Gálatas 6
Shorter New Testament (WRK) vs VC
1 Narri, ngakinmuku bababanyamba ngambalaka, yingka jangkurr jangayu karu narrinya. Jaliyi ninji najba yingka barimbikurri yaji, jaliyi nyulu yabimba balki yaji Kudkanyi, baki marda ninjimi ngirrwa nangangi. Ninji jala jungku jirdi Kunybanyi Ngarndunyi Kudkanyi nganyindu, marda ninjimi karu nanda, mili jungunki yurlurrmba nangangi Kudkanyi. Mikujiyi ngarrangarra muwa nangangi, ngala kardardakiyi ngirrwa nangangi. Minimbakiyi nanda, yanka nyulu jungkuka balki. Baki najbawa nganyingkiyi, bakiyi ninji marda nulijba yabimbikanyi balki yaji. Najbawa nganyingkiyi marda.
1 Irmãos, se alguém for surpreendido numa falta, vós, que sois animados pelo Espírito, admoestai-o em espírito de mansidão. E tem cuidado de ti mesmo, para que não caias também em tentação!
2 Marda narringkimi yabimba yajinyi. Jaliyi yingamali narringi, jaliyi nyulu jungku kijiyudi, baki marda narrimi mankumankuwa nanda kiji nangangi. Marda narrimi kandimba nanda kijiyudi. Jaliyi narri kandimba yingka nani, baki janarri ngayangayijba nanankanyi yuwanyi Jisus Krayiskanyi.
2 Ajudai-vos uns aos outros a carregar os vossos fardos, e deste modo cumprireis a lei de Cristo.
3 Jaliyi nangka mankumanku nganinyi nayi, “Ngayu walkurra mambuka. Jirrinyi ngayu mambuka yalungi ngakinmukuyngka mungkijinyi.” Jaliyi nangka mankumanku nani, ngala miku nyulimi walkurra mambuka, baki nangka jujamba. Jujamba nangka, nyulu walkurra mambuka yalungi barri.
3 Quem pensa ser alguma coisa, não sendo nada, engana-se a si mesmo.
4 Ngala mardakimi nangka nganinyi mankumanku, marda nangkimi kudanyu mankumanku nanankanyi jala nyulu yabimba, yinini kunyba yaji, yinini balki yaji. Jaliyi nyulu jingkijba, nyuli yabimba kunyba yaji, baki marda nyulimi mirnarrijba muwa nanankanyi yajinyi. Ngala marda nangkimi miku barrarrakijba nanganginkanyi yajinyi. Marda nangkimi miku mankumanku nanganginkanyi kunybanyi yajinyi, baki yanyba, “Nanangini yingkawanyi, yiningki nyuli yabimba kunyba yaji, ngala ngayu barri, ngayu yabimbayi kunybamirra yaji.” Marda nangkimi miku barrarrakijba nani, ngala marda nyulimi mirnarrijba muwa nanankanyi kunybanyi yajinyi jali nyulu yabimba. Barriwa.
4 Cada um examine o seu procedimento. Então poderá gloriar-se do que lhe pertence e não do que pertence a outro.
5 Marda ngambalakimi kudanyu mankumanku nanankanyi jala ngambala yabimba jaliyi nanda kunyba yaji, jingkijbangkangangi Kudwanyi bukamba yaji. Jingkijbangka nyulu nanda jala ngambala yabimba. Baki yurrngumba janyulu mankuwa ngambalangi yaji. Barriwa.
5 Pois cada um deve carregar o seu próprio fardo.
6 Jala milidimbawarr jungkuka narrindu yurrngumba, jala nyulu milidimba narrinya bulangi Kudkanyi baki Jisus Krayiskanyi, baki marda narrimi lalanba nanda milidimbawarr. Marda narrimi wajba nanda nganinyi mamanyi baki jumbalanyi. Marda narrimi kudanyu lalanba nanda nganinyi jala nyulu milidimba narrinya.
6 Aquele que recebe a catequese da palavra, reparta de todos os seus bens com aquele que o instrui.
7 Marda narringkimi mankumanku yurrngumba, jaliyi narri jungku yurlurrmba nangangi Kudkanyi, jaliyi narringka jujamba nangangi Kudkanyi, bakiyi nyulu jingkijbangka narrinya Kudwanyi, narri jujijbawarr. Miku narriyi jujamba Kud. Miku. Jaliyi narri yabimba balki yaji, baki janyulu mankuwa nanda balki yaji narringi Kudwanyi. Janyulu mankuwa nanda balki yaji baku, jalija nyulu karrinjarrijba narrinya walu nangandu. Baki jaliyi narri yabimba kunyba yaji, baki janyulu mankuwa nanda kunyba yaji nanamanji marda.
7 Não vos enganeis: de Deus não se zomba. O que o homem semeia, isso mesmo colherá.
8 Jaliyi narri yabimba ngawamba nanda balki yaji, jala narri nulijba narringinkanyi mankankanyi, baki janarringka janyba. Miku narriyi wankijba mili, ngala janarri kurdan yurrngumba. Ngala jaliyi narri ngayangayijba nanankanyi Kunybanyi Ngarndunyi Kudkanyi, jaliyi narri yabimba nanda jala nyulu karu narrinya, baki janarri wankijba mili. Janarri mili wanka jungku bayngkani jalija narringka janyba.
8 Quem semeia na carne, da carne colherá a corrupção; quem semeia no Espírito, do Espírito colherá a vida eterna.
9 Narri yabimbaka kunyba yaji yalungi yingkamukuyngka, ngala mikujiyi balkijba yabimbikanyi kunyba yaji yalungi. Milikiyi yabimba kunyba yaji yalungi yurrngumba. Jaliyi narri yabimba kunyba nani yurrngumba, baki baku barri janyulu yabimba kunyba yaji narringi marda Kudwanyi.
9 Não nos cansemos de fazer o bem, porque a seu tempo colheremos, se não relaxarmos.
10 Nanankardi barri, marda ngambalimi yabimba kunyba yaji yalungi bukambijuyngka. Baki marda ngambalimi yabimba kaja kunyba yaji yalungi Krisjinmukuyngka. Barriwa.
10 Por isso, enquanto temos tempo, façamos o bem a todos os homens, mas particularmente aos irmãos na fé.
11 Nayinda waluwa jangkurr, ngayu karuyi yingka baki nyuli yarrijba nanda jangkurr najana narringi, ngala nayinda jangkurr barri, ngayu Bul, ngayu yarrijbangka nayinda jangkurr najana ngakinyina marnina.
11 Vede com que tamanho de letras vos escrevo, de próprio punho!
12 Nanamuku balkimuku milidimbawarrmuku, yalu nulijba narringi jungunkanyi kaburrwaburr. Yalu nulijbangka yingkamukuyngka, yalungka mankumankunkanyi yalungi milidimbawarrayngka, yalu jirrinyimuku nganinyimuku barrinani mambukamuku. Nanamuku balkimuku milidimbawarrmuku, yalu yanyba barrinani jirrinyi nganinyimuku, ngala miku. Ngawamba yalungka mankumanku yalunginkanyi mankankanyi. Miku yalimi milidimba bukamba nanda duja jangkurr nangangi Jisus Krayiskanyi. Miku yalimi milidimba bukamba duja jangkurr nangangi. Janyba nangki Jisus Krayis kurndana, baki wankambayi mili Kudwanyi. Miku yalimi milidimba bukamba nangangi jangkurr. Ngala marralangka yalu nanamukuyngka Jumukuyngka jala yalu durrijba bukamba nanda yuwa Musiskanyi. Marralangka yalungi kudanyu. Yiningki jayalu Jumukunyi yabimba kiji yalungi, jaliyi yalu milidimba duja jangkurr nangangi Jisus Krayiskanyi. Mankumanku yalungka, jaliyi yalu milidimba jangkurranyi yarriykanyi kaburrwaburr, baki yiningki Jumukunyi, miku yaliyi yabimba kiji yalungi, miku yaliyi linjumba yalunya. Marralangka yalu kijinyi, baki nanankardi yalu milidimba jangkurranyi yarriykanyi kaburrwaburr.
12 Os que vos obrigam à circuncisão são homens que se querem impor, só para não serem perseguidos por causa da cruz de Cristo.
13 Nanamuku Jumuku jala yabimba kaburrwaburr, miku yalimi ngayangayijba bukamba nanankanyi yuwanyi Musiskanyi. Miku. Ngala yalu nulijba narringi jungunkanyi kaburrwaburr, baki jayalunjalu karu narringi, narri kaburrwaburr, yalungingangi, yabimba narri nanda jala yalu jirrinybayi narrinya yabimbikanyi.
13 Pois nem os próprios circuncisos observam a lei. E se fazem questão de que vos mandeis circuncidar, é para terem motivo de se gloriarem na vossa carne.
14 Ngala ngayu barri Bul, miku ngayimi karu yalunya nanankanyi jali ngayu yabimba. Miku. Ngala ngayu nulijba karunkanyi yalunya nangangi, ngambalanginkanyi mambukanyi Jisus Krayiskanyi. Jangayu karu yalunya bukambiju nangangi. Janyba nangki Jisus Krayis wabangkarra kurndana, baki nanankardi barri janyulu wankamba ngambalanya mili Kudwanyi, jungunkanyi nangandu yurrngumba. Nani barri jangayu karu yalunya. Ngawamba nanankanyi yajinyi jirriyngkanyi ngaki, mikuyaji yingkanyi. Baki ngayu nulijbangka yabimbikanyi ngawamba nanda jala nyulu jirrinyba. Miku yingkanyi yajinyi ngayimi nulijba.
14 Quanto a mim, não pretendo, jamais, gloriar-me, a não ser na cruz de nosso Senhor Jesus Cristo, pela qual o mundo está crucificado para mim e eu para o mundo.
15 Miku barri nayinda jirrinyi yaji ngaki, yingkamuku yalu kaburrwaburr, ngala yingkamuku miku yalimi kaburrwaburr. Miku nanda jirrinyi yaji ngaki. Ngala nayinda barri jirrinyi yaji ngaki, kuyunkanyi nanda jangkurr nangangi Jisus Krayiskanyi. Jaliyi narri kuyu nangangi jangkurr, baki narri jungku barrinani nanda buyingkinyi nganinyi.
15 Porque a circuncisão e a incircuncisão de nada valem, mas sim a nova criatura.
16 Jala narri jungku nani, jala narri durrijba nangangi yurlurrmba yuwa yurrngumba, baki janarri jungku mardumardu muwa yurrngumba. Janarri jungku mardumardu muwa, baki janyulu yabimba kunyba yaji narringi marda Kudwanyi. Janyulu manjamanjamba narringi balki yaji. Janyulu yabimba nayinda yaji narringi baki yalungi, bukambijuyngka nanganginmukuyngka jandanyimukuyngka Kudkanyi. Barriwa.
16 A todos que seguirem esta regra, a paz e a misericórdia, assim como ao Israel de Deus.
17 Baki mili yingka nayi jadunyi jangkurr ngayu jirrinybaka narrinya, mikujiyi yabimba mili kiji ngaki. Jungkuka ngayu wakiwarr nangangi Jisus Krayiskanyi, baki nanankardi yingkamukunyi nganjali linjumba. Kaja mawarl ngakinyina mankanyina jali nganjalu linjumba mankanyi. Ngala narri barri mikujiyi yabimba mili kiji ngaki. Barriwa.
17 De ora em diante ninguém me moleste, porque trago em meu corpo as marcas de Jesus.
18 Ngayu yanybaka mududu nangangi, ngambalanginkanyi mambukanyi Jisus Krayiskanyi. Ngayu ngajakangka Jisus Krayis, janyulu jungku narrindu, janyulu yabimba kunyba yaji narringi yurrngumba. Barriwa barri bukamba nayinda jangkurr narringi.
18 A graça de nosso Senhor Jesus Cristo esteja com vosso espírito, irmãos. Amém.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Gálatas 6, comparar traduções ou montar um estudo — tudo direto pelo WhatsApp.