2 Coríntios 3
Ẽwandam Iek (NOAE) vs NAA
1 Mag, muan nem jaauwaijã thum nem agchata jaaujeewai ¿pãar jʉ̈g ee mua mʉch wir aig thöwiata mag iekha chirʉmjöo sĩ? ¿Wa mʉchjã warm khʉʉnjö pãar aar ẽsap dʉ̈ita maju aai chirʉ́wa? Mag khabam. Ẽsap chukhu mawiajã ya pãrau mʉ khaphʉ nʉm. Ni warm khʉʉnag mʉchdëujã Ẽwandam iekta jaau chirʉm a khap amkhĩirjã pãar jua eem ẽsapjã igba chirʉm.
1 Estamos começando outra vez a recomendar a nós mesmos? Ou será que temos necessidade, como alguns, de entregar cartas de recomendação para vocês ou pedi-las a vocês?
2 Mʉrʉgan, carta chaarta mʉch dʉ̈i wai chitaju khãyau pãach chi ʉ̈kha nʉm khʉʉnta carta chaarjö nʉm. Mua jaau chitʉm iek ʉ̈khawia Ẽwandam dau na pãar wajapha wënʉrrʉm oowiata carta gaai jaaupʉ̈i nʉmjö õrau khaphʉ naabahab, chadcha mua wajapha Ẽwandam iek jaau chirʉm.
2 Vocês são a nossa carta, escrita em nosso coração, conhecida e lida por todos.
3 Chadcha amau wajapha oo nʉm akhiin, pãar khabahab ich Cristooucha carta phãtarrjö nʉm. Mag cartajö ichdëucha phãtarr aawai plumaau phãtarrjã khaba, sĩi ich Ẽwandam warrgarwe ich mag iiu sĩerrʉm ag Akharauta ẽsap gaai carta phãtarrjö sim. Mag phãkha sĩsimjã sĩi warrgar Moiseeg phã deetarrjö mokdau gaai khaba, pãar thãar eechata phãkha sĩsimjö ajim. Ajapcharan mʉrʉg ich iek jaaupi simua warre pãach thãrauchata ʉ̈khapijim.
3 Vocês manifestam que são carta de Cristo, produzida pelo nosso ministério, escrita não com tinta, mas com o Espírito do Deus vivo, não em tábuas de pedra, mas em tábuas de carne, isto é, nos corações.
4 Mua chadcha mag iekha chirʉm, Ẽwandamauta Cristo gaaimua mʉch iekha chirʉmjã khaphʉ api sĩewai.
4 E é por meio de Cristo que temos tal confiança em Deus.
5 Mag nʉm aig chan mag mʉchdëu nem wau chirʉmjã thum mʉch juapaauta wau chirʉm aba chirʉm. Mua khaphʉ chirʉm, mʉchdëu nem wau chirʉmjã Ẽwandamau juapadam dee simuata waaujem.
5 Não que, por nós mesmos, sejamos capazes de pensar alguma coisa, como se partisse de nós; pelo contrário, a nossa capacidade vem de Deus,
6 Ichdëuta mʉrʉg juapadam deejim, ich chogkhanaa ich garmua õor dʉ̈i aju iek deetarr jaaumkhĩir. Pãrau khaphʉ nʉm, mag i iek iiur mua jaau chirʉm chan warrgar Moiseeu dau daau phã pʉatarrjö khaba aawai pãach thãar ee sĩeichëmjã pãrau pöd ooba aajem. Mag Moiseeu phã pʉatarran dau daau sĩejieb pari magua õor peerdʉ auba aajeejim. Mamʉ ĩs jũrr ag khãai Ẽwandam Akhaar maadëu ooba aajemuata õor peerdʉ aaujem.
6 o qual nos capacitou para sermos ministros de uma nova aliança, não da letra, mas do Espírito; porque a letra mata, mas o Espírito vivifica.
7 Mamʉ Ẽwandamau mokdau gaai phãtarr iek Mooiseeu waibëewai, sĩi ichta edau khĩirjö khĩir bʉ̈ʉmjö bëetarr aawai, israelnaanau pöd i khĩir eerpabajierram aajem, dau khakhaichgau. Mag bëejieb mamʉ ich mag sĩerraag khaba arr aawai ökhar magba pamamua tag bʉ̈ʉ khaba aadëjim aajem i khĩir. Mamʉ pãadë wajapha khĩirjubat. Mag ich Ẽwandamaucha mok gaai phã deetarr iek ajieb mamʉ maach peerdʉ aubaju iek ajim. Mag sim ãba jaaucheewaijã ich wajaugau sĩi mag Moisés khĩir bʉ̈ʉmjö apitarrta,
7 E, se o ministério da morte, gravado com letras em pedras, se revestiu de glória, a ponto de os filhos de Israel não poderem fixar os olhos na face de Moisés, por causa da glória do seu rosto, ainda que fosse uma glória que estava desaparecendo,
8 jãgwia ag khãyau atcha wajaug abaju sĩ ich Ẽwandamau ich Akhaar gaaimua õor dʉ̈i deeu iek deebarmua am peerdʉ auju jaau nʉm.
8 como não será de maior glória o ministério do Espírito?
9 Wajapcharan mag maach peerdʉ aubaju iek jaautarrjã wajapha arr khai, magan ich iek ʉ̈khabaadeewai Ẽwandamau maach kulp chukhu apʉ̈iju jaau nʉmta ag khãai wajapcha sim.
9 Porque, se o ministério da condenação teve glória, em muito maior proporção será glorioso o ministério da justiça.
10 Nacha mag mok gaai phã sĩerr ag ajaug chan ẽudee mag Ẽwandamau maach peerdʉ auju jaau nʉm iek dʉ̈i bʉ̈ʉrjã barba sim.
10 Pois, neste particular, o que era glorioso já não tem mais glória diante da glória atual, que é muito maior.
11 Mag iek phã deetarr wajaugau Moisés khĩir bʉ̈ʉmjö apitarrta õtdaujö ökhar thõmamua chugpatarr khai, magan Ẽwandamau ich Akhaar gaaimua õor dʉ̈i iek deetarrta wajapcha sim, ag khãyau bʉ̈ʉrjã chugpaa khaugba sĩerraawai.
11 Porque, se o que estava desaparecendo teve a sua glória, muito mais glória tem o que é permanente.
12 Mag i iek ʉ̈khabaadeewai Ẽwandamau maach kulp chukhu apäaijemjã wajapha khaphʉ chiraawaita, mʉchdëu jaaum aig warre i iek dawaata jaau chitaajem, iek wajapham aawai.
12 Tendo, pois, tal esperança, agimos com muita ousadia.
13 Moisés Sinaí durrsĩ gaai Ẽwandam dʉ̈i iekha sĩi awia bëewai ich khĩir sĩi bʉ̈ʉmjö thʉnarr ökhar chugpamam israelnaanag oom ugua, ich khĩir gar putiu börr aaujeejim anaabá. Pari ewag paawai mag irua waiberr iek khãai jũrr chi iek iiur pierrumta wajapcha sĩewai mua chan mag i dënjö meerba muan warre dawaata jaaujem.
13 E não somos como Moisés, que punha um véu sobre o rosto, para que os filhos de Israel não pudessem fixar os olhos no fim daquilo que estava desaparecendo.
14 Pari mag Moiseeu ich khĩir appai börr aaujerrta thum israelnaan khĩirjugpata Ẽwandamau mag put eegar börr athamjö ajim. Maguata ewag pawiajã par Ẽwandam iek thʉ̈r nʉmjã pöd khaugba aajem, mag börr simjö sim khecheupʉ̈iba sĩewai. Mag khĩirjugjã putiu börr simjö sim khecheupʉ̈yaagan Cristo iekta thãraucha ʉ̈khaju aai nʉm.
14 Mas a mente deles se endureceu. Pois, até o dia de hoje, o mesmo véu permanece sobre a leitura da antiga aliança; não foi tirado, pois só em Cristo ele é removido.
15 Ĩs ewag pawiajã, mag sĩsidʉm khʉʉnau ich Moiseeu ẽsap phã pʉatarr gaai thʉ̈ʉrwai agtha amachdëu thʉ̈rmamjã khaugba nʉm.
15 Mas, até hoje, quando Moisés é lido, o véu está posto sobre o coração deles.
16 Pari Ẽwandamag amach pekau chugpaapi jëeuwaita mag am khĩirjug putiu börr simjö simjã warre barbapʉ̈imjö aajem.
16 Quando, porém, alguém se converte ao Senhor, o véu é tirado.
17 Warran Ẽwandam warp narrta ya i dʉ̈icha wënʉrrʉmjö nʉm, mag Moiseeu phã pʉatarrau tag phẽethʉgba naawai. Magua mag dich pekau chugpaapi jëeuwain warre ich Ẽwandam Akhaarta wai nʉisiejem.
17 Ora, este Senhor é o Espírito; e onde está o Espírito do Senhor, aí há liberdade.
18 Maguata maach i iek ʉ̈kha durrum khʉʉn chan mag agtha putiu khĩir börr nʉmjö khaba aawai ësphëg dau wajapham ee oo nʉmjöta ich Ẽwandam wajaugjã maach gaaita õrau oo nʉm, maach nem wajapha wau nʉm gaaimua. Mag nʉmua maachin waragta ich Ẽwandam Akharau wajaug paamaawai warag maach Pör Jesujöta paaukhamam.
18 E todos nós, com o rosto descoberto, contemplando a glória do Senhor, somos transformados, de glória em glória, na sua própria imagem, como pelo Senhor, que é o Espírito.
Atalhos do teclado
- Capítulo anterior←
- Próximo capítulo→
- Versículo anteriork
- Próximo versículoj
- Limpar seleçãoEsc
- Esta ajuda?
Estude este capítulo no WhatsApp
Peça à IA da Bíblia Fala para explicar 2 Coríntios 3, comparar traduções ou montar um estudo — tudo direto pelo WhatsApp.