1 Saycə içeynak' yəşəyinşalt'in k'ə çuresa bsane,
2 Q'ammazen q'amişaksun təə,
3 Şər əşlen hörmətsuzluğe eçon,
4 Amdari əyitmux bə̌ğə̌loy xeyurxone,
5 Divanbat'an pis amdara tərəfkeşluğbi
6 Q'ammazi əyitmoğon içu bəlinəne badon,
7 Q'ammazi muzen içu əfçinebon,
8 Əyittaradalt'ay əyitmux ləzətlu tikoox k'inək'e,
9 İz əşləst'a tənbəl bakalo
10 \+w Q'ončux\+w* möhk'əm sa q'alane,
11 Varlu amdareynak' iz dövlət sa q'alala şəhəre,
12 Amdari içu ala biq'sunen iz acalane p'ap'espsa,
13 İbakinut' coğab tast'un,
14 Ük'əxun ost'aar amdara azarenal tene saksa,
15 Ə̌xilak'alt'in iz ük'e boş biliye topbon,
16 Pay tast'unen amdareynak' yaq'e qayk'on,
17 T'iyə̌mi tərəfen hari əşlə silist'bamin,
18 Buxačuğoy çureğalt'u avabakseynak' boseğala çöpen davina bask'esedon,
19 Viçimoğoy arane bakala dava ç̌omo şəft'əlü q'ala k'inək'e,
20 Amdaren iz uk'ala əyitmoğoy,
21 Muzen amdara yəşəyinşəl taneşon, bisunal,
22 Çuux haq'sunen şaat'luğen bə̌ğə̌bon,
23 Kəsiben xoyinšene əyitk'on,
24 Dost'urxo gelebsunen amdara sanekon,