1 Timóteo 5
Tutu ii - Kaꞌan ia Dios nuu ndiꞌi ñayiu (XTN) vs NAA
1 Ma kaꞌan xeen ni nuu tee nijaꞌnu ja ka skuaꞌa jin ni, chi suaꞌa xteku ni de na kuinio tata yua maa ni. Te saa ni tee kuechi, xteku ni de na kuinio ñani maa ni.
1 Não repreenda um homem mais velho; pelo contrário, exorte-o como você faria com o seu pai. Trate os mais jovens como irmãos,
2 Te saa ni ñaꞌa nijaꞌnu, xteku ni ña na kuinio nana siꞌi maa ni. Te suni saa ni ñaꞌa kuechi, xteku ni ña jin javii javaꞌa oo anu ni, na kuinio kuaꞌa maa ni.
2 as mulheres mais velhas, como mães, e as mais jovens, como irmãs, com toda a pureza.
3 Chituu ni ñaꞌa ni ka ndondaꞌu ja vi ja ndaa ja ni ka ndondaꞌu ña.
3 Honre as viúvas que não têm ninguém para cuidar delas.
4 Su nuu ja ndee in ñaꞌa ni ndondaꞌu, nevaꞌa ña seꞌe ña axi señani ña, te suchi yun guaa kanuu ja xtnañuꞌu ka vi kutuaꞌi ja vi kotoi ñayiu veꞌi, te saa vi ndakotoi tatai vi nanai. Te tniuu yun kuu tniuu guaꞌa ja junkuaan ini ia Dios ja vi saꞌi.
4 Mas, se alguma viúva tem filhos ou netos, que estes aprendam primeiro a exercer piedade para com a própria casa e a recompensar os seus pais, pois isto é aceitável diante de Deus.
5 Te ñaꞌa ja vi ja ndaa ja ni kendoo ndaꞌu ña, te ni kendoo maintnoꞌo ni ña, su ndetu kaꞌnu ña ia Dios, te nduu vi ñuu ndakuatu ña vi jikan taꞌu ña nuu ya ja na chituu ña ya.
5 Aquela que é viúva de fato e não tem ninguém para cuidar dela espera em Deus e persevera em súplicas e orações, noite e dia.
6 Su ñaꞌa ni kendoo ndaꞌu ja kusii kuvatu ni ini ña kuu ña na kuinio in ñaꞌa ni jiꞌi nuu ia Dios, visi teku ña.
6 Entretanto, a que se entrega aos prazeres, mesmo viva, está morta.
7 Te kaxtnoꞌo ni ndiꞌi tnoꞌo yaꞌa nuu ñayiu, nagua ja ma vi kotavi kuechi ja jaꞌa ñayiu veꞌi.
7 Ordene estas coisas, para que sejam irrepreensíveis.
8 Su nuu ja sava ñayiu tu ka ndiꞌni ja vi chitui tnaꞌa kuikin, te vini ja ñayiu veꞌe mai tu ka chitui, nuu saa te tu ka kandija ndai, te viꞌi ka ka ndai saa in ñayiu tu kandija.
8 Se alguém não tem cuidado dos seus e, especialmente, dos da própria casa, esse negou a fé e é pior do que o descrente.
9 Te nuu jinkoso sivi ñaꞌa ni ndondaꞌu ja vi chituu ña ñayiu ka skuaꞌa, na vi jinkoso sivi ñaꞌa ja ni ka yaꞌa uni xiko kuia, te invaa ni yii ña ni oo.
9 Somente poderá ser incluída na lista de viúvas aquela que tiver mais de sessenta anos, que tiver sido esposa de um só marido
10 Te na kokuu in ñaꞌa ja ka jini ña ñayiu ja saꞌa ña tniuu guaꞌa, ja ni skuaꞌnu vii ni skuaꞌnu vaꞌa ña seꞌe ña, vi ni jantaꞌu guaꞌa ña ñayiu ni jaꞌankuei veꞌe ña, vi ni ndakate ña jaꞌa ñayiu ka kandija ia Dios, vi ni chituu ña ñayiu ka tnaꞌa tnundoꞌo, vi ni saꞌa ña ndiꞌi tniuu guaꞌa.
10 e que seja recomendada pelo testemunho de boas obras: se criou filhos, se exercitou hospitalidade, se lavou os pés dos santos, se socorreu os atribulados, se viveu na prática zelosa de todo tipo de boa obra.
11 Su ma vi soo ni sivi ñaꞌa ni ka ndondaꞌu nuu ja ñaꞌa kuechi ka kuu ña, chi vatu ni vi ndajioꞌo ña inka teyii, te vi kujioo ña nuu Jesukristu, chi vi kuini ña ja vi ndakuaka tnaꞌa ña inka jichi.
11 Mas não inclua na lista viúvas mais novas, porque, quando seus desejos fazem com que se afastem de Cristo, querem casar,
12 Te nuu ja saa na vi saꞌa ña, te vi tavi kuechi ña, chi tu ni ka skunkuu ña nagua ni ka kee yuꞌu ña jaxtnañuꞌu ja vi kunukuechi ña nuu ia Dios.
12 tornando-se condenáveis por anularem o seu primeiro compromisso.
13 Te suni ka kutuaꞌa ña ja ka kukuxi ña, te ndi veꞌe ndi veꞌe ka jika ña. Te masu nani ja ka kukuꞌndu ña, chi vi kuentu kuentu ni kuaꞌankuei jin ña, te yaꞌa yun ni ka kiunduu ña ka kaꞌan ña tnoꞌo ja masu vatu ka kuu.
13 Além do mais, elas aprendem também a viver ociosas, andando de casa em casa; e não somente ficam ociosas, mas ainda se tornam fofoqueiras e intrometidas, falando o que não devem.
14 Te yun guaa kuini san ja ñaꞌa kuechi ja ni ka ndondaꞌu, na vi ndakuaka tnaꞌa ña, te na vi koo seꞌe ña, te na vi koto ña veꞌe ña ja ma vi kune ña ichi Tachi ja vi kaꞌan kueꞌe ñayiu siki ña.
14 Por isso, quero que as viúvas mais novas casem, criem filhos, sejam boas donas de casa e não deem ao adversário motivo algum para falar mal de nós.
15 Chi sava ñaꞌa ni ka ndondaꞌu ja ni ka kujioo ña ichi ia Dios, te ni ka jata ndikin ña Tachi.
15 Pois algumas já se desviaram, seguindo Satanás.
16 Su nuu ja in ñasiꞌi ja kandija ia Dios, nevaꞌa ña in ñaꞌa ni ndondaꞌu, te na koto ña nagua ja ma vi koxndiꞌni ña ñaꞌa yun jin ñayiu ka skuaꞌa. Saa te kuu vi chituu guaꞌa ka ñai jin ñaꞌa ni ka ndondaꞌu, ja vi ja ndaa ja tu na in chituu ña jin ña.
16 Se alguma mulher crente tem viúvas em sua família, socorra-as, para que a igreja não fique sobrecarregada e possa socorrer as viúvas que não têm ninguém.
17 Te suni kaxtnoꞌo san ja vi tniuyaꞌu ni tee nijaꞌnu ja ka jito guaꞌa de ñayiu ka skuaꞌa, te vi konee yiñuꞌu ni nuu de, te suni kanuu ja saa vi saꞌa ni jin tee ka satniuu ndee ja ka xtutenuu de tnoꞌo vaꞌa ia Dios vi ka kaxtnoꞌo de nuu ñayiu.
17 Devem ser considerados merecedores de pagamento em dobro os presbíteros que presidem bem, especialmente os que se esforçam na pregação da palavra e no ensino.
18 Chi yoso nuu tutu ii nuu kaꞌan suaꞌa: “Ma vi tnaa ron ñunu yuꞌu isndiki nuu ka jaxin ti triu” te suni kaꞌan suaꞌa: “Ja in tee satniuu, chi kanuu ja niꞌi yaꞌu de” kachi.
18 Pois a Escritura declara: “Não amordace o boi quando ele pisa o trigo.” E, ainda: “O trabalhador é digno do seu salário.”
19 Ma kuantnoꞌo ni nuu ka xtavi kuechi ña ñayiu jin in tee nijaꞌnu nuu ñayiu ka skuaꞌa nuu ja tu na uu axi uni testiu.
19 Não aceite denúncia contra presbítero, a não ser exclusivamente sob o depoimento de duas ou três testemunhas.
20 Su tee ja vi saa ni saꞌa de yika kuechi, te kuxeen ni nuu de jin nuu ndiꞌi ñayiu ka skuaꞌa, nagua ja na vi koyuꞌu niꞌnu sava kai.
20 Quanto aos que vivem no pecado, repreenda-os na presença de todos, para que também os demais temam.
21 Te skuiso siki ña san tnoꞌo yaꞌa jin nuu ia Dios vi jin nuu Jesukristu vi jin nuu ia ka jinokuechi nuu Dios ja ni ndakaji ya, nagua ja kondikin ni ndiꞌi tnoꞌo ni tee san yaꞌa, te ma saꞌa tuku ni sava ñayiu, te inkai chituu ni, chi inuu ni saꞌa ni jin ndiꞌi ñayiu.
21 Diante de Deus, de Cristo Jesus e dos anjos eleitos, peço com insistência que você guarde estes conselhos, sem discriminação, nada fazendo com espírito de parcialidade.
22 Ma tau ñama ni in tee ja kokoto ñayiu ka skuaꞌa, chi ndakani guaꞌa ini ni ama ka ja sonee ni ndaꞌa ni xini de, chi nuu ja saꞌa de yika kuechi, te suni tavi kuechi ni. Te yun guaa koto ni maa ni ja koo vii ni nuu ia Dios.
22 Não tenha pressa para impor as mãos sobre alguém. Não seja cúmplice dos pecados dos outros. Conserve-se puro.
23 Te ja siun ndi nuu ndi kuee kuꞌu ni vi jatu chii ni, te ma koꞌo ni maa ni ndute, chi suni koꞌo ni joo vinu.
23 Não beba somente água; beba também um pouco de vinho, por causa do seu estômago e das suas frequentes enfermidades.
24 Te yika kuechi sava ñayiu, chi tuu ndijin ama ka ja kiꞌinkuei nuu tee jaꞌnde kuechi. Su yika kuechi sava ka ñayiu, chi tu tuu ndijin, chi vi ndee kuee kuee, saa ndatuu.
24 Os pecados de alguns são notórios, mesmo antes do juízo, mas os de outros só se manifestam mais tarde.
25 Te suni saa ni tniuu vii tniuu vaꞌa ja ka saꞌa ñayiu, chi tuu ndijin, te visi chiaꞌan ka ja tuu ndijin, su ma kuu koyuꞌu, chi ndatuu ndijin.
25 Do mesmo modo também as boas obras se evidenciam e aquelas que ainda não são manifestas não poderão ficar escondidas.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Timóteo 5, comparar traduções ou montar um estudo — tudo direto pelo WhatsApp.