1 ⲡⲁϣⲏⲣⲉ ⲁⲣⲓϩⲟⲧⲉ ϩⲏⲧⲟⲩ ⲛⲛⲁϣⲁϫⲉ ⲉⲁⲕϣⲟⲡⲟⲩ ⲇⲉ ⲉⲣⲟⲕ ⲙⲉⲧⲁⲛⲟⲓ ⲛⲁⲓ ⲛⲉϣⲁⲣⲉⲡⲣⲱⲙⲉ ϫⲟⲟⲩ ⲛⲛⲉⲧⲡⲓⲥⲧⲉⲩⲉ ⲉⲡⲛⲟⲩⲧⲉ ϫⲉ ϯⲛⲁⲗⲟ</ab>
2 ⲁⲛⲅ ⲟⲩⲥⲁⲃⲉ ⲅⲁⲣ ⲉϩⲟⲩⲉ ⲣⲏⲙⲉ ⲛⲓⲙ ⲁⲩⲱ ⲛⲟⲩⲙⲛⲧⲥⲁⲃⲉ ⲛⲣⲱⲙⲉ ⲁⲛ ⲧⲉⲧⲛϩⲏⲧ</ab>
3 ⲡⲛⲟⲩⲧⲉ ⲡⲉⲛⲧⲁϥⲧⲥⲁⲃⲟⲓ ⲉⲧⲥⲟⲫⲓⲁ ⲁⲩⲱ ⲁⲛⲟⲕ ⲁⲓⲥⲟⲩⲛⲡⲥⲟⲟⲩⲛ ⲛⲛⲉⲧⲟⲩⲁⲁⲃ</ab>
4 ⲛⲓⲙ ⲡⲉⲛⲧⲁϥⲃⲱⲕ ⲉϩⲣⲁⲓ ⲉⲧⲡⲉ ⲁϥⲉⲓ ⲉⲡⲉⲥⲏⲧ ⲛⲓⲙ ⲡⲉⲛⲧⲁϥⲥⲉⲩϩⲛⲧⲏⲩ ⲉϩⲟⲩⲛ ϩⲛⲕⲟⲩⲛϥ ⲛⲓⲙ ⲡⲉⲛⲧⲁϥⲥⲉⲩϩⲡⲙⲟⲟⲩ ⲉϩⲟⲩⲛ ϩⲛⲧⲉϥϣⲧⲏⲛ ⲛⲓⲙ ⲡⲉⲛⲧⲁϥⲁⲙⲁϩⲧⲉ ⲛⲁⲣⲏϫϥ ⲙⲡⲕⲁϩ ⲛⲓⲙ ⲡⲉ ⲡⲉϥⲣⲁⲛ ⲏ ⲡⲣⲁⲛ ⲛⲛⲉϥϣⲏⲣⲉ</ab>
5 ⲛϣⲁϫⲉ ⲧⲏⲣⲟⲩ ⲙⲡⲛⲟⲩⲧⲉ ⲥⲟⲧⲡ ⲁⲩⲱ ⲥⲉⲡⲟⲥⲉ ⲡⲉⲓⲙⲉ ⲇⲉ ⲉⲡⲛⲟⲙⲟⲥ ⲡⲁⲟⲩⲙⲉⲉⲩⲉ ⲡⲉ ⲉⲛⲁⲛⲟⲩϥ ⲁϣϥⲣⲛⲁϣⲧⲉ ⲇⲉ ⲛⲧⲟϥ ⲉⲛⲉⲧⲣϩⲟⲧⲉ ϩⲏⲧϥ</ab>
6 ⲙⲡⲣⲟⲩⲱϩ ⲉⲛⲉϥϣⲁϫⲉ ϫⲉ ⲛⲛⲉϥϫⲡⲓⲟⲕ ⲛⲅⲣⲣⲉϥϫⲓϭⲟⲗ</ab>
7 ϩⲱⲃ ⲥⲛⲁⲩ ⲛⲉⲧⲓⲁⲓϯ ⲙⲙⲟⲟⲩ ⲛⲧⲟⲟⲧⲕ ⲙⲡⲣϥⲓ ⲛⲧⲉⲭⲁⲣⲓⲥ ⲉⲃⲟⲗ ⲛϩⲏⲧ ⲉⲙⲡⲁϯⲙⲟⲩ</ab>
8 ⲙⲁⲣⲉⲟⲩϣⲁϫⲉ ⲉϥϣⲟⲩⲉⲓⲧ ⲁⲩⲱ ⲛϭⲟⲗ ⲟⲩⲉ ⲙⲙⲟⲓ ⲙⲡⲣϯ ⲇⲉ ⲛⲁⲓ ⲛⲟⲩⲙⲛⲧⲣⲙⲙⲁⲟ ⲙⲛⲟⲩⲙⲛⲧϩⲏⲕⲉ ⲧⲱϣ ⲛⲁⲓ ⲛⲛⲉϯⲁϩⲉ ⲛⲁⲩ ⲙⲛⲡⲁⲣⲱϣⲉ</ab>
9 ϫⲉ ⲛⲛⲁⲥⲉⲓ ⲛⲧⲁⲣⲣⲉϥϫⲓϭⲟⲗ ⲛⲧⲁϫⲟⲟⲥ ϫⲉ ⲛⲓⲙ ⲡⲉⲧⲛⲁⲩ ⲉⲣⲟⲓ ⲏ ⲧⲁⲣϩⲏⲕⲉ ⲛⲧⲁϫⲓⲟⲩⲉ ⲛⲧⲁⲱⲣⲕ ⲙⲡⲣⲁⲛ ⲙⲡⲁⲛⲟⲩⲧⲉ</ab>
10 ⲙⲡⲣϯ ⲛⲟⲩϩⲙϩⲁⲗ ⲉⲧⲟⲟⲧϥ ⲙⲡⲉϥϫⲟⲉⲓⲥ ⲙⲏⲡⲟⲧⲉ ⲛϥⲥϩⲟⲩⲱⲣⲕ ⲛⲅⲧⲁⲕⲟ</ab>
11 ϣⲁⲣⲉⲟⲩϣⲏⲣⲉ ⲉϥϩⲟⲟⲩ ⲥⲁϩⲟⲩ ⲙⲡⲉϥⲉⲓⲱⲧ ⲁⲩⲱ ⲙⲉϥⲥⲙⲟⲩ ⲉⲧⲉϥⲙⲁⲁⲩ</ab>
12 ϣⲁⲣⲉ ⲡϣⲣ ⲃⲱⲱⲛ ⲕⲣⲓⲛⲉ ⲙⲙⲟϥ ϩⲱⲥ ⲇⲓⲕⲁⲓⲟⲥ ⲧⲉϥϩⲓⲏ ⲇⲉ ⲙⲡϥⲧⲃⲃⲟⲥ</ab>
13 ⲟⲩϫⲁⲥⲓⲃⲁⲗ ⲡⲉ ⲟⲩϣⲏⲣⲉ ⲉϥϩⲟⲟⲩ ⲛⲉϥⲉⲛⲧⲟⲗⲏ ⲇⲉ ⲙⲙⲓⲛ ⲙⲙⲟϥ ⲛⲁⲛⲟⲩⲟⲩ ⲛⲁϩⲣⲁϥ ⲁⲩⲱ ϣⲁϥϫⲓⲥⲉ ⲙⲙⲟϥ ϩⲛⲛⲉϥⲟⲩϩⲉ</ab>
14 ϩⲉⲛⲥⲏϥⲉ ⲛⲉⲛⲟⲃϩⲉ ⲙⲡϣⲏⲣⲉ ⲉⲑⲟⲟⲩ ⲁⲩⲱ ϩⲉⲛⲣⲉϥϣⲱⲱⲧ ⲛⲉ ⲛⲉϥⲛⲁϫϩⲉ ϩⲱⲥⲧⲉ ⲉⲧⲁⲕⲟ ⲛⲛⲉⲧⲑⲃⲃⲓⲏⲩ ⲙⲡⲕⲁϩ ⲁⲩⲱ ⲛⲉⲩϩⲏⲕⲉ ⲉⲃⲟⲗ ϩⲛⲛⲣⲱⲙⲉ</ab>
15 ⲟⲩⲛⲧⲉ ⲧⲉⲃⲇⲉⲗⲗⲏ ϣⲙⲧ ϣⲉⲉⲣⲉ ⲉⲥⲙⲉ ⲙⲙⲟⲟⲩ ϩⲛⲟⲩⲙⲉ ⲁⲩⲱ ⲧⲉⲓϣⲟⲙⲧⲉ ⲙⲡⲟⲩⲧⲥⲓⲟⲥ</ab>
16 ⲁⲙⲛⲧⲉ ⲙⲛⲡⲙⲉ ⲛⲥϩⲓⲙⲉ ⲙⲛⲡⲧⲁⲣⲧⲁⲣⲟⲥ ⲙⲛⲡⲕⲁϩ ⲉⲙⲉϥⲥⲓ ⲙⲙⲟⲟⲩ ⲙⲛⲡⲙⲟⲟⲩ ⲙⲛⲡⲕⲱϩⲧ ⲉⲛⲛⲉⲩϫⲟⲟⲥ ϫⲉ ϩⲱ ⲁⲩⲱ ⲧⲙⲉϩϥⲧⲟⲉ ⲙⲡⲟⲩϩⲉ ⲉⲣⲟⲥ ⲉⲥϫⲟⲟⲥ ϫⲉ ϥⲣⲱϣⲉ</ab>
17 ⲡⲃⲁⲗ ⲉⲧⲥⲱⲃⲉ ⲛⲥⲁⲡⲉϥⲉⲓⲱⲧ ⲁⲩⲱ ⲉⲧⲥⲱϣ ⲛⲧⲙⲛⲧϩⲗⲗⲟ ⲛⲧⲉϥⲙⲁⲁⲩ ⲉⲣⲉⲛⲁⲃⲟⲟⲕⲉ ϣⲉⲕϣⲱⲕϥ ⲉⲃⲟⲗ ϩⲛⲛⲉⲓⲁ ⲁⲩⲱ ⲛⲧⲉ ⲙⲙⲁⲥ ⲛⲁϩⲱⲙⲉ ⲟⲩⲟⲙϥ</ab>
18 ϣⲟⲙⲛⲧ ⲇⲉ ⲛⲉⲧⲙⲟⲕϩ ⲛⲁⲓ ⲉⲛⲟⲓ ⲙⲙⲟⲟⲩ ⲁⲩⲱ ⲛϯⲥⲟⲟⲩⲛ ⲁⲛ ⲙⲡⲙⲉϩϥⲧⲟⲟⲩ</ab>
19 ⲧⲉϩⲓⲏ ⲛⲟⲩⲁϩⲱⲙⲉ ⲉϥϩⲏⲗ ⲁⲩⲱ ⲛⲉϩⲓⲟⲟⲩⲉ ⲛⲟⲩϩⲟϥ ϩⲓⲟⲩⲡⲉⲧⲣⲁ ⲙⲛⲛⲉϩⲓⲟⲟⲩⲉ ⲛⲟⲩϫⲟⲓ ⲉϥⲣϩⲱⲧ ⲁⲩⲱ ⲛⲉϩⲓⲟⲟⲩⲉ ⲛⲟⲩⲣⲱⲙⲉ ⲉϥϩⲛⲧⲉϥⲙⲛⲧⲕⲟⲩⲓ</ab>
20 ⲟⲩⲧⲉⲓⲙⲓⲛⲉ ⲧⲉ ⲧⲉϩⲓⲏ ⲛⲟⲩⲥϩⲓⲙⲉ ⲛⲛⲟⲉⲓⲕ ⲧⲁⲓ ⲉⲧⲥⲛⲁⲣⲡⲉⲧⲥⲛⲁⲁϥ ⲛⲥⲉⲓⲁⲁⲥ ⲛⲥϫⲟⲟⲥ ϫⲉ ⲙⲡⲓⲣⲗⲁⲁⲩ ⲛⲛⲟⲃⲉ</ab>
21 ⲉⲣⲉⲡⲕⲁϩ ⲕⲓⲙ ϩⲛϣⲙⲧ ϩⲱⲃ ⲁⲩⲱ ⲙⲛϭⲟⲙ ⲙⲙⲟϥ ⲉϥⲓ ϩⲁⲡⲙⲉϩϥⲧⲟⲟⲩ</ab>
22 ⲟⲩϩⲙϩⲁⲗ ⲉϥϣⲁⲛⲣⲣⲣⲟ ⲁⲩⲱ ⲛⲧⲉⲟⲩⲁⲑⲏⲧ ⲥⲉⲓ ⲛⲟⲉⲓⲕ</ab>
23 ⲁⲩⲱ ⲛⲧⲉⲟⲩϩⲙϩⲁⲗ ⲛⲉϫⲧⲉⲥϫⲟⲉⲓⲥ ⲉⲃⲟⲗ ⲁⲩⲱ ⲛⲧⲉⲟⲩⲥϩⲓⲙⲉ ⲙⲙⲉⲥⲧⲏ ⲙⲁⲧⲉ ⲛⲟⲩϩⲁⲓ ⲉⲛⲁⲛⲟⲩϥ</ab>
24 ϥⲧⲟⲟⲩ ⲇⲉ ⲛⲉⲗⲁⲭⲓⲥⲧⲟⲛ ⲛⲉⲧϩⲓϫⲙⲡⲕⲁϩ ⲛⲁⲓ ⲇⲉ ϩⲉⲛⲥⲁⲃⲉ ⲛⲉ ⲉϩⲟⲩⲉⲛⲥⲟⲫⲟⲥ</ab>
25 ⲛϭⲁϫⲓϥ ⲉⲧⲉⲙⲛⲧⲟⲩϭⲟⲙ ⲉⲧⲉϣⲁⲩⲥⲃⲧⲉⲛⲉⲩϩⲣⲏⲩⲉ ⲙⲡϣⲱⲙ</ab>
26 ⲁⲩⲱ ⲛⲥⲁⲣⲁϭⲱⲟⲩϣ ⲉⲩϩⲉⲑⲛⲟⲥ ⲡⲉ ⲛϭⲱⲃ ⲛⲁⲓ ⲛⲧⲁⲩⲧⲁⲙⲓⲉⲛⲉⲩⲏⲓ ϩⲛⲙⲡⲉⲧⲣⲁ</ab>
27 ⲙⲛⲣⲣⲟ ϩⲓϫⲙⲡⲉϣϫⲉ ⲁⲩⲱ ϣⲁⲩϩⲱⲗ ⲉⲃⲟⲗ ϩⲛⲟⲩⲉϩⲥⲁϩⲛⲉ ⲛⲟⲩⲱⲧ ⲉⲩⲧⲏϣ</ab>
28 ⲁⲩⲱ ⲡϩⲁⲕⲗϥ ⲉϥⲧⲁϫⲣⲏⲩ ⲉϫⲛⲛⲉϥϭⲓϫ ⲁⲩⲱ ⲉϥⲙⲟⲧⲛ ⲛⲧⲁⲕⲟϥ ϥⲟⲩⲏϩ ϩⲛⲛⲏⲓ ⲛⲛⲣⲣⲱⲟⲩ</ab>
29 ϣⲟⲙⲛⲧ ⲇⲉ ⲛⲉⲧⲙⲟⲟϣⲉ ⲕⲁⲗⲱⲥ ⲁⲩⲱ ⲡⲙⲉϩϥⲧⲟⲟⲩ ϣⲁϥⲉⲓ ⲉⲃⲟⲗ ⲉϥⲧⲏϣ</ab>
30 ⲟⲩⲙⲁⲥ ⲙⲙⲟⲩⲓ ⲉϥϫⲟⲟⲣ ⲉⲛⲧⲃⲛⲟⲟⲩⲉ ⲡⲁⲓ ⲉⲙⲉϥⲕⲧⲟϥ ⲟⲩⲇⲉ ⲙⲉⲣⲉⲧⲃⲛⲏ ⲛⲟϣⲡ</ab>
31 ⲁⲩⲱ ⲟⲩⲁⲗⲉⲕⲧⲱⲣ ⲉϥⲙⲟⲟϣⲉ ϩⲛϩⲉⲛⲥϩⲓⲙⲉ ⲉϥⲣⲟⲟⲩⲧ ⲁⲩⲱ ⲟⲩϭⲓⲉ ⲉϥⲥⲱⲕ ϩⲏⲧϥ ⲙⲡⲟϩⲉ ⲛⲃⲁⲙⲡⲉ ⲁⲩⲱ ⲟⲩⲣⲣⲟ ⲉϥϣⲁϫⲉ ϩⲛⲟⲩⲛⲟϭ ⲙⲙⲏⲏϣⲉ</ab>
32 ⲡⲁϣⲏⲣⲉ ⲉⲕϣⲁⲛⲕⲁⲁⲕ ⲉϩⲣⲁⲓ ⲉⲩⲟⲩⲛⲟϥ ⲁⲩⲱ ⲛⲅⲥⲟⲩⲧⲛⲧⲉⲕϫⲓϫ ⲉⲃⲟⲗ ⲉⲣⲱⲕ ϩⲛⲟⲩⲙⲓϣⲉ ⲕⲛⲁϫⲓⲥⲱϣ</ab>
33 ϩⲉⲛⲉⲣⲱⲧⲉ ⲧⲁⲣⲉⲕϭⲛⲥⲁⲉⲓⲣⲉ ⲉⲕϣⲁⲛⲟϥⲟⲩ ⲇⲉ ⲡⲉⲥⲛⲟϥ ⲛⲏⲩ ⲉⲃⲟⲗ ⲉⲕϣⲁⲛⲥⲱⲕ ⲇⲉ ⲛϩⲉⲛϣⲁϫⲉ ϣⲁⲣⲉϩⲉⲛϩⲁⲡ ⲙⲛϩⲉⲛⲙⲓϣⲉ ⲉⲓ ⲉⲃⲟⲗ</ab>
34 <gap reason=""/>
35 <gap reason=""/>