1 ⲛⲧⲁⲩϫⲉⲛⲁϣⲁϫⲉ ϩⲓⲧⲙⲡⲛⲟⲩⲧⲉ ⲡϣⲁϫⲉ ⲙⲡⲣⲣⲟ ⲛⲧⲁⲧⲉϥⲙⲁⲁⲩ ⲧⲥⲁⲃⲟϥ ⲉⲣⲟϥ</ab>
2 ⲡⲉⲧⲕⲛⲁϩⲁⲣⲉϩ ⲉⲣⲟϥ ⲡⲁϣⲏⲣⲉ ⲛϣⲁϫⲉ ⲙⲡⲛⲟⲩⲧⲉ ⲛⲉ ϯⲛⲁϫⲱ ⲛⲁⲕ ⲙⲡϣⲣⲡⲛϣⲱⲡⲉ ⲡⲁϣⲏⲣⲉ ⲟⲩ ⲡⲉ ⲡϣⲏⲣⲉ ⲛϩⲏⲧ ⲟⲩ ⲡⲉ ⲡϣⲏⲣⲉ ⲛⲛⲁⲉⲩⲭⲏ</ab>
3 ⲙⲡⲣϯ ⲛⲧⲉⲕⲙⲛⲧⲣⲙⲙⲁⲟ ⲛⲛⲉϩⲓⲟⲙⲉ ⲁⲩⲱ ⲛⲉⲕⲭⲣⲏⲙⲁ ⲉⲩϣⲟϫⲛⲉ ⲛϩⲁⲉ</ab>
4 ⲁⲣⲓϩⲱⲃ ⲛⲓⲙ ϩⲛⲟⲩϣⲟϫⲛⲉ ⲙⲛⲟⲩⲧⲱϣ ⲥⲉⲏⲣⲡ ϩⲛⲟⲩϣⲟϫⲛⲉ ϩⲉⲛⲣⲉϥϭⲱⲛⲧ ⲛⲉ ⲛⲉⲓⲛⲟϭ ⲙⲡⲣⲧⲣⲉⲩⲥⲉⲏⲣⲡ</ab>
5 ϫⲉ ⲛⲛⲉⲩⲥⲱ ⲛⲥⲉⲣⲡⲱⲃϣ ⲛⲧⲥⲟⲫⲓⲁ ⲁⲩⲱ ⲛⲥⲉⲧⲙⲉϣϭⲙϭⲟⲙ ⲉⲕⲣⲓⲛⲉ ⲛⲛϭⲱⲃ ϩⲛⲟⲩⲥⲟⲟⲩⲧⲛ</ab>
6 ϯⲡϯϩⲉ ⲛⲛⲉⲧϩⲛϩⲉⲛⲗⲩⲡⲏ ⲁⲩⲱ ⲡⲥⲉⲏⲣⲡ ⲛⲛⲉⲧϩⲛϩⲉⲛⲙⲕⲁϩ ⲛϩⲏⲧ</ab>
7 ⲉⲩⲣⲡⲱⲃϣ ⲛⲧⲉⲩⲙⲛⲧϩⲏⲕⲉ ⲁⲩⲱ ⲛⲥⲉⲧⲙⲣⲡⲙⲉⲉⲩⲉ ⲛⲛⲉⲩϩⲓⲥⲉ</ab>
8 ϫⲓⲛⲧⲉⲛⲟⲩ ⲁⲟⲩⲱⲛ ⲛⲣⲱⲕ ⲉⲡϣⲁϫⲉ ⲙⲡⲛⲟⲩⲧⲉ ⲛⲅⲕⲣⲓⲛⲉ ⲙⲙⲟⲟⲩ ⲧⲏⲣⲟⲩ ϩⲛⲟⲩⲟⲩϫⲁⲓ</ab>
9 ⲛⲅⲇⲓⲁⲕⲣⲓⲛⲉ ⲇⲉ ⲙⲡϩⲏⲕⲉ ⲙⲛⲡϭⲱⲃ</ab>
10 ⲛⲓⲙ ⲡⲉⲧⲛⲁϩⲉ ⲉⲩⲥϩⲓⲙⲉ ⲛϫⲱⲱⲣⲉ ⲧⲁⲓ ⲇⲉ ⲛⲧⲉⲓⲙⲓⲛⲉ ⲧⲁⲓⲏⲩ ⲉϩⲉⲛⲉⲛⲉ ⲙⲙⲉ</ab>
11 ⲡϩⲏⲧ ⲙⲡⲉⲥϩⲁⲓ ⲧⲏⲕ ⲉϩⲣⲁⲓ ⲉϫⲱⲥ ⲧⲁⲓ ⲛⲁϭⲣⲱϩ ⲁⲛ ⲙⲡⲟⲉⲓⲕ</ab>
12 ⲥⲉⲓⲣⲉ ⲅⲁⲣ ⲙⲡⲉⲥϩⲁⲓ ⲛϩⲉⲛⲡⲉⲧⲛⲁⲛⲟⲩⲟⲩ ⲛϩⲉⲛⲡⲉⲑⲟⲟⲩ ⲁⲛ ⲛⲟⲩⲟⲉⲓϣ ⲅⲁⲣ ⲛⲓⲙ</ab>
13 ⲉⲥϭⲛⲥⲟⲣⲧ ϩⲓⲙⲁϩⲉ ϣⲁⲥⲧⲁⲙⲓⲟⲟⲩ ⲛⲛⲉⲥϭⲓϫ ⲛϣⲁⲩ</ab>
14 ⲁⲥⲉⲣⲑⲉ ⲛⲛⲓϫⲟⲓ ⲛⲉϣⲱⲧ ⲉϩⲟⲩⲛ ⲛⲛⲉⲛⲕⲁ ⲛⲁⲥ ⲙⲡⲟⲩⲉ</ab>
15 ⲁⲩⲱ ϣⲁⲥⲧⲱⲟⲩⲛ ⲛϭⲱⲣϩ ⲛⲥϯϩⲣⲉ ⲛⲛⲁⲡⲏⲓ ⲁⲩⲱ ϩⲱⲃ ⲛⲛⲉⲥϩⲙϩⲁⲗ</ab>
16 ⲉⲥϣⲁⲛⲛⲁⲩ ⲉⲩⲥⲱϣⲉ ϣⲁⲥϣⲟⲡⲥ ϣⲁⲥⲧⲱϭⲉ ⲇⲉ ⲛϩⲉⲛⲙⲁⲛⲉⲗⲟⲟⲗⲉ ⲉⲃⲟⲗ ϩⲛⲛⲕⲁⲣⲡⲟⲥ ⲛⲛⲉⲥϭⲓϫ</ab>
17 ⲉⲁⲥⲙⲟⲩⲣ ⲛⲧⲉⲥϯⲡⲉ ⲉⲙⲁⲧⲉ ϩⲛⲟⲩϭⲟⲙ ⲁⲥⲧⲁϫⲣⲉⲛⲉⲥϭⲃⲟⲓ ⲉⲡⲉⲥϩⲱⲃ ⲁⲥϫⲓϯⲡⲉ ϫⲉ ⲛⲁⲛⲟⲩⲡⲣϩⲱⲃ</ab>
18 ⲁⲩⲱ ⲙⲉⲣⲉⲡⲉⲥϩⲏⲃⲥ ϫⲉⲛⲁ ⲛⲧⲉⲩϣⲏ ⲧⲏⲣⲥ</ab>
19 ⲁⲥⲥⲟⲩⲧⲛⲧⲉⲥϭⲓϫ ⲉⲛⲉⲧⲉϣϣⲉ ⲁⲩⲱ ⲛⲉⲥϩⲓⲱⲙⲉ ϣⲁⲥⲧⲁϫⲣⲟⲟⲩ ⲉⲡⲉⲙⲛⲁⲓ ϣⲁⲥⲟⲩⲱⲛ ⲛⲧⲟⲟⲧⲥ ⲉⲩϩⲏⲕⲉ ⲛⲥⲥⲟⲩⲧⲛⲟⲩⲕⲁⲣⲡⲟⲥ ⲙⲡⲉⲧϣⲁⲁⲧ</ab>
20 <gap reason=""/>
21 ⲙⲉⲣⲉⲡⲉⲥϩⲁⲓ ϥⲓⲣⲟⲟⲩϣ ϩⲁⲛⲁⲡⲏⲓ ⲉϥϣⲁⲛⲱⲥⲕ ϩⲛⲟⲩⲙⲁ ⲛⲉⲧϩⲁϩⲧⲏⲥ ⲅⲁⲣ ⲧⲏⲣⲟⲩ ϩⲟⲃⲥ</ab>
22 ⲁⲥⲧⲁⲙⲓⲉϩⲃⲥⲱ ⲥⲛⲧⲉ ⲙⲡⲉⲥϩⲁⲓ ⲁⲩⲱ ϩⲉⲛϩⲟⲓⲧⲉ ⲛⲁⲥ ⲉⲃⲟⲗ ϩⲙⲡϣⲛⲥ ⲙⲛⲡϫⲏϭⲉ</ab>
23 ϣⲁⲩϭⲱϣⲧ ⲇⲉ ⲛⲥⲁⲡⲉⲥϩⲁⲓ ϩⲛⲙⲡⲩⲗⲏ ⲉϥϣⲁⲛϩⲙⲟⲟⲥ ϩⲛⲟⲩⲥⲟⲟⲩϩⲥ ⲙⲛⲛϩⲗⲗⲟ ⲁⲩⲱ ⲛⲉⲧⲟⲩⲏϩ ϩⲙⲡⲕⲁϩ</ab>
24 ⲁⲥⲧⲁⲙⲓⲉϩⲉⲛⲥⲓⲛⲇⲱⲛ ⲁⲥⲧⲁⲁⲩ ⲉⲃⲟⲗ ⲁⲩⲱ ϩⲉⲛⲡⲉⲣⲓⲍⲱⲙⲁ ⲛⲛⲉⲫⲟⲓⲛⲓⲝ</ab>
25 <gap reason=""/>
26 ⲁⲥϯ ϩⲓⲱⲱⲥ ⲛⲟⲩϭⲟⲙ ⲙⲛⲟⲩⲉⲟⲟⲩ</ab>
27 ⲙⲡⲥⲟⲩⲱⲙ ⲇⲉ ⲛⲟⲉⲓⲕ ⲙⲙⲛⲧⲣⲉϥϫⲛⲁⲁⲩ ⲛⲉϩⲓⲟⲟⲩⲉ ⲙⲡⲉⲥⲏⲓ ϭⲏⲩ ⲁⲩⲱ ⲥⲛⲁⲉⲩⲫⲣⲁⲛⲉ ⲛⲛⲉϩⲟⲟⲩ ⲛϩⲁⲉ</ab>
28 ⲥⲛⲁⲟⲩⲱⲛ ⲛⲣⲱⲥ ϩⲛⲟⲩⲙⲛⲧⲥⲁⲃⲉ ⲁⲩⲱ ϩⲙⲡⲛⲟⲙⲟⲥ ⲛⲁⲛⲥⲙⲙⲉ ⲙⲛⲙⲙⲛⲧⲛⲁ ϩⲓⲡⲉⲥⲗⲁⲥ</ab>
29 ⲁϩⲁϩ ⲛⲥϩⲓⲙⲉ ϫⲡⲉⲟⲩⲙⲛⲧⲣⲙⲙⲁⲟ ⲁϩⲁϩ ⲣϩⲉⲛⲙⲛⲧϫⲱⲱⲣⲉ ⲛⲧⲟ ⲇⲉ ⲁⲣϫⲓⲥⲉ ⲉⲣⲟⲟⲩ ⲧⲏⲣⲟⲩ</ab>
30 ϩⲉⲛⲁⲣⲓⲥⲕⲉ ⲛⲛⲟⲩϫ ⲁⲩⲱ ⲟⲩⲡⲉⲧϣⲟⲩⲉⲓⲧ ⲡⲉ ⲡⲥⲁ ⲛⲟⲩⲥϩⲓⲙⲉ ⲥⲉⲛⲁⲥⲙⲟⲩ ⲅⲁⲣ ⲉⲩⲥϩⲓⲙⲉ ⲙⲙⲁⲓⲛⲟⲩⲧⲉ ⲙⲁⲣⲉⲥⲥⲙⲟⲩ ⲇⲉ ⲛⲧⲟⲥ ⲉⲑⲟⲧⲉ ⲙⲡϫⲟⲉⲓⲥ</ab>
31 ϯ ⲛⲁⲥ ⲉⲃⲟⲗ ϩⲛⲛⲕⲁⲣⲡⲟⲥ ⲛⲛⲉⲥϭⲓϫ ϫⲉ ⲉⲩⲉϫⲱ ⲙⲡⲥⲟⲉⲓⲧ ⲛⲛⲉⲥϩⲃⲏⲩⲉ ϩⲛⲙⲙⲁ ⲛⲃⲱⲕ ⲉϩⲟⲩⲛ ⲛⲛⲥⲟⲟⲩϩⲥ ⲁⲩⲱ ⲙⲁⲣⲟⲩⲥⲙⲟⲩ ⲉⲡⲉⲥϩⲁⲓ ϩⲛⲙⲡⲩⲗⲏ</ab>