1 ⲟⲩⲟⲓ ⲛⲛⲉⲧⲧⲁⲗⲁⲓⲡⲱⲣⲓ ⲙⲙⲱⲧⲛ ⲙⲛⲗⲁⲁⲩ ⲇⲉ ⲛⲁⲣⲧⲏⲩⲧⲛ ⲛⲧⲁⲗⲁⲓⲡⲟⲣⲟⲥ ⲁⲩⲱ ⲡⲉⲧⲁⲑⲁⲓⲧⲓ ⲛϥⲁⲑⲁⲓⲧⲉⲓ ⲙⲙⲱⲧⲛ ⲁⲛ ⲥⲉⲛⲁⲧⲁⲕⲟ ⲅⲁⲣ ⲛⲛⲉⲧⲁⲑⲁⲓⲧⲓ ⲁⲩⲱ ⲥⲉⲛⲁⲡⲁⲣⲁⲇⲓⲇⲟⲩ ⲙⲙⲟⲟⲩ ⲁⲩⲱ ⲛⲑⲉ ⲛⲟⲩϩⲟⲟⲗⲉ ϩⲓ ⲟⲩϣⲧⲏⲛ ⲧⲁⲓ ⲧⲉ ⲑⲉ ⲉⲧⲟⲩⲛⲁϭⲱⲧⲡ</ab>
2 ⲡϫⲟⲉⲓⲥ ⲛⲁ ⲛⲁⲛ ⲛⲧⲁⲛⲛⲁϩⲧⲉ ⲅⲁⲣ ⲉⲣⲟⲕ ⲙⲁⲣⲉⲡⲉⲥⲡⲉⲣⲙⲁ ⲛⲛⲉⲧⲟ ⲛⲁⲧⲛⲁϩⲧⲉ ϣⲱⲡⲉ ⲉⲩⲧⲁⲕⲟ ⲉⲣⲉⲡⲉⲛⲟⲩϫⲁⲓ ⲇⲉ ϩⲙ ⲡⲉⲩⲟⲩⲟⲉⲓϣ ⲛⲧⲉⲑⲗⲓⲯⲓⲥ</ab>
3 ⲉⲧⲃⲉ ⲧⲉⲥⲙⲏ ⲛⲧⲉⲕϩⲟⲧⲉ ⲁⲛⲗⲁⲟⲥ ⲡⲱϣⲥ ⲉⲃⲟⲗ ⲛⲧⲉⲕϩⲟⲧⲉ ⲁⲩⲱ ⲁⲛϩⲉⲑⲛⲟⲥ ϫⲱⲱⲣⲉ ⲉⲃⲟⲗ</ab>
4 ⲧⲉⲛⲟⲩ ⲇⲉ ⲛⲉⲧⲛϣⲱⲗ ⲛⲁⲥⲱⲟⲩϩ ⲉϩⲟⲩⲛ ⲛⲁⲡⲕⲟⲩⲓ ⲙⲛ ⲛⲁⲡⲛⲟϭ ⲛⲑⲉ ⲛⲟⲩⲁ ⲉϥⲥⲱⲟⲩϩ ⲉϩⲟⲩⲛ ⲛϩⲉⲛϣϫⲉ ⲧⲁⲓ ⲧⲉ ⲑⲉ ⲉⲧⲟⲩⲛⲁⲥⲱⲃⲉ ⲙⲙⲱⲧⲛ</ab>
5 ⲡⲛⲟⲩⲧⲉ ⲟⲩⲁⲁⲃ ⲉⲧⲟⲩⲏϩ ϩⲛ ⲛⲉⲧϫⲟⲥⲉ ⲉⲁⲥⲓⲱⲛ ⲙⲟⲩϩ ⲛϩⲁⲡ ϩⲓ ⲇⲓⲕⲁⲓⲟⲥⲩⲛⲏ</ab>
6 ⲥⲉⲛⲁⲧⲁⲁⲩ ϩⲙ ⲡⲛⲟⲙⲟⲥ ⲉⲣⲉⲡⲉⲛⲟⲩϫⲁⲓ ϩⲛ ⲛⲁϩⲱⲱⲣ ⲉⲣⲉⲧⲥⲟⲫⲓⲁ ⲙⲛ ⲧⲙⲛⲧⲣⲙⲛϩⲏⲧ ⲙⲛ ⲧⲙⲛⲧⲣⲙⲛⲛⲟⲩⲧⲉ ⲛⲏⲩ ⲛϩⲁⲣⲙ ⲡϫⲟⲉⲓⲥ ⲛⲁⲓ ⲛⲉ ⲛⲁϩⲱⲱⲣ ⲛⲧⲇⲓⲕⲁⲓⲟⲥⲩⲛⲏ</ab>
7 ⲉⲓⲥ ϩⲏⲏⲧⲉ ⲛⲧⲟⲟⲩ ⲥⲉⲛⲁⲣϩⲟⲧⲉ ϩⲛ ⲧⲉⲧⲛϩⲟⲧⲉ ⲛⲉⲧⲉⲧⲛⲣϩⲟⲧⲉ ⲛϩⲏⲧⲟⲩ ⲥⲉⲛⲁⲱϣ ⲉⲃⲟⲗ ⲉⲩⲧⲱⲃϩ ⲛⲟⲩⲉⲓⲣⲏⲛⲏ ⲉⲃⲟⲗ ϩⲓⲧⲛ ⲧⲏⲩⲧⲛ ⲥⲉⲛⲁⲧⲛⲛⲟⲟⲩ ⲅⲁⲣ ⲛϩⲉⲛⲃⲁⲓϣⲓⲛⲉ ⲉⲩⲣⲓⲙⲉ ϩⲛ ⲟⲩⲥⲓϣⲉ ⲉⲩⲧⲱⲃϩ ⲛⲟⲩⲉⲓⲣⲏⲛⲏ</ab>
8 ⲛⲉϩⲓⲟⲟⲩⲉ ⲅⲁⲣ ⲛⲛⲁⲓ ⲛⲁⲣϫⲁⲓⲉ ⲁⲑⲟⲧⲉ ⲛⲛϩⲉⲑⲛⲟⲥ ⲗⲟ ⲁⲩⲱ ⲥⲉⲛⲁϥⲓ ⲛⲧⲇⲓⲕⲁⲓⲟⲥⲩⲛⲏ ⲉⲧⲙⲛ ⲛⲁⲓ ⲁⲩⲱ ⲛⲛⲉⲧⲛⲟⲡⲟⲩ ⲉⲣⲱⲙⲉ</ab>
9 ⲁⲡⲕⲁϩ ⲣϩⲏⲃⲉ ⲁⲡⲗⲓⲃⲁⲛⲟⲥ ϫⲓϣⲓⲡⲉ ⲁⲁⲥⲧⲁⲣⲱⲛ ⲣϩⲉⲗⲟⲥ ⲧⲅⲁⲗⲓⲗⲁⲓⲁ ⲙⲛ ⲡⲕⲁⲣⲙⲏⲗⲟⲥ ⲛⲁⲟⲩⲱⲛϩ ⲉⲃⲟⲗ</ab>
10 ⲧⲉⲛⲟⲩ ϯⲛⲁⲧⲱⲟⲩⲛ ⲡⲉϫⲉⲡϫⲟⲉⲓⲥ ⲧⲉⲛⲟⲩ ϯⲛⲁϫⲓⲉⲟⲟⲩ ⲧⲉⲛⲟⲩ ϯⲛⲁϫⲓⲥⲉ</ab>
11 ⲧⲉⲛⲟⲩ ⲧⲉⲧⲛⲛⲁⲛⲁⲩ ⲧⲉⲛⲟⲩ ⲧⲉⲧⲛⲛⲁϫⲓϣⲓⲡⲉ ⲧϭⲟⲙ ⲙⲡⲉⲧⲛⲡⲛⲁ ⲛⲁϣⲱⲡⲉ ⲉⲥϣⲟⲩⲉⲓⲧ ⲡⲕⲱϩⲧ ⲛⲁⲟⲩⲉⲙⲧⲏⲩⲧⲛ</ab>
12 ⲁⲩⲱ ⲛϩⲉⲑⲛⲟⲥ ⲛⲁϣⲱⲡⲉ ⲉⲩⲣⲟⲕϩ ⲛⲑⲉ ⲛⲟⲩϣⲟⲛⲧⲉ ⲉⲥⲛⲏϫ ϩⲛ ⲧⲥⲱϣⲉ ⲁⲩⲱ ⲉⲥⲣⲟⲕϩ</ab>
13 ⲛⲉⲧϩⲙ ⲡⲟⲩⲉ ⲛⲁⲥⲱⲧⲙ ⲉⲛⲉⲛⲧⲁⲓⲁⲁⲩ ⲁⲩⲱ ⲛⲉⲧϩⲏⲛ ⲉϩⲟⲩⲛ ⲛⲁⲉⲓⲙⲉ ⲉⲧⲁϭⲟⲙ</ab>
14 ⲁⲛⲁⲛⲟⲙⲟⲥ ⲉⲧϩⲛ ⲥⲓⲱⲛ ⲗⲟ ⲡⲉⲥⲧⲱⲧ ⲛⲁϫⲓ ⲛⲛⲁⲥⲉⲃⲏⲥ ⲛⲓⲙ ⲡⲉⲧⲛⲁϫⲟⲟⲥ ⲛⲏⲧⲛ ϫⲉ ⲟⲩⲛⲕⲱϩⲧ ⲛⲁⲙⲟⲩϩ ⲛⲓⲙ ⲡⲉⲧⲛⲁⲧⲁⲙⲱⲧⲛ ⲉⲡⲙⲁ ⲛϣⲁ ⲉⲛⲉϩ</ab>
15 ⲡⲉⲧⲙⲟⲟϣⲉ ϩⲛ ⲧⲇⲓⲕⲁⲓⲟⲥⲩⲛⲏ ⲉⲧϫⲱ ⲛⲧⲉϩⲓⲏ ⲉⲧⲥⲟⲩⲧⲱⲛ ⲉⲧⲙⲟⲥⲧⲉ ⲛⲧⲁⲛⲟⲙⲓⲁ ⲙⲛ ⲡϫⲓ ⲛϭⲟⲛⲥ ⲁⲩⲱ ⲉϥⲛⲟⲩϩⲉ ⲛⲛⲉϥϭⲓϫ ⲉⲃⲟⲗ ϩⲛ ⲛⲇⲱⲣⲟⲛ ⲉϥϩⲣⲟϣ ⲛⲛⲉϥⲙⲁⲁϫⲉ ϫⲉ ⲛⲛⲉϥⲥⲱⲧⲙ ⲉⲩϩⲁⲡ ⲛϫⲓ ⲛϭⲟⲛⲥ ⲉϥϣⲧⲁⲙ ⲛⲛⲉϥⲃⲁⲗ ϫⲉ ⲛⲛⲉϥⲛⲁⲩ ⲉϫⲓ ⲛϭⲟⲛⲥ</ab>
16 ⲡⲁⲓ ⲡⲉⲧⲛⲁⲟⲩⲱϩ ϩⲙ ⲡⲙⲁ ⲛϣⲱⲡⲉ ⲉⲧϫⲟⲥⲉ ⲛⲧⲉ ⲧⲡⲉⲧⲣⲁ ⲉⲧⲧⲁϫⲣⲏⲩ ⲥⲉⲛⲁϯ ⲛⲁϥ ⲙⲡⲟⲉⲓⲕ ⲁⲩⲱ ⲡⲉϥⲙⲟⲟⲩ ⲉⲛϩⲟⲧ</ab>
17 ⲧⲉⲧⲛⲁⲛⲁⲩ ⲉⲩⲣⲣⲟ ⲙⲛ ⲟⲩⲉⲟⲟⲩ ⲁⲩⲱ ⲛⲉⲧⲛⲃⲁⲗ ⲛⲁⲛⲁⲩ ⲉⲩⲕⲁϩ ⲙⲡⲟⲩⲉ</ab>
18 ⲧⲉⲧⲛⲯⲩⲭⲏ ⲛⲁⲙⲉⲗⲉⲧⲁ ⲛⲑⲟⲧⲉ ⲙⲡϫⲟⲉⲓⲥ ⲉⲩⲧⲱⲛ ⲛⲉⲧⲛⲅⲣⲁⲙⲁⲧⲉⲩⲥ ⲉⲩⲧⲱⲛ ⲛⲉⲧⲛϫⲓϣⲟϫⲛⲉ ⲉϥⲧⲱⲛ ⲡⲉⲧⲱⲡ ⲛⲛⲥⲓⲟⲩ</ab>
19 ⲟⲩⲕⲟⲩⲓ ⲙⲛ ⲟⲩⲛⲟϭ ⲡⲁⲓ ⲙⲡⲟⲩϫⲓϣⲟϫⲛⲉ ⲛⲁϥ ⲟⲩⲇⲉ ⲛⲉϥⲥⲟⲩⲛ ⲁⲛ ⲛϩⲁϭⲃ ⲥⲙⲏ ϩⲱⲥⲧⲉ ⲉⲧⲙⲥⲱⲧⲙ ⲟⲩⲗⲁⲟⲥ ⲉϥⲥⲟϣϥ ⲁⲩⲱ ⲙⲛ ⲙⲛⲧⲣⲙⲛϩⲏⲧ ⲙⲡⲉⲧⲥⲱⲧⲙ</ab>
20 ⲉⲓⲥ ⲧⲡⲟⲗⲓⲥ ⲥⲓⲱⲛ ⲛⲟⲩⲃⲁⲗ ⲛⲁⲛⲁⲩ ⲉⲡⲟⲩϫⲁⲓ ⲑⲓⲉⲣⲟⲩⲥⲁⲗⲏⲙ ⲧⲡⲟⲗⲓⲥ ⲛⲛⲣⲙⲙⲁⲟ ⲛⲛⲉⲩⲕⲓⲙ ⲛϭⲓ ⲛⲟⲩⲥⲕⲩⲛⲏ ⲟⲩⲇⲉ ⲛⲛⲉⲛⲛⲁⲉⲓⲱ ⲛⲛⲟⲩⲥⲕⲩⲛⲏ ⲕⲓⲙ ϣⲁ ⲉⲛⲉϩ ⲛⲟⲩⲟⲉⲓϣ ⲟⲩⲇⲉ ⲛⲛⲉⲛⲟⲩⲛⲟⲩϩ ⲥⲱⲗⲡ</ab>
21 ϫⲉ ⲟⲩⲛⲟϭ ⲛⲏⲧⲛ ⲡⲉ ⲡⲣⲁⲛ ⲙⲡϫⲟⲉⲓⲥ ⲟⲩⲛⲟⲩⲙⲁ ⲛⲁϣⲱⲡⲉ ⲛⲏⲧⲛ ⲛⲓⲉⲣⲱⲟⲩ ⲙⲛ ⲛⲉⲓⲟⲟⲣ ⲛⲁⲟⲩⲱϣⲥ ⲛⲥⲉⲟⲩⲟⲥⲧⲛ ⲛⲛⲉⲃⲱⲕ ϩⲓ ⲧⲉϩⲓⲏ ⲟⲩⲇⲉ ⲛⲛⲉⲟⲩϫⲟⲓ ⲙⲟⲟϣⲉ ⲉϥϩⲓⲛⲉ</ab>
22 ⲟⲩⲛⲟϭ ⲅⲁⲣ ⲡⲉ ⲡⲁⲛⲟⲩⲧⲉ ⲟⲩⲇⲉ ⲛⲛⲉϥⲥⲟⲟⲧ ⲡϫⲟⲉⲓⲥ ⲡⲉ ⲡⲉⲛⲉⲓⲱⲧ ⲡϫⲟⲉⲓⲥ ⲡⲉ ⲡⲉⲛⲣⲉϥϯϩⲁⲡ ⲡϫⲟⲉⲓⲥ ⲡⲉ ⲡⲉⲛⲁⲣⲭⲱⲛ ⲡϫⲟⲉⲓⲥ ⲡⲉ ⲡⲉⲛⲣⲣⲟ ⲡϫⲟⲉⲓⲥ ⲛⲧⲟϥ ⲡⲉⲧⲛⲁⲧⲁⲛϩⲟⲛ</ab>
23 ⲁⲛⲟⲩⲛⲟⲩϩ ⲥⲱⲗⲡ ϫⲉ ⲙⲡⲉⲡⲟⲩϣⲧⲏ ϭⲙϭⲟⲙ ⲁⲩⲱ ⲁϥⲣⲓⲕⲉ ⲛⲛⲟⲩⲗⲁⲩⲟ ⲛⲁⲥⲱϣⲉ ⲁⲛ ⲛϥⲛⲁϥⲓ ⲁⲛ ⲛⲟⲩⲙⲁⲉⲓⲛ ϣⲁⲛⲧⲟⲩⲧⲁⲁⲥ ⲉⲩϣⲱⲗ ⲧⲉⲛⲟⲩ ⲟⲩⲛϩⲁϩ ⲛϭⲁⲗⲉ ⲛⲁⲉⲓⲣⲉ ⲛⲟⲩϣⲱⲗ</ab>
24 ⲁⲩⲱ ⲛⲛⲉⲩϫⲟⲟⲥ ϫⲉ ⲧⲛϩⲟⲥⲉ ⲁⲩⲱ ⲛⲛⲉⲡⲉⲓⲗⲁⲟⲥ ϫⲟⲟⲥ ⲉⲧⲟⲩⲏϩ ⲛϩⲏⲧⲥ ⲁⲩⲕⲱ ⲅⲁⲣ ⲛⲁⲩ ⲉⲃⲟⲗ ⲙⲡⲛⲟⲃⲉ</ab>