1 Aminu tapatuta umana wena aminde natake gatayamiu, waapa apbakngayok.
2 Buyambam tapata kakuya tasike tapan kekeknga sike kayuk takekan yuwik.
3 Sike aminu waapa mait ba siwanu, Buyambam tapata akayuwik.
4 Siwan na nina anzing yakum, “Buyambam tapa, nata waiaknga gae tasikum. Siwan ngana gata nae musip kwikwik natangamuyo.
5 Sike natane iwanata musip maik natangamuke anzing yakaing,
6 Iwana waakwakga apu nandukengu kem tanzit wam nanikaing.
7 Sike iwanambamu nae asiknga bitakaingu natane maitnae kusopuknga wam yakaing.
8 Waaminda anzing yakaing, “Sanga wai siknga tasiwan wai waapa gwa tapan maiu buyambam sikut.
9 Sike na notna tapatu kaya. Waapaa natane notna siknga.
10 Siwan ngana Buyambam tapa, gata nae musip kwikwik natangamuke maitna sandekngamuyo.
11 Sike natane iwanata dua naitakepu napmakaing.
12 Na kepi noman gan sukuwa nanduke gata na kakuya tasinggayak.
13 Buyambam tapatane umana ninda initangenatnim. Sike waapa Isrel nanatane Anutuna.