1 Yeoba kwatobalan, kwatobalan komiu Yeoba ana topaisowao, esana kwatobalan.
2 Yeoba esana kwatobalan sauga kabona yo sauga meuloina kani nige ilolotom.
3 Yeoba esana kwatobalan dabwelo ana kaba tunsae mena yo ana kaba sugu mena.
4 Iya esana kaba loina meuloina isae-gabaegili yo ana wasawasa isaesosi bulibuli kewana mena.
5 Yaiya besiele Yeoba ala Yaubada? Iya ibomamo imiyamiya kewa molosi mena.
6 Bwaine koina manna ilobilobima bulibuli yo yanuwa yaulina igitagitaili.
7 Tobubutuma ikele-yatololi bwatano kauna koina yo siya toguliyam ikeleisinagili mosomoso mena,
8 na ipeili simiyasio towasawasao salili mena siegelugelu-wagili.
9 Yo sinesineo miyamiya yaili ali nume iwolegili, na siyamala melumeluwone sinali ana kaba yaliyaya.