2 Timóteo 4
Shorter New Testament (WRK) vs ARIB
1 Jingkijba ninji Jisus Krayiskanyi, nyulu lalanbawarr yalungi, jala durrijba nangangi yuwa. Janyulu wijba nanginkurri jambarri baku barri. Baki nanamanji barri janyulu karrinjarrijba bukambiju walu nangandu, nanamuku jala yalu yuwaji wanka nanamanji, baki nanamuku jala yalungki janyba waluwa. Janyulu karrinjarrijba bukambiju yalunya walu nangandu, barrinani kurdusnyina, baki janyulu nyalinyalimba yalunya, kudiya kingkarri, baki kudiya wayka. Nanamuku jala yalu jandanyimuku nangangi Kudkanyi, janyulu manjijba yalunya kingkarri nangandurri Kudyurri, jungunki wanka nangandu yurrngumba. Ngala nanamuku balkimuku janyulu manjijba yalunya wayka Yilyurri. Bula jingkijbangka nayinda jangkurr Kudwanyi, baki Jisus Krayiswanyi. Bula jingkijba nayinda walkurra jangkurr jala ninga jirrinyba. Jirrinyba ninga nayi kudanyu.
1 Conjuro-te diante de Deus e de Cristo Jesus, que há de julgar os vivos e os mortos, pela sua vinda e pelo seu reino;
2 Milidimbakiyi yalunya jangkurranyi nangangi Jisus Krayiskanyi. Jungkukiyi ngiruka karunkanyi nanankanyi jangkurranyi yurrngumba. Miku nganyingkiyi yanyba nayi, “Miku jangayu karu nayinda nganinyi nangangi Jisus Krayiskanyi. Miku nangkimi birrirrinja nanankanyi jangkurranyi. Jangayu karu baku.” Miku nganyingkiyi yanyba nani, ngala barriwakiyi jirrinyba barri yalunya nangangi Jisus Krayiskanyi. Ngirrwakiyi yalungi, jala yalu miku jungku yurlurrmba nanganginyina yuwana. Baki ngirrwakiyi yalungi, nanamukuyngka balkimukuyngka milidimbawarrayngka. Milidimbakiyi yalunya jungunkanyi yurlurrmba nangangi Kudkanyi, baki jaliyi yalu ngayangayijba nanankanyi jangkurranyi, baki marda ninjimi minimba yalunya nanankanyi duja yuwanyi nangangi Kudkanyi. Ngala yilikiyi yanyba yalungi. Yilikiyi karu yalunya yurrngumba nanankanyi jangkurranyi. Barriwa.
2 prega a palavra, insta a tempo e fora de tempo, admoesta, repreende, exorta, com toda longanimidade e ensino.
3 Baku barri kajamukunyi, miku yaliyi manku nanda duja jangkurr, milidimba jali ngambalanya Jisus Krayiswanyi. Ngala jayalu mankumanku yinini jangkurr jala miku nanda duja jangkurr. Jayalunjalu yililikajba balkimuku milidimbawarrmuku milidimbikanyi yalunginkanyi jangkurranyi jala miku duja nanda jangkurr. Jayalu manku ngawamba nanda balki jangkurr jala yalu nulijba mankunkanyi nanda jangkurr. Miku jayalu manku nanda duja jangkurr. Jayalu yurlwa nanankanyi jangkurranyi.
3 Porque virá tempo em que não suportarão a sã doutrina; mas, tendo grande desejo de ouvir coisas agradáveis, ajuntarão para si mestres segundo os seus próprios desejos,
4 Jayalungka yangkalamba nanamunanyi duja jangkurrnanyi. Jayalu manku ngawamba nanda jangkurr jala miku duja. Barriwa.
4 e não só desviarão os ouvidos da verdade, mas se voltarão às fábulas.
5 Ngala ninji Dimudi, marda ninjimi jungku jirdi kunybanyi kulajinyi nangangi Kudkanyi yurrngumba. Mikujiyi marrala jala badajba kiji nganyindurri. Kudiyamukunyi janinya yalu linjumba. Ngala janinji jungku ngiruka nanankanyi kijinyi. Ngala yuwajiwa janinji milidimba yalunya jangkurranyi nangangi Jisus Krayiskanyi. Baki mili janinji waki kudanyu nganyingkanyi jurjkanyi. Mili janinji lalanba yalunya Krisjinmuku nganyinyina jurjina. Barriwa.
5 Tu, porém, sê sóbrio em tudo, sofre as aflições, faze a obra de um evangelista, cumpre o teu ministério.
6 Jingkijba ngayu, winyurruwa barri ngayuja yingijba nayinda jamba, jangananjalu kurdanba. Birrirrinja ngaka janybikanyi ngaka. Winyurruwa barri jangayu jilajba kingkarri jungunki nangandu Jisus Krayisnyina.
6 Quanto a mim, já estou sendo derramado como libação, e o tempo da minha partida está próximo.
7 Waki ngayili kudanyu barri bulangi Kudkanyi baki Jisus Krayiskanyi. Yurrngumba ngayili waki kudanyu bulangi. Bukamba barri ngayi nanda yaji jali ngana bula karu. Marrimba ngayili nanda jangkurr nangangi Jisus Krayiskanyi mardarda. Maruka ngayili muwa nangangi yurrngumba. Miku ngakiyala yangkalamba nanganbunanyi. Miku. Jungku ngayili ngiruka nangangi yurrngumba barri.
7 Combati o bom combate, acabei a carreira, guardei a fé.
8 Baki jingkijba ngayu Jisus Krayis, nyulu yurlurr ngaki. Janyulu yabimba kunyba yaji ngaki, wakingangi ngayili kudanyu nangangi. Jalija ngana karrinjarrijba walu nangandu, jangana wajba kunybanyi jangkurranyi, ngayangayijbangangi ngayili nanganginkanyi jangkurranyi yurrngumba. Nanamanji jangana wajba kunybanyi jangkurranyi, baki jayalunya wajba kunybanyi jangkurranyi, jali yalu waki kudanyu nangangi marda. Janyulu wajba ngambalanya kunybanyi jangkurranyi, jalija wijba nanginkurri. Jangambala mirnarrijba muwa nangangi, jalija wijba nanginkurri. Miku ngambaliyi marrala nangangi, jingkijbangangi ngambala, ngambala wakingka kudanyu nangangi, ngambala ngayangayijbangka nanganginkanyi jangkurranyi. Miku ngambaliyi marrala nangangi. Barriwa.
8 Desde agora, a coroa da justiça me está guardada, a qual o Senhor, justo juiz, me dará naquele dia; e não somente a mim, mas também a todos os que amarem a sua vinda.
9 Maruka ngayu nganyi naykanyi nganinji. Jilajba janinji ngakindurri dulu manija.
9 Procura vir ter comigo breve;
10 Nanangini nganinyiwanyi Dimaswanyi, yingkijba ngani. Barlbayi ngakinbunanyi karri nanankurri yajiyurri niji Disalunika. Waluku nyuli maruka muwa nangangi Jisus Krayiskanyi, ngala baku nyuli maruka muwa yajinyi marda dungalanyi. Miku nyuliyi mili durrijba Jisus Krayis, warriyalukuwanyi. Nanankardi barri ngana yingijbayi. Barriwa. Nanda nganinyi Krisins, nyuli barlba nanginbunanyi ngakinbunanyi marda. Barlba nyuli karri nanankurri niji Kalajiya. Baki nanda Didus, marda nyuli marda barlba karri nanankurri niji Dalmadiya.
10 pois Demas me abandonou, tendo amado o mundo presente, e foi para Tessalônica, Crescente para a Galácia, Tito para a Dalmácia;
11 Ngala nayinda Luk, ngawamba nyulu yuwajiwa ngakindu. Mikuyaji yingkanyi. Ngawamba nyuluman ngakindu. Jalija ninji jilajba ngakindurri, baki kuyukiyi nanda marda Mak nanginkurri. Malumba jangaliya milidimba yalunya nangangi Jisus Krayiskanyi. Jangaliya kandimba yalunya Krisjinmuku nayiba.
11 só Lucas está comigo. Toma a Marcos e traze-o contigo, porque me é muito útil para o ministério.
12 Nanda nganinyi niji Tikikus, manjijba ngayi karri nanankurri niji Yibisus. Janyulu waki nanaba nangangi Kudkanyi.
12 Quanto a Tíquico, enviei-o a Éfeso.
13 Jali ngayu jilajba nanamumanyi yajinanyi Druwasnanyi, baki yingkijba ngayi ngaki danyan ngarrambawarr nanaba. Yingijbayi ngaki danyan nangandu Kabusnyina. Ninga ngajakangka, kuyukiyi nanda danyan nganyindu, jalija ninji jilajba nanginkurri. Baki marda ngaki burruburru kuyukiyi marda nanginkurri ngakindurri. Nulijba ngayu marda ngakinkanyi burruburrunyi. Barriwa.
13 Quando vieres traze a capa que deixei em Trôade, em casa de Carpo, e os livros, especialmente os pergaminhos.
14 — ausente —
14 Alexandre, o latoeiro, me fez muito mal; o Senhor lhe retribuirá segundo as suas obras.
15 — ausente —
15 Tu também guarda-te dele; porque resistiu muito às nossas palavras.
16 — ausente —
16 Na minha primeira defesa ninguém me assistiu, antes todos me desampararam. Que isto não lhes seja imputado.
17 — ausente —
17 Mas o Senhor esteve ao meu lado e me fortaleceu, para que por mim fosse cumprida a pregação, e a ouvissem todos os gentios; e fiquei livre da boca do leão,
18 Jingkijba ngayu mambuka Jisus Krayis, ngana marrimbaka mardarda yurrngumba. Ngana marrimbaka mardarda balkinanyi yajinanyi, baki jangana kuyu nangandurri baku. Jangana wankamba mili jungunki nangandu yurrngumba. Nyulu barri ngiruka lalanbawarr ngambalangi wirdikudukuduyngka. Nyulu barri walkurramirra mambuka bukambijuyngka ngambalangi wirdikudukuduyngka. Yurrngumba nyulu jungkuka nani, walkurramirra mambuka. Barriwa.
18 E o Senhor me livrará de toda má obra, e me levará salvo para o seu reino celestial; a quem seja glória para todo o sempre. Amém.
19 Manjijba ngayu jangkurr bulandurri maykarraynkkurri, niji bulangi Brisila baki Yakila. Maruka ngayu muwa bulangi. Baki manjijba ngayu jangkurr yalundurri, maninganjarri baki jandanyimukuyngkurri nangangi nganinyiyurruwa Yunisiburis.
19 Saúda a Prisca e a Áquila e à casa de Onesíforo.
20 Nanda nganinyi niji Yirasdus, ngayi yingijba nanaba karru Kurin. Wambu nyuli jungku nanaba ngala ngayi jilajba nanamunanyi. Baki nanda yingka, niji Drubimus, lunji nyuli kudanyu barri, ngala nurru nanaba Milidus. Yingijba ngayi Drubimus nanaba ngala ngayi barlba. Barriwa.
20 Erasto ficou em Corinto; a Trófimo deixei doente em Mileto.
21 Nulijba ngayu nganyi jilaykanyi ngakindurri waluwa wurarawala. Yingkamuku nayiba ngakindu, jala yalu manjijba jangkurr nganyindurri. Niji yalungi, Yubulus, baki Budins, baki Linus, baki Kludiya. Maruka yalu muwa nganyi marda. Bukambijunyi Krisjinmukunyi nayiba manjijba yalu jangkurr nganyindurri.
21 Apressa-te a vir antes do inverno. Saúdam-te Êubulo, Pudente, Lino, Cláudia, e todos os irmãos.
22 Yanyba nurru mududu nangangi Jisus Krayiskanyi nganyi. Ngajaka nurru Jisus Krayis nganyi, nyulu jungunkanyi nganyinyina kurduluna yurrngumba. Yanyba nurru mududu Kudkanyi nganyi, nyulu lalanbikanyi narrinya yurrngumba. Barriwa barri. Bukamba nayinda jangkurr.
22 O Senhor seja com o teu espírito. A graça seja convosco. ^Z
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Timóteo 4, comparar traduções ou montar um estudo — tudo direto pelo WhatsApp.