1 Nata wamu takngatu wai aminda tasikaing kakngae musipmaatang nataat.
2 Siwan aminu wa binga inae natapan kopsa siwan anzing nataak: Na aminu nomana siknga.
3 Asinggan siknga aminu waapa waiaknga tasinangge yayuuk aminu kundu kem wam yaninggak.
4 Sike tapdu apekgak komune waapa waiaknga tasinangge kepie natdekgak.
5 Buyambam tapa, gata butaya natanimunggayak kaknga mateknga dua. Waaknga buyambam siknga.
6 Gata sanga noman nomana tasinggayak kaknga buyambam siknga. Waaknga enane siknga.
7 Anutu, gata ninde musip gwaangu asinggan asinggan natanimuggayak.
8 Sike gatane yotda atangu nanamu kwaapzang siknga. Unzingge aminbamu undang koke nanamde dua dapmakaing.
9 Ga sangabamda kayuk yuainggane yapii gika. Siwan gatu kakaatane yapii gika.
10 Asingganu gata aminu gae atnataaing aminde take siknga natayamuyo.
11 Nata nataau gata yamandet aminu dua kapewi na nainggamutningge nataat.
12 Kanong. Wai aminu kepdakane pimake yuaing.