Lucas 17
-YBHƐYBHƐTITELRE (NWB) vs ARIB
1 *Zezii ꞌgwɛ-ɛ ꞌꞌyiꞌa popoa ꞌꞌyi, ꞌle ɔ na *ꞌɔ -namʋ -bodɩ: Lɩꞌa -dadudu-u ꞌye-e nyʋ ꞌꞌnyinynidɩnʋnamʋ ꞌꞌtuu -mʋ ꞌꞌkɔmʋkɔmʋ. -Yɔ ꞌꞌtuuꞌa ꞌɔ -bonyunyɔ ꞌya lɛtuꞌa nʋnamʋ, ꞌɔ dɩ-ɩ ꞌye-e ngaze ꞌmʋꞌbhle -mʋ ꞌꞌsɛ!
1 Disse Jesus a seus discípulos: É impossível que não venham tropeços, mas ai daquele por quem vierem!
2 A -gblee, nyɔ -yɔ deꞌa ꞌɩnmʋ ꞌꞌgwli ꞌwa ꞌlaꞌa lɛ -ka ꞌꞌdana, -bho nyɔ -lrɔɔ ꞌbɔ ti ɔ ꞌke ɔ dɩ ꞌꞌyriliꞌꞌmaa ꞌle ɔ ꞌke ꞌan ꞌꞌgwlidedɩ ꞌbhɔ ɔ, -bhladɩ ɔ -see ꞌɛ nʋ ke, ɛ -nmɔꞌɔ-ɔ ꞌꞌyrili ʋn ꞌke ꞌɔ nyɔtu sʋkpʋmua -bluu ꞌzɔ tisɩsan ꞌle ʋn ꞌke ɔ ꞌtɔnni kɔ po.
2 Melhor lhe fora que se lhe pendurasse ao pescoço uma pedra de moinho e fosse lançado ao mar, do que fazer tropeçar um destes pequeninos.
3 A ꞌꞌdu aꞌba ꞌꞌbhi ꞌꞌyrili! -Bho -aꞌa -bonyunyɔ -lue nʋ -ɩnmʋ ꞌꞌnyinynidɩ ꞌꞌlruli, ꞌlɔ ɔ ꞌtɩn ꞌle -ɩn ꞌke ɔ ꞌɛ dɩ ꞌtmʋʋ! ꞌLe, -bho ɔ nʋ: Lɛ ꞌɩn nʋꞌa, ɛ se ꞌꞌyrili-nmɔ ɔ, ꞌbhɔ ꞌɔ ꞌꞌnyinynidɩꞌa dɩ!
3 Tende cuidado de vós mesmos; se teu irmão pecar, repreende-o; e se ele se arrepender, perdoa-lhe.
4 -Bho ɔ -ka -ɩnmʋ ꞌꞌnyinynidɩ ꞌꞌlruli-inʋ -zɔɔ ꞌle ɔ -ka yi, ɔ -ka: ꞌAn ꞌlotʋꞌa ꞌꞌyu, lɛ ꞌɩn nʋꞌa, ɛ se ꞌꞌyrili-nmɔ, nʋ a, ꞌbhɔ ꞌya dɩ!
4 Mesmo se pecar contra ti sete vezes no dia, e sete vezes vier ter contigo, dizendo: Arrependo-me; tu lhe perdoarás.
5 *Zezii poꞌa wlu ti ꞌꞌsɛɛ, ꞌɔ -dalbhomʋ na: -Aꞌba -Kɔyi Zezii, -kpa -amʋ ꞌle -a ꞌke -ɩnmʋ ꞌꞌgwlide tenyɩ.
5 Disseram então os apóstolos ao Senhor: Aumenta-nos a fé.
6 ꞌLe ɔ na: -Bho a de ꞌkɩ ꞌɩnmʋ ꞌꞌgwli -toope, lɛ-ɛ -kmuꞌa ꞌꞌyi ꞌbho nyʋ ꞌweeꞌa ꞌꞌyigbeyi, ɛ -see amʋ wɔnyi ti-nyna yi. Lɛꞌꞌo lɛ-ɛ ꞌye-e amʋ ꞌmʋꞌwɔɔn -mʋ.
6 Respondeu o Senhor: Se tivésseis fé como um grão de mostarda, diríeis a esta amoreira: Desarraiga-te, e planta-te no mar; e ela vos obedeceria.
7 A ꞌye li-ɔ, aꞌba ꞌꞌklumʋꞌa nyɔ -lue ꞌbhle-e ꞌɔ -kpaa ꞌmʋꞌa lbhʋnʋyi, ꞌle, ꞌꞌbhalrɛɛke, ɔ ꞌꞌduꞌo *ꞌbhlabhlɩꞌa ꞌꞌyriliduyi. -Bho ɔ -sɔ lbhʋ ꞌmʋ ꞌle ɔ ꞌke ɔ liꞌye, ɔ nʋ ɔ -bodɩ, yi -a ꞌke li, ꞌnɩ?
7 Qual de vós, tendo um servo a lavrar ou a apascentar gado, lhe dirá, ao voltar ele do campo: chega-te já, e reclina-te à mesa?
8 -Gba! -Ka ɔ-ɔ ꞌlɔ ꞌɔ ꞌꞌyi, ꞌkla-a ꞌka-a: Pi -aꞌba lililɩ, ꞌle, -bho -ɩn ꞌke ꞌan nɛ ꞌɩnmʋ -ya, ꞌɩn ꞌke li a, zizia -aꞌa -banɩ ꞌꞌyi! -Bho ꞌɩn gwɛ ꞌꞌyi-ɔ, -yrɔzaa! ꞌle -ɩn ꞌke -aꞌa nɛꞌɛ linamʋ ꞌkpa.
8 Não lhe dirá antes: Prepara-me a ceia, e cinge-te, e serve-me, até que eu tenha comido e bebido, e depois comerás tu e beberás?
9 Ɛ -se lbhʋ ꞌɔ -kɔyi ꞌꞌnyɩ ꞌɔ ꞌle ɔ nʋꞌa dɩ ɔ -kpʋn-ɛ -glaka ꞌle ɔ ꞌke ɔ ꞌsɛɛ po -ko.
9 Porventura agradecerá ao servo, porque este fez o que lhe foi mandado?
10 A -gblee, -ka -lue ꞌmnɔ ꞌka-a ɛ -nɩꞌe ꞌmʋ aꞌba damʋ. Lɛ -ke dɩ nyɔ ꞌtmʋʋꞌa amʋ, -bho a nʋ ɛ, a ꞌlɛ -kaa aꞌba ꞌꞌbhi ꞌꞌyi: Bhubhuyitiꞌa lbhʋnʋmʋ -aꞌbʋ ꞌꞌduꞌo. -Aꞌba lbhʋ -a ꞌbhleꞌa, ꞌɩnnɛ -a nʋꞌo!
10 Assim também vós, quando fizerdes tudo o que vos for mandado, dizei: Somos servos inúteis; fizemos somente o que devíamos fazer.
11 Ɩ ziꞌa -kaa, *Zezii -sɔꞌɔ ꞌmʋ-ɛ, ꞌle ɔ-ɔ muꞌo Zelizalɛɛmʋ -bhoga. *Samaliibhlʋkpa -ke Galileebhlʋkpaꞌa ꞌꞌduunamʋ, -jolʋ -nɩꞌa ꞌbho, ꞌɩnnɛ ɔ-ɔ bhluꞌo.
11 E aconteceu que, indo ele a Jerusalém, passava pela divisa entre a Samária e a Galiléia.
12 Ɔ nʋꞌa -kaa, ɔ -pa -nɩꞌe-e -gwlɔ -lue ꞌmʋ. Ɛ-bɛ gwlɔ ꞌmnɛ ꞌmʋ, *lalʋlbhamʋ -bue -nɩꞌe ꞌbho, ꞌɩnnʋ mu ꞌɔ -jeyi. Ʋn mu ꞌɔ li-nyni mʋ -sɛ ꞌꞌsɛɛ, ʋn -nynaꞌa-a ti,
12 Ao entrar em certa aldeia, saíram-lhe ao encontro dez leprosos, os quais pararam de longe,
13 ꞌle ʋn-ʋ ꞌlɔ ɔꞌo, ʋn-ʋ nʋꞌo: -Aꞌba -Kɔyi, Zezii, ꞌye -aꞌba ngaze, -ɩn ꞌke -amʋ ꞌpʋʋn!
13 e levantaram a voz, dizendo: Jesus, Mestre, tem compaixão de nós!
14 Zezii nʋꞌa -kaa, ɔ ꞌye -ʋ li, ꞌle ɔ na ʋ -bodɩ: A mu *-Lagɔꞌɔ ꞌsragazamʋ gbo, -ka a ꞌpʋnꞌa a, a ꞌke ʋ -kaa ꞌꞌyi-tɔ. -Ɩn ꞌye li-ɔ, ꞌle ʋn ꞌye ꞌmʋ-sɔ, ʋn ꞌye -jeyi ꞌkpa. Ʋn -nɩꞌa munamʋ, ʋn nʋꞌa -kaa, ʋn ꞌpʋn-oꞌo.
14 Ele, logo que os viu, disse-lhes: Ide, e mostrai-vos aos sacerdotes. E aconteceu que, enquanto iam, ficaram limpos.
15 -Gblee, ʋ-bʋ nyʋ ꞌmnʋꞌa -lue -gbʋꞌa ꞌɔ ꞌꞌbhuo ya a, ɔ ꞌpʋnꞌa a, ɔ ꞌꞌbhitiꞌe-e ꞌꞌyiti, ꞌle ɔ ꞌye Zezii gbo le yi. Ɔ -nɩꞌa yinamʋ, ɔ-ɔ ꞌbhɛɛ-ɛ -Lagɔꞌɔ ꞌnynɩ ꞌꞌyi tenyɩ.
15 Um deles, vendo que fora curado, voltou glorificando a Deus em alta voz;
16 -Gblee, ɔ nyniꞌa Zezii li a, ꞌle ɔ ꞌye ɔ wɔnyi ꞌkolri glu po ꞌle ɔ na: ꞌAn ꞌlotʋꞌa ꞌꞌyu, ꞌɩnmɔ poꞌo -ɩnmʋ ꞌsɛɛ -ka -ɩn ꞌpʋʋnꞌa ꞌɩnmʋ! -Ɩn ꞌye li-ɔ, ɔ-bɔ nyɔ-ɔ ꞌbhleꞌa kpli -nɛɛ, ɔ-ɔ ꞌmo-o *Samaliikɔmʋ ꞌZuifʋ ꞌnyɛꞌɛ ꞌmʋ, ꞌwa -lue.
16 e prostrou-se com o rosto em terra aos pés de Jesus, dando-lhe graças; e este era samaritano.
17 ꞌLe Zezii na nyʋ-ʋ -nɩꞌa ꞌbho -bodɩ: Ʋn -nɩ -bue, ʋn ꞌpʋn-oꞌo ꞌwee, ꞌkla -ko? ꞌLe doo ꞌɔ bha -mɛɛnyiɛ ꞌꞌwe -mnʋʋ -sieꞌa?
17 Perguntou, pois, Jesus: Não foram limpos os dez? E os nove, onde estão?
18 Ɔ-bɔ ꞌlɩkpayi -nɔɔ, -ka ɔ yiꞌa le, ꞌle ɔ-ɔ ꞌbhɛɛꞌɛ -Lagɔꞌɔ ꞌnynɩ ꞌꞌyi, leedɩ ʋ-bee -mnʋʋ -see yi, ʋn ꞌke -kaa nʋ -lrɛɛꞌɛ?
18 Não se achou quem voltasse para dar glória a Deus, senão este estrangeiro?
19 ꞌLe ɔ na ɔ -bodɩ: ꞌAn ꞌlotʋꞌa ꞌꞌyu, -sɔ ꞌmʋ, -ɩn ꞌke -aꞌa ꞌꞌbhli le mu, -aꞌa -Lagɔꞌɔ ꞌꞌgwlideɛ ꞌpʋʋnꞌo -ɩnmʋ-ɛ!
19 E disse-lhe: Levanta-te, e vai; a tua fé te salvou.
20 Ɩ ziꞌa -kaa, ꞌle *Faliziɛɛnꞌɛ -dadudu na *Zezii -bodɩ: -Bhlaaka -Lagɔ ꞌke nyʋ -kɔꞌɔ? ꞌLe ɔ na: Nyɔ se ꞌbhɛɛ ɔ ꞌke ꞌɛ -nɔɔ yibo see. Ɛ -se -ka a-a popoꞌa ꞌgwlʋti, ꞌka-a ɛ ꞌke yi -ko.
20 Sendo Jesus interrogado pelos fariseus sobre quando viria o reino de Deus, respondeu-lhes: O reino de Deus não vem com aparência exterior;
21 Nyɔ -see na: A -gblee, ꞌɩnnɛ -nɩꞌe -laa, -nʋ yi! Ɔ -see ꞌꞌbhalrɛɛke na: ꞌƖnnɛ -nɩꞌe ꞌlelaa, -nʋ yi! A ꞌye li-ɔ, lɛ a ꞌka yibo, ꞌɩnnɛ ꞌka-a: -Lagɔ ꞌꞌdu-o nyʋꞌa -kɔkɔɔ wɔn ꞌle ɛ -nɩꞌe ꞌnɔɔ aꞌba ꞌꞌklumʋ.
21 nem dirão: Ei-lo aqui! ou: Ei-lo ali! pois o reino de Deus está dentro de vós.
22 Ɔ gwɛꞌɛ ꞌle ʋ gboꞌa ꞌmʋzɛɛ ꞌꞌyi, ꞌle ɔ na ꞌɔ -namʋ -bodɩ: -Nɔɔ -lue-e ꞌye-e -nyni -mʋ. -Bho ɛ nyni a, a-a ꞌye-e tiꞌbɔ -mʋ a ꞌke ꞌɩnmɔ *Nyunyɔꞌɔ ꞌꞌYu liꞌye ꞌle zɔ -lue ꞌtɩnꞌa ꞌꞌsɛ ꞌli, ꞌle a -see ꞌɩnmʋ ꞌye yi.
22 Então disse aos discípulos: Dias virão em que desejareis ver um dos dias do Filho do homem, e não o vereis.
23 Ɛ-bɛ -nɔɔ ꞌmnɛ ti, -ka nyʋ-ʋ ꞌyeꞌa amʋ ꞌꞌyiꞌlɛ mʋ, ꞌkla-a ꞌka-a: Zezii ꞌyi-e ꞌnɔɔ ꞌkmʋ ꞌmʋ le. Ɔ -nɩꞌe-e ꞌfɔtɔ -nɛɛ gbo, ɔ -nɩꞌe-e ꞌlelaa. -Bho ʋn -ka -kaa-a ꞌlɛ ɛ, aꞌba mu ꞌle -le!
23 Dir-vos-ão: Ei-lo ali! ou: Ei-lo aqui! não vades, nem os sigais;
24 A ꞌye li-ɔ, -ka -bho ꞌꞌni ꞌwla ꞌꞌyri ya, ꞌle ꞌɛ -wlewle-e cɛꞌɛ yaku -kpoo ꞌꞌkpi, ꞌkla ꞌmnɔ ꞌka-a ꞌɩnmɔ *Nyunyɔꞌɔ ꞌꞌYuꞌa leyiɛ-ɛ ꞌye ꞌmʋ-nɩ mʋ.
24 pois, assim como o relâmpago, fuzilando em uma extremidade do céu, ilumina até a outra extremidade, assim será também o Filho do homem no seu dia.
25 Ɛ -nɩꞌa -kaa, -bho ꞌɩn ꞌke le yi a, ꞌɩn ꞌke ꞌkle ꞌye -antanyɩ moꞌo, ꞌle ꞌtraamʋꞌa nyʋꞌa -dadudu ꞌke ꞌɩnmʋ vu.
25 Mas primeiro é necessário que ele padeça muitas coisas, e que seja rejeitado por esta geração.
26 -Lagɔꞌɔ lbhʋnʋyi -lue ʋn-ʋ ꞌlaꞌa *Nʋe, ꞌlɛ-ɛ ziꞌa ꞌɔ -nɔɔ ꞌꞌyi, ꞌɛ gʋgɔbolɛ-ɛ ꞌye-e -zi -mʋ -lrɛɛ ꞌbho ꞌɩnmɔ *Nyunyɔꞌɔ ꞌꞌYuꞌa leyinɔɔ ꞌꞌyi.
26 Como aconteceu nos dias de Noé, assim também será nos dias do Filho do homem.
27 -Ka ɛ ziꞌa a, ꞌkla-a ꞌka-a: -Nɔɔ -ke ti ꞌꞌni -seeꞌa -bhla ꞌbhlɩkpɩ -za ke, nyʋ-ʋ li-oꞌo, ʋn-ʋ kpaꞌa ꞌnynʋkpakpɩ, ꞌle ꞌꞌbhalrɛɛke nyʋtɔlʋ-ʋ ꞌꞌduꞌo ꞌwa ꞌꞌyreetɩnynʋkpakpɩ nyna. ꞌKa-a ʋn-ʋ nʋꞌo ꞌꞌkɔmʋ, ꞌle ɛ ꞌye Nʋeꞌa batooꞌa ꞌlikpanɔɔ ꞌꞌkpi bhla. Ɩ ziꞌa -kaa, ꞌwa dɩ se ɩ ꞌꞌkpi -nɩ ꞌle ꞌꞌni -zaꞌa ꞌbhlɩkpɩ, ɛ ꞌye ʋ ꞌlbha ꞌwee, ɛ ꞌye ʋ ti-za.
27 Comiam, bebiam, casavam e davam-se em casamento, até o dia em que Noé entrou na arca, e veio o dilúvio e os destruiu a todos.
28 -Ka -lue ꞌmnɔ ꞌka-a, -Lagɔꞌɔ lbhʋnʋyi -lue ʋn-ʋ ꞌlaꞌa *ꞌLɔɔtʋ, lɛ-ɛ ziꞌa ꞌɔ -nɔɔ ꞌꞌyi, ꞌɛ gʋgɔbolɛ-ɛ ꞌye -yi mʋ: -Ka ɛ ziꞌa -lrɛɛ, ꞌkla-a ꞌka-a: Nyʋ-ʋ li-oꞌo, ʋn-ʋ popoꞌo -popo lɩ kwa ꞌmʋ ꞌpɛlʋ, ʋn-ʋ loꞌo lililɩ ꞌle ʋn-ʋ poꞌo -bidi,
28 Como também da mesma forma aconteceu nos dias de Ló: comiam, bebiam, compravam, vendiam, plantavam e edificavam;
29 ꞌle ꞌwa dɩ se -Lagɔꞌɔ dɩ ꞌꞌkpi -nɩ. ꞌƐ dɩ, zɔ -ke ti ꞌLɔɔtʋ -sɔꞌɔ *Sodɔɔmʋgwlɔ ꞌli, nɛ -ke sɩkpɩ-ɩ -smuaꞌa a, ꞌɩnnɩ -Lagɔ -zaꞌa ꞌle yaku ꞌli, ɔ ꞌwlʋ ꞌʋ ꞌꞌlru, ꞌle ɩ ꞌye ʋ ꞌlbha, ʋn ꞌye ꞌmɛ ꞌwee.
29 mas no dia em que Ló saiu de Sodoma choveu do céu fogo e enxofre, e os destruiu a todos;
30 A -gblee, ꞌɩnmɔ *Nyunyɔꞌɔ ꞌꞌYu, zɔ -ke ti ꞌɩn ꞌka le yi ꞌle ꞌan ꞌnynɩꞌa ꞌꞌyibhɛɛɛ ꞌmʋ, ꞌka-a ɛ-ɛ ꞌye -zi mʋ -lrɛɛ.
30 assim será no dia em que o Filho do homem se há de manifestar.
31 -Bho ꞌɛ -nɔɔ nyni a, ꞌꞌbhlegboꞌa -da nyʋ-ʋ po nɩꞌa ꞌꞌzrɔ ꞌꞌjiazɔ ɔ, nyɔ-ɔ ꞌyeꞌa ꞌbho -nɩ mʋ, ꞌɔ pa ꞌle ꞌɔ -budu ꞌli, ꞌɔ ꞌꞌluo ꞌɔ -kɔkɔlɩ ꞌmʋ -le! Ɔ -cɛ -nɩ ꞌbho ɔ ꞌke ple -nalo! -Ka -lue ꞌmnɔ ꞌka-a, nyɔ -yɔ ꞌyeꞌa -kpaa ꞌmʋ -nɩ mʋ, ꞌɔ yi gwlɔ ꞌmʋ, ꞌɔ pa ꞌle ꞌɔ ꞌꞌbhlegbo -le!
31 Naquele dia, quem estiver no eirado, tendo os seus bens em casa, não desça para tirá-los; e, da mesma sorte, o que estiver no campo, não volte para trás.
32 A popo ꞌLɔɔtʋꞌa ꞌnynɔꞌɔ dɩ ꞌgwlʋti, ꞌle, -bho a -ka ple, a -kaa lemʋ -gbʋ ꞌwa ka!
32 Lembrai-vos da mulher de Ló.
33 A -gblee, nyɔ -yɔꞌɔ ziꞌa ꞌɔ ꞌꞌbhuoꞌa tinɩɛꞌɛ dɩ, -ɔ sɩaꞌa ꞌan dɩ kplokplo ꞌle ɛ ꞌke ꞌɔ ꞌmɛnamʋ nyni, ꞌɔ nyɔtu ꞌke ꞌpʋn ꞌbho -Lagɔꞌɔ ꞌꞌyigbeyi. Nyɔ -yɔ ziꞌa ꞌɔ ꞌꞌbhuoꞌa tinɩɛꞌɛ dɩ ꞌle ꞌkmʋ ꞌmʋꞌa lɩ ꞌli, ꞌɔ nyɔtu ꞌke ꞌmɛ ꞌbho -Lagɔꞌɔ ꞌꞌyigbeyi.
33 Qualquer que procurar preservar a sua vida, perdê-la-á, e qualquer que a perder, conservá-la-á.
34 ꞌƖn-ɩ ꞌtmʋʋꞌo amʋ-ɛ, -bho ꞌɩnmɔ *Nyunyɔꞌɔ ꞌꞌYuꞌa leyinamʋ, nyʋ ꞌsɔn-ɔ ꞌye-e -dalue tiꞌpɛ -mʋ. -Lue -yɔ deꞌa ꞌɩnmʋ ꞌꞌgwli, ɔ-ɔ ꞌye-e ꞌmʋꞌꞌluo-ɛ -mʋ, ꞌle, -yɔ -seeꞌa ꞌɩnmʋ ꞌꞌgwlide, ɔ ꞌke ꞌbho -sie.
34 Digo-vos: Naquela noite estarão dois numa cama; um será tomado, e o outro será deixado.
35 ꞌNynʋkpakpɩ ꞌsɔn-ɔ ꞌye-e ꞌbho pinamʋ -plɛ -mʋ. -Yʋ deꞌa ꞌɩnmʋ ꞌꞌgwli, ʋn-ʋ ꞌye-e ꞌmʋꞌꞌluo-ɛ -mʋ, ꞌle, -yʋ -seeꞌa ꞌɩnmʋ ꞌꞌgwlide, ʋn ꞌke ꞌbho -sie. [
35 Duas mulheres estarão juntas moendo; uma será tomada, e a outra será deixada.
36 Nyʋ ꞌsɔn-ɔ ꞌye-e -kpaa ꞌmʋ -plɛ -mʋ, -yɔ deꞌa ꞌɩnmʋ ꞌꞌgwli, ɔ-ɔ ꞌye-e ꞌmʋꞌꞌluo-ɛ -mʋ, ꞌle, -yɔ -seeꞌa ꞌɩnmʋ ꞌꞌgwlide, ɔ ꞌke ꞌbho -sie.]
36 {Dois homens estarão no campo; um será tomado, e o outro será deixado.}
37 ꞌLe ꞌɔ -namʋ na: -Aꞌba -Kɔyi, doo ꞌɛ lɛtu ꞌke -nʋ-ɛ -nɩꞌa? ꞌLe ɔ ꞌye ꞌꞌyi -lue po ꞌle ɔ na: A ꞌye li-ɔ, -ka ꞌwope-e ꞌyeꞌa nmiꞌa ꞌꞌku li ꞌle ɩ-ɩ ꞌꞌcrii ꞌnɛ ꞌꞌkpi a, ꞌle nyʋ-ʋ yiboꞌa -da ɛ -nɩꞌa, ꞌka-a nyʋ ꞌke ꞌɩnmʋ da yibo ꞌbho ꞌan leyinamʋ.
37 Perguntaram-lhe: Onde, Senhor? E respondeu-lhes: Onde estiver o corpo, aí se ajuntarão também os abutres.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar Lucas 17, comparar traduções ou montar um estudo — tudo direto pelo WhatsApp.