1 Coríntios 16
Chube gerua jagere Jesucristo giti degaba kwian ulita alin: El Nuevo Testamento de nuestro Señor Jesucristo en el idioma buglere (SABNT) vs NTLH
1 Ba geru kadu chage igi lite ole giti daba Chubenu una Jerusalénmu alin malen nege cha gerule ba ulita ole igi giti cha gerudu daba Chubenu kle mo lite Chube geruadi nga kweri kada Galacia ole kare.
1 Agora vou tratar do dinheiro para ajudar o povo de Deus da Judeia. Façam o que eu disse às igrejas da província da Galácia.
2 Ba ulita gdaite gdaite kle igi gai mo alin mangire batre, domingo kaire kairege ba ulita mo ta gbadale igi gweale oge ketadale gbale ule daba Chubenu nga namu alin, ba igi ulita gbe biale, ene cha joge chke igi kle biale litaba ole.
2 Todos os domingos cada um de vocês separe e guarde algum dinheiro, de acordo com o que cada um ganhou. Assim não haverá necessidade de recolher ofertas quando eu chegar.
3 Cha be joge chke ba ngwadi gire ba be daba gai igi dbadale daba Chubenu una Jerusalénge alin, cha be chada dege ba igi litu ole giti kagadale ule daba e ole.
3 Depois que chegar, eu enviarei, com cartas de apresentação, aqueles que vocês escolherem para levarem a oferta até Jerusalém.
4 Chage suge no cha alin joge ule gire cha agali be joge ule daba gatedi igi dbe.
4 Se for conveniente que eu também vá, eles farão a viagem comigo.
5 Cha be jogeni una Corintoge ba ulita kle ngwadi tienda ba ulitadi, agwa ngeru cha kle tañachuge joge nga Macedoniage tienda daba Chubenudi nga ege, chegé sugeti nga ege gire cha be joge dare, cha kle tañachuge joge chke ba ngwadi una Corintoge.
5 Eu visitarei vocês depois que tiver passado pela província da Macedônia, pois vou passar por lá.
6 Cha kle tañachuge cha joge chke ba ngwadi cha ta chegekalin chui tanre ba ole baske noi suia tke tangle, gire cha be joge dare. Cha takalin ba ulita cha chudaboi joge dare baini kaire cha be joge ngwadi geru Jesucristo giti dbe, ba cha chudaboi gerule Chube ole cha giti, kaire gweale cha gatedi joge dare nga na bai kairege.
6 Pode ser que eu fique algum tempo com vocês, talvez todo o inverno, e assim vocês poderão me ajudar a continuar a minha viagem para onde quer que eu for.
7 Cha joge chke baske cha me ta gwagekalin alin ba ulitadi gire blike joge tangle, agwa ma no cha alin cha chege chui tanre ba ulita ole, Chube takalin cha chege baske chui ngle cha be chege ba ulita ole chui ngle.
7 Pois eu não quero ver vocês apenas de passagem. Se o Senhor permitir, espero ficar bastante tempo com vocês.
8 Agwa nege cha kle aini una Efesoge, cha be chege aini chui Pentecostés manade ngwange olladadale.
8 Resolvi ficar aqui em Éfeso até o dia de Pentecostes .
9 Aini una aige kwian tanre kle age me no cha dollale Jesucristo gerua dbe gdale, agwa kaire kwian tanre Jesucristo gerua uñakalin, kwian ene ta kle biale Jesucristo gerua keruchuge, malen cha chege aini chui dare Jesucristo gerua ketadale kwiange no no, ene kwian tanre una aige ñage Jesucristo gai ulia.
9 Pois encontrei aqui ótimas oportunidades para um grande e proveitoso trabalho, embora muita gente esteja contra mim.
10 Timoteo joge chke ba ngwadi ba mo ta gbadale ama gai ngwange no, ene ama be suge moge ama kle mo bitallaske kare. Timoteo Jesucristo gerua traganga kwian ole cha Jesucristo gerua traganga kare,
10 Se Timóteo chegar aí, façam tudo para que ele se sinta bem entre vocês; pois, assim como eu, ele também está trabalhando para o Senhor.
11 malen ni ba ulita gdaite tañachugadale me Timoteo gai ngwange no, ba me tañachuge ene agwa ma no ba age no ama alin ama chudaboi ama be kle baske gire, kaire ba ulita ama chudaboale chieni nga suga no ole aini cha kle ngwadi, aini cha kle daba Chubenu ulita ole Timoteo manade ngwange.
11 Não deixem que ninguém o despreze. Pelo contrário, vocês devem ajudá-lo a continuar a sua viagem em paz, a fim de que ele volte para cá. Pois estou esperando que ele volte junto com os outros irmãos.
12 Uñale chage ba kledu Apolos manade ngwange agwa ama me su joge nege, cha tañachugu noare Apolos joge ule Timoteo ole daba na ole ule tienda badi, cha gerudu tanre tanre ama ole joge giti, agwa ama me tadu jogekalin ule ai suiale, cha tañachuge ama be joge chui gweale nage ama be kle biale gire be joge.
12 Quanto ao irmão Apolo, tenho recomendado muitas vezes que vá visitar vocês com os outros irmãos, mas ele acha que não deve ir agora. Ele irá na primeira oportunidade.
13 Ba ulita Chubenu kledale ta giti mo ta gbe ma no diali Jesucristo gerua ulitage. Ba ulita me mo ta dbale kwachie ba kle geru gai giti, ba me ta dbale kwachie gerule kwian na ole geru ba kle gai giti, ba ulita mo ta gbale gwangerugu kiraske gerudi, ene ba me mo anblitange, ene kwian geru dollale me ñage ba ta blite nganake.
13 Estejam alertas, fiquem firmes na fé, sejam corajosos, sejam fortes.
14 Diali ba ulita mo ta dbadale no Chube ole kaire ba mo ta dbadale no kwian na ulita ole, ba agedale ulita ta no ole ta giti Chube alin kaire kwian na alin.
14 Que tudo o que vocês fizerem seja feito com amor.
15 Cha bitalla Jesucristo giti una Corintoge, uñale ba ulitage cha jo chke ba jwiage nga kweri kada Acayage geru Jesucristo giti dbe ba ulitaske daba gdaite kada Estéfanas ule mo muingalla ole mo olia ulita ole gwangea Jesucristo gau ulia, chui ege gwangerugu ama ulita mo ta gbu diali lle boi daba Chubenuske daba Chubenu manade Jesucristo geruage daba chudaboi ta gbe chage Jesucristo geruadi.
15 Vocês conhecem Estéfanas e a família dele. Vocês sabem que eles foram os primeiros cristãos convertidos na província da Acaia e que eles têm se dedicado ao serviço do povo de Deus. Peço a vocês, meus irmãos,
16 Cha takalin ba Chubenu ulita daba e gai dage age ama gerule kare Jesucristo gerua giti. Kaire daba na ulita kle lle boi ene baske kle ba chudaboi, ba ama gai dage kaire.
16 que sigam a orientação deles e dos outros que os ajudam e trabalham com eles.
17 Nga suga no no chadi Estéfanas chku aini cha kle ngwadi tienda chadi ule Fortunato ole Acaico ole, ba ulita me ñadu chie ule tienda chadi, agwa daba e gdamai giti cha suge moge ba ulita kle aini cha ole kare.
17 Eu estou alegre com a vinda de Estéfanas, de Fortunato e de Acaico, pois eles fizeram o que vocês, por estarem ausentes, não podiam fazer.
18 Ama gdamai kle cha ole kle cha ta gbe suge tanre kiraske Jesucristo gerua giti ama kle ba ulita ta gbe diali gerudi ama kle ba ole kare. Daba e kare na ulita kle lle boi baske no Chube alin, ba ulita daba ene gadale dage, ba gerudale no ama ole ama kle lle boi no Chube alin baske giti.
18 Eles me animaram muito, e sei que animaram vocês também. Gente como essa merece elogios.
19 Daba ulita aini Chubenu nga kweri Asiage gbi kage ba ulita alin. Daba Aquila ule Prisca ole, kaire daba Chubenu na ulita kle mo lite Aquila ngwadi Chube geruadi gbi no tanre kage ba ulita alin che Chugagwalla Jesucristo giti.
19 As igrejas da província da Ásia mandam saudações. Áquila e a sua esposa Priscila e a igreja que se reúne na casa deles mandam saudações cristãs a vocês.
20 Daba ulita Chubenu aini nga kweri Asiamuge gbi kage ba ulita Chubenu toinga una Corintomuge. Ba ulita gbi kade no no moge ta no ole dabage ulita.
20 Todos os irmãos daqui mandam saudações. Cumprimentem uns aos outros com um beijo de irmão.
21 Cha Pablo kle gbi ai bdagli dege agali mo kodi chada ai giti kage ba ulita alin.
21 Escrevo isto com a minha própria mão: Saudações de Paulo.
22 Kwian gweale me mo ta dbe no che Chugagwalla Jesucristo ole, ulia ma no bdagli kwian ene chege sugekare Chubege chui tangle diali ji chugadale kweri.
22 Quem não ama o Senhor, que seja amaldiçoado! “Marana tá” — Vem, nosso Senhor !
23 Cha takalin che Chugagwalla Jesucristo age no no ba ulita alin.
23 Que a graça do nosso Senhor Jesus esteja com vocês!
24 Cha takalin suge trate ba ulitage cha no no ba ulita ole Jesucristo giti.
24 E que o meu amor esteja com todos vocês, pois estamos unidos com Cristo Jesus!
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 1 Coríntios 16, comparar traduções ou montar um estudo — tudo direto pelo WhatsApp.