1 महामारी दी धुंकाः परमप्रभुं मोशा व हारून पुजाहारीया काय् एलाजारयात थथे धयादिल,
2 “इस्राएलया फुक्क खलःपाखें निइदँ व वस्वयां च्वय्यापिं लडाइँलय् वनेफुपिं मनूतय्त इमि थथःपिनि परिवारकथं ल्याःखा।”
3 अले मोशा व एलाजार पुजाहारीं यरीहो शहरया उखे यर्दन खुसि सिथय् मोआबया ख्यलय् इमित मुंकाः थथे धाल,
4 “परमेश्वरं मोशायात उजं बियादी थें निइदँ व वस्वयां च्वय्यापिं मनूत ल्याःखा!”
5 इस्राएलया तःधिकःम्ह काय् रूबेनया सन्तान –
6 हेस्रोनपाखें हेस्रोनीतय् वंश,
7 रूबेनीया वंश थुपिं हे खः – इमि ल्याःखाःपिं मनूत ४३,७३० म्ह दु।
8 पल्लुया काय् एलीआब खः।
9 एलीआबया काय्पिं नमूएल, दातान व अबीराम खः। दातान व अबीराम कोरहया पुचःनापं मिलय् जुयाः, मोशा व हारूनलिसे परमप्रभुया विरोध याःबलय् हाः वःपिं खलःया ल्ययातःपिं नायःत खः।
10 पृथ्वीं थःगु म्हुतु चाय्काः इमित कोरह नापं हे नुनाछ्वःगु खः। कोरहया पुचःयापिं २५० म्ह मनूतय्त नं मिं नाश यात। अथे जुयाः इपिं छगू छुमां जुल।
11 कोरहया काय्पिं धाःसा मसी।
12 शिमियोनया सन्तान इमिगु वंशकथं थथे दु –
13 जेरहपाखें जेरहातीतय् वंश,
14 शिमियोनया वंश थुपिं हे खः। इमि ल्याःखाःपिं मनूत २२,२०० म्ह दु।
15 गादया सन्तान इमि वंशकथं थथे दु –
16 ओजनीपाखें ओजनीतय् वंश,
17 अरोदीपाखें अरोदीतय् वंश,
18 गादया वंश थुपिं हे खः। इमि ल्याःखाःपिं मनूत ४०,५०० म्ह दु।
19 एर् व ओनान यहूदाया काय्पिं खः। तर इपिं कनान देशय् दुबलय् हे सित।
20 यहूदाया सन्तान वंशकथं थथे दु –
21 फारेसया सन्तान थथे दु –
22 यहूदाया वंश थुपिं हे खः। इमि ल्याःखाःपिं मनूत ७६,५०० म्ह दु।
23 इस्साखारया सन्तान वंशकथं थथे दु –
24 याशूबपाखें याशूबीतय् वंश,
25 इस्साखारया वंश थुपिं हे खः। इमि ल्याःखाःपिं मनूत ६४,३०० म्ह दु।
26 जबूलूनया सन्तान वंशकथं थथे दु –
27 जबूलूनया वंश थुपिं हे खः। इमि ल्याःखाःपिं मनूत ६०,५०० म्ह दु।
28 योसेफया सन्तान, मनश्शे व एफ्राइमया सन्तान वंशकथं थथे दु –
29 मनश्शेया सन्तान –
30 गिलादया सन्तान थुपिं हे खः
31 अस्रीएलपाखें अस्रीएलीतय् वंश,
32 शमीदापाखें शमीदीतय् वंश,
33 हेपेरया काय् सलोफादया सुं काय् मदु, म्ह्याय्पिं जक दु। सलोफादया म्ह्याय्पिनिगु नां महला, नोअहा, होग्ला, मिल्का व तिर्सा खः।
34 मनश्शेया वंश थुपिं हे खः। इमि ल्याःखाःपिं मनूत ५२,७०० म्ह दु।
35 एफ्राइमया सन्तान वंशकथं थथे दु –
36 शूतेलहया सन्तान थथे दु –
37 एफ्राइमया वंश थुपिं हे खः। इमि ल्याःखाःपिं मिजंत ३२,५०० म्ह दु।
38 बेन्यामीनया सन्तान वंशकथं थथे दु –
39 शूपामपाखें शूपामीतय् वंश,
40 बेलाया सन्तान थथे दु –
41 बेन्यामीनया वंश थुपिं हे खः। इमि ल्याःखाःपिं मनूत ४५,६०० म्ह दु।
42 दानया सन्तान वंशकथं थथे दु –
43 थुपिं सकल शूहामीतय् वंश खः। इमि ल्याःखाःपिं मनूत ६४,४०० म्ह दु।
44 आशेरया सन्तान वंशकथं थथे दु –
45 अले बरीआया सन्तान थथे दु –
46 आशेरया म्ह्याय्या नां सेरह खः।
47 आशेरया वंश थुपिं हे खः। इमि ल्याःखाःपिं मनूत ५३,४०० म्ह दु।
48 नप्तालीया सन्तान वंशकथं थथे दु –
49 येसेरपाखें येसेरीतय् वंश,
50 नप्तालीया वंश थुपिं हे खः। इमि ल्याःखाःपिं मिजंत ४५,४०० म्ह दु।
51 इस्राएलया मुक्क ल्याःखाःपिं मिजं मनूत ६,०१,७३० म्ह दु।
52 परमप्रभुं मोशायात धयादिल,
53 “थुपिं पुर्खातय्त देश सर्बयया निंतिं इमिगु नांया ल्याःकथं इनाब्यु।
54 तःधंगु पुचःयात तःधंगु सर्बय अले चिधंगु पुचःयात चिधंगु सर्बय ब्यु। फुक्कसित इमिगु थःगु सर्बय धलखय् दुथ्याःगु ल्याःकथं बीमाः।
55 देश गोला तयाः इनाकायेमाः। फुक्क पुचःतय्त दइगु अंश इमिगु पुर्खायागु कुलया नांकथं जुइमाः।
56 तःधंगु पुचः जूसां चिधंगु पुचः जूसां इमिगु थथःगु सर्बय गोला तयाः इनाब्यु।”
57 थथःगु वंशकथं ल्याःखाःपिं लेवीया सन्तानत थथे दु –
58 लेवीया कुलया वंशत थथे दु –
59 अम्रामया कलाःया नां लेवीया सन्तान योकेबेद खः। व लेवी कुलपाखें मिश्र देशय् बूम्ह खः। वं अम्रामपाखें हारून, मोशा व छम्ह म्ह्याय् मरियमयात बुइकल।
60 नादाब, अबीहू, एलाजार व ईतामारया बौ हारून खः।
61 नादाब व अबीहू धाःसा परमप्रभुया न्ह्यःने छाये मत्यःगु मि छाःबलय् सिनावन।
62 लच्छि व लच्छिं च्वय्यापिं लेवी मिजंतय्गु ल्याः २३,००० म्ह दु। इमित मेपिं इस्राएलीतलिसें ल्याः मखा, छाय्धाःसा इमित इस्राएलीतय्गु दथुइ छुं सर्बय ब्यूगु मदु।
63 मोशा व एलाजार पुजाहारीपाखें ल्याःखाःपिं थुपिं हे खः। इमिसं इस्राएलीतय्त यरीहो शहरया उखे यर्दन खुसिया सिथय् मोआबया ख्यलय् ल्याः खाःगु खः।
64 मोशा व पुजाहारी हारूनं सीनैया मरुभूमिइ ल्याःखाःपिं छम्ह नं अन मदु।
65 परमप्रभुं उपिं इस्राएलीतय्त मरुभूमिइ धात्थें सिनावनी धकाः धयादीगु खः। अथे जुयाः यपुन्नेया काय् कालेब व नूनया काय् यहोशू बाहेक उपिं मध्ये छम्ह नं मिजं म्वानामच्वं।