ya'de daa. Mastale' mtetìi mèn daa axta plóthe, mbli mèna cuent nguth daa. Per ne'nguthte mèna daa.

⁹ Somos perseguidos, mas não ficamos desamparados. Somos abatidos, mas não somos destruídos.

¹⁰ Loo zin' co' nxo'f zin'en loo cón che'n Crist, atate huiz ndri'then loo yalguth. No ndyactìin xalque' ngòca loo Jesús co'se' mque' mèn Jesús loo cruz. Co'se' tataa ndxàca loon, ngue lu'en loo mèn le' Jesús ndlyath no daa par ban daa xalque' mque tee ban Jesús làth mèn, ne.

¹⁰ Trazemos sempre em nosso corpo os traços da morte de Jesus para que também a vida de Jesus se manifeste em nosso corpo.

¹¹ Per láth be' ngue tee banen loo izlyo' ndxè', nzoque' ryes loon ryete huiz par guth mèn daa por cón che'n Jesús. Por con' co' nde teele' ndxàc loon, ndxú' loo mèn no nda' mèn cuent le' Crist ngue tee noque' daa por mod co' ngue tee'en loo zin' co' nxo'f zin'en loo cón che'n Crist.

¹¹ Estando embora vivos, somos a toda hora entregues à morte por causa de Jesus, para que também a vida de Jesus apareça em nossa carne mortal.

¹² Cona, ndyaquen thìb mod no tedib mod ne'lyá'de daa loo yalguth por cón che'n zin' co' nxo'f zin'en cón che'n Jesús. Per part cón che'n gu', ndxe'leque', por cón che'n ryete con' ndyactìin ncàba loo gu' le' gu' ngue tee ban xalque' ñibe' Diox loo gu'.

¹² Assim em nós opera a morte, e em vós a vida.

¹³ Thidte mod ndxelazen loo Diox xal ngola's mèn co' mque' ye's co' nac libr che'n Salmos co' nac xti's Diox xal mbez di's co' ndub loo libr che'n Salmos:

¹³ Animados deste espírito de fé, conforme está escrito: Eu cri, por isto falei {Sl 115,1}, também nós cremos, e por isso falamos.

¹⁴ Nonque' na' no naneeque' na' le' Diox co' mblo xban Tad Jesús, Diox co xban na', ne, par bii no na' Diox co' hue' na' loo Jesús co'te' nzo Jesús.

¹⁴ Pois sabemos que aquele que ressuscitou o Senhor Jesus, nos ressuscitará também a nós com Jesus e nos fará comparecer diante dele convosco.

¹⁵ Ryete yaltìi co' ndxàc loon, le'i ndxàc loon par càba con' ndac loo gu', co' nee di's, li Diox anggàc con' ndac loo huax mèn co' yila's loo Jesucrist par gab mèna loo Diox: Diox quix U', Tad Diox, por ryethe con' ndac co' ndli no U' nu'. Le' sya, di's co' gab mèn loo Diox li par càba loo Diox xyo'f lèe xyo'f xti's Diox loo taamas mèn.

¹⁵ E tudo isso se faz por vossa causa, para que a graça se torne copiosa entre muitos e redunde o sentimento de gratidão, para glória de Deus.

¹⁶ Por cona, indxetacte lezon loo cón che'n Diox. Mastale' bél'yòo ladpe'en ndoo yàc co' gox par gatha yé' huize', per ndxe'leque', thìb huiz tedib huiz sate más ncàba con' ndac loon le'n lezon no le'n xtùuzen loo con' ndub quee lezon.

¹⁶ É por isso que não desfalecemos. Ainda que exteriormente se desconjunte nosso homem exterior, nosso interior renova-se de dia para dia.

¹⁷ Tac ryethe yalnaxi co' ndxàc loon nalle' loo izlyo' ndxè', le'i nac co' setilte ndri'th loon ndxepte tiemp no maste. Per pà ta' con' co' ndxàc loon ndxè' loo con' roo con' xèn tín' co' thidtene gàc loon yiloa.

¹⁷ A nossa presente tribulação, momentânea e ligeira, nos proporciona um peso eterno de glória incomensurável.

¹⁸ Part cón chenen, indliden xtùuz no ingüi'den loo con' co' ndxú' loo mèn. Per ndxe'leque', ndlin xtùuz no ndyóon cón che'n con' co' indxú'de loo mèn. Tac con' co' ndxú' loo mèn, co' ngüi' mèn loo, nac con' co' nxec ndxepte tiemp no maste. Per con' co' indxú'de loo mèn, con'a nxec thidtene. No ne'tyon'te no ne'lyuxte con'a thidtene.

¹⁸ Porque não miramos as coisas que se vêem, mas sim as que não se vêem . Pois as coisas que se vêem são temporais e as que não se vêem são eternas.

Ler em outra tradução

Comparar com outra

Estude este capítulo no WhatsApp

Peça à IA da Bíblia Fala para explicar 2 Coríntios 4, comparar traduções ou montar um estudo — tudo direto pelo WhatsApp.

💬 Explicar 2 Coríntios 4 no WhatsApp Sobre a Bíblia com IA →