1 अले बिल्दद शुहीनं थथे धकाः लिसः बिल,
2 “छि गुबलय् तक नवानाच्वनादीगु?
3 जिमित छाय् पशुयात थें व्यवहार याइगु?
4 तंम्वय् थःम्हं थःत कुचा कुचा यानादीम्ह,
5 धात्थें दुष्टयागु मतःयात स्याइ।
6 वयागु पालय् जः खिउँसे च्वनी,
7 वयागु तुति पलाःया शक्ति कमजोर जुइ।
8 वयागु तुतिं वयात जालय् घ्वानाछ्वइ,
9 जालय् वयागु तुति तक्यनी,
10 वयागु लागि स्वःतिपाँय् बँय् सुचुकातःगु दु।
11 वयागु छचाःखेरं आतंक दइ,
12 वयागु बल नये पित्यागुलिं कम जुइ,
13 ल्वचं वयागु छेंगूयात नइ,
14 वयागु छेँयागु सुरक्षां नं वयात साला लिकाइ,
15 वयागु पालय् मि बाय् च्वनी,
16 वयागु क्वय्पाखेयागु हा गनावनी।
17 पृथ्वीं वयागु लुमन्ति तनावनी।
18 वयात जःपाखें खिउँगुलिइ लिनाछ्वइ,
19 थःमनूतय्गु दथुइ वया थः सुं सन्तान मदु।
20 पच्छिमयापिं मनूत वयागु अवस्था न्यनाः थारान्हुइ,
21 मभिंगु ज्या याइपिनिगु छेँ थथे हे जुइ।