1 Anutu, nata gae yanggawamba natapso.
2 Na yotna teke maa siknga kuyuke gata gatangamiakge yanggawanggat. Yanggawa musipmaatangu meya siknga nataat.
3 Dasingge, ga natane damanu kekeknga gwenunin.
4 Na gatane yotda gwene yusika kupitde take siknga nataat. Ngan, nata gae gepbiatang kusopunangge nataat.
5 Anutu, nata sanga kuupbamde gae kaikane yawa kekekakingu wa gata gwa natapbuyak.
6 Gata na king kapa nandutewi nakanu kwaapzang kayuu yuwit.
7 Anutu, gatu na nandutewi na king kapa kaikane mamaya asinggan yuwit.
8 Sike gata unzing tasiwinu tapdukbamu nata tupa wamu kundu yawa kekekakingu atawambit.